Diferencia entre revisiones de «Áustria»

Dendi Güiquipeya
c 34 revisionis
(Sin diferencias)

Revisión de 16:39 27 may 2008

República Federal d'Aústria
Bandera d'Aústria Escudu d'Aústria
Asihamientu d'Aústria
Lengua oficial alemán
Capital viena
Presidenti Heinz Fischer
Cancillel Alfred Gusenbauer
Cumprimentu
 - Total
 - % augua
Posición 112ª
83.871 km²
1,3%
Puebración
 - Total (2007)
 - Densidá
Puestu 86º
8.206.524
97 ab/km²
PIB
 - Total (2005)
 - PIB/capita
Posición 26ª
321.934 millonis e US$
36.031 US$
Moeda Euru (€, EUR)2
Zona orária
 en veranu
CET (UTC+1)3
CEST (UTC+2)3
Innu Land der Berge, Land am Strome
Domeñu Internet .at
Código telefónico +43
Miembru e: UE, ONU, OCDE, OSCE

Austria (en alemán, Österreich; nombri oficial: República d'Aústria, Republik Österreich) es un pais d'Uropa Central, organizau comu una república federal parlamentária, es miebru dela Unión Uropea dendi 1995. Non tieni fronteras marítimas, comparti fronteras terrestris con Alemaña, República Checa, Eslováquia, Ungria,Eslovénia, Itália, Suiça y Linstenstain. La la lengua nacional es l'alemán i la su capital es la cidá de Viena.

Etimulohia

Áustria (Österreich) significa literalmenti en alemán "El país 'el Esti"

Heografia

Cidá e Salzburgu

La Mayol parti 'el territóriu d'Aústria, masomenus dos tércius 'el territóriu, está endentru dela sección oriental los Alpes, que chegan a alturas de mas de 3.000 m.

La puebración se concentra enus vallis e los rius, entri los que destaca el más emportanti, el Danúbiu. Esti tozu entra en Aústria por Passau, ena frontera con Alemaña, pasandu aluegu por Linz i Viena, asta chegar a Bratislava en Eslováquia, a namás que 60 km e Viena, siendu entoncis las dos capitalis 'el mundu que más s'aprosiman. En Alemaña recibi al Inn, que aluegu pasa por Innsbruck (La Puenti del Inn), con el su afluenti el Salzach (La garganta la Sal), que pasa por meyu e la cidá e Salzburgu.

El lagu Constança es el más grandi 'el pais i horma la frontera oesti con Alemaña i Suiça.

Lenguas

El idioma oficial tola república es l'alemán, hueraparti nel estau de Burgenland también lo son el croata i el húngaru, por la su cuenta nel Lander de Carintia pasa lo mesmitu con el eslovenu.

Estória

Castillu ena Baha Aústria

Una vezi conquistau el pais polos romanus, unus, lombardus, ostrogodus, bávarus i los francus, el territóriu qu'ogañu horma Aústria estuvu bahu domíniu delos Bavenberg dendi el sigru X al sigru XIII. Aluegu endispués hueran sucedíus pola casa delos Asbburgus, que gobernarun en Aústria asta el sigru XX.

Las Guerras Napoleónicas trujon la abolición del Sacru Impériu Romanu Helmánicu, polo qu'en 1806 hue fundau el Impériu Austríacu. Depués la caída de Napoleón Bonaparte, Aústria se uniú a la Confederación Helmánica. Duranti el restu el sigru XIX, el Impériu Austríacu tuvu que disputal-si la supremacia sobri el territóriu helmánicu con Prúsia, sufriendu su más duru revés ena guerra Austo-prusiana de 1866. En 1867 se creó la dobli monarquia del Impériu Austrohúngaru.

Tras la derrota las potencias Centralis ena Primera Guerra Mundial, el impériu se deshizu en várius estaus independientis, dehandu a Aústria comu es ogañu.

