Nacionis Unías

Avissu Esti endilgui ebi sel revissau por un corretol.

Bandera

La Organización las Nacionis Unias (ONU) es la mayol organización internacional que dessisti. Se defini comu una asociación de gobielnus global que facilita la coperación en asuntus comu el Derechu internacional, la pas i segurançia internacional, el desarrollu económicu i social, los asuntus umanitarius i los derechus umanus.

La ONU hue hundá el 24 d'otubri de 1945 en San Franciscu (Califórnia), pol 51 paisis, endespues el fin la Segundera Guerra Mundial, cona firma de la Carta las Nacionis Unias.

Dendi la su sé en Nueva York, los estaus miembrus de las Nacionis Unias i algotrus organismus vinculaus dan conseju i decidin al tentu temas senificativus i almenistrativus en reunionis periódicas celebrás duranti el añu. La ONU está estructurá en diversus organismus almenistrativus: Asamblea General, Conseju de Segurançia, Conseju Económicu i Social, Secretaría General, Conseju de Almenistratición Fiduciaria i la Corti Internacional de Justicia. La figura púbrica prencipal la ONU es el Secretariu General. L'atual es Ban Ki-moon de Corea el Sul.

Nel añu 2007, la ONU posei 192 estaus miembros, prácticamenti tolos paisis soberanus reconocius internacionalmenti. Ain escepcionis comu la Santa Sei, que tien caliá d'oservaol, i Repúbrica de China-Taiwán (un casu especial).

La sé uropea (i segundera sé mundial) la Organización las Nacionis Unias s'assitia en Ginebra, Suiça.

Las idiomas oficialis la ONU sonin seis: árabi, chinu, castellanu, francés, ingrés i rússu.