Dodoma
| Dodoma | ||
|---|---|---|
| Capital de Tanzania | ||
 Central Dodoma
| ||
|
Prantilla:Mapa de localización Localización de Dodoma en Tanzania | ||
|
Prantilla:Mapa de localización Localización de Dodoma en África | ||
 Ubicación de Dodoma | ||
| Coordenadas | 6°11′01″S 35°44′46″E / -6.1835, 35.746 | |
| Entidad | Capital de Tanzania | |
| • País | Prantilla:Geodatos Tanzánia | |
| • Región | Dodoma | |
| • Distrito | Dodoma | |
| Alcalde | Francis Mazanda | |
| Superficii | ||
| • Total | 418 km² | |
| Altol | ||
| • Media | 1120 m s. n. m. | |
| Puebración (2012) | ||
| • Total | 410 956 hab. | |
| • Densidá | 82,93 hab/km² | |
| Huso horario | UTC | |
| Sitio web oficial | ||
Dodoma (literalmenti «s'á hundeau» nel Idioma cigogo), oficialmenti, Destritu Urbanu de Dodoma, es la capital nacional de Tanzania, la tercera ciá más grandi del país, i tamién la capital dela Región de Dodoma.
Abundu del diseño inicial de Dodoma no llegó a buen fin ata el sigru XXI. En mayu de 2023, el gobiernu nacional bajo la presidenta Samia Suluhu destapó la nueva Casa d’Estau en Dodoma nun eventu estóricu marcandu el treslau delos quehazis del gobiernu ala ciá. Como resultau, Dar es-Salaam á sobrevivíu como la capital comercial i mari de Tanzania, mientris tamién mantien la casa d’estau Ikulu i un númiru de huncionis gubernamentales.
Origin etimológicu
[adital | adital cóigu]El nomi Dodoma provien del términu idodomya, pertenecienti al idioma cigogo, una luenga bantú palrá ena región central de Tanzania. El términu senifica literalmenti «s'á hundeau».
Sigún una tradición oral local, el nomi s'originó quandu un Elefanti ententó bevel augua dun riachuelu ena zona i quedó entrillau nel lodu, hundiéndu-si progressivamenti. Anti el hechu, los poblaoris esclamun ¡idodomya!, i dendi altonci, el lugal fue conocíu con essi nomi, que posteriormenti evolucionó fonéticamenti ata hazel-si Dodoma.
Geografia
[adital | adital cóigu]Ubica ena coordonás 6°15' S, 35°45' E, nel centru del país, la ciá s'atopa a 486 kilómetrus al oesti dela antigua capital, Dar es Salaam, i a 441 kilómetrus sul d'Arusha, la sei dela Comunidá Africana Oriental. Conforma un área de 2669 kilómetrus quadraus delos qualis solu 625 kilómetrus quadraus están urbanizaus.
Climi
[adital | adital cóigu]Dodoma tien un climi semi-rascu con temperaturas calientis ata calurosas duranti tol añu. Mentris que las máissimas meyas son un poquinu egualis duranti tol añu , las ménimas meyas aballan ata los 13 °C (55.4 °F) nel mes de juliu. Dodoma tini una meya de 610 milimetrus o 24 pulgadas de lluvia pol añu , cuya gran mayoría aconteci duranti la su estación de lluvias entri diciembri i abril. El restu del añu comprendi la estación seca dela ciá.
