Fra Angélico

Fra Angelico
Información pressonal
Nombri de nacencia	Guido di Pietro
Nacencia	c. años 1390juliano ; Vicchio (Itália)
Muerti	18 de hebreru de 1455jul. ; Roma (Estados Pontificios)
Sepoltura	Santa Maria sobre Minerva y Fra Angelico's tomb
Religión	Elésia católica
Información prehessional/profissional
Oficiu	Pintol, iluminador, dibujante arquitectónico, pintor de miniaturas y pintor al fresco
Ária	Pintor
Información religiosa
Beatificación	3 d’outubri de 1982; pol Juan Pablo II
Canonización	Beato
Festividá	18 hebreru
Movimientu	Renacimiento y Primer Renacimiento
Género	Arte religioso
Ordin religiosa	Orden de Predicadores
	[editar datos en Wikidata]

Guido di Pietro, más conocíu comu Fra Angelico u Frai Angélicu, O. P.^[1]^[2] (Vicchio, provincia de Florencia, ábate 1395^[3]-Roma, 18 de marçu de 1455), hue un pintol cuatrocentista italianu que supu combinal la via de frai dominicu cola de pintol consumau. Hue beatificau pol Juan Pablo II en 1982.^[4]

L’artista no hue conocíu en via comu Fra Angelico; esti sobrinombri le hue dau de horma póstuma, pola su religiosiá.

Primerus añus

El su nombri secular era Guido di Pietro da Mugello i tuvu nascencia en Vicchio, rehión de Toscana. Inque se dessconozi qui hue el su maestru, se crê que encetó la su carrera artística comu iluminaol de misalis i otius liblus religiosus. Endispués encetó a pintal retablus i tablas. En 1417 ya se dedicaba a la pintura de arti sacru. En 1420 entró nun conventu domincu a las afueras de Fiesole col su hermanu Benedetto. En 1423 ya había profesau comu frai. Tomó el nombri religiosu de Giovanni di San Domenico (Juan de Santu Domingu).

Entri las obras emportantis de los sus encetis se cuentan la Madonna de la Estrella (c. 1428-1433, San Marcos, Florencia), el Retablu de Fiesole (aún conservau en dichu conventu, si bien mu modificau pol Lorenzo di Credi) i la su predela, Cristu ena gloria rodiáu de santus i de ánhelis (National Gallery, Londres), ena qual apaecin pintás más de 250 figuras deferentis. Tamién a esi periodu pertenecin dos obras titulás La coronación de la Virgen (San Marcos i Museu del Louvre, París) i El juiciu universal (San Marcos). La madurez del su estilu s’aprecia pol primel vezi ena Madonna dei Linaioli (1433, San Marcos), ena ondi pinta una serii de dozi ánhelis tocandu instrumentus musicalis.

En 1436, los dominicus de Fiesole se trasladarun al conventu de San Marcos de Florencia, qu’acababa de sel reconstruíu pol Michelozzo. Fra Angelico, a veçis con ayuantis, pintó numerosus afrescus nel claustru, la sala capitular i las entrás a las veinți cellas de los frais de los correoris superioris. Los más impresionantis son La crucifixión, Cristu peregrinu i La transfiguración. El retablu que hizu pa San Marcos (c. 1439) es una de las primerus representacionis de lo que se conoci comu «sacra conversación»: la Virgen acompañá d’ánhelis i santus que parecin compartil un espaciu comú. Allí pintó una Anunciación.

Etapa romana

En 1445, Fra Angelico hue llevau a Roma pol papa Eugenio IV pa pintal unus afrescus ena capilla del Sacramentu del Vaticanu, oi esponenciá. En 1447, pintó los afrescus de la catedral de Orvieto chuntu col su discípulu Benozzo Gozzoli.

Las sus últimas obras emportantis, los afrescus realizaus nel Palaciu Apostólicu pa decoral la Capilla Nicolina, representan episiudius de las vidas de san Lorenzui i de san Esteban (1447-1449), i probablemente aian síu pintaus por ayuantis a partil de diseñus del maestru. Dendi 1449 ata 1452, Fra Angelico hue el prior del su conventu de Fiesole.

El su últimu encargu hue la decoración con afrescus del claustru del conventu de Santa María sobre Minerva, qu'era el prencipaL conventu domincu de Roma. El programa iconográficu hue dessiñau pol Juan de Torquemada, a qui Fra Angelico ya conocía dendi la estancia desti en Florencia ena décaa de 1430. Estais pinturas no s’an conservau. Murió naquel conventu el 18 de hebreru de 1455 i hue enterrau nuna capilla de la basílica.

