Estitutu Camões

Instituto Camões ; Instituto Camões
Tipo	Institución cultural
Campo	artes escénicas
Fundación	1992 y 2012
Fundador	Gobierno de Portugal
Sede central	Lisboa, Portugal
Área de operación	idioma portugués, cultura portuguesa
Empresa matriz	Gobierno de Portugal
Coordenadas	38°43′29″N 9°08′56″O / 38.724778, -9.148951
Sitio web	www.instituto-camoes.pt
	[editar datos en Wikidata]

L' Enstitutu Camões es una estitución creá pa proponel i ejecutal la política de coperación portuguesa, assina comu la promoción dela luenga portuguesa i dela su coltura pol tol mundu.

Estoria

L'Estitutu Camões fue creau en 1992 comu sucesol del Instituto da Cultura e Língua Portuguesa baju la supervisión del Ministeriu d'Assuntus Exterioris de Purtugal, i ogañu tiini una autonomía tantu almenistrativa comu patrimonial. Ogañu, l'Enstitutu está presenti en más de 30 paísis, creandu n'ellus tantu Centros de Língua Portuguesa comu Centros culturais portugueses (enos primerus s'enseña l'idioma i enos segundus la coltura i traicionis de Purtugal).

Esti estitutu entegra tantu las políticas de coperación enternacional propias dela española AECID o dela alemana GIZ, comu las de promoción coltural i lingüística, en quyu ámbitu es equivalenti al Estitutu Cervantes español, la Società Dante Alighieri italiana, la Alliance Française francesa, l'British Council británicu o l'Goethe-Institut alemán. Toos ellus trebajan pa devurgal las sus respetivas colturas pol tol mundu, favoreciendu assina el conocimientu d'algunas delas prencipalis linguas uropeas, hechu pol qual se les á otorgau el Premiu Prencipi d'Asturias de Comunicación i Umaniais del añu 2005.^[1]

Centrus de Lingua

Los Centrus de Lingua Portuguesa del Enstitutu (Centros de Língua Portuguesa o CLP) son centrus quyu prepósitu es promovel la luenga portuguesa, assina comu coperal con diferentis paísis nel campu dela eucación.

Localizacionis

Alemaña: Amburgu

Angola: Benguela i Lubango

Argentina: Güenus Airis

Chili: Santiagu de Chili

Cabu Verdi: Praia

Corea del Sul: Pusan (Instituto Português do Oriente)

España: Barcelona, Caçris, Madrid i Vigu^[2]

Estaus Uníus: Newark

Fráncia: Lille, Lyon, i Poitiers

Guinea-Bissáu: Bissáu

Ungria: Budapest

Índia: Goa

Indonesia: Yakarta (Instituto Português do Oriente)

Méjicu: Ciá de Méjicu

Moçambiqui: Beira, Maputu i Nampula

Polonia: Lublin

Réinu Uníu: Newcastle i Oxford

Repúbrica Checa: Praga

Rumanía: Bucarest

Santu Tomé i Prencipi: Santu Tomé

Sudáfrica: Johannesburgu

Timol Oriental: Dili

Túnez: Ciá de Túnez

Veneçuela: Caracas

Ogañu, s'están estableciendu nuevus centrus en París, Dakar, Poitiers, Windhoek, Amberis, Estocolmu, Viena, i ena sei dela Unión Africana en Adis Abeba i dela Comuniá Económica delos Estaus d'África Ocidental en Abuya.

Centrus colturalis

Los centrus colturalis portuguesis del Enstitutu (Centros culturais portugueses) son centrus quyu pesqui es la promoción delas relacionis colturalis entri Purtugal i otrus paísis, especialmenti n'aquellus colos que Purtugal guada huertis laçus estóricus i colturalis.