| Datus climáticus de Dodoma (1971–2000) | |||||||||||||
|---|---|---|---|---|---|---|---|---|---|---|---|---|---|
| Mes | ene. | feb. | mar. | abr. | may. | jun. | jul. | ago. | set. | oct. | nov. | dic. | Añu |
| Récor de máximas (°C) | 35.3 | 36.0 | 33.5 | 32.7 | 32.9 | 31.7 | 31.1 | 34.1 | 33.8 | 36.1 | 36.0 | 36.4 | 36.4 |
| Mediá de máximas (°C) | 29.4 | 29.4 | 29.0 | 28.7 | 28.0 | 27.1 | 26.5 | 27.3 | 29.0 | 30.5 | 30.1 | 30.4 | 28.8 |
| Mediá de mínimas (°C) | 18.6 | 18.6 | 18.3 | 17.9 | 16.5 | 14.4 | 13.6 | 14.2 | 15.3 | 16.9 | 18.3 | 18.8 | 16.8 |
| Récor de mínimas (°C) | 15.7 | 16.2 | 14.9 | 14.9 | 10.3 | 8.9 | 7.6 | 9.3 | 11.1 | 13.0 | 14.4 | 14.4 | 7.6 |
| Precipitación (mm) | 133.7 | 144.5 | 113.9 | 57.8 | 5.3 | 0.1 | 0.03 | 0.01 | 0.01 | 2.08 | 26.25 | 123.28 | 606.96 |
| Días de lluvia (≥ 1,0 mm) | 10 | 9 | 7 | 5 | 1 | 0 | 0 | 0 | 0 | 0 | 2 | 7 | 41 |
| Humidá relativi (%) | 66 | 68 | 70 | 68 | 63 | 60 | 59 | 58 | 55 | 53 | 55 | 63 | 62 |
| Fontis: Organización Meteorolóxica Mundial[1]; Deutscher Wetterdienst (temperaturas absolutas i humidá)[2]. Datus compiláus n'agostu de 2010. | |||||||||||||
Estoria
[adital | adital cóigu]
Sigru XX
[adital | adital cóigu]D'origin era una puebración de mercau chiquinina conocía como Idodomya, la Dodoma moerna fue fundá en 1907 polas colonus alemanis duranti la construción del Ferrocarril Central de Tanzania. El diseño siguió el praniamentu colonial típicu d'aquessi tiempu cun cautu uropeu separau d'una ardea nativa.[3]
En 1967, endispués dela endependencia, el gobiernu convidó ala empresa canadiense Project Planning Associates Ltd. a dibuhal un pran maestru pa ayual a controlal i Sohnal la qu'era antoncis capital del país, Dar es-Salaam, qu’estaba pasandu pun urbanismu i una crecencia dela puebración mu ligerus. El pran se canceló en 1972, en parti pol no poel ruspundel bien alas problemas estóricus i socialis de la ciá.[4]
En 1974, endispués dun referéndum nacional del partíu, el gobiernu de Tanzania anunció qu'esa capital sedríe mudá dendi Dar es-Salaam a un sitiu más central pa crial mejoras socialis i económicas emportantis pola región central i pa centralizal la capital drentu del país.[5] El costu s'estimó en 186 millonis de libras i se pensó que tardaría 10 añus. El lugal, la región de Dodoma, se fía mirau como duna possibri nueva capital dendi tan dantis como 1915 pola potencia colonial d'antoncis, Alemaña, en 1932 polos británicus como un Mandatu dela Sociedá de Naciones i otra vezi ena Asamblea Nacional de Tanzania dendi la endependencia en 1961 i 1966.[6][7]
Cuna ciá ya hecha nuna encrucihá emportanti, la región de Dodoma tenía un climi prestosu, sitiu pal desenvolvimiento[8] i estaba assitidá nel centru geográfica dela nación. El su assitiamientu nun entornu rural se vía como el coraçón del ujamaa i pol tantu apropiau pa una capital ujamaa que pudiesi vel i aprendel delas ardeas vizinas i mantenel una relación cercana cola tierra.[7][9]
Una nueva capital se vía como una alternativa más rindiブリ dende el puntu de vista económicu que prebal a reorganizal i restructurar Dar es-Salaam i s’idealizó como una horma de desviul el desenvolvimiento de la concentración continua nuna sola ciá dela costa que se vía como lo opuesto al pesqui del gobiernu de uniá socialista i desenvolvimiento.[7] Los objetivus pala nueva capital encluían: qu’esta ciá se convirtiera nun símbolu delos valoris socialis i colturalis i de las aspiracionis de Tanzania; que la huncion de ciá capital se completara cun desenvolvimiento endustrial-comercial; i qu’estos marrus i caraterísticas del praniamentu colonial i delas ciais grandis moernas, assín como las densidáis de puebración por demás, la contaminación i los atascos, se pudieran evital.[4]
