Diferencia entre revisiones de «Wikipedia n'estremeñu»

Dendi Güiquipeya
Contenido eliminado Contenido añadido
Sin resumen de edición
Hombre, el artículu nu paji groma dinguna, lo tuyu quidiás...
Línia 1: Línia 1:
jajajajajajajajajjajajajajajajajajajajajajajaja esto es una broma, verdad?


[[File:Wikipedialogo-ext.png|thumb|200px|right]]'''Güiquipeya''' es una enciclopeya libri en [[Luenga estremeña|estremeñu]] sostribá ena tenologia ''wiki''. Güiquipeya s'escrebi de manera colaborativa pol mé voluntárius, premitiendu que los endirguis seyan moificaus pol qualquiel pressona con acessu pol mé dun escrucaol web. El proyeutu tuvu nacéncia el 24 Jeneru 2007, hundá pol [[Angi Ronceru]], enque no sedria hata el 26 Mayu 2008 quandu el proyeutu sedria muau al su própiu domiñu. Nesta web se trata de dal a conocel [[Estremaura]] i el mundu pol mé las sus luengas, tomandu comu basi la Güiquipeya en artustremeñu.
[[File:Wikipedialogo-ext.png|thumb|200px|right]]'''Güiquipeya''' es una enciclopeya libri en [[Luenga estremeña|estremeñu]] sostribá ena tenologia ''wiki''. Güiquipeya s'escrebi de manera colaborativa pol mé voluntárius, premitiendu que los endirguis seyan moificaus pol qualquiel pressona con acessu pol mé dun escrucaol web. El proyeutu tuvu nacéncia el 24 Jeneru 2007, hundá pol [[Angi Ronceru]], enque no sedria hata el 26 Mayu 2008 quandu el proyeutu sedria muau al su própiu domiñu. Nesta web se trata de dal a conocel [[Estremaura]] i el mundu pol mé las sus luengas, tomandu comu basi la Güiquipeya en artustremeñu.



Revisión de 10:39 4 Húl 2009

Güiquipeya es una enciclopeya libri en estremeñu sostribá ena tenologia wiki. Güiquipeya s'escrebi de manera colaborativa pol mé voluntárius, premitiendu que los endirguis seyan moificaus pol qualquiel pressona con acessu pol mé dun escrucaol web. El proyeutu tuvu nacéncia el 24 Jeneru 2007, hundá pol Angi Ronceru, enque no sedria hata el 26 Mayu 2008 quandu el proyeutu sedria muau al su própiu domiñu. Nesta web se trata de dal a conocel Estremaura i el mundu pol mé las sus luengas, tomandu comu basi la Güiquipeya en artustremeñu.

Caraterísticas

El lema la Güiquipeya es «Si tienis conocéncia de la tu curtura, pol qué no la tienis de la tu palra?», i puemus descrebila comu «un girón pa destribuil la conocéncia la realiá estremeña ena su própia palra, ena que tolos estremeñus puean colaboral, tantu ena su espansión, comu nel crecimientu el parabreru estremeñu pa consiguil concencialmus de qu'abemus derechu de palral en estremeñu».

Dessistin tres caraiterísticas essencialis el proyeutu Güiquipeya que definin la su hunción ena Web:

  • Es una enciclopédia, entendia cumu suporti que premiti arrejuntal i trasmitil la enholmación de holma estruturá.
  • Es un güiqui, polo que, con poquinas ececionis, puei sel eitá pol qualisquiá.
  • Es de continiu abiertu i gasta la licéncia GFDL.

Güiquipeya tien un haci políticas qu'estruca qué enholmación s'ebi encruil u no. Estas políticas se gastan pa resorvel pobremas al tentu añición, revisión, muación u esborri endirguis.

Eición

En Güiquipeya qualquiel pressona puei crial un endirgui nuevu en estremeñu i mesmu quasique qualquiel vesitanti puei eital el continiu, ecetu los endirguis que s'alcuentrin protegius. Esti proyeutu hue criau cona idea de que la colaboración entri usuárius pola mejora dun endirgui pol un tiempu produzirá testus de caliá, aspécii los proyeutus desarrollu apricacionis libris.

Los endirguis volucionan a través del tiempu i estu es viseru nel su estorial eicionis. Avezis, se dan chascus en que pressonas entran ena Güiqui con el fin de molestal, produjiéndusi vandalismus i guerras d'eicionis, si alcuentras angún artículu en mal estau, pega un escarpiu a angún çahoril.

Políticas

  • Debiu a la divelsiá i númiru participantis i ideologias, Güiquipeya trata de costruil los sus endirguis de la holma mas essaustiva posibri. El ojetivu no es escrebil endirguis dende un puntu vista, sino presental abiertamenti ca postura al tentu un tema concretu.
  • Se gastan un númiru convencionis tocantis al nombri los endirguis, otandu preferentimenti pola velsión más gastá comunmenti.
  • Las carabas al tentu el conteniu i eición dun endirgui se dará enas páginas caraba los endirguis i no enos própius endirguis.
  • Dessistin un númiru temas que son hundeaus ahuera la Güiquipeya pol no sel enciclopédicus estritamenti palrandu. Pol ejempru, Güiquipeya no contién definicionis dicionárius (comu verbus, aljetivus...).

Nutraliá continius

Es común qu'angunas pressonas se vaigan enfurruscás pol ideologias políticas u puntus de vista deferentis u que contrachocan conas sus opinionis. Velaí la razón pola que Güiquipeya creci, grácias a los gironis pol enhiestal una nutraliá nel conocieru.

Ya qu'es imposibri que la conocéncia seya asoluta i nutral, nangunus endirguis debi ejalsi el ergullu pressonal pa huera pa dal passu al proyeutu Güiquipeya premitiendu la libertá opinión.

Es emportanti sabel i conocel que naidi es dueñu de dengún endirgui espuestu ena Güiquipeya.

Pressonal

Los colaboraoris la Güiquipeya atuan de continu de holma voluntária. Ain várias holmas colaboración amás de crial u amprial endirguis: se puein aprical las convencionis d'estilu establecias p'aquellus endirguis que no las tienin, assitialus pol matéria, corrigil haltas ortografia, hundeal testus con copyright...

Pa colaboral no es mestel rustrilsi, enque a los usuárius que no lo hazin se les atarugan ciertas acionis, comu votal ena toma decisionis. Angunus colaboraoris tienin la albeliá d'aconllegal angunas operacionis hueraparti, comu el esborrau d'endirguis, el atarugu páginas i tal i más. Sin embargu, estus usuárius no tienin capaciá de decisión mayol que la de qualquiel algotra pressona, i las sus aicionis se debin ajustal a las políticas adotás pol tola comuniá.

Guipa tamién