La su obra

Fra Angelico combinó la elegância decorativa del góticu, en particular del góticu enternacional de Gentile da Fabriano, col estilu más realista d’otius maestrus del Renaçimientu, comu el pintol Masaccio i los escultoris Ghiberti i Donatello, que trebajaban en Florencia, i aplicó tamién las teorías sobre la perspectiva de León Battista Alberti.^[5]^[6]^[7]

Las esprecionis de devoción enos rostirus son mu lohráis, assín comu l'utilización del color, que consihui dal mayol entensidá emotiva ala obra.

La su maestría ena creación de figuras monumentalís, ena representación del movimientu i ena capaciá pa creal planus de profundidá por mé dela perspectiva lineaL, especialmenti enos afrescus realizaus en Roma, lo confirman comu unu delos pintoris más emportantis del primel Renaçimientu.

Giorgio Vasari nel su libru Via de los mehoris, pintoris, escultoris i arquitetus se refieri a él comu Fra Giovanni Angelico, poseeol de un «ralu i perhetu talentu», i mienta que «nunca levantó el pincel sin izil una oración ni pintó el crucifiju sin que las lagrimas resbalaran pola sus mehillas».

Obras n'España

N'España se conservan tres obras seguras de Fra Angelico i otias dos recientementi atribuías. Nel Museu Nacional del Prau de Mairil se conservan dos delas sus obras más representativas, dambas dos duna fasi abondu temprana dela su produción i que, polo tantu, carecin d’entervención de ayuantis. Sitúan al Prau entri las coleccionis de referência pa conocel el su arti.

La primera es el gran retablu de La Anunciación ^[8](1422-1426), realizau pal conventu domincu de Fiesole, i pressenti nel museu dendi la su donación pola Corona española en 1861. Dicha obra hue regalá n'Italia al primel duqui de Lerma, valíu del rei Felipe III, lo que esplical la su pressencia en España dos sigrus antis de que los primitivus italianus cobrasen estimación nel mercau enternacional.

La segunda obra es la Virgin dela Graná^[9] adquiría en eneru de 2016 pol Estau al su entonçis propietariu, el duqui de Alba, i que data de 1426. La casa de Alba había conservau dicha obra nel palaciu de Liria dendi que Carlos Miguel Fitz-James Stuart y Silva la adquiriesi en Florencia ábate 1817. El preciu de compra de La Virgen de la Granada ascendió a 18 millonis de eurus, a pagal entri el Estau español (10 millonis), el Museu del Prau (4) i la Fundación Amigus del Museu del Prau (4).^[10]

Esta operación de compra incluyó, amás, la donación pol duqui d'Alba d’una pequeña tabla procedenti d’una predela que los peritus dela pinacoteca madrileña an certificau tamién comu obra salía del pincel del propiu Fra Angelico, i ena que está representá una escena del entierru de San Antoniu Abad, con lo que el Museu del Prau contaría con tres obras del artista italianu.^[11]

Pola su parti, el Museu Thyssen-Bornemisza posei la Virgen de la Umildá, pintá ya en plena madurez del artistA entri 1433 i 1435, que perteneció a los Thyssen dendi 1935 ata la compra de la colección Thyssen pol Estau español en 1993. Actualmenti, s’alcuentra esposta nel MNAC de Barcelona, cedía en depósitu pol Museu Thyssen-Bornemisza.^[12]

Galería

Cristu alcança a Adán pa rescatalu del Inf., afrescu de las cellas de San Marcos (c. 1440)
Anunciación (c. 1450)
El nombri de San Juan Bautista (1434-1435)
Nativiá (c. 1440-1460)
La aoración del Niñu Jesús (c. 1440)
La huía a Egiptu (c. 1450)
El bautismu de Cristu (c. 1437-1446)
El prendimientu de Cristu (c. 1437-1446)
La crucifixión (c. 1437-1446)
Cristu ena Cruz entri los dos ladronis (c. 1437-1446)
La deposición (c. 1437-1446)
Noli me tangere (c. 1437-1446)
Coronación de la Virgen (c. 1437-1446)
Detalli del Juiciu final (c. 1432-1435)
Detalli de La deposición (1437-1446)
San Benitu de Nursia (c. 1437-1446)