Diferencia entre revisiones de «Nominativu»

Dendi Güiquipeya
Contenido eliminado Contenido añadido
Línia 56: Línia 56:
Los sustantivus contabris que hazin función de sujetu van en nominativu y tiendin a espressal:
Los sustantivus contabris que hazin función de sujetu van en nominativu y tiendin a espressal:


a)Un sintiu definiu al prencipiu la frasi.
a) Un sintiu definiu al prencipiu la frasi.
b)Un sintiu indefiniu al final la frasi.
b) Un sintiu indefiniu al final la frasi.


Ejempru:
Ejempru:

Revisión de 15:39 19 may 2009

Agora ain pessonas trebajandu nesti artícalu
Por causa d'estu, puein faltal conteníus o avel marrus en el hormatu. Has el favol, enantis de hazel qualquiera muación, vai-ti ala carava a tentu d'esti artícalu pa poel cordinal la su redación.

El nominativu (IPA [nõmĩnaˈtiβu], del latín nominatiuum) es, tradicionalmenti, el nombri que recebi la holma dun sustantivu en hunción de sujetu. Veleí que se llami nominatiuum, la holma el sustantivu nombri ena su hunción prencipal, nominare. Otras categorias verbalis en hunción de sujetu se din tamién dil en casu nominativu, comu los pronombris, infinitivus u aljetivus.

Los antíguus gramáticus asseñalarun que una parabra que va en esti casu sirvi pa nominare. El nombri griegu hue el de ὀνομαστική (IPA [onõmastikɛ́ː]) i el carcu latinu nominatiuum (IPA [noːmɪnaːˈtiːwʊm]).

Pol estensión se le llama al nominativu casu, anque ya dende la Antigüeá se consieró que los demás casus derivan del nominativu, hiziendu el destingu entri casus rectus (nominativu) i casus obliqui (el restu de casus).

El nominativu en sáscritu

Morfologia

Sintassi

El nominativu en griegu

El nombri que recebi en griegu el nominativu es el de ὀνομαστικὴ πτῶσις (IPA [onõmastikɛ̀ː ptɔ̂ːsis]) “casu el mentaeru”. Nel analís que sigui namás tendremus en cuenta el nominativu enos nombris en origin agentivus, es izil, animaus. El nominativu el neutru u inanimau es una estensión tardia del acusativu.

Morfologia

Morfologicamenti, el nominativu está caraiterizau pol i pol alargamientus la vocal predesinencial en parabras la tercel declinación.

La sufijación de una σ, possibrimenti emparentá cona raís el demostrativu *so induropeu, es el proceimientu mas generalizau enas luengas induropeas. Se halla el sufiju enos nominativus de temas vocálicus i consonánticus, que traduzius al sistema declinativu correspondin al singulal la segunda declinación, ena tercera i enos masculinus la primera, v. gr.: λόγος (tema log|o-), ἰχθύς (tema ikthý|), βασιλεύς (tema basilew|),νεανίας (tema neani|ā-).

Enos temas consonánticus se produzin develsus chambus fonéticus i que la ortografia refreja.

  • Si el tema arremata en velal (γ, κ, χ), en añiyendu la σ se truca a ξ: φόρμιγξ < *φόρμιγγς (tema phorming|), φυλάξ < *φύλακς (tema phylak|), θρίξ < *θρίχς (tema thrikh|).
  • Si el tema arremata en dental (δ, τ, θ), en añiyendu la σ, la dental escambaja: κλεῖς < *κλεῖδς (tema kleîd|), ἔρως < *ἔρωτς (tema érōt|).
  • Si el tema arremata en labial (β, π, φ), en añiyendu la σ se truca a ψ: φλέψ < * φλέβς (tema phléb-), ὄψ < ὄπς (tema op| < *wokw|).
  • Si el tema arremata en nasal (ν) u en líquia vribanti (ρ), en añiyendu la σ, la vocal predesinencial, de sel brevi, alarga i la σ escambaja, v. gr.: λίμην < *λίμενς (tema limen|), ῥήτωρ < *ῥήτορς (tema rhētor|).
  • Si el tema arremanta en nasal dental (ντ), en añiyendu la σ, la vocal predesinencial, de sel brevi, alarga i el grupu ντ escambaja, remaneciendu namás la σ, v. gr.: ὀδούς < *οδόντς (tema odont-).

