Donkervoort
| Donkervoort | |
|---|---|
 | |
 | |
| Fundación | 1978
|
| Lema | No compromise
|
| Sede | Prantilla:Geodatos NED Lelystad, Paísis Baixus |
| Industria | Automóvil |
| Productus | Automóvilis |
| Sitiu web | donkervoort.com |
Donkervoort es un fabricanti olandés de automóvilis deportivus que prouci vículus ultraligerus i que se fabrican a manu.[1]
L'empresa fue fundá en 1978 por Joop Donkervoort, un empresariu olandés que á hechu estoria ena industria delas empresas de cochis deportivus como propietariu duna empresa de cochis deportivos mu essitosa.[2]
Donkervoort á proucíu una variedá de vículus prencipiandu col S7 entre 1978 i 1984, altonci reemplaçándolu col S8 que se prouxu entri 1980 i 1994, tamién el D10 en 1988, que se prouxu pal dézimu aniversariu de Donkervoort i el D8 entre 1993 i 2022, qu'es el moelu más vendíu dela compañía i que se prouxu en deferentis velsionis. El moelu atual de l'empresa es el F22, que reemplaçó ala serie D8.[3]
Los vículus Donkervoort no gastan un sistema de frenus antibloqueu (ABS) ni un programa d'estabilidá eletrónicu (ESP). Solo s'ofrezin como ocionis un control de tración ajustabli, hunción de cámbiu d'aceleración total i control de lançamentu.[4]
Dendi'l prencípiu dela produción de cochis dela compañía, los motoris Donkervoort huerun fabricaus por Ford i dendi 1996 son fabricaus d'una manera exclusíva por Audi.[5]
Estoria dela empresa
[adital | adital cóigu]Donkervoort es una empresa de capital privau controlá pol su hundaol Joop Donkervoort ata que s'arretiró nel 2019 i el su iju Denis lo sucedió como Diretol Gerenti nel 2021. Marianne Donkervoort, qu'está casá con Joop, i Amber, la su ija, tamién han teníu papelis de pesqui nel desenvolvimiento del negociu i ena imahin de marca dela empresa.[6] Amber era una amazona que s'unió ala empresa como la jerenti de marketing endispués d'un periodu de práticus en China.[7] El Donkervoort S8A recibió el su nombri pol Amber, mentris qu'el D8 lo recibió pol Denis.[8]
Joop encetó la empresa como un emportaol de cochis de kit nel 1978, inque al llegal a sabel que deba de hazel muas de mudáncias emportantis pa hazel qu'el montahi delos cochis de kit huerun legalis pa la rúa, encetó a faguil los primerus automóbiles S7 gastandu un diseñu sacau del Lotus Seven nun tingláu de Tienhoven.[9][10] Nel 1983, Donkervoort se muó a una pranta de proucción más grandi en Loosdrecht, i endispués tuvu otra mudáncia nel 2000 alas sus actuales oficinas i fábrica en Lelystad.[11] La proucción del chasis, que dantis s'abrie contratau a una empresa de fueraparti, se truxu ena propia casa a Lelystad nel 2003.[12]
Pranis pal futuru
[adital | adital cóigu]Donkervoort anunció nel su sitiu web qu'está a espandil las sus sés i servicios por tol mundu, i dendi á poquinu está disponibri como marca de cochis enos Estaus Unius.[13]
Filosofia
[adital | adital cóigu]
La filosofia dela marca es "sin compromissu", o sea, la deportiviá i el prazer automotiváriu llevaus al estremu, sin compromissu. Al contráriu de los carrus moernus, los veículos de Donkervoort no gastan sistema de frenu antibloqueu (ABS) nin programa eletrónicu d'estabilidá (ESP). Soolu un control de tración ajustabli, fonción de comutación d'aceperación total i control de lançamentu s'ofreçin cumu opcións.
Los lemas de Donkervoort son "sin compromissu" i "más d'una empresa de carrus deportivus", senificandu el primeru que la empresa fabrica los sus veículos a manu sin inversión estranjera adicional i el segundu que no es namás una empresa de carrus deportivus, sinu que la empresa puei construil los carrus tal i cumu los condutoris quieran que seyan.
Referéncias
[adital | adital cóigu]- ↑ «Donkervoort Automobielen: Delivering Pure Driving Pleasure». Archivado desde el original el 15 de febrero de 2023. Consultado el 1 de febrero de 2026.
- ↑ «Donkervoort more than fast cars».
- ↑ «Donkervoort models».
- ↑ «Donkervoort factory». Archivado desde el original el 15 de febrero de 2023. Consultado el 1 de febrero de 2026.
- ↑ «Car Builder - Donkervoort».
- ↑ Donkervoort Today. Donkervoort Cars. 17 d'otubri de 2022.
- ↑ Zo vader zo dochter. fd. 9 d'otubri de 2015.
- ↑ You may know that the children of Donkervoort founder, Joop Donkervoort, are Amber and Denis. But did you know that some of our most famous models are named after them? The S8A is named for Amber, while the "D" in D8 stands for Donkervoort Managing Director Denis'.
- ↑ Car Builder >> Donkervoort. SpeedHunters. 13 de noviembri de 2009.
- ↑ 10 Things We Just Learned About Donkervoort. Hot Cars. 8 de febreru de 2022.
- ↑ From the Beginning. Donkervoort. 17 d'otubri de 2022.
- ↑ From the Beginning. Donkervoort. 17 d'otubri de 2022.
- ↑ Donkervoort to America. 14 de juliu de 2022.