Flamencu
| Flamencu | |
|---|---|
  Patrimoniu cultural inmaterial dela Unescu | |
| |
| La bailadora Belén Maya | |
| Assitiamientu | |
| País |  España
|
| Datos cheneralis | |
| Tipu | Cultural inmaterial |
| Criterius | R1, R2, R3, R4 y R5 |
| Identificación | 00363 |
| Rexón | Uropa y América del Norti |
| Inscrición | 2010 (V sesión) |
| Flamencu | |
|---|---|
| Oríhens musicals |
Música folclórica española |
| Oríhen cultural | |
| Instrumentus comuns | |
| Popularidá |
Xéneru español col más repercusión internacional y con muita popularidá en Andalucía y nel restu d'España. |
| Derivaus | |
| Edital datos en Wikidata | |
El flamencu es un géneru dela música folclórica española que se desenvolvió en Andaluzia, especialmenti enas çonas de Caidi i los sus puertus, San Fernandu, Xerés dela Frontera (lugal dondi se topa el primel vestigiu escritu d'esti arti[3] i sei del CADF Centru Andaluz de Documentación del Flamencu[4]), Sevilla i los puebrus dela su província comu Lebrixa i Utrera, Güerva, Graná i Córduba assin comu en algunas árias dela Región de Múrcia, Castilla-La Mancha i Estremaúra.[5] Las sus prencipales facetas son el canti, el toqui i el baili, contandu tamién colas sus própias tradicionis i normas. Tal i comu lo conocemus ogañu, el flamencu data del sigru XVIII, i dessisti controversia sobri el su origin, ya que inque dessistin distintas opinionis i vertientis, denguna d'ellas á puíu sel comprobá de forma estórica. Inque el dicionariu dela RAE lo assócia ala coltura populal andaluza i ala presséncia del puebru gitanu en aquella,[6] es más que percetibli la fusión delas distintas colturis que coincierun ena Andaluzia dela época sin qu'ellu sirva de menoscabu al decisivu papel delos artistas gitanus nel desenvolvimiento i preservación desti géneru.
De toas las ipótesis sobri el su origin, la tesis más estendía es la qu'esponi el origin diversu dendi los romancis cantaus castellanus ata la música delos moriscus o la sefardí. El mestizagi coltural que por entoncis se dio en Andaluzia (oriundus, musulmanis, castellanus) assin comu la puebración africana (esclavus llegaus a los puertus andaluzis) i dela que provienin los instrumentus, posteriormenti modificaus comu la guitarra española, propiciarun la su creación. De hechu, ya dessistía ena región d'Andaluzia el su germin abondu dantis de que los gitanus llegaran, tenindu tamién en cuenta qu'abía gitanus en otras regionis d'España i d'Uropa, inque el flamencu fue unicamenti cultivau polos que se topaban en Andaluzia.[7]
En noviembri de 2010 la Unesco lo declaró Patrimoñu Coltural Inmaterial dela Umanidá[8] a iniciativa delas comunidais autónomas d'Andaluzia, Estremaúra i Múrcia. Amás es Patrimoñu Coltural Inmaterial Etnológicu Andaluz i está inscritu nel Inventariu General de Bienis Mueblis dela Región de Múrcia establecíu pola Direción General de Bellas Artis i Bienis Colturalis. Ena comuniá autónoma andaluza, se topa el Centru Andaluz de Documentación del Flamencu (CADF) que tiini la su sei en Xerés dela Frontera, sendu una institución andaluza creá en 1987 i incorporá ala Consegería de Coltura dela junta d'Andaluzia en 1993, assitiá nel Paláciu Pemartín desta ciá i dedicá ala recuperación, conservación, investigación i difusión del flamencu.[9]
La su popularidá en Iberoamérica á síu tal qu'en Argentina, Brasil, Costa Rica, Cuba, El Salvaol, Guatemala, Méjicu, Panamá, Puertu Ricu i Veneçuela, án surgíu diversas agrupacionis i académias.[10][11][12][13][14][15] La su gran difusión i estudiu en Chili á permitíu inclusu la aparición de conocías figuras nacionalis, comu los guitarristas Carlos Ledermann[16] i Carlos Pacheco Torres, el qual imparti una cátedra de Guitarra Flamenca nel Conservatoriu Superiol de Música Rafael Orozco de Córduba.[17] En Japón es tan populal que se dizi qu'en essi país ai más académias de flamencu qu'en España.[18] Assinmesmu, el flamencu á adquiríu especial releváncia en China, grácias ala apertura enternacional del país asiáticu enos últimus añus.[19]
Etimología
[adital | adital cóigu]La parabra flamencu, refería al géneru artísticu que se conoci baxu essi nombri, se remonta a meyaus del sigru XIX. Nu ai certeza dela su etimología, por lo que s'án planteau várias ipótesis:
Porque a los gitanus se les conoci tamién comu flamencus: en 1881 Demófilu, nel primel estudiu sobri el flamencu, argumentó qu'esti géneru debi el su nombri a que los sus prencipales cultivaoris, los gitanus, eran conocíus frecuentementi en Andaluzia baju dicha denominación.[20] En 1841 George Borrow nel su libru Los Zíncali: Los gitanus d'España ya abía recogíu esta denominación populal, lo qu'arefuerça l'argumentación de Demófilu.
