Diego de Torres Villarroel
| Diego de Torres Villarroel | ||
|---|---|---|
.jpg) | ||
| Información pressonal | ||
| Nacencia |
Juñu de 1694 o Juñu de 1693 Salamanca (Corona de Castilla) | |
| Muerti |
19 de juñu de 1770 Salamanca (Reino de España (1700-1873)) | |
| Nacionalidá | Española | |
| Educación | ||
| Educau en | Nuversidá de Salamanca | |
| Información prehessional/profissional | ||
| Oficiu | Escrevienti, matemáticu, poeta, dramaturgo, meicu, catedrático y novelista | |
| Empreaol | Nuversidá de Salamanca | |
Diegu de Torres Villarroel (1693 – 19 d’abostu de 1770) fue un escrebiol estremeñu, poeta, dramaturgu, dotol, matemáticu, preisti i professol dela Nuversidá de Salamanca. La su obra más conocía es la su autobiografía, Vida, ascendencia, nacencia, criança i aventuras del Dotol Don Diegu de Torres Villarroel (publicá pol primel vezi en 1743).
Via
[adital | adital cóigu]Villarroel tuvu nacencia en Salamanca i fue bautizáu el 18 d’abostu de 1694. El su pairi fue un libreru probi i la su mairi fue la ija dun pañeru. Dendi una enseñanza elemental, contiñó estudiandu Latín con Juan González de Dios, qu’enantis sel professol d’umaniáis ena Nuversidá de Salamanca. Villarroel s’apuntó al Colegio Trilingüe en Salamanca. Nostanti, n’essi momentu el moçu Villarroel tenía poca afición por l'aprendiçaji i la su conuçuta trempesá i esmolecióra li traxun problemás colas autoriáis. Fue solu quandu escomençó a leyel los librus ena tienda del su pairi qu’atopó afición polas matemáticas i la astrolohía.
Villarroel estava en tanta desonra colas autoriáis del colegiu que decidiu ahorral pa Portugal ondi llevó una vida aventurera ena qual fue, pol tumu, ermitañu, mestru de baili, alquimista, matemáticu, soldau, toreaol, estudianti de meicina i astrólogu. Nel su regresu a Salamanca, s’asentó pun programa seriu de leyel librus de céncia, magia i matemáticas, mentris que se ganaba la vida publicandu almanaquis i previsiónis anuális col pseudónimu de "El Gran Piscator de Salamanca". En 1724, previu con éssitu la muerti del moçu Rei Luis I.
En 1723 se mudó a Mairil óndi hizu muchas amistaís enfluyentis. Estudió meicina i se graduó ena ciá d’Ávila. De nuevu en Madri, se hizu tan probi que decidií dedicar-si al contrabandu pa ganal dineru, peru fue salváu pol mecenazgu dela Condessa d'Arcos.
Dendi unus cuantus anus, Villarroel regressó otra vezi a Salamanca óndi enteró-si de que la cátedra de matemáticas ena nuversidá estava vacanti i decidiu solicitál el puestu. Venció fácilmenti al su únicu rival i fue nombráu professol, inque el su conocimientu dela materia era inda elemental.
En 1732 Villarroel fue desterráu d’España pol ayual al su amigu Don Juan de Salazar nun enreu qu’acabara en violéncia. Los dos tentaran d’escapal pa Fráncia peru fuerun de vuerta a España pa enfrental-si a las consequencias. Villarroel passó el su destierru en Coímbra, Portugal, ata qu'un decretu real le permitió regressal a Salamanca en 1734. Dendi entóncis dedicó el su tiempu al su puestu ena nuversidá, a escrebil varias obras i a visital assiduamenti Mairil, óndi conoció a la Duquessa d'Alba. En 1743 publicó los primelus quatru capítulus de la su autobiografía, que goció dun déssitu enormi (el capítulu quintu apareció algotrus anus enantis de 1752 i el sestu en 1758).
En 1750 se le permitió retiral-si con una pensión por decretu rial. La su vida se tornó mucho más tranquila i en 1752 espublicó una edición completá delas sus obras por suscrición pública. Estu fue mui inusual pala epoca i atestigua la popularidá de Villarroel comu autol. Murió el 19 d’abostu de 1770 a la eá de 77 anus.
