Guareña

Guareña
{{{imagin}}}
País	España
Comunidá Autónoma	[[{{{comunidá}}}]]
Provincia	[[Provincia de {{{provincia}}}|{{{provincia}}}]]
Comarca	[[{{{comarca}}}]]
Códigu postal	06470
Superficii	{{{superficii}}} km²
Altitú	{{{altitú}}} msnm.
Largol	83 km a Badahó
Puebración	7.326 ab. (2007)
Gentiliciu	{{{gentilíciu}}}
Ríus
Página web	www.guarena.es/
{{{assitiamientu}}}

Guareña es una localiá i monicípiu assitiau ena província de Baajós, ena Comuniá Autúnoma d'Estremaura (España).

Asiahamientu

Preteneci al partiu hudicial de Don Benitu i, eclesiásticamenti, a la Diócesis de Praséncia.

Geografia

Fisiográficamenti se deferéncian dos zonas: una chana, sobri la metá norti, con pósitus aluvialis hormandu estensas vegas, d'arcillas areniscas; i otra e lombus qu'ocupa la metá sul, con predomiñu e materialis terciarius (rañas i barrus miucenus) i primarius (granitus, piçarras arcillosas, silícias i cuarcitas).

Idrografia

Dendi el puntu de vista idrográficu es mestel almiental los cursus d'áugua de los rius Guadiana, Búrdalu i Guadames. Tamién los regachus Guareña, Cristina, San Juan, Margarita, Caballu, etc., inqu'estus remanecin secus duranti abati tol añu.

Estória

El asentamientu puebrau e Guareña paci remontalsi a la epoca prestórica, si bien el orihin concretu el encravi atual resurta dificultosu d'establecel. S'an alcuentrau enus sus alreoris vestihius de la su desisténcia ena etapa romana i tamién restus visigous apaicius a prencipius de sigru. Posteriolmenti hue ocupá polos musulmanis, hata que nel sigru XIII apaici ya cola denominación atual.

Archivu:Sublevados Guareña.jpg

Chegá el Ehércitu franquista duranti la Guerra Cevil Española en 1936

El núcleu urbanu atual prencipió a crecel, allá pol el sigru XIII, alreol dun primitivu torreón vehia, de cuandu esta zona hue tierra fronteriça cola e los morus, enantis de la Conquista el Valli e Guadalquivil pol Fernando III el Santu, siendu consierau cumu puebrau a partil de finalis el sigru XIII (son numerosas las referéncias decumentalis a esta puebración a partil desta fecha). El crecimientu i la fusión, sobri aquel torreón, de las aldeas cercanas dió orihin a lo que sedria el cascu urbanu e Guareña. Los sus puebraoris en aquellas fechas eran de proceencias mu diversas, abundandu los orihinarius de tierras el norti. Pol Guareña pasa la Cañá Rial Lionesa, una e las Cañás mas emportantis pala trashumáncia ena antigüeá, posibri orihin de la afluéncia e puebraoris el norti que bahaban colos sus ganaus i posteriolmenti se queaban pola zona. El su nombri cumu tal nu apaici hata el sigru XIII, nun previlehiu concediu pol Alfonso X, i nel sigru XV los Reis Católicus le concedierun el entítulu e Leal, desimiéndula e la hurisdición de la Ordin de Santiagu. Mas tardi pasó a dependel el Condau e Medellín, i nel sigru XVIII deferentis noblis (Condi los Corbos, Marqués de Monsalud, Duqui del Arco, Marqués de Mondéjar, ...) se repartirian la mayol parti las sus ricas hesas.

Topunimia

Sigún angunus estuyosus, el nombri e Guareña provieni e nombri e riu, cumu nel francés Garonne. El derivaeru fonéticu e la dobri "nn" a "ñ", la "ó" acentuá a tónica se ditonga a "ue", i mos quea Garueña. La "u" e "ue" sufri una metátasis, convirtiendu la primel sílaba en "ua", resurtandu Guareña. Nu ostanti otrus opinan que al estal relacionau al arroyu que pasaba pol el núcleu urbanu, atualmenti canalizau, posibrienti la primel sílaba provenga realmenti el términi musulmán Guad, que senifica "riu".

Demugrafia

En 1591 Guareña tinia 2.145 abitantis, en 1787 lograba los 2.524, chegandu a los 3.946 en 1829. El umentu acontinó i en 1857 ya cuentaba con 5.234. Sedria en 1962 cuandu alcançaria el su techu demugráficu, con 10.323 abitantis. A partil desta fecha la emigración qu'afetó a tola rehión tamién ehó hólliga nesti municipiu, inque con una menol repelcusión qu'en otras zonas, en 1986 la puebración era e 7.787 abitantis, sigún el censu e 1996 e 7.395 abitantis i es, nu ostanti, una puebración pocu avehantá, inque enus úrtimos añus la tasa e nacéncia aiga descendiu. Ogañu tiini (INE, 2007) 7.326 abitantis.

Clima

El clima es de tipu mediterráneu sutropical, con temperaturas meyas anualis de 16,6 ºC. Los ibielnus son suavis con temperaturas meyas de 8,8 ºC, con ménimas asolutas de -4 ºC. El vranu es secu i calurosu con una temperatura meya estacional de 24,9 ºC i máisimas de 40-42 ºC. Las precipitacionis meyas anualis son de 529,3 mm³.

Ativiá económica

La ativiá económica prencipal es el setol agrariu. Esti setol á esperimentau cámbeus senificativus nel aprovechamientu la superfici, sumandu a las tierras puestas en riegu entri 1960 i 1986, las que atualmenti s'alcuentran en procesu e parcelación ebiu al nuevo canal de riegu que recorri la comarca. El réhimin de tenéncia la tierra predominanti es la esplotación direta (un 76,2%), seguia pol el arrendamientu (16,9 %) i la apalceria (6,8 %). La ganaeria tamién tieni la su emportáncia endrentu el setol agrariu, inque nu ena mesma miia que l'agricurtura. El setol endustrial nu está mu esarrollau, inque está teniendu un crecimientu paulatinu enus úrtimus añus.

Monumentus

Uguañoti Guareña costitui unu e los puebrus arrepresentativus la Baha Estremaura, enu concernienti sobri tó a la su organiçación urbanística i componentis hormalis. En Guareña destaca, ya endi largu, la su impresionanti elésia, la Elésia e Santa Maria, el su prencipal monumentu. Tamién resurta e méritu el eificiu el Ayuntamientu. La su fachá e diseñu crasicista está realizá en silleria e granitu. Á siu remozá en varias ocasionis, la úrtima remoelación se acabihó en 1995. La obra es el sigru XVIII, costituyendu unu e los mehoris sabulugaris d'eificius concehilis levantaus nesa epoca ena rehión. La capilla e San Gregoriu s'abri a una praça, presentandu un atriu e tripli arcá sobri colunas de granitu, i espadaña flanqueá pol cornisamentu con volutas barrocas. Perduran entovia las casonas de labraoris de los sigrus XVI i XVIII, colos vanus enmarcaus pol huertis pieças graníticas, i pieras armeras ena fachá.

Ihus ilustris

Cabin destacal el pueta Luis Chamizo Trigueros, el pueta i filósofu Eugenio Frutos, el tamien pueta Braulio Ducasse i el músicu José María Mancha Mancha".