L'Autoridá pal Desenvolvimiento dela Capital (CDA) convidó a tres empresas enternacionales a presental propuestas pal mehol assitiamientu i la preparación dun pran maestru: Project Planning Associates Ltd., de Canadá; Doxiadis Associates International, de Grecia (que fían trabajau ena nueva capital de Paquistán, Islamabad); i la Engineering Consulting Firms Association, de Japón. Una cuarta empresa d’Alemaña presentó una propuesta sin habel siu convidá.[7]
El ganador, decidiu pola CDA dambos dos con consultoris americanus endependientis, fue Project Planning Associates, los mesmus consultoris canadienses cuyo pran pa Dar es-Salaam se fía vistu como insuficiente i que no respondía bien alas condicionis localis i de quehazis pala ciá más grandi de Tanzania.[7] El su pran pensaba nuna ciá de 400.000 pressonas pal añu 2000 i 1,3 millonis pal 2020.[9]
Capital oficial dendi 1996, Dodoma se pensó como la primera ciá capital no monumental en contra dela monumentalidá i jerarquía d'otras ciais capitalis praneás como Abuya, Yamoussoukro, Brasília i Washington, D.C. Rechazó hormas geométricas como el pran de rejilla i los pranis radialis pol consideralus inapropiaus, ya que la horma urbana tenía el pesqui de ondual i curvassi cola topografía que ya había i no en polvoreu con ella, pa mantenel el su sintil rural de ujamaa. Como convenía al desenvolvimiento de Tanzania n'aquessi tiempu, el coche se veía como algo secundariu en emportancia frenti al tresporti púbricu como los autobuses que gastaba antoncis la mayoría dela puebración.[9]
En 1974, Dodoma tenía una puebración de 40.000 pressonas i fue escuquiyá como el sitiu de la nueva capital en lugal delas cercanías de Hombolo o Ihumwa. El grandol dela puebración que había no se vio como un estafermu, mientris qu’esta infraestructura que ya existía achicaría los costus de construción.[7]
La ciá, diseñá sobri 2.500 acris, debía sel "la prencipal ardea nuna nación de ardeas", construía a una escala humana hecha pa sel viviá a pata. Los sus prencipius básicos siguin el moelu de Ciá jardín d'una puebración assitidá nun jardín con zonas verdes separandu zonas segregás palos residentis i la endustria.
Como parti del treslau del gobiernu, se pensó nun compleju del capitoliu i los diseñus d’equipus enternacionales ofrecierun visiones i versiones en polvoreu del assitiamientu i diseño dun compleju del capitoliu. Estas propuestas, unas pagás por gobiernus estranjerus como una horma d'ayuda i otras polas empresas, se presentarun dendi tan dantis como 1978.
Sigru XXI
[adital | adital cóigu]Nostanti, no fue ata 2006 quandu el Gobiernu de China entregó un eificiu del palramentu acabau en Dodoma. El sitiu final del palramentu no fue nel lugal que se pensó al prencepiu nel pran maestru, ya qu’essi sitiu s'está desenvolviendu ogañu como un lugal pa una Nuversidá de Dodoma.[6]
Como abundu del diseño inicial nunca llegó a buen fin enos últimus 40 añus, las oficinas del gobiernu i las embajás á resistíu el treslau delas oficinas a Dodoma. Como resultau, muchas oficinas del gobiernu acontinan en Dar es-Salaam, que sigui siendu la capital comercial i de facto de Tanzania.[10][6]
Dodoma fue cavilá como un proyeutu de construción nacional pa asental una nueva identidá i dirección de endependencia post-colonial en Tanzania, i es parecíu a proyeutus en Nirgeria (Abuya), Costa de Marfil (Yamoussoukro), Botsuana (Gaborone), Malaui (Lilongwe) i Mauritania (Nuakchott).[6]
Demografia
[adital | adital cóigu]Dela puebración total, 199 487 abitantis (48.5 %) son hombris, mentris que 211 469 abitantis (51.5 %) son mugeris. El númeru total de fogaris es de 74 914 cun promediu de 4,3 pressonas pol fogal.[11]
Sigún la información facilitá pola Ilesia católica, un 19.2 % delos abitantis del lugal son católicus.[12]
Trasportis
[adital | adital cóigu]
Caminus dela redi troncalis conetan a Dodoma con Dar es Salaam, en ruta hácia la región Morogoro nel esti. Hácia el oesti, ai caminus que llevan a Mwanza i Kigoma, en dirección a Tabora. La Gran Calli Norti coneta la ciá con Arusha nel norti.