En 1918 se convirtió nuna república que se mantuvu asta qu'en 1934 el Canciller Engelbert Dollfuss estableció una dictadura.

Aústria hue anexioná a la Alemaña nazi en 1938 comu el estáu alemán "Ostmark" (Marca 'el Esti). Después la derrota los nazis los Aliáus l'ocupun al final dela Segundera Guerra Mundial asta 1955, añu nel qu'el pais gorvía a sel plenamenti independienti bahu la condición de permanecel neutral. De cualquiera que sea, endispués la caía 'el comunismu en la Uropa 'el Esti, Aústria incrementó la su participación en asuntus uropeus. En 1995 convirtió-si en miembru la Unión Uropea i en 1999 adoptó l'euru.

Gobiernu i política

Parlamentu d'Aústria, en Viena.

Aústria es una república federal y democrática goberná sigún una constitución que data de 1920, peru que a siu modificá más tardi.

El poder ehecutivu es eherciu porel presidenti, qu'es elehiu por sufráhiu universal ca seis añus, y porel Consehu de Menistrus que dirihi un canciller, designau porel presidenti pa un periodu non superiol a cuatru añus.

Organiçación político-admenistrativa

Mapa d'Aústria

Aústria está compuesta por nuevi länder o estauss federaus:

Economía

L'economía austriaca está definia comu una economía e mercadu con un carácter social, a favol los menus favorecidus económicamenti. Esta economía con carácter social e mercadu, está hormá por empresas privás i públicas. Las actividadis básicas se han nacionalizau tras el final la Segundera Guerra Mundial. Aústria es unu los paísis más prósperus i desarrollados d'Uropa.

El prencipal sociu comercial 'el pais es Alemaña.

L'Euru es la moeda oficial d'Aústria.

Esti pais es bahu en recursus naturalis, peru tieni frutas: manzana i duraznu; animalis: oveha, chivarrinus, entri otrus.

Demografia

Crecimientu la puebración denedi 1961 (en milis d'abitantis)

Austria tieni una puebración total e 8.200.000 abitantis (97/km²). Alreol 'el 65% la puebración es urbana.

El pais apresenta una variá mezcla étnica, qu'es legau e los tiempos 'el Impériu Austrohúngaru, incluyendu un emportanti númeru croatas i mahiares.

Aluegu el final dela Segundera Guerra Mundial, la inmigración gorvió a impulsar-si i se apresentó un nuevu grupo d'inmigrantis, hormau prencipalmenti por turcus i sérbius.

La composición étnica actual es la siguienti

  • Uropeus: 97.0% (Austriacus 90.2% + otrus uropeus 6.8%)
  • Otrus: 3.0%

Educación

Universidá e Viena

El sistema educacional en Aústria es de nivel altu. Asta hazi una mihina, l'accesu a la universidá era cuasi e logreria i abiertu. Ogañu es mestel pagal una cuota qu'es baha si se acompara con algotrus paisis.

En Aústria ai 20 universidadis repartias en 8 cidadis.

Calidá e vida i sistema social

Vista e Wachau

La calida e vida n'Aústria es escepcional y cuenta con servicius socialis e primera calidá tantu en previsión sanitária asín comu en compatibilidad entri el labutu i la familia.

El sistema de seguridá social n'Austria es amplio, obligatóriu i financiau por mol e contribucionis. La seguridá social incluyi prestacionis pa tolus empleaus i los sus parientis en casu d'asistencia por malotias, desempleu, baha por maternidá i retiramientu, comu tamién asisténcia social pública pa cidadanus necesidaus. .

Estilu vida i costumbris

La gastronomia d'Austria horma parti la gastronomia hermana.

Dentru las costumbris arraigás, s'encuentra la de quitar-si los çapatus. Al igual qu'en otrus paisis uropeus desiti esta costumbri de sacarsi el carçau i poner-si pantuflas ena casa, igualmenti cuandu se vai e visita a casa los amigus.