Gitanus o egitanus es el nombri dau en España tantu nel passau comu nel presenti a los qu'en ingrés llamamus gypsies, inque tamién se les conoci comu "castellanus nuevus", "germanus" i "flamencus"; [...] El nombri de "flamencus", col que al presenti son conocíus en diferentis partis d'España,[...][21]}}
Nu se tiini certeza del motivu pol que los gitanus eran llamaus "flamencus", nostanti, ai abondas notícias qu'apuntan ázia un origin jergal, situandu al términu "flamencu" dentru del léssicu própiu dela germanía. Esta teoría sostribi que "flamencu" deriva de flamancia, parabra que provieni de "flama" i qu'en germanía se refieri al temperamentu fogosu delos gitanus. Nel mesmu sentíu el dicionariu dela Real Académia Española dizi que "flamencu" sinifica coloquialmenti "chulu o insolenti", sendu un egemplu d'ellu la locución "ponel-si flamencu".[22] Nun sinificau similal, el términu "flamencu" es gastau comu sinónimu de "cuchillu" i de "gresca" o "algazara" por Juan Ignacio González del Castillo, nel su saineti El soldau fanfarrón (ca. 1785). Nostanti, Serafín Estébanez Calderón, que enas sus Escenas andaluzas (1847) aporta las primeras descricionis de situacionis flamencas, nu gastó essi nombri pa califical-las.[23]
Por paralelismu col avi zancúa del mesmu nombri: algunas ipótesis relacionan el origin del nombri del géneru flamencu colas avis zancúas del mesmu nombri. Una d'ellas dizi que el flamencu recibi essa denominación porque el aspetu i el lenguagi corporal delos sus intérpretes arreveldin a dichas avis. Marius Schneider, en cambiu, defendi que el origin del términu puei estal nel nombri destas avis, inque nu ena su paecencia col estilu delos bailaoris sinu en qu'el modu de mi, qu'es el predominanti nel repertóriu flamencu, se relaciona ena simbología medieval, entri otrus animalis, col flamencu.[24]
Porque el su origin está en Flandis: otru númeru d'ipótesis vinculan el origin del términu con Flandis. Sigún Felipe Pedrell, el flamencu llegó a España dendi essas tierras ena época de Carlos V, d'aí el su nombri.[25] Algunus añain qu'enos bailis que s'organizarun pa dal la bienvenía a dichu monarca se jaleaba col gritu de ¡Báila-li al flamencu! Nostanti, el términu "flamencu" vinculau ala música i al baili surgió a meyaus del sigru XIX, vária sigrus endispués dessi hechu.
Por sel la música delos "fellah min gueir ard", los campesinus moriscus sin tierra: sigún el notariu i políticu Blas Infante, el términu "flamencu" provieni dela espressión andaluzí fellah min gueir ard (فلاح من غير أرض), que sinifica "campesinu sin tierra". Sigún él, abondus moriscus s'integrarun enas comunidais gitanas, colas que compartían el su caraiti de minoría étnica al margi dela coltura dominanti. Infante suponi que n'essi caldu de cultivu debió surgil el canti flamencu, comu manifestación del dolol qu'essi puebru sentía pola aniquilación dela su coltura.[26] Nostanti, Blas Infante nu aporta fonti estórica documental denguna qu'avali esta ipótesis. Nostanti, el Pairi García Barriuso tamién considera que el origin dela parabra flamencu pudieri estal ena espressión árabi gastá en Marruecus fellah-mangu, que sinifica "los cantis delos campesinus".[27] Assinmesmu, Luis Antonio de Vega aporta las espressionis felahikum i felah-enkum, que tiinin el mesmu sinificau.[28]
Canti jondu
[adital | adital cóigu]Sigún el dicionariu dela RAE, el "canti jondu" es "el más genuinu canti andaluz, de profundu sentimientu".[29] Esti dicionariu recogi comu equivalentis las locucionis "canti jondu" o "canti hondu", lo qu'avala qu'el términu "jondu" nu es más que la forma dialetal andaluza dela parabra "hondu", cola su caraterística aspiración dela h provenienti de f inicial. Nostanti, Máximo José Kahn llegó a sostribal qu'el términu "jondu" procedi dela locución ebrea "jom-tob" o "yom-tob", desinéncia d'algunus cantis sinagogalis.[30] Sigún García Matos i Hipólito Rossy, nu tol canti flamencu es canti jondu.[31] Manuel de Falla consideraba qu'el canti jondu era el canti antigu, mientris qu'el canti flamencu era el moernu.[32]
El canti jondu es una forma profunda i emotiva del flamencu, una espressión musical originária d'Andaluzia, España. Se carateriza pola su intensidá emocional i la su conessión colas esperéncias más profundas dela vía. El canti jondu aborda temas comu el amol, la perda, el sufrimientu i la passión, i a menú se realiza cun estilu vocal melancólicu i apasionau. Esti géneru es conocíu por transmitil una gama d'emocionis fuertis i auténticas, convirtiéndu-lu nuna manifestación artística única i conmovedora.
Destinción entri flamencu i folclori andalús
[adital | adital cóigu]
L'estilu flamencu se fue configurandu duranti el sigru XIX, sobri el sustratu dela música i la dança tradicionalis d'Andaluzia, cuyus originis son antigus i diversus. Nostanti, el flamencu nu es el folclori d'Andaluzia (compuestu por seguiriyas, sevillanas, fandangus, verdialis, trovus, el chacarrá, el vitu...), sinu un géneru artísticu fundamentalmenti escénicu.
El flamencu i el folclori andaluz son dos espressionis musicalis distintas, inque compartin ciertas raícis colturalis. El flamencu es un géneru musical i artísticu que s'originó en Andaluzia, destacandu pola su profunda espressión emocional i la su conessión cola vía cotidiana i las esperéncias pressonalis. Incluyi diferentis formas, comu el canti (cantu), el toqui (guitarra) i el baili.
Por otru lau, el folclori andaluz abarca una variedá más ámplia d'espressionis colturalis, nu limitandu-si solu ala música. Incluyi tradicionis, danças, costumbris i manifestacionis artísticas própias dela región d'Andaluzia. El folclori andaluz es un conjuntu diversu d'espressionis colturalis que reflexan la rica estoria i la mestra d'influéncias colturalis ena región.
