Diferencia entre revisiones de «Prometeu»

Dendi Güiquipeya
Contenido eliminado Contenido añadido
Tiu Fraili (carava | Contribucionis)
Sin resumen de edición
SieBot (carava | Contribucionis)
c robot Adding: et:Prometheus
Línia 52: Línia 52:
[[eo:Prometeo]]
[[eo:Prometeo]]
[[es:Prometeo]]
[[es:Prometeo]]
[[et:Prometheus]]
[[eu:Prometeo]]
[[eu:Prometeo]]
[[fa:پرومتئوس]]
[[fa:پرومتئوس]]

Revisión de 02:52 8 Húl 2009

Prometheus, de Gustave Moreau

Ena mitolohia griega, Prometeu (en griegu antíguu Προμεθεύς «previsión») hue unu los sieti Titanis, criaol i amanti la umaniá.

Parentescu

Prometeu hue ihu de Hapetu (sigún algotras velsionis el higanti Uromidonti) i la ninfa Climena. Sus helmanus huerun Epimeteu, Alanti i Menéciu. Hue pairi de Ducalión hunta Celenu.


Atributus

Prometeu hue enventol el taladru huegu i de tolas artis cevilizantis.


Mitus

Engañu a Zeus

En estuviendu nuna charasca pol qué cachus del toru sacrificau pretenecia a los diosis i qué a los ombris, Prometeu hue llamau cumu álbitru. Assinque solló i ataraçó un toru, cuya piel cosió hiziendu dos borsas. Nuna dellas metió la calni, encurtá embahu el estógamu, i notra el rebotayu colos güesus i la grasa. Quandu Zeus hue a lihil entri dambas a dos borsas, fihándusi nel pelitasqui, se queó cola borsa que tinia las escarpícias. Endinau con Prometeu, que endispués de entruchilali s’estaba riyendu, lo castigó, privandu a los ombris del huegu.

Robu el huegu el Olimpu

Endispués de castigal Zeus a los ombris a que comiessin la calni crua, Prometeu ruegó a Atenea que le ehara entralsi nel Olimpu ascodichas. Endrentu prendió un fachu alampandu un cachu de carbón que pusu nel buecu el tallu dun cañiherru grandi, que pol ardel despacinu era mu acorriu a los ombris pa calientalsi i alumbralsi.

Efestu encaenandu a Prometeu, de D. van Baburen

Encaenamientu Prometeu

Cumu castigu, Zeus mandó a Efestu crial una muhel barru, Pandora. Esti sel hue entriegau a Epimeteu cumu daiva. Nu estanti, Prometeu anteriol le pegó el avisihu. El helmanu rehusó de la muhel i Zeus, aperrengau, mandó que encaenaran a Prometeu enas montañas el Cáucasu. Pallí, el bienhechol la umaniá hue condenau a qu’un butri l’esgarrara el su higau de dia, gorviénduli a crecel de nochi. Es soná ena literatura griega l’obra d’Esquilu, Prometeu encaenau.

Liberaeru

Angunas velsionis hazin cumu liberaol a Eracli, quien, en viahandu pal Hardín las Espéridis, hundeó una frecha pal butri. Zeus nu quihu castigal otra vezi a Prometeu pol sel su ihu Eracli quien lo sarvó.


Relación con otras curturas

Prometeu atiha con el dios babilóniu Ea, criaol dun supiombri cola sangri de Kingu, a la escontra d'Aruru que bichó un ombri barru. Prometeu tiin relación cola parabra sáscrita pramantha «esvástica», símbulu el sol quandu está canteau pa la derecha en numirosas curturas.

Bibliografia

  • Esquilo, Tragedias, trad. B. Perea, Mairil, Gredos, 1982.
  • Graves, R., Los mitos griegos, Barcelona, RBA, 2005.
  • Hesíodo, Obras y fragmentos, trad. A. Pérez Jiménez y A. Martínez Díez, Mairil, Gredos, 1982.