Día delas Lenguas d’Estremaúra
| Día delas Lenguas d’Estremaúra | ||
|---|---|---|
 | ||
| Tipo | evento cultural | |
| Ubicación | Estremaúra | |
| País | España | |
| Comienzo | 2018 | |
| Organizador | OSCEC y Junta d'Estremaura | |
El Día delas Lenguas d'Estremaúra es un día endedicau a dal visibilidá, celebral, valoreal i revindical las luengas propias d'Estremaúra. Conta con talleris, mesas reondas, chalras, debatis, desconciertus i está apreparau pol OSCEC i la Junta.
Estoria
[adital | adital cóigu]La primel ves que se celebró hue en Sa Martín de Trevellu nel 2018,[1][2] col ojetu de revindical el patrimoñu lengüísticu estremeñu.[3] Dendi antoncis, el rehuíju á acorríu destintas localidais comu La Serraílla nel 2019,[4] La Cosera nel 2020,[5] Valencia d'Alcántara nel 2021, As Ellas pal 2022, Caçris pal 2023, Don Benitu nel 2024[6] i Prasencia nel 2025.[7]
El rehuíju hue apuchau primeramenti pol Órganu de Siguimientu i Cordinación de l'Estremeñu i la su Coltura (OSCEC), col sostribu delos ayuntamientus locais i dendi'l 2024, tamién col sostribu dela Junta d'Estremaúra, pa dal visibilidá alas luengas estremeñas, que sonin el estremeñu, A fala del Val de Xálima i el purtugués raianu.[8] El su celebramientu se hazi envera'l celebramientu del Día Uropeu delas Lenguas, que se celebra dendi'l 2001 el día ventisseis de setiembri de ca añu.[9]
Ojetivus
[adital | adital cóigu]Esti rehuíju precura de dal cumprimientu ala Costitución Española, que nel su artícalu tres, assenta que: la riqueza de las distintas modalidades lingüísticas de España es un patrimonio cultural que será objeto de especial respeto y protección.[10] Assina comu de dal cumprimientu al Estatutu d'Utonomía d'Estremaúra, que nel su artícalu nuevi assenta la proteción delas moalidais lengüísticas propias dela región. I tamién pa dal cumprimientu cona Carta Uropea delas Lenguas Regionais i Amenuías.[11][12]
Las tres luengas estremeñas están reconocías pola UNESCO comu luengas en paragi de destinguición. Se valorea qu'el estremeñu es palrau por al reol de diés mil pessonas, A fala por al reol de seis mil pessonas i el purtugués raianu por al reol de dos mil pessonas. Nel 2024 el Conseju d'Uropa recramó alas estitucionis púbricas españolas, la proteción de l'estremeñu, col declaramientu polo menus de Bien de Interés Cultural (BIC), de A fala i del purtugués raianu n'Estremaúra.[13][14]
Celebramientu
[adital | adital cóigu]En ca rehuíju ain atividais comu:
- Chalras i mesas reondas pola sitación delas luengas amenuías.[15]
- Talleris de luenga, música i coltura.[16]
- Actus estitucionais cona entriega del Premiu Lenguas d'Estremaúra a pessonas destacás nel defendimientu del patrimoñu lengüísticu.[17]
- Desconciertus i atuacionis musicais enas lenguas d'Estremaúra.[18]
Premiu Lenguas d'Estremaúra
[adital | adital cóigu]- 2024 Juan Carlos García Hoyuelos, potetista i difundiol coltural.[19]
- 2025 Carles Mulet Garcia, pola su lavol nel defendimientu delas luengas amenuías.[20]
Guipal tamién
[adital | adital cóigu]- Día delas Letras Estremeñas.
- Oscec. Órganu de Siguimientu i Cordinación de l'Estremeñu i la su Coltura.
Referencias
[adital | adital cóigu]- ↑ Conde, Jesús (10 de juñu del 2018). «Alvertíus entrenacionais respaldan a l'Estremeñu comu una luenga.». ElDiario.es. Consultado el 30 de setiembri del 2025.
- ↑ CAÇRIS, EUROPA PRESS (16 d'abostu del 2018). «La provincia celebra el sábau el primel día delas luengas estremeñas.». El Periódico Extremadura. Consultado el 30 de setiembri del 2025.
- ↑ «I Día delas Lenguas d'Estremaúra - Esperencia en Sa Martín de Trevellu.». www.extremadura.com. Consultado el 30 de setiembri del 2025.