En dengún momentu dela su estoria á passau el flamencu de sel una música enterpretá por minorías, con mayol o menol difusión. El surgimientu delos cantaoris profesionalis i la transformación delos cantis popularis por parti delos gitanus, hizun qu'el su estilu s'alejara considerablementi delas tonás tradicionalis.[33]
Entavía assin, el flamencu se considera un atrativu turísticu de primel ordin pa Andaluzia,[34] tantu comu espetáculu comu arti pal su estudiu, inclusu comu doctorau,[35] espertu nuversitariu[36] o matéria de diplomatura nuversitária.[37] Tamién s'entregan premios ala investigación en flamencu.[38]
Estoria
[adital | adital cóigu]Se crei qu'el géneru flamencu surgió a finalis del sigru XVIII en ciais i villas agrárias dela Baxa Andaluzia, destacandu Xerés dela Frontera comu primel vestigiu escritu desti arti,[39] inque práticamenti nu ai datus relativus a essas fechas i las manifestacionis desta época son más própias dela escuela bolera que del flamencu. Dessistin ipótesis qu'apuntan ala influéncia nel flamencu de tipus de baili provenientis del subcontinenti indiu —lugal d'origin del puebru gitanu— comu es el casu del kathak, si bien nu ai qu'olvial qu'el puenti coltural entri dambos dos es la coltura árabi i las sus complicás matemáticas aplicás al trebaju de pies. El documental Gurumbé, cancionis dela tu memória negra, muestra la influéncia africana enos ritmus i coreografías del flamencu.[40]
El casticismu
[adital | adital cóigu]En 1783 Carlos III promulgó una pragmática que regulaba la situación social delos gitanus. Estu fue un hechu trascendental ena estoria delos gitanus españolis que, tras sigrus de marginación i persecucionis, vierun comu la su situación jurídica mejoraba sustancialmenti.
Tras la guerra d'Independéncia española (1808-1812) se desenvolvió ena concéncia española un sentimientu d'orgullu racial, que contraponi al ilustrau afrancesau, la fuerça telúrica del maju, arquetipu del individualismu, la grácia i el casticismu. N'essi ambienti runchi la moda cañí, pos el casticismu vei nel gitanu un modelu ideal dessi individualismu. La eclosión delas escuelas taurinas de Ronda i Sevilla, el augi del bandolerismu i la fascinación por lo andaluz manifestá polos viajerus románticus uropeus, fuerun conformandu el costumbrismu andaluz, que runchió ena corti mairileña.
En esta época dessisti constáncia de desavenéncias pola introdución d'innovacionis nel arti.[41]
Los cafés cantantis
[adital | adital cóigu]
Los cafés cantantis eran localis noturnus dondi los espetadoris podían bebel copas ala vezi que disfrutaban d'espetáculus musicalis. N'ellus frecuentementi se producían desmanis de tó tipu, por lo que la mayoría dela puebración vivía d'espaldas a ellus.cita requerida
Sigún publicó enas sus memórias el cantaol Fernandu el de Triana, ya en 1842 dessistía un café cantanti en Sevilla, que se volvió a inaugurar en 1847 baju el nombri de Los Lombardus, comu la ópera de Verdi. Nostanti, por aquel entoncis los distintus cantis i intérpretes estaban bastanti desconetaus entri sí. En 1881 Silveriu Franconetti, cantaol d'estensu repertóriu i grandis dotis artísticas, abrió en Sevilla el primel café cantanti flamencu. Nel café de Silveriu los cantaoris estaban nun ambienti mu competitivu, pos al própiu Silveriu le gustaba retal en púbricu a los mejoris cantaoris que passaban pol su café.
La moda delos cafés cantantis permitió el surgimientu del cantaol profesional i sirvió de crisol dondi se configuró l'arti flamencu. N'ellus los nu-gitanus aprendían los cantis delos gitanus, mientris qu'estus reinterpretaban al su estilu los cantis folclóricus andaluzis, ampliándu-si el repertóriu. Assinmesmu, el gustu del púbricu contribuyó a configural el géneru flamencu, unificándu-si la su ténica i la su temática.
L'antiflamenquismu dela generación del 98
[adital | adital cóigu]El flamenquismu, definíu pola Real Académia Española comu la "afición al arti i alas costumbris flamencas", es un cajón de sastri concetual ondi cabin el canti flamencu i otrus elementus castiçus españolis. Estas costumbris fuerun fuertementi atacás pola generación del 98, sendu tolos sus biembrus "antiflamenquistas", a esceción delos hermanus Machado, pos Manuel i Antoniu, al sel sevillanus i ijus del folclorista Demófilu, tenían una visión más complexa del asuntu.
El mayol portaestandarti del antiflamenquismu fue l'escritol mairileñu Eugeniu Noel, quien, ena su juventú, abía síu un casticista militanti. Noel atribuyó al flamencu i la tauromáquia el origin delos malis d'España. Al su entendel, l'auséncia destas manifestacionis colturalis enos moernus estaus uropeus paecía traducil-si nun mayol desenvolvimientu económicu i social. Estas consideracionis hizun que s'estableciera duranti décaas una grieta insalvabli entri el flamencu i la mayol parti dela inteletualidá.
L'ópera flamenca
[adital | adital cóigu]Entri 1920 i 1955 los espetáculus flamencus passarun a sel celebraus en plaças de torus i teatrius, baju el nombri d'"Ópera flamenca". Esta denominación era una estrategia económica delos promotoris, pos la ópera solu tributaba el 3 % mientris que los espetáculus de variedaism pagaban un 10 %. En esta época los espetáculus flamencus s'estendierun por toa España i polas prencipales ciais del mundu. El gran éssitu social i comercial alcanzau pol flamencu en esta época eliminó delos escenárius algunus delos palus más antigus i sobrius, en favol d'airis más ligerus, comu las cantiñas, los cantis d'ía i vuelta i, sobri tó, los fandangus, delos que se crearun abondas versionis pressonalis. La crítica purista atacó essa livianización delos cantis, assin comu el gastu del falseti i el vulgal estilu gaiteru.[42] Inque las primeras referéncias documentás d'ópera flamenca datan de 1926 ena prensa, l'investigaol granáinu Antoniu Conde González-Carrascosa localizó una notícia de 1902 ena que ya se palraba de canti flamencu, baili flamencu i ópera flamenca. Ena línia del purismu, el poeta Federicu García Lorca i el compositor Manuel de Falla tuvierun la idea de convocal un concursu de canti jondu en Graná en 1922.[43] Dambos dos artistas concibían el flamencu comu folclori, nu comu géneru artísticu escénicu; por ellu, sentían preocupación, pos creían qu'el runchi masivu del flamencu acabaría colas sus raícis más puras i jondas. Pa remeyal-lu organizarun un concursu de canti jondu nel que solu podían participal aficionaus i nel que s'escluían los cantis festerus (comu las cantiñas), que Falla i Lorca nu consideraban jondus, sinu flamencus. El jurau fue presidíu por Antoniu Chacón, que por entoncis era primera figura del canti. Los ganaoris fuerun "El Tenazas", un cantaol profesional retirau de Morón dela Frontera, i Manuel Ortega, un zagal sevillanu d'ochu añus que passaría ala estoria del flamencu comu Manolu Caracol. El concursu resultó un fracasu debíu al escasu ecu que tuvu i porque Lorca i Falla nu supun entendel el caraiti profesional que por entoncis ya tenía el flamencu, afanándu-si en baldi en buscal una pureza que nunca dessistió nun arti que se caraterizaba pola mestra i la innovación pressonal delos sus creaoris. Al margi dessi fracasu, cola generación del 27, cuyus biembrus más eminentis eran andaluzis i por tantu conoceoris de primera manu del géneru, pirenció el reconocimientu del flamencu polos inteletualis.
