Colombia

Colombia

Cumprimentu
- Total
- 8,8% augua

Posición 26ª
1.141.748 km²

Puebración
- Total (2016)
- Densiá

Puestu 28º
48 747 632
42,7 ab/km²

PIB
- Total (2005)
- PIB/capita

Posición 37ª
240.564 millonis e US$

Monea

Pesu Colombianu

Inu

Himno Nacional de la República de Colombia

Dominiu d'Internet

.co

Códigu telefónicu

+57

Biembru de: UNASUR, ONU, OEA, CAN, FLAR, Mercosur, UL, ABINIA, Oiea, BCIE, OEI, FAO, G-3, G-77, Grupo de Río, IADB, IBRD, ICAO, IFAD, CFI, IFRCS, OMS, OIT, FMI, IMO, Interpol, ISO, ITU, NAM, OPANAL, UNCTAD, Unesco, UNHCR, UNIDO, UPU, OMS, WIPO, WMO, OMC OMT, AEC.

La Repúbrica de Colombia es un país d'América el Sul. Los sus arrayus son al noroesti con Panamá, al sulesti con Brasil al sul hazi arrayu con Perú i Equadol, al noresti con Veneçuela, al norti cona Mari Caribi i a ponienti con el Océanu Pacíficu. La su capital es Bogotá.

Etimologia

El nombri Colombia hue ideau por el veneçolanu Francisco de Miranda, considerau El Precusol de la endependencia de las colonias americanas, pa denominal la union de las atualis repúbricas d'Equadol, Colombia i Veneçuela, en omenajie a quien descubrió América, Cristóbal Colón. El apelliu de Colón (Colombo) provien a la su vezi del latín columbus, que senifica palomu, machu de la paloma (en latín columba), animal que semboliza la pas. El 15 hebreru de 1819, duranti el Congresu d'Angostura, hue procramau el Estau que adotó el nombri de Repúbrica de Colombia, conociu ogañu comu Gran Colombia pa evital confusionis cona Colombia atual, con soberania sobri los territorius del antiguu Virreinatu de Nueva Graná, Quitu i Capitania General de Veneçuela. El nombri hue propuestu por Simón Bolívar ena Carta de Jamaica.

Estoria

Enantis la llegá los españolis nel territoriu albondu puebrus deferentis. A prencipius del sigru XVI escomiença la coloniçacion española i en 1550 se hunda la Real Audiencia de Santa Fe de Bogotá. Nel sigru XVIII se holma el Virreinatu de Nueva Graná, asiajau polos atualis estaus de Colombia Veneçuela i Equadol. Cona envasion francesa d'España escomiençan las runchas pola endependencia. Cona endependencia de Cartagena d'Indias se holman dos gobielnus endependientis en guerra entri ellus (la hucheá comu Patria Boba). Los españolis reconquistarun el país peru grácias a las acionis melitaris Simón Bolívar en 1819 se consigui la endependencia definitiva. Se crió assina la Repúbrica la Gran Colombia que unia a los ogañoti estaus de Panamá, Equadol Veneçuela i Colombia. Finalmenti, esta union acabijó en 1831. Duranti tol sigru XIX Colombia va a sel un país mu enestabli, con albondu guerras cevilis. En 1903, Panamá se desepara del país. Duranti el sigru XX esta tendéncia continuó, con problemas, comu la enestabiliá, el narcotráficu i la guerrilla provocá por grupus paramelitaris comu las FARC.

Atijus

En Commons ai conteníu multimedia sobre Colombia.

Paisis d'América