Bósforu

Imagin vía satélite 'el Bósforu, el Mar Negru, el Mar de Mármara i la cidá e Estambul.

El Bósforu es un estrechu que separa la parti uropea (englobá duranti el Impériu Otomanu ena província uropea de Rumelia (idioma turcu: Rumeli) dela parti asiática (idioma turcu: Anadolu); dividi en dos partis la cidá e Estambul i ahunta el Mar e Mármara (idioma turcu: Mármara Denizi, griego: Θάλασσα του Μαρμαρά) conel Mar Negru (turcu: Karadeniz, gregu: Μαύρη Θάλασσα). Tieni una largura e 30 kilómetrus, con una anchura másima e 3.700 metrus ena entrá 'el mar Negru, i una anchura mínima e 750 metrus entri Anadoluhisarı i Rumelihisarı (castillus otomanus que s'alzan enas colinas de la su ribera). Su profundidá varia entri 36 i 124 metrus. Las orillas 'el estrechu están abondu puebrás ya que la cidá de Estambul (con una puebración dal menus 11 millonis e abitantis) s'asienta entri esti estrechu que dividi Uropa d'Asia.

Una de las puentis 'el Bósforu.

Ay dos puentis sobri esti estrechu. La puenti Boğaziçi, e 1074 metrus de largol fue completá en 1973. La segunda puenti, la Fatih Sultan Mehmed tieni una longitú e 1014 metrus, fue completá en 1988 i s'ancuentra cuasi a cincu kilómetrus al norti dela primera puenti.

Marmaray, un túnel ferroviariu e 13.7 kilómetrus de longol está siendu construiu i se barrunta que estarie finalizau en 2008. Aprosimamenti 1400 metrus 'el túnel van a construil-se porbahu el estrechu, a una profundidá e 55 metrus.

Etimulohía

Procedi 'el (gregu : Βόσπορος (Bos= buey; foros= transporti, pasahi, significandu que ena ogañoti esti estrechu s'atravesaba fácilmenti en odris hechus conun cueru e buey) modificá nel idioma turcu comu Boğaziçi)