Ya en aquella época dessistin grabacionis flamencas relacionás cola Navidá, que se puein dividil en dos grupus: el villancicu tradicional aflamencau i cantis flamencus qu'adatan las sus letras ala temática navideña.[44] Estus cantis s'án manteníu ata los nuestrus días, sendu espacialmenti representativa la Zambomba Xerezana, declará Bien d'Interés Coltural Inmaterial pola Junta d'Andaluzia en diciembri de 2015.[45]
Duranti la guerra civil española s'essiliarun o murierun un gran númeru de cantaoris defendiendu ala Repúbrica i las vejacionis alas que estaban sendu sometíus pol Bandu Nacional: Corrucu d'Algeciras, Chaconcitu, El Carbonerillu, El Chatu Delas Ventas, Vallejitu, Rita la Cantaora, Angelillu, Manuel González López (más conocíu comu El Guerrita son algunus d'ellus. Ena posguerra i los primerus añus del Franquismu, se miró con recelu al mundu del flamencu, pos las autoridais nu tenían claru que dichu géneru contribuyera ala concéncia nacional. Nostanti, el régimin prontu acabó adotandu el flamencu comu una delas manifestacionis colturalis españolas por antonomásia. Los cantaoris qu'án sobrevivíu ala guerra passan d'estrellas a ábati parias, cantandu palos señoritus enos reservaus delos prostíbulus del centru de Sevilla, dondi tiinin que adatal-si alas veleidais d'aristócratas, militaris i empresárius que s'án enriquecíu.[46]
En suma, el periodu dela Ópera Flamenca fue una época abierta ala creatividá i que configuró definitivamenti la mayol parti del repertóriu flamencu. Fue la Edá d'Oru desti géneru, con figuras comu Antoniu Chacón, Manuel Valleju, Manuel Torri, La Niña delos Peinis, Pepi Marchena i Manolu Caracol.
El nacimientu dela flamencología
[adital | adital cóigu]
A partil dela décaa de 1950 pirenciarun a publical-si abondus estudius antropológicus i musicológicus sobri el flamencu. En 1954 Hispavox publicó la primera Antología del Canti Flamencu, grabación sonora que fue un gran revulsivu ena su época, dominá pol canti orquestau i, en consecuéncia, mistificau. En 1955 l'inteletual argentinu Anselmu González Climent, publicó un ensayu llamau Flamencología, cuyu títulu bautizó al "conjuntu de conocimientus, ténicas, etc., sobri el canti i el baili flamencus". Esti libru dignificó l'estudiu del flamencu al aplical-li la metodología académica própia dela musicología i sirvió de basi alos posterioris estudius sobri dichu géneru.
Comu consecuéncia, en 1956 s'organizó el I Concursu Nacional de Canti Jondu de Córduba i en 1958 se fundó en Xerés dela Frontera la primera Cátedra de Flamencología,[47] la más antiga institución académica dedicá al estudiu, la investigación, conservación, promoción i defensa del arti flamencu. Assinmesmu, en 1963 el poeta cordubés Ricardu Molina i el cantaol sevillanu Antoniu Mairena publicarun al alimón Mundu i Formas del Canti Flamencu, convertía en obra de referéncia obligá. Cun lenguagi sencillu, el libru describi la variedá de palus i estilus, i narra la estoria del canti, defendiendu qu'el flamencu fue obra esclusiva delos gitanus, que lo mantuvierun en intimidá ata que hizun d'él la su profesión. Assinmesmu el libru diferéncia entri el canti grandi (meramenti gitanu) i el canti chicu (aflamencamientu delas tonás folclóricas andaluzas i colonialis). Por lo tantu, la obra de Molina i Mairena introduxu ena flamencología la "tesis gitanista" i el "neojondismu" comu línias d'investigación.
Duranti abondu tiempu los postulaus mairenistas se tuvierun práticamenti por incuestionablis, ata que toparun respuesta en otrus autoris qu'elaborarun la "tesis andalucista", que defendía qu'el flamencu era un produtu genuinamenti andaluz, pos s'abía desenvolvíu íntegramenti en esta región i porque los sus palus básicus derivaban del folclori d'Andaluzia. Assinmesmu mantenían que los gitanus andaluzis abían contribuíu determinantementi ena su formación, poniendu de manifiestu l'escecionalidá del flamencu entri la música i las danças gitanas d'otras partis d'España i d'Uropa. La unificación dela tesis gitanista i l'andalucista á acabau por sel la más acetá ogañu. En resumin, entri los añus 1950 i 1970, el flamencu passó de sel un meru espetáculu pa convertil-si amás en objetu d'estudiu.
