Copa

Alfabetu griegu
Α α Alfa	Β β Beta
Γ γ Gama	Δ δ Delta
Ε ε Éssilun	Ϝ ϝ Digama
Ζ ζ Zeta	Η η Eta
Θ θ Teta	Ι ι Yota
Κ κ Capa	Λ λ Lambda
Μ μ Mi	Ν ν Ni
Ξ ξ Xi	Ο ο Omicron
Π π Pi	Ϻ ϻ San
Ϙ ϙ Copa	Ρ ρ Ro
Σ σ Sigma	Τ τ Tau
Υ υ Ípsilon	Φ φ Phi
Χ χ Hi	Ψ ψ Psi
Ω ω Omega	Ϡ ϡ Sampi
Alfabetu griegu

Antígua letra el alfabetu griegu. Enos antíguus alfabetus, acupaba el lugal entri la Π i la Ρ, lugal ondi se conselva nel alfabetu latinu.

La su mayúscula era Ϙ i la menúscula ϙ.

El su nombri era κόππα [kőppa] (en muelnu ['kopa]).

Esta letra rescreci del feníciu qoph i hue gastá enos primerus alfabetus i en ciertus dialeutus para represental el alofonu [k^ɣ] alantri las letras O i Υ, pol sonali a los griegus mas próssimu al son semíticu: ϘΟΡΙΝΘΟΣ. El alfabetu calcídicu, proceenti de la isla d’Ubea, gastau ena Mana Grécia, gastaba velaquí esta grafia. Los etruscus l’apañarun i tamién los latinus. Los latinus escrebian tamién Q alantrinu las vocalis velaris O i V: PEQVLATVS, PEQVNIA. El latín se sirvió desta letra tamién pa represental el fonema labiuvelal induropeu /k^w/ pol mé el dígrafo QV: QVIS, ALIQVANDO.

Cumu numeral, la copa, empreá cola grafia ϟ, representa el 90 (ϟ´).

Bibliografia

• Bassols de Climent, M., Fonética latina, Madril, 1962.
• Berenguer Amenós, J., Gramática griega, Barcelona, Bosch, 2002³⁷.
• Liddell, H. G., Scott, R., A Greek-English lexicon, Oxford, Oxford University press, 1996⁹.
• Lejaune, M., Phonétique historique du Mycénne et du Grec ancien, París, Klinsieck, 1972.
• VV. AA., Νεοελληνική γραμματική, Atenas, Οργανισμός Εκδοσέως διδακτικών βιβλίων, 2005.
• VV. AA., Griego moderno para filólogos clásicos, Atenas, Ediciones Nefeli, 1999.