Elías Querejeta

Elías Querejeta
Información pressonal
Nombri de nacencia	Elías Querejeta Gárate
Nacencia	27 d'otubri de 1934 Hernani (España)
Muerti	9 de juñu de 2013 (78 años) Madrid (España)
Causa de muerti	Cáncer de pulmón
Nacionalidá	Española
Familia
Padre	Elías Querejeta Insausti
Ijus	Gracia Querejeta
Información prehessional/profissional
Oficiu	Produtol de cini, fubulista, guionista, diretol de cini, productor y realizador
Correúra deportiva
Deporti	Fubu
Perfil de jugaol
Posición	centrocampista
Equipus	Real Sociedad de Fútbol
Destincionis	Medalla de Oro al Mérito en las Bellas Artes Medalla de Oro (1998)

Elías Querejeta Gárate (Hernani, Guipúscoa, 27 d'otubri de 1934 - Madril, 9 de juniu de 2013) hue un futbulista i produciol de cini español. Trabajó tamién cumu guionista i decumentalista. Ena su joventú jugó ena Real Sociedá de Futbul i ena Primera Devisión d'España.

Sigún el críticu cinematográficu Gregorio Belinchón, «si arguin s'ha ganau a pulsu el calificativu de "El Produciol", el títulu de gran creaol del cini español, i dendi luegu unu de los más prestrijiosus güei del cini europeu es Elías Querejeta, [...] el legáu de Querejeta es grundal pa entendel lo que hue el gran cini d'autol duranti casi meyu sigru n'Europa, i pa que las nuevas jeneracións entiendan lo emportanti qu'es un produciol; cómu un cineasta cumu Querejeta empujó i engrandeció la carrera de diretoris cumu Carlos Saura, Jaime Chávarri, Emilio Martínez Lázaro, Fernando León, Víctor Erice i de la su hija Gracia Querejeta, amás d'apostal nel decumental con los filmis de Eterio Ortega».

Biografía

Primerus añus

Nacíu en 1934, era hiju del políticu franquista Elías Querejeta Insausti. Ena su joventú hue un futbulista d'éliti, anque compaginó esta atividá con estúdius de química i derechu. Jugó cumu delanteru ena Real Sociedá de Futbul duranti 6 temporás entri 1952 i 1958. Debutó mui moçu; el 5 d'abril de 1953, con solu 18 añus, jugó el su primer partíu ena Primera Devisión d'España. La su carrera cumu futbulista hue bastanti irregulal ya qu'en 6 añus disputó solu 41 partíus con la Real i marcó 6 golis; 39 de los partíus i 5 de los golis huerun ena Primera devisión española. De la su carrera futbulística es recordáu prencipalmenti un gran gol que marcó el 9 d'otubri de 1955 nel Estadiu d'Atocha al Real Madril de Di Stéfano. Esi gol valió la vitoria a la Real. En 1958 decidió dejall el mundu del futbul prematuramenti, con solu 23 añus i se marchó de la su Guipúscoa natal a Madril pa dedicassi profesionalmenti al cini, la su gran pasión.

Carrera cinematográfica

En 1961 funda la su primera compañía, Laponia Films, i apenas tres añus más tardi, en 1964 cria Elías Querejeta P.C., compañía meyanti la cual produció más de cincuenta películas, de las que una buena parti contribuyerun a la renovación de los temas i las formas del cini español del tardofranquismu i la Trancisión Española. Continuó la su lau produziendu películas de Fernando León de Aranoa (Familia i Barriu) i de la su hija, Gracia Querejeta (Una estación de paso, El último viaje de Robert Rylands i Cuando vuelvas a mi lado).

Peru sin duda, la su más emportanti contribución al cini radica enas producións que hizo pa filmis de Carlos Saura, Víctor Erice, Manuel Gutiérrez Aragón o Julio Medem. Con respetu al primeru, crió, juntu con el diretul aragonés, un cini qu'analizaba con rigol intelectual la sociedá española del franquismu, todavia nu recuperá de las heridas produziyas pol una situación social i moral represora. Con un estilu a vezis crípticu, estas películas denuncíaban la situación política i social, llograndu burllal los mecanismus de censura de la época. Asina figuran cumu hitos del cini de Saura i Querejeta La caça (1965), que llogró el premiu al Mejor Diretul nel Festival Internacional de Cine de Berlín; Peppermint frappé (1967), premiá con l'Osu de Plata en dichu festival; Stress es tres, tres (1968), juntu con La madriguera (1969) i El jardín de las delicias (1970), hacían un repasu de los probremas de pareja ena época.

Una de las clavis del su ésitu hue la oganización d'un equipu de trabaju estabri, entri los que destacaban el diretul de producción Primitivo Álvaro, el montaol Pablo G. del Amo, el compositor Luis de Pablo o los diretoris de fotografía Luis Cuadrado i Teo Escamilla, que le permitió consolidal un estilu de producción distinjuíu pol l'artu nivel de calidá de las sus películas, con frecuencia galardonás en festivales internacionales.

Ana y los lobos (1972), La prima Angélica (1973) i Cría cuervos (1975), estas dos úrtimas galardonás con el Premiu del Jurau nel Festival de Cannes, podrían considerassi una dessección de la familia ena España del tardofranquismu. Elisa, vida mía (1977), quiciás la película más ambiciosa ena su encisiva reflexión sobri los límitis de la enunciación de la vos narraora nel cini. Con Los ojos vendados (1978), Mamá cumple cien años (1979), Deprisa, deprisa (1980), Osu d'Oru nel Festival de Berlín i Dulcis horas (1981) finalizaría la su colaboración con Saura.