Flamencu protesta duranti el franquismu
[adital | adital cóigu]El flamencu se convirtió nunu delos símbulus dela identidá nacional española duranti el franquismu, ya qu'el régimin supu apropial-si d'un folclori tradicionalmenti asociáu con Andaluzia pa promovel la unidá nacional i atrael al turismu, constituyendu lo que se denominó comu nacional-flamenquismu. D'aí qu'el flamencu ubiera síu vistu por abondu tiempu comu un elementu reacionáriu o retrógradu. A meyaus delos 60 i ata la transición pirenciarun a apaecel cantaoris que se oponían al régimin col gastu de letras reivindicativas. Entri estus se puein contal: Joseli Menese i el letrista Franciscu Moreno Galván, Enriqui Morenti, Manuel Gerena, El Lebrixanu, El Cabreru, Loli i Manuel, el Piki o Luis Marín, entri abondus otrus.
En contraposición a esti conservadurismu col que s'assócia duranti el franquismu, el flamencu sufrió l'influju dela olá d'ativismu qu'agitó tamién la nuversidá contra la represión del régimin quandu los nuversitárius entrarun en contatu con esti arti enos recitalis que se hazían, por egemplu, nel Colegiu Mayol de San Juan Evangelista: “aficionaus i profesionalis del flamencu s'involucrarun realizandu atuacionis de caraiti manifiestamenti políticu. Fue una suerti de flamencu protesta cargau de contestación, que supusu censura i represión palos ativistas flamencus”.[48]
Conformi transcurrió la transición política, las reivindicacionis se fuerun desinflandu a medía qu'el flamencu s'insertó dentru delos flujus del arti globalizau. Al mesmu tiempu, esti arti se fue institucionalizandu ata llegal al puntu de que la Junta d'Andaluzia s'atribuyó en 2007 “la competéncia esclusiva en matéria de conocimientu, conservación, investigación, formación, promoción i difusión”.[48]
La fusión flamenca
[adital | adital cóigu]
Ena décaa de 1970, en España se respiraban airis de cambiu social i políticu, i la sociedá española ya estaba bastanti influía por diversus estilus musicalis veníus del restu d'Uropa i delos Estaus Uníus. Assinmesmu, dessistían abondus cantaoris qu'abían crecíu ascuchandu a Antoniu Mairena, Pepi Marchena i Manolu Caracol. La combinación de dambos dos fatoris desembocó nun periodu revolucionáriu llamau Fusión Flamenca.
La cantanti Rocíu Jurau enternacionalizó el flamencu a encetis dela décaa delos 70, sustituyendu la bata de cola por vestíus de nochi. La su faceta enos "Fandangus de Güerva" i enas Alegrías fue reconocía a nivel enternacional pola su perfeta tesitura de vozi en estus génerus. Solía dil acompañá enos sus conciertus polos guitarristas Enriqui de Melchol i Tomatitu, nu solu a nivel nacional sinu en paísis comu Colómbia, Veneçuela i Puertu Ricu.
El representanti musical Joseli Antoniu Pulpón fue un pressonagi decisivu n'essa fusión, pos instó al cantaol Agujetas a colaboral col grupu sevillanu de rock andaluz Smash, la pareja más revolucionária dendi Antoniu Chacón i Ramón Montoya, pirenciandu un nuevu caminu pal flamencu. Assinmesmu propició la unión artística entri el virtuosu guitarrista algecireñu Pacu de Lucía i el largu cantaol isleñu Camarón dela Isla, quienis dierun un impulsu creativu al flamencu que supondría la su definitiva rotura col conservadurismu de Mairena. Quandu dambos dos artistas emprendierun las sus carreras en solitáriu, Camarón se convirtió nun cantaol míticu pol su arti i la su pressonalidá, con legión de segioris, mientris que Pacu de Lucía reconfiguró tol mundu musical del flamencu, abriéndu-si a nuevas influéncias, comu la música brasileña, árabi i jazz i introduciendu nuevus instrumentus musicalis comu el cajón peruanu, la frauta travesera, etc.
Otrus intérpretes destacaus n'esti procesu de renovación formal del flamencu fuerun Juan Peña El Lebrixanu, quien maridó el flamencu cola música andalusí, i Enriqui Morenti, quien a lo largu dela su dilatá carrera artística á basculau entri el purismu delas sus primeras grabacionis i el mestizagi col rock, o la trianera Remedius Amaya, cultivaora d'un estilu de tangus estremeñus únicu, i cuya pureza nel su canti la hazin estal n'esti seletu grupu d'artistas consagraus.
En 2011 se dio a conocel esti estilu ena Índia grácias a María del Mal Fernández, qu'atúa nel videoclip de presentación dela película Solu se vivi una vezi, titulá Señorita.[49] El filmi fue vistu por más de 73 millonis d'espetadoris.
El nuevu flamencu
[adital | adital cóigu]
Enos añus 1980 surgió una nueva generación d'artistas flamencus que ya án recibíu la influéncia de Camarón, Pacu de Lucía, Morenti, etc. Estus artistas tenían un mayol interés pola música populal urbana que n'aquellus añus estaba renovandu el panorama musical español, era la época dela Movía mairileña. Entri ellus destacan Pata Negra, que fusionarun el flamencu col blues i el rock, Ketama, o La Barbería del Sul d'inspiración pop i cubana i Ray Heredia, creaol d'un universu musical própiu dondi el flamencu ocupa un lugal central.
A finalis dessa décaa i duranti toa la siguienti la fonográfica Nuevus Meyus lanzó a abondus músicus baju la etiqueta Nuevu flamencu, abusándu-si dela etiqueta "flamencu" con finis estritamenti comercialis. Assin, esta denominación á agrupau a músicus mu distintus entri sí, tantu intérpretes de flamencu orquestau, comu músicus de rock, pop o música cubana cuya única vinculación col flamencu es la paecencia dela su ténica vocal cola delos cantaoris, los sus originis familiaris o la su procedéncia gitana; egemplus destus casus puein sel Rosáriu Floris, ija de Lola Floris, o la reconocía cantanti Malú, sobrina de Pacu de Lucía i ija de Pepi de Lucía, que pesi a simpatizal col flamencu i mantenel-lu ena su discografía á acontinau col su estilu pressonal i s'á manteníu ena indústria musical polos sus própius méritus. Por lo demás, se salin de qualquiel estrutura flamenca clásica, abati dessapaecíu tó rastru del compás, modus tonalis i delas estruturas melódicas própias delos palus.[50]
Nostanti, el hechu de que abondus delos intérpretes dessa nueva música sean amás reconocíus cantaoris, casu de Joseli Mercé, El Cigala i otrus, á propiciáu etiquetal comu flamencu tó lo qu'ellus interpretan, inque el géneru delas sus cancionis difiera bastanti del flamencu clásicu. En cambiu, otrus artistas contemporáneus, comu los grupus O'Funkillo i Ojus de Bruju, siguiendu la senda de Diegu Carrasco, gastan estilus musicalis nu flamencus, inque respetandu el compás o estrutura métrica de ciertus palus tradicionalis. Assinmesmu dessistin cantaoris enciclopédicus comu Arcángel, Miguel Poveda, Mayti Martín, Guillermo Cano,[51] Matías López El Mati,[52] Marina Heredia, Estrella Morenti o Manuel Lombu que, sin renuncial alos benefícius artísticus i económicus dela fusión i del nuevu flamencu, mantienin enas sus interpretacionis un mayol pesu de lo flamencu concibíu nel sentíu más clásicu del términu, lo que suponi un significativu regresu alos originis.
