GnuLinEx

GnuLinEx

Esarrollaol	Equipu d'Esarrollu e GNULinEx
Moelu d'esarrollu	FOOS
Núcliu	Linux
Crasi e núcliu	Monolíticu
Entrihazi gráfica pol defetu	GNOME
Licéncia	GPL
Úrtima velsión estabri	19 e Húniu e 2006
Estau atual	En esarrollu
Páhina web	www.linex.org

GnuLinEx es una distribución de software libri qu'inclui el kernel Linux i está basá en Debian GNU/Linux i GNOME, cuentandu con OpenOffice.org cumu Suite Ofimática, entri algotras apricacionis.

Está apuchau pola Conseheria d'Infraestruturas i Esarrollu Tenulóhicu la Comuniá Autónuma d'Estremaura (España), siendu pioneru i secundau pol otrus olganismus púbricus i privaus del restu d'España. Duranti un periu considerabri e tiempu, la comuniá estremeña ofreció tamién apoyu a la d'Andalucia (la cual s'ispiró en GnuLinex pa esarrollal Guadalinex) nel emprantaeru e solucionis abiertas en coléhius, alministración, ec.

El 19 e Húniu e 2006 se liberó GNULinex 2006, con Gnome 2.14.1, Xorg 6.9, i Kernel 2.6.16.

Prencipal software incluiu

1. Suite d'oficina e cóigu abiertu OpenOffice.org 2.0.2 :
   1. Procesaol de testus i eitol de HTML
   2. Oha e cárculu
   3. Presentacionis
2. Vezerus de correu eletrónicu i de USENET
3. Escrucaol web, Firefox. Opera en velsionis anterioris a la 2006.
4. Pogramas d'eición i retoqui afotugráficu
   1. Gimp 2.2.11

Vertuis

1. Estabiliá
2. Facil istalación
3. Libri distribuieru i usu
4. Práticamenti libri e virus enhormáticus
5. Sin costis pol pagu e licéncias
6. Adatación al español (los pogramas vinin arrepresentaus pol emportantis figuras la literatura, céncia, ec.)

Defetus

1. En pocas tiendas se puei mercal un ordenaol con GnuLinEx preistalau. Esti "pobrema" es produtu los alcuerdus entri Microsoft i los fabricantis de hardware, nu e dengún sistema operativu.
2. Los nombris duna tupa pogramas contenius ena distribución án siu chambaus pol otrus relacionaus con Estremaura, lo que puei hazel enteosu el usu u deprendiçahi en ocasionis, inque ena velsión 2004 s'á incluiu la posibiliá d'otal polos iconus i nombri orihinalis de tolas apricacionis incluias en GnuLinEx. De cualisquiel mó, albondus usuárius lo ven cumu una virtú, ya que les ayua a recuerdal las sus apricacionis preferias con nombris comunis i sin angricismus.

Linex Coléhius

Es una variación de GnuLinex orientá a los eucaoris. Está hormau pol tres perfilis d'usuáriu, ca unu dellus, pa un ciclu e primária. Tós están presonalizaus i llenus de contenius i software eucativu pa ca alunu.

Usuárius

En Mayu e 2003, s'abian distribuiu 200.000 CDs de LinEx de bardi meyanti los diárius localis, s'abian descargau 70.000 imahin del sistema operativu dendi el sitiu web la distribución. Alreol del 10% los abitantis d'Estremaura pudrian gastal LinEx.

Prémius conseguius

• Prémiu que concei la Asociación de Usuarios de las Telecomunicaciones (AUTEL) al esarrollu e servícius avançaus de Tenulohias la Enhormación i la Comunicación (Otubri e 2002)
• Prémiu la "Asociación de Usuarios Españoles de Linux (Hispalinux)" a la Hunta d'Estremaura, pol esarrollu e gnuLinEx (Noviembri e 2002)
• Prémiu "Computerworld 2003" a la Conseheria d'Eucáncia, Céncia i Tenulohia la Hunta d'Estremaura pola criación de gnuLinEx (Marçu e 2003)
• Prémiu "Vettonia, voz Castúa" al conseheru d'Eucáncia, Céncia i Tenulohia, conceiu pola "Agrupación Extremeña de Alcorcón", pol esarrollu e gnuLinEx (Húniu e 2003)
• Prémiu Uropeu la Enovación Rehional, Categoria e Socieá la Enhormación, otorgau pola Comisión Uropea nel marcu el Pograma Rehional Uropeu d'Acionis Enovaoras i entregau nel prenu el Comité las Rehionis, en Bruselas, el 22 d'Abril de 2004.

GnuLinEx enos Estitutus d'Eucáncia Secundária

Ogañu gnuLinEx s'alcuentra prencipalmenti enos estitutus púbricus d'eucáncia secundária la comuniá estremeña, cuentandu con un ordinaol (con gnuLinEx istalau) pol ca dos alunus u pol ca mesa, pa sel mas desatus.

Atihus

• http://www.linex.org Web oficial
• GnuLinEx
  • Linexdebs
• http://www.linexcolegios.com: la web mas completa al tentu Linex Coléhius, con manualis, atihus, artículus...
• Entrevista a un profesol estremeñu d'ESO i Bachilleratu que gasta Linex nel aula