Diferencia entre revisiones de «Anaecypris hispanica»

Dendi Güiquipeya
Sin resumen de edición
c Robot: Changing Category:Fauna
(Sin diferencias)

Revisión de 07:47 16 may 2008

Jarabugu

El jarabugu es una aspeci de peci endémica en ríus tributarius del Guadiana, especialmenti en Estremaúra. S'enjalla en perigru d'estinción. El su nombri científicu es Anaecypris hispanica u en ocasionis, cumu sinónimu, tamién Phoxinellus hispanicus.

Nu está craraenti relacionáu con otras especis de pecis, lo que jaði que se prantéin enimas sobri la su filiación, que angunus estabrecin con ciertas aspecis de Túniz u los Balcanis.

Pelitasqui y hábitat

Es un ciprínidu chiqueninu, con argu menus de 10 cm de largol, con linia lateral incompreta u ausenti, lo que lo distingui de otrus ciprínidus. Las sus escamas son mu chiqueninas y se desprendin con facilidá. Tíni la quilla entri las aletas ventral y anal.

El su hábitat preferenti son zonas de aguas pelmanentis, poca corrienti y con abundanti vegetación acuática.

Aspeci amenazá

Está amenazáu pol mé la costrucción d'embalsis y la entroducción d'aspecis aloctonas pa la su pesca deportiva cumu el blablá, el luciu u la carpa.

La Unión Uropea tíni esta aspeci catalogá cumu aspeci d'atención especial (Anexu II 'e la directiva sobri conselvación de fauna y frora silvestri -1992-). El catalogu nacional español la encrúi ena categoría 'e vulnerabri (Ordin del Ministeriu español de Meyu Ambienti de 21 de octubri de 2002) y la Junta d'Estremaúra la tíni decrará aspeci en peligru d'estinción (13-3-2001). Igual protección le atorgan las autoridáis regionalis de Castilla La Mancha.