La ciá tamién está conetá, pol mediu dela Ferrovía Central, con Dar es Salaam, ubica 465 kilómetros nel esti.
La ciá tién un Aeropuertu central, inque solu almiti avionis de porti medianu. Tamién ai planis pa costruil un nuevu aeropuertu enas afueras dela ciá.
Educación
[adital | adital cóigu]
Dessistin varias nuversidáis en Dodoma, qu’encluin la Nuversidá Abierta de Tanzania, que tieni campus en varias ciais de Tanzania, la Nuversidá de St Johns de Tanzania, propiu dela Ilesia Anglicana de Tanzania, i la Nuversidá de Dodoma, con unos 35.000 estudiantis. Dambas dos nuversidáis abrierun en 2007. Amás, s’atopa el Enstitutu Mipango i el CBE.
La Ilesia Anglicana lleva el únicu colehiu enternacional en Dodoma, el Canon Andrea Mwaka School ("CAMS"). CAMS, establecíu en 1950, brinda educación a críus dendi Nursery ata Form 4. La educación se sostriba nel currículu nacional inglés i el colehiu brinda alos estudiantis la opertuniá de hazel esáminis IGCSE. Unos 280 estudiantis son enseñáus nel colehiu.
Se toppa la Nuversidá de Dodoma, tamién llamá UDOM, ésta es una Nuversidá púbrica abierta el añu 2007.[13]
Deportis
[adital | adital cóigu]La ciá está representá ena Liga tanzana de fútbol polos equipus JKT Ruvu Stars i Polisi Dodoma.
Véassi tamién
[adital | adital cóigu]Referencias
[adital | adital cóigu]- ↑ World Weather Information Service – Dodoma (WMO). Accesu: 22 mayu de 2016. http://worldweather.wmo.int/en/city.html?cityId=667
- ↑ Klimatafel von Dodoma / Tansania. Baseline climate means (1961–1990) from stations all over the world. Deutscher Wetterdienst. Accesu: 22 mayu de 2016. http://www.dwd.de/DWD/klima/beratung/ak/ak_638620_kt.pdf
- ↑ Siebolds, Peter; Steinberg, Florian, Dodoma — A future African Brasilia?, Habitat International, 5, 5–6, 681–690, 10.1016/0197-3975(80)90008-9, 1980
- ↑ 4,0 4,1 Error en la cita: Etiqueta
<ref>no válida; no se ha definido el contenido de las referencias llamadas:0 - ↑ Britannica, Dodoma, britannica.com, USA, 24 de juñu de 2019
- ↑ 6,0 6,1 6,2 6,3 Beeckmans, Luce, The Architecture of Nation-building in Africa as a Development Aid Project: Designing the capital cities of Kinshasa (Congo) and Dodoma (Tanzania) in the post-independence years, Progress in Planning, 122, 1–28, 10.1016/j.progress.2017.02.001, 2018
- ↑ 7,0 7,1 7,2 7,3 7,4 7,5 Hayuma, A.M., Dodoma: The planning and building of the new capital city of Tanzania, Habitat International, 5, 5–6, 653–680, 10.1016/0197-3975(80)90007-7, 1980
- ↑ Aloysius C. Mosha, The planning of the new capital of Tanzania: Dodoma, an unfulfilled dream, Nuversidá de Botswana, 2013-03-13
- ↑ 9,0 9,1 9,2 Vale, Lawrence J, Architecture, power, and national identity, Routledge, 2008, 9780415955140, London, 146–193
- ↑ Callaci, Emily, 'Chief village in a nation of villages': history, race and authority in Tanzania's Dodoma plan, Urban History, 43, 1, 96–116, 10.1017/S0963926814000753, 2016
- ↑ 2012 Tanzania Population and Housing Census. acedíu el 12 de marçu de 2014. https://web.archive.org/web/20140413063741/http://www.nbs.go.tz/sensa/popu2.php. 13 de abril de 2014
- ↑ Catholic Hierarchy - Diocese of Dodoma
- ↑ UDOM University of Dodoma. acedíu el 15 de noviembri de 2013. https://web.archive.org/web/20210628200705/https://www.udom.ac.tz/
Enlacis esternus
[adital | adital cóigu]
En Commons ai conteníu multimedia sobre Dodoma.