La implicación delos poderis púbricus españolis ena promoción del flamencu es ca día mayol. N'esti sentíu dessisti la Agéncia Andaluza pal Desenvolvimientu del Flamencu, dependienti dela Consegería de Coltura dela Junta d'Andaluzia i ogañu se costruyi en Xerés dela Frontera la Ciá del Flamencu, qu'albergará el Centru Nacional d'Arti Flamencu, dependienti del Ministériu de Coltura i que pretendirá canalizal i ordenal las iniciativas sobri dichu arti.[53] Assin mesmu, la comuniá autónoma andaluza está estudiandu incorporal-lu enos sus planis formativus obligatórius.[54]
Otru aspetu a destacal es la paulativa incorporación dela mujel al mundu flamencu. Tras una época ena qu'alas grandis vozis femeninas solu se les permitía cantal en privau, está surgiendu una nueva generación d'artistas qu'arropás por otras veteranas "de pesu" están ruchiandu los escenárius.[55]
Canti
[adital | adital cóigu].jpg)
Artícalu prencipal: . Sigún la Real Académia Española, se denomina "canti" ala "ación o efetu de cantal qualquiel cantu andaluz", definiendu "canti flamencu" comu "el cantu andaluz agitanau" i el canti jondu comu "el cantu más genuinu andaluz, de profundu sentimientu".[56] Al intérpreti de canti flamencu se le llama cantaol en vezi de cantanti, cola perda dela de intervocálica caraterística del dialetu andaluz.
El galardón más importanti del canti flamencu es probabrimenti la Llavi d'Oru del Canti, qu'á síu concedía en cincu ocasionis a: El Nitri, Manuel Valleju, Antoniu Mairena, Camarón dela Isla i Fosforitu.
Referencias
[adital | adital cóigu]- ↑ https://www.salatemple.es/que-es-zapateado-flamenco/
- ↑ https://teatroflamencosevilla.com/blog/El-arte-del-zapateado-flamenco
- ↑ Cita web|url=https://www.ifema.es/fiesta-flamenca/noticias-sector/que-es-flamenco-historia-evolucion%7Ctítulo=Qué es el flamenco, historia y evolución | IFEMA MADRID|fechaacceso=2025-04-23|sitioweb=www.ifema.es|idioma=es
- ↑ Cita web|url=https://www.centroandaluzdeflamenco.es/%7Ctítulo=Inicio - Centro Andaluz De Documentación Del Flamenco|fechaacceso=2025-04-23|sitioweb=www.centroandaluzdeflamenco.es|idioma=es-ES|urlarchivo=https://web.archive.org/web/20250325144546/https://www.centroandaluzdeflamenco.es//%7Cfechaarchivo%3D2025-03-25
- ↑ Cita noticia|título=Tangos y jaleos. La salvia del flamenco extremeño|url=http://www.vivirextremadura.es/tangos-y-jaleos-la-salvia-del-flamenco-extremeno/%7Cfecha=11 de abril de 2013|fechaacceso=27 de enero de 2018|periódico=Vivir Extremadura|idioma=es-ES
- ↑ Véasi la 4.ª aceción del términu flamencu nel Dicionariu de Real Académia Española.
- ↑ Cita web |url=[enlace sospechoso eliminado] |editorial=Stockcero |autor=Federico García Lorca |título=Importáncia estórica i artística del primitivu canti andaluz llamau «canti jondu» |fechaacceso=18 de julio de 2017|fecha=2010
- ↑ enlace roto|1=El flamenco es declarado Patrimonio Cultural Inmaterial de la Humanidad por la Unesco |2=http://es.noticias.yahoo.com/5/20101116/tlc-el-flamenco-es-declarado-patrimonio-d712def.html |bot=InternetArchiveBot }}, Yahoo Noticias, 16 de noviembri de 2010, consultau el mesmu día.