Enfluju dela luenga leonesa
[adital | adital cóigu]Torres Villarroel gastó elementus dela luenga leonesa en varias delas sus obras.[1] De hechu, los prefixus leonesis comu "peri" (más), las palataliçaciónis (llo, lla, llas), las hormas verbális comu "jicioren" (hicieron), "salioren" (salieron) o "dixioren" (dijeron) apaecin a menu nel su labutu.[2]
Obra
[adital | adital cóigu]Villarroel tenía una opinióin probe del su propiu conocimientu de matemáticas i céncia, un resultáu dela baxa caliá dela enseñanza disponible n’España ena su epoca. Comu escrebió: "Conocía bien la mi inorancia i çegueira mentris que anaba a tentas polas cayejuelas dela mi profissión. Peru tamién conocía que estava ena tierra delos ciegus, pos España yazía so una escuridá tan temerária que en nenguna escuela, colegiu ni nuversidá en denguna delas sus ciáis abía un indibíduu capaç d’encendel una lámpara pol meyu dela qual un pudiera buscal los elementus destas céncias. Nel país delos çegus, el tuertu es rei" (citáu por Atkinson, páhina 24).
Ogañu Villarroel es más conocíu comu escrebiol. En vinti anus recibió más de 2.000 ducaus al añu. Fue un autor prolíficu i populal en abondus temas con un estilu modeláu nel de Francisco de Quevedo, cuius Sueños (visionis satíricas del Inhiernu) imitó en los sus Sueños morales, visiones y visitas de Torres con D. Francisco de Quevedo por Madrid (1727–1751).
Escribió Los desdichados del mundo y la gloria (1737). Tamien escrebió poemas i obras de teatru, peru la su obra más emportanti es el su relatu picarescu dela su propiu vida, tituláu Vida, ascendencia, nacencia, criança i aventuras del dotol don Diego de Torres Villarroel (1743, con añadius posterioris), deviiu en seis capítulus, caún tratandu una décaa dela su vida.
Tamien escrebió obras científicas comu Anatomía de lo visible e invisible de ambas esferas (1738) i obras sobras las vidas de santus (p. ej., Vida de Sor Gregoria de Santa Teresa) i poetas (Vida de Gabriel Álvarez de Toledo).
Villarroel hue un autor favoritu del moçu Jorge Luis Borges.
Lista d'obras
[adital | adital cóigu]Obras de Torres (1752)
Vida, ascendencia, nacencia, criança i aventuras del dotol don Diego de Torres y Villarroel (1743)
Sueños morales, visiones y visitas de Torres con D. Francisco de Quevedo por Madrid (1727–1751)
El ermitaño y Torres (1752)
Correo del otro Mundu al Gran Piscátor de Salamanca : cartas respondidas a los muertos por el mesmu Piscátor.
Los desahuciados del mundo y de la gloria (1737)
El duende.
Noticia de las virtudes medicinales de la Fuente del Caño de la villa de Babilafuente.
Usos y provechos de las aguas de Tamames y baños de Ledesma.
Viaje fantástico del Gran Piscátor de Salamanca / por su author el Bachiller Don Diego de Torres.
Visiones y visitas de Torres con don Francisco de Quevedo por la Corte.
Conversaciones Physico-Médicas y Chímicas de la Piedra Filosofal. (1752)
Poesía
El presente sigru
Sonetus
A una dama
A la memoria de D. Juan Domingo de Haro y Guzmán
Céncia de los cortesanos de esti sigru
Confusión y vicius de la Corti
¿Quandu vendrá la muerti?
Cuenta los passus de la vida
Engulle el poderosu rica sopa
Escribe a Lesbia ausenti
Pagu que da el mundu a los poetas
Respuesta a Filis
Vida bribona
Referéncias
[adital | adital cóigu]- ↑ López Morales, "Elementos leoneses en la lengua del teatro pastoril de los siglos XV y XVI". 1967
- ↑ Menéndez Pidal, R.: El Dialecto Leonés. 1906
Huentis
[adital | adital cóigu]- The Remarkable Life of Don Diego, tradución dela autobiografía de Villarroel por William C. Atkinson (Folio Society, 1958)
- Prantilla:Cite EB1911