Albert Einstein

Albert Einstein

Albert Einstein (14 e marzu e 1879 - 18 e abril de 1955) hue un físicu i centíficu. En 1921, recebió el Prémiu Nobel en física.

Einstein es famosu polas sus teorías al tentu la lus, matéria, graveá, espáciu i tiempu, las cualas ayuun a los centíficus pa entendel estus chascus muchu mehol qu'endenantis. Estas teorías se huchean la Teoría de la relativiá especial i la teoría de la Relativiá Especial. La su ecuación más famosa es $E=mc^{2}$. Senifica que l'enerhía i la masa son deferentis hormas del mesmu chascu i que la cantiá d'enerhía nun cachu masa es la mesma que la cantiá de masa murtipricau pola velociá de la lus al cuairau (un pahu cachu númiru).

La su vía

Einstein tuvu nacéncia en Ulm, Württemberg, Alemaña. La su família hue hudiu, peru nu hue mu relihiosu. Albert hue pa un coléhiu romanu católicu. Nu hue un güen estuyanti i p'abonda henti, qu'era un calabazu. Un día, angunu le dio una brúhula manética. Estuvu mu enteresau en tratal d'entendel lo cúmu una huerza invisibri puía hadel que la auha se moviesi i en estuyal céncia i matemáticas.

Deque hídusi mayol, hue pa un coléhiu en Suiza. Endispúes que grauósi, consiguió un labutu nuna oficina e patentis. En labutandu allí, escrebió los papelis que le hidun famosu cumu gran centíficu.

Hustu endenantis del esmienzu e LaPrimel Guerra Mundial, gorvió pa Alemaña i hue diretol dun colehiu. Vivió en Berlín hata qu'el gobielnu nazi acendió al puel. Los nazis tinían enterría a los hudius u quienis ahorraban endi una família hudía. Acusun a Einstein d'ayual a crial "Física hudía" i los físicus alemanis tratun de prebal que las sus teorías estaban marrás. Einstein huesi palos Estaus Uñius i en 1940 se gorvió ciaanu americanu.

Duranti la Segundera Guerra Mundial, Einstein hue unu e los centíficus qu'escrebió al presienti e los EEUU. Franklin D. Roosevelt, pa idili que los Estaus Uñius eberíen cuaharingal una Bomba Atómica endenantis qu'el gobielnu nazi lo hidiesi primeru.

En 1952, el gobielnu e Israelí pidió a Einstein que huera el segunderu Presienti e Israel, peru ihu que nu.

Einstein espenó el 18 e abril de 1955 echamborilau del coradón.

Unu de los sus frasis espiraoras es "Ain dos hormas de vivil, una es pensal que ná es un miragru, i la otra es pensal que tó es un miragru."