Estatutu d'Autonomia d'Estremaura

Dendi Güiquipeya
(Rederihiu dendi Estatutu d'Estremaura)
Ir a la navegación Ir a la búsqueda
Asamblea d’Estremaura

El Estatutu d'Autunomia d'Estremaura es la nolma estitucional básica la Comuniá Autúnoma estremeña.
El 25 e Hebreru e 1983 hue aprebá polas Cortis Heneralis la Lei Olgánica el Estatutu d'Autunomia d'Estremaura. Nel mesmu s’aseñalan las competéncias la Comuniá Autúnoma, asín cumu la olganiçación estitucional, la olganiçación hudicial, los prencípius la econumia i la hazienda la Comuniá, entri algotrus aspetus.

El Estatutu d’Autunomia está holmau pol 63 artículus olganiçaus en 6 entítulus, 6 disposicionis aicionalis, 1 disposición transitória i 1 disposición final.
El Estatutu hue reholmau 3 vezis, en 1991, en 1994 i en 1999, siendu esta úrtima reholma la mas emportanti, ya que umenta el techu competencial al nivel de las Comuniáis Autúnomas anombrás “estóricas", destacan los trespasus ena hestión de la Saniá i la Ensiñáncia, se dá al presienti la Hunta d’Estremaura la facurtá e disolvel l’Asamblea d'Estremaura i la posibiliá de crial ólganus cumu el Defensol del Puebru Estremeñu i un Tribunal de Cuentas Estremeñu.

Los primerus párrafus del Estatutu son (ena su velsión orihinal):

1. Extremadura, como expresión de su identidad regional histórica, dentro de la indisoluble unidad de la nación española, se constituye en Comunidad Autónoma de acuerdo con la Constitución española y con el presenti Estatuto, que es su norma institucional básica.

2. La Comunidad Autónoma de Extremadura, a través de instituciones democráticas, asume el ejercicio de su autogobierno regional, la defensa de su propia identidad y valores y la mejora y promoción del bienestar de los extremeños.

3. Los poderes de la Comunidad Autónoma de Extremadura emanan del pueblo, de la Constitución y del presenti Estatuto.

Traución del estatutu al estremeñu (nu oficial):

1. Estremaura, cumu espresión de la su ientiá rehional estórica, endrentu la endisolubri uniá la nación española, se costitui en Comuniá Autúnoma dalcuerdu cola Costitución española i con el presenti Estatutu, qu’es la su nolma estitucional básica.

2. La Comuniá Autúnoma d’Estremaura, pol mé d’estitucionis democráticas, asumi el ehelcíciu del su autugobielnu rehional, la defensa la su própia ientiá i valoris i la mehora i promoción del bienestal de los estremeñus.

3. Los pueris la Comuniá Autúnoma d’Estremaura procein del puebru, de la Costitución i del presenti Estatutu.

Atihus[eital | eital coigu]