- ↑ Cita web|url=https://www.centroandaluzdeflamenco.es/%7Ctítulo=Inicio - Centro Andaluz De Documentación Del Flamenco|fechaacceso=2025-03-02|sitioweb=www.centroandaluzdeflamenco.es
- ↑ cita web|url=http://www.buenosairesflamenco.com/%7Ctítulo=Buenos Aires flamenco
- ↑ cita web|url=https://www.swissinfo.ch/spa/brasil-flamenco_el-poder%C3%ADo-de--flamenco-aut%C3%A9ntico--cautiva-brasil/48135748%7Ctítulo=El poderío de "Flamenco Auténtico" cautiva Brasil|periódico=Swissinfo|fecha=14 de diciembre de 2022
- ↑ cita publicación |apellido= Mendoza|nombre= Gabriela |título= Ser flamenco no es una música, es un estilo de vida|año=2011 |publicación=El Diario de Hoy |página=52|url=http://www.elsalvador.com/mwedh/nota/nota_completa.asp?idCat=8615&idArt=5620732
- ↑ En El Salvaol la agrupación Alma Flamenca es considerá la mássima representanti i pionera desti movimientu musical.cita publicación |apellido= Mendoza|nombre= Gabriela |título= Ser flamenco no es una música, es un estilo de vida|año=2011 |publicación=El Diario de Hoy |página=52|url=http://www.elsalvador.com/mwedh/nota/nota_completa.asp?idCat=8615&idArt=5620732
- ↑ cita web|url=http://www.mercedesamaya.com/%7Ctítulo=Mercedes Amaya 'La Winy'
- ↑ cita web|url=http://www.artdecomexico.com/mercedesamaya/%7Ctítulo=Mercedes Amaya, bailaora de corazón|fechaacceso=6 de agosto de 2016|fechaarchivo=10 de noviembre de 2017|urlarchivo=https://web.archive.org/web/20171110225206/http://www.artdecomexico.com/mercedesamaya/%7Cdeadurl=yes
- ↑ Cita web|url = http://www.cale.cl/%7Ctítulo = Carlos Ledermann|fechaacceso = 27 de enero de 2016|urlarchivo = https://web.archive.org/web/20140517031908/http://cale.cl/%7Cfechaarchivo = 17 de mayo de 2014
- ↑ Cita web|url = http://www.csmcordoba.com/organizacion-academica%7Ctítulo = Profesorado del CSM Rafael Orozco|fechaacceso = 27 de enero de 2016|fechaarchivo = 30 de diciembre de 2017|urlarchivo = https://web.archive.org/web/20171230022658/http://www.csmcordoba.com/organizacion-academica%7Cdeadurl = yes
- ↑ Entrevista al agregau de Coltura i Información dela Embaxá de Japón en España. cita publicación |apellido= Yokobayashi |título= Ai más escuelas de flamencu en Japón|año=2008 |publicación=Expansión |página=52|url=http://www.expansion.com/2008/04/04/entorno/1108338.html
- ↑ cita web|url=https://www.lavanguardia.com/vida/20181025/452543118079/el-baile-flamenco-inicia-sus-tiempos-dorados-en-china.html%7Ctítulo=El baili flamencu pirencia los sus tiempus doraus en China|periódico=La Vanguardia|fecha=25 de octubre de 2018
- ↑ Demófilu añai que los andaluzis llamaban "flamencus" a los gitanus en sentíu umorísticu, pos pa nombral "lo morenu" ("caló" i "calé" sinifican "negru") recurrían irónicamenti al prototipu de "lo rubiu". Los andaluzis, en contrapartía, eran llamaus gachós polos gitanus. MACHADO ÁLVAREZ, Antonio. Coleción de Cantis flamencus recogíus i anotaus por Demófilu. Sevilla. 1881. Véasi la definición de gaché nel DRAE.
- ↑ Véasi el capítulu I de The Zincali: an account of the gypsies of Spain nel Proyeutu Gutenberg Prantilla:Wayback
- ↑ Véasi la 4ª aceción dela vozi flamencu nel DRAE.
- ↑ El arabista español i catedráticu de Literatura Árabi ena Nuversidá Autónoma de Mairil Serafín Fanjul nel su libru Al-Andalus contra España (pág. 181) escribi lo siguienti sobri el origin dela parabra flamencu: «tampocu faltan las esplicacionis árabis: dendi el fellah manqud (“el campesinu criticau”) que, inclusu, algunus especialistas acetan sin pestañeal ni soltal carcajá, ata el inventu d'Isidro de las Cagigas i Fermín Requena, cronista d'Antequera, del fellah mencus (“campesinu essiliau”): mencus es inesplicabli por inessistenti en ár. (“essiliau”=manfi; mankus, “enfermu qu'á recaíu”; manqus, “disminuíu”)».
- ↑ El Origin Musical delos Animalis: Símbolus ena Mitología i la Escoltura Antiguas. Barcelona. 1946.
- ↑ PEDRELL, Felipe. Cancioneru Musical Populal Español. Tomu II, Apéndici.
- ↑ INFANTE, Blas. Origin delo flamencu i secretu del canti jondu. 1929-1931.
- ↑ P. GARCÍA BARRIUSO. La música ispanumusulmana en Marruecus. Larachi. 1941.
- ↑ DE VEGA, Luis Antonio. Origin del Flamencu. El baili delos páxarus que s'acompañan colos sus trinus.
- ↑ Véasi la definición de canti hondu o jondu nel DRAE.
- ↑ MEDINA AZARA (seudónimu de Máximo José Kahn). "Canti jondu i cantaris sinagogalis" en Revista de Occidenti. Mairil. 1930.
- ↑ GARCÍA MATOS, Manuel. "Canti flamencu, algunus delos sus presuntus originis" en Anuariu Musical nº 5. 1950. Pág. 99. ROSSY, Hipólito. Teoría del Canti Flamencu. Barcelona. 1966. Pág. 15.
- ↑ DE FALLA, Manuel. "El canti jondu", en Escritus sobri Música i Músicus. Introdución i notas de SOPEÑA, Federico. Ed. Espasa Calpe. Coleción Austral nº 53. Mairil. 1972. ISBN 84-239-1853-X.