- ↑ MARCOS, MIGUEL ÁNGEL (12 d'abostu del 2019). «Serraílla celebrará el sábau el II Día delas Lenguas d'Estremaúra.». Hoy. Consultado el 30 de setiembri del 2025.
- ↑ Redación Canal Estremaúra (17 d'otubri del 2020). «La Cosera visibiliza la muestra riqueza lengüística.». Canal Extremadura. Consultado el 30 de setiembri del 2025.
- ↑ «Don Benitu acogerá esti sábau el sétimu Día delas Lenguas Estremeñas.». OndaCero. 20 de setiembri del 2024. Consultado el 30 de setiembri del 2025.
- ↑ «Prasencia acogi'l VIII Día delas Lenguas d’Estremaúra con talleris i el desconciertu de Sanguijuelas del Guadiana.». www.plasencia.es. 05 de setiembri del 2025. Consultado el 30 de setiembri del 2025.
- ↑ «La Junta apucha'l Día delas Lenguas Estremeñas.». www.extremadura.com. Consultado el 30 de setiembri del 2025.
- ↑ STIC.CEyE.juntaex. «Educarex - Día Uropeu delas Luengas.». educarex.es. Archivado desde el original el 5 de octubre de 2023. Consultado el 30 de setiembri del 2025.
- ↑ «BOE-A-1978-31229 Costitución Española.». www.boe.es. Consultado el 30 de setiembri del 2025.
- ↑ «El VI Día delas Lenguas d'Estremaúra peirá el cumprimientu de l'Estatutu i apuchal las moalidais dela palra.». OndaCero. 22 de setiembri del 2023. Consultado el 30 de setiembri del 2025.
- ↑ Caro Moreno, Pablo (03 d'otubri del 2024). «Uropa píi promovel i afial las luengas estremeñas - EFE.». EFE Noticias. Consultado el 30 de setiembri del 2025.
- ↑ «Don Benitu celebra el Día delas Lenguas d'Estremaúra, un legau coltural que da entidá ala región.». Canal Extremadura. 21 de setiembri del 2024. Consultado el 30 de setiembri del 2025.
- ↑ Luceño Barrantes, Lola (03 d'otubri del 2024). «Uropa píi la reconocencia de l'estremeñu i la su presencia enas crassis i enos meyus de comunicación.». El Periódico Extremadura. Consultado el 30 de setiembri del 2025.
- ↑ «El VII Día delas Lenguas d'Estremaúra será una encontrança pa celebral la diversidá lengüística - Degital Estremaúra.». 19 de setiembri del 2024. Consultado el 30 de setiembri del 2025.
- ↑ Meneses, Mónica (06 de setiembri del 2025). «Prasencia celebrará'l Día delas Lenguas d’Estremaúra con Sanguijuelas del Guadiana.». El Periódico Extremadura. Consultado el 30 de setiembri del 2025.
- ↑ Redacion Canal Estremaúra (27 de setiembri del 2025). «Prasencia acogi pola primel ves el Día delas Lenguas d'Estremaúra.». Canal Extremadura. Consultado el 30 de setiembri del 2025.
- ↑ Karok-JA (09 de setiembri del 2025). «El Coraçón d'Estremaúra Briva: Prasencia se Converti nel Centru del Día delas Lenguas Estremeñas.». Norte de Extremadura. Consultado el 30 de setiembri del 2025.
- ↑ Ayuntamientu de Don Benitu (19 de setiembri del 2024). «Don Benitu acogi'l celebramientu regional del Día delas Lenguas d'Estremaúra.». Consultado el 30 de setiembri del 2025.
- ↑ Redación Revista Grá (26 de setiembri del 2025). «Carles Mulet acebi'l Premiu Lenguas d’Estremaúra 2025.». Revista Grada. Consultado el 30 de setiembri del 2025.
Atijus p'ahuera
[adital | adital cóigu]- Vidiu del VIII Congressu delas Luengas Día delas Luengas estremañas.
- VIII Día delas Lenguas d'Estremaúra Que se celebró el ventissieti de setiembri.
- Día delas Lenguas d'Estremaúra En Prasencia.
- OSCEC Órganu de Siguimientu i Cordinación de l'Estremeñu i la su Coltura.
- Junta de Extremadura Web Juntaex.es.