Tamién produció una de las obras maestras del cini español, del diretul Víctor Erice, El espíritu de la colmena, película que hue premiá nel Festival Internacional de Cine de San Sebastián de 1973 con la Concha d'Oru a la Mejor Película.

En heneru de 2007 produció Notícias d'una guerra, ena que se seleccionarun imáginis d'arquivus españolis i estranjerus pa contall la estória de la guerra cevil española.

Entri los sus premius destaca la medalla d'oru de l'Academia de Céncias Cinematográficas española, que recibió en 1998.

El 9 de huniu de 2013 espernó ena su casa en Madril de cáncer de pulmón.

Vida pressonal

Querejeta se casó cola diseñadora de vestuáriu María del Carmen Marín cola que tuvo una hja, la cineasta Gracia Querejeta.

Estuvo uníu sentimentalmenti con l'atrís Amparo Muñoz. Pocu antis de que falleciera en hebreru de 2011, la própia Amparo confesó: «Querejeta hue una de las poquísimas personas que se preocuparun pol mí cuandu caí enferma. Esu nu lo podré olvidall», aseguraba. «Estuvo al mi lau enos momentos buenus, peru tamién enos malus». Elías, esu sí, siempri llevó la su relación de horma discreta, anque sin ocultassi.

Filmografía

Diretol

• Cerca de tus ojos (2009).

Codirigió junto con Antonio Eceiza dos cortos documentales:

• A través del fútbol (1962).
• A través de San Sebastián (1960).

Guionista

• El agua de la vida (2008).
• Goodbye, América (2006).
• Noticias de una guerra (2006).
• Perseguidos (2004).
• Asesinato en febrero (2001).
• La espalda del mundo (2000).
• Cuando vuelvas a mi lado (1999).
• El último viaje de Robert Rylands (1996).
• Una estación de paso (1992).
• 27 horas (1986).
• Feroz (1984).
• Dedicatoria (1980).
• Las palabras de Max (1978).
• A un dios desconocido (1977).
• Pascual Duarte (1976).
• De cuerpo presente (1967).
• Último encuentro (1967).
• Los inocentes (1963).
• A través del fútbol (1962).
• A través de San Sebastián (1960).

Produtol

• Cerca de tus ojos (2009).
• El agua de la vida (2008).
• Buscarse la vida (2007).
• Siete mesas de billar francés (2007).
• Goodbye, América (2006).
• Noticias de una guerra (2006).
• Avant l'oubli (2005) (coproductor).
• Invierno en Bagdad (2005).
• Condenados al corredor (2003).
• Los lunes al sol (2002).
• Asesinato en febrero (2001).
• La espalda del mundo (2000).
• Cuando vuelvas a mi lado (1999).
• Barrio (1998).
• Shampoo Horns (1998).
• Familia (1996).
• El último viaje de Robert Rylands (1996).
• La ciudad de los niños perdidos (La cité des enfants perdus) (1995).
• Historias del Kronen (1995).
• El aliento del diablo (1993).
• Una estación de paso (1992).
• Las cartas de Alou (1990).
• El número marcado (1989).
• 27 horas (1986).
• Tasio (1984).
• Feroz (1984).
• El sur (1983).
• Dulces horas (1982).
• Deprisa, deprisa (1981).
• Dedicatoria (1980).
• Los primeros metros (1980).
• Mamá cumple cien años (1979).
• Los ojos vendados (1978).
• Las palabras de Max (1978).
• A un dios desconocido (1977).
• Elisa, vida mía (1977).
• El desencanto (1976).
• Pascual Duarte (1976).
• Cría cuervos (1976).
• El increíble aumento del coste de la vida (1976).
• La prima Angélica (1974).
• El espíritu de la colmena (1973).
• La banda de Jaider (Verflucht, dies Amerika) (1973).
• Ana y los lobos (1973).
• Carta de amor de un asesino (1972).
• El jardín de las delicias (1970).
• Las secretas intenciones (1970).
• Los desafíos (1969).
• La madriguera (1969).
• Stress es tres, tres (1968).
• Si volvemos a vernos (1968).
• Peppermint frappé (1967).
• De cuerpo presente (1967).
• El próximo otoño (1967).
• Último encuentro (1967).
• La caza (1966).
• Noche de verano (1962).

Premius

Medallas del Círculo de Escritores Cinematográficos

Año	Categoría	Película	Resultado
1960	Mejor cortometraje	A través de San Sebastián	Prantilla:Celda
2002	Mejor película	Los lunes al sol	Prantilla:Celda
2004	Mejor película	Héctor	Prantilla:Celda
2004	Medalla de honor		Prantilla:Celda

Festival Internacional de Cine de San Sebastián

Año	Categoría	Película	Resultado
2011	Premio Zinemira	-	Prantilla:Celda

Atijus esternus

• El Productor, un documental de TCM sobre Elías Querejeta.
• Elías Querejeta. El afán del delantero ante el penalti.
• Prantilla:Imdb nombre
• Entrevista a Elías Querejeta en la revista Euskonews (2002)
• Elías Querejeta en el programa de TVE Imprescindibles.

• Datos: Q3051947