- ↑ Cita noticia|título=“La coltura gitana á síu esencial ena génesis i el desenvolvimiento del flamencu” - lavozdelsur.es|url=https://www.lavozdelsur.es/la-cultura-gitana-ha-sido-esencial-en-la-genesis-y-el-desarrollo-del-flamenco/%7Cfecha=10 de noviembre de 2018|fechaacceso=13 de noviembre de 2018|periódico=lavozdelsur.es|idioma=es-ES|fechaarchivo=13 de noviembre de 2018|urlarchivo=https://web.archive.org/web/20181113165947/https://www.lavozdelsur.es/la-cultura-gitana-ha-sido-esencial-en-la-genesis-y-el-desarrollo-del-flamenco/%7Cdeadurl=yes
- ↑ cita web|url=http://www.uca.es/es/cargarAplicacionNoticia.do?identificador=2975%7Ctítulo=Espertus en flamencu debatin sobri las sus posibilidais comu ativu turísticu ena Nuversidá|fechaacceso=4 de abril de 2017|urlarchivo=https://web.archive.org/web/20151026021402/http://www.uca.es/es/cargarAplicacionNoticia.do?identificador=2975%7Cfechaarchivo=26 de octubre de 2015
- ↑ cita web |url=http://www.doctorado.us.es/web/guest/estudios-avanzados-de-Flamenco-un-analisis-interdisciplinar%7Ctítulo=Estudius Avançaus de Flamencu: Un Análisis Interdisciplinar|fechaacceso=4 de abril de 2017
- ↑ Cita web|url=http://cartagena.ucam.edu/estudios/cursos/titulo-experto-arte-flamenco%7Ctítulo=Títulu d'Espertu Nuversitariu en Arti Flamencu | UCAM|fechaacceso=21 de noviembre de 2016|sitioweb=cartagena.ucam.edu
- ↑ Cita web|url=http://www.boe.es/boe/dias/1999/07/14/pdfs/A26715-26722.pdf%7Ctítulo="Flamencu" i "Músicas tradicionalis i popularis", matérias del títulu de Maestru Especialidá d'Educación Musical ena Nuversidá de Güerva (Plan d'Estudius de 1999).|fechaacceso=9 de mayo de 2018
- ↑ Cita noticia|título=La Reina Gitana, los hermanos Zarzuela i el Clúster Turísticu, Premios Ciá de Xerés 2017|url=https://www.lavozdelsur.es/la-reina-gitana-los-hermanos-zarzuela-y-el-cluster-turistico-premios-ciudad-de-jerez-2017%7Cfecha=22 de septiembre de 2017|fechaacceso=23 de septiembre de 2017|periódico=lavozdelsur.es|idioma=es|fechaarchivo=24 de septiembre de 2017|urlarchivo=https://web.archive.org/web/20170924055624/https://www.lavozdelsur.es/la-reina-gitana-los-hermanos-zarzuela-y-el-cluster-turistico-premios-ciudad-de-jerez-2017%7Cdeadurl=yes
- ↑ Cita web|url=https://www.ifema.es/fiesta-flamenca/noticias-sector/que-es-flamenco-historia-evolucion%7Ctítulo=Qué es el flamencu, estoria i volución | IFEMA MADRID|fechaacceso=2025-04-01|sitioweb=www.ifema.es|idioma=es
- ↑ Cita noticia|título=La huella coltural delos negrus esclavus en España es indelebli|url=https://elpais.com/cultura/2016/09/29/actualidad/1475145150_732138.html%7Cperiódico=El País|fecha=1 de octubre de 2016|fechaacceso=19 de abril de 2020|issn=1134-6582|idioma=es|nombre=Ángeles|apellidos=Lucas
- ↑ [1]
- ↑ [2]
- ↑ Cita web|url=https://www.europasur.es/ocio/dia-grande-cante-jondo_0_1145285693.html%7Ctítulo=El día grandi del canti 'jondu'|fechaacceso=5 de octubre de 2019|autor=Isabel Vargas|apellido=|nombre=|fecha=15 de junio de 2017|sitioweb=Europa Sur|idioma=
- ↑ Cita web|url=http://www.juntadeandalucia.es/cultura/blog/exposicion-navidades-flamencas/%7Ctítulo=Esposición 'Navidais Flamencas' | Blog dela Consegería de Coltura|fechaacceso=12 de diciembre de 2017|sitioweb=www.juntadeandalucia.es
- ↑ Cita web|url=http://www.juntadeandalucia.es/organismos/consejo/sesion/detalle/72128.html%7Ctítulo=Junta d'Andaluzia - El Gobiernu andaluz protegi la Zambomba d'Arcus i Xerés comu Bien d'Interés Coltural|fechaacceso=12 de diciembre de 2017|sitioweb=www.juntadeandalucia.es|idioma=es
- ↑ Cita web|url=https://www.publico.es/politica/franco-cantaores-flamenco-republicanos-defensa-republica-franquismo.html%7Ctítulo=Los cantaoris de flamencu que murierun por defendel la Repúbrica i luchal contra Francu|fechaacceso=18 de noviembre de 2019|sitioweb=Público.es
- ↑ cita web |url=http://www.lavozdigital.es/jerez/v/20111217/jerez/flamencologo-historiador-20111217.html%7Ctítulo=Flamencólogu i estoriaol|fechaacceso=4 de abril de 2017
- ↑ 48,0 48,1 Aix Gracia, Francisco. Flamencu i podel: un estudiu dendi la sociología del arti. Mairil: Fundación SGAE, 2014.
- ↑ cita web |url=http://www.lasprovincias.es/videos/cultura/cine/1099602215001-senorita-cancion-pelicula-solo-vive-taquillazo-bollywood.html%7Ctítulo=Videu dela canción, videoclip dela película|fechaacceso=4 de abril de 2017
- ↑ La ibridación transcoltural comu clavi dela formación del Nuevu Flamencu (aspetus estóricu-sociológicus, analíticus i comparativus), por Gerhard Steingress.
- ↑ Guillermo Cano Prantilla:Wayback
- ↑ Matías López El Mati
- ↑ cita web | autor = Diario El Economista | fecha = 26 de junio de 2008 | url = http://ecodiario.eleconomista.es/espana/noticias/611674/06/08/Cadiz-Cultura-confirma-que-el-Centro-Nacional-de-Flamenco-de-Jerez-canalizara-todas-las-iniciativas-sobre-este-arte.html | título = Coltura confirma qu'el Centru Nacional de Flamencu de Xerés canalizará toas las iniciativas sobri esti arti | fechaacceso = 20 de octubre de 2009
- ↑ cita web |url=http://www.diariodejerez.es/article/jerez/854166/nuevo/paso/la/junta/para/incluir/flamenco/curriculo/escolar.html%7Ctítulo=Nuevu pasu dela Junta pa incluil el flamencu nel currículu escolal|fechaacceso=4 de abril de 2017
- ↑ cita web |url=http://elpaissemanal.elpais.com/documentos/la-rebelion-de-las-cantaoras-de-flamenco/?por=mosaico%7Ctítulo=La rebelión delas cantaoras. Ángeles Castellano (El País)|fechaacceso=4 de abril de 2017
- ↑ Véasi canti nel DRAE.