Sintassi

El usu nolmal el nominativu en griegu es el de sujetu i pedricau nominal en oracionis nominalis, v. gr.: ὁ ἀνὴρ θεὸν ὑμνεῖ “el ombri canta inus al dios” (sujetu), ὁ Ἡρακλεῖτος σοφός ἐστιν “Heraclitu es sábiu” (sujetu, pedricau nominal).

Usus mas contestualis i esporádicus el nominativu son quandu el nominativu, sin cumpril conas sus huncionis própias, quea recolgajandu sin atijal sintática (pero sí semanticamenti) con otru miembru l’oración. Se llama esti casu comu nominativus pendens “nominativu colganti”. Estu s’esprica pol sel el nominativu el casus rectus, nel que se sostriba el falanti quandu pierdi las marcas sintáticas u simprimenti no están presenteras ena menti nel autu el palraeru. Casus anacolúticus, de numeración elimentus u costruicionis desatijás de tipu assolutu se esprican pol esta mesma qualiá el nominativu.

El nominativu en latín

Morfologia

Sintassi

El nominativu en luengas gelmánicas

Morfologia

Sintassi

El nominativu en luengas urálicas

Morfologia

Sintassi

El nominativu en luengas urálicas

Morfologia

Sintassi

En finés el nominativu s'utiliza unta el partitivu pa marcal el predicau nominal.

El usiu el nominativu pol ve del partitivu ena función de sujetu dependi de tres aspetus a tenel en cuenta:

-Si el sustantivu es contabri u encontabri. -Si es definiu u endefiniu. -Si es prural u singulal.

Los sustantivus contabris que hazin función de sujetu van en nominativu y tiendin a espressal:

a) Un sintiu definiu al prencipiu la frasi. b) Un sintiu indefiniu al final la frasi.

Ejempru:

Kirja imestyi: El libru se pubricó Ilmestyi kirja: Un libru se pubricó, se pubricó un libru

En general los sustantivus que quean al escomienzu la frasi tiendin a entrepretalsi cumu definius. Sin embalgu, las frasis ondi lo mesmu el sujetu qu'el objetu son sustantivus contabris singularis son ambiguas al respetibri la definición:

Mies osti kirjan: "L'hombri"/"un hombri" compró "el libru"/"un libru"

Si el ordin s'envierti, con essi objetu al escomienzu y el sujetu al final, l'ojetu s'entelpreta cumu definíu y el sujetu cumu endefiníu:

Kirjan osti mies: Un hombri compró el libru.

Los predicaus nominalis que se refiirin a sujetus contabris singularis siempri están en nominativu si son sustantivus:

Pekka on mies: Pekka es un hombri

Mikko on opettaja: Mikko es professol

Los predicaus nominalis ajetivalis están tamién en el nominativu si el sujetu es una parabra contabri:

Auto on punainen: El cochi es roju.

Los sustantivus contabris pruralis sujetu u predicau nominal se ponin en nominativu:

Miehet tulivat kotiin: Los hombris viinin a casa

Los sustantivus encontabris con senificau definiu están en nominativu singulal. Sin embalgu, si un predicau nominal se refiiri a ellus, esti va en partitivu:

Ruoka maistuu hyvältä: la comía sabi bien

Kahvi on hyvää: el café es güenu (sujetu en nominativu, predicau nominal en partitivu)

El sujetu siempri está en nominativu si:

a) El verbu tiini un ojetu b) El verbu es "olla" (sel) y hay un predicau nominal

Bibliografia