Francisco Pizarro

Francisco Pizarro

Francisco Pizarro (16 marçu de 1478 - 26 juñu de 1541) hue un melital estremeñu, que conquistó el Perú pa el Empériu Español.

Via

Tuvu nacéncia en Trujillu. Estuvu a runchal con el su pairi enas Guerras Italianas, baju el mandu el Gran Capitán. En 1502 viajó palas Índias i s'asoció con Diego de Almagro i Hernando Luque conos que realiçó angunas espedicionis. En 1524 salió en cata el Empériu Inca, i landeó apoyus en España. Nestas negociacionis salió mal parau Almagro, eniciandu-se assina un runchaeru con él. En 1531 llegó a Perú, en guerra cevil entri Atahualpa i Huascar. Al atras hazel prisioneru a Atahualpa, lo mató, acusandu-lo de matal a Huascar. Manco Inca hue nombrau nuevu inca i los españolis entrarun en Cusco, eniciandu la colonizacion los territorius. Las deferencias con Almagro acabarán finalmenti nuna guerra cevil, i Almagro sedrá ajusticiau finalmenti al atrás la su derrota ena Batalla las Salinas en 1538. Pizarro altoncis llevará a cabu una ativa política de colonizacion, pero hue assessinau por partidarius d'Almagro.