El lince con botas
| El lince con botas | |
|---|---|
| Logu d’El lince con botas | |
| Xéneru | divulgación / coltura |
| Creatu pol | Libreproducciones |
| País | España |
| Idioma | castellanu |
| Canal | Canal Extremadura Televisión |
| Primer emisión | 2001 |
| Duración | 60 min |
| Emisión | selmanal |
| Sitiu web | |
El lince con botas es un programa de documentalis de televisión estremeñu emitiu por Canal Extremadura[1] i que s'echa col nombri de El Lince con Botas 3.0, mentáu pol sel unu delos espácius más veteranus i de mayor emportancia ena divulgación dela coltura, el patrimoñu i la naturaleza dela región estremeña.
Productora
[adital | adital cóigu]El Lince con Botas es una produción qu'escomezó nel añu 2001, i pertenci ala produtora Libreproducciones. [2]
Temática
[adital | adital cóigu]El programa se apressenta cumu una série de monográficus ondi se recorrin deferentis rinconis d'Estremaúra con el pesqui de mostral la riqueza del su meyu ambienti i las sus estorias umanu-socialis. El su estilu se carateriza puna estética mu cuidá i un luenguaxi líricu, que se desparti drentu duna narración pausá mentri se ván espeteandu imaxinis de gran belleza artística.
Conteníus
[adital | adital cóigu]No solu se centra ena fauna (comu el linci que le da nombri), sino que esplora ofícius antiguos i patrimoniu qu'están en peligro de desparecel, hirgandu como una ijuela de la memoria oral dela región. Alo largu delas sus abondas temporás, El lince con botas á tratau temas mu varius:
Naturaleza: Labutus sobri la fauna i la frora dela región, desgogotandu pola su albeliá pa retratal la via nel campu.
Patrimoñu: Vesitas a monumentus, ruinas i lugaris d'interés estóricu que tinin una huerti pertencia al sentimientu estremeñu.
Sociedá: Entrevistas i relatus sobri pressonas i ofícius antañu comunis que ogañu se mantiénin cumu parti dela estoria moerna.
Figuras emportantis dela coltura estremeña.
Estética i luenguaji
[adital | adital cóigu]El programa restralla pol su lenguaxi paussau i el gastaeru dela imaxin pa resaltal la belleça del meyu ambienti.
Prémius
[adital | adital cóigu]Es considerau comu un programa míticu dentru dela parrilla regional pol sel un escaparati dela identidá estremeña, runchandu el respetu dela audiéncia i de dambas las dos críticas: tanto la professional cumu la populal.
Aviendu participau la série en más duna ventena de festivalis nacionalis i enternacionalis,El Lince con botas i la su casa de produción án runchau siguientis los premios[3]:
- Mejol programa de Televisión sobri Estremaúra del CRTVEX en 2002, el AEMS / Ríos con Vida
- Premio Libertad conciu por ADHEX en 2007, el Tégula dela PCRN en 2009
- Medalla d'Oru Minera 2011, el reconociendu al labutu coltural nel ábitu televisivu dela Asociación de Gestoris Colturalis d'Estremaúra * Premio Adenex en 2002 i 2006, amás dela Cigüeña de Prata del Ayuntamientu de Malpartia de Caçris en 2019
Referencias
[adital | adital cóigu]- ↑ https://www.canalextremadura.es/programas/el-lince-30
- ↑ «Archive copy». Archivado desde el original el 25 de septiembre de 2025. Consultado el 24 de enero de 2026.
- ↑ «Archive copy». Archivado desde el original el 25 de septiembre de 2025. Consultado el 24 de enero de 2026.