Francesco Petrarca

Petrarca
Información pressonal
Nombre en italiano	Francesco Petrarca
Nacencia	20 de jullu de 1304jul. Arezzo (República de Florencia)
Muerti	19 de jullu de 1374jul. Arquà Petrarca (República de Venecia)
Sepoltura	Arquà Petrarca y tomba del Petrarca (it)
Religión	Elésia católica
Lengua materna	Luenga italiana
Familia
Pairis	Ser Petracco Eietta Canigiani
Ijus	2
Educación
Educau en	Universidad de Montpellier (Derecho; 1316-1320) Universidad de Bolonia (1320-1323)
Información prehessional/profissional
Oficiu	Filósofo, poeta, trauziol, letrista, escrevienti, montañero, autobiógrafo, filólogo, humanista y clérigo católico
Ária	Filosofia
Añus ativu	hasta 1374
Género	Poesia y prosa
Correúra deportiva
Deporti	Montañismo
Destincionis	Coronación poética (1341)

Francesco Petrarca (Arezzo; 20 de huliu de 1304-Arquà Petrarca, 19 de huliu de 1374) fue un poeta, escrebiol, filólofu italianu, considerau el pai del umanismu, coluna fundamental dela literatura italiana, especialmenti gracias ala su obra Cancioneru. La su poesía dio lugal a una corriente literaria qu’enfluyó en autoris como Garcilaso de la Vega, n'España, amás de William Shakespeare i Edmund Spenser, n’Ingalaterra, baxu el sobrenombri genéricu de petrarquismu. Tan enfruyenti como las nuevas formas i temas que truxu ala poesía fue la su conceción umanista, cola que intentó armonizal el legau grecolatinu colas ideas del cristianismu. Potru lau, Petrarca predicó la unión de toa Italia pa recuperal la grandeza que había teníu ena época del Emperiu romanu.

Biografía

Casa natal de Petrarca n’Arezzo

Iju del notariu Pietro (Petracco) di Ser Parenzo, passó la su infancia nel puebru de Incisa in Val d'Arno, cercanu a Frorencia, pues el su pairi abía siu desterrau de Frorencia polos güelfos negrus nel 1302 a causa delas sus relacionis políticas con Dante Alighieri, que era güelfu brancu. El notariu i la su familia marchun luegu a Pisa i a Marsella. La familia llegó a Aviñón nel 1312 i Francesco s’instaló en Carpentras, ondi deprendió umanidais col professol toscanu Convenevole da Prato. Passó toa la su mociá ena Provença, assimilandu la lírica trovadoresca, i encetó a estuyal Derechu en Montpellier a prencipius del otoñu de 1316; ellí conoció a vários biembrus dela familia Colonna, i luegu passó ala Nuversidá de Bolonia; ya altonci manifestó un gran amol pola literatura latina crássica, n’especial por Cicerón; peru el su pai, enemigu dessas leturas, que vía pocu provechosas, arrojó essos librus al huegu nel 1320; la leyenda cuenta que la desesperación de Petrarca fue tal que tuvu que sacal lo que queaba dellus dela lumbri.

Endispués dela muerti del su pairi regressó a Provença i hizo los votus eclesiásticus menoris. El 6 d’abril de 1327, Viernis Santu, viu pola primera vezi a Laura, la mujer que idealizaríe enos sus poemas, n’Aviñón. Pocu se sabi della, inque es mui possibri que fuesse la dama Laure de Noves, casá cun antepassau del marqués de Sade i, por tantu, llamá tras el su matrimoniu Laure de Sade (1310-1348). Por ella sintió una pasión pura i constanti, como la que Dante Alighieri abíe sentíu por Beatrice Portinari, la Bice de La Divina Comedia. Vivió entri 1337 i 1353 en Vaucluse o Fontaine-de-Vaucluse, un lugal cola fuenti más caudalosa de Francia, enas cercanías d’Aviñón. Tuvu dos ijus, Giovanni i Francesca (nel 1337 i 1343, respectivamenti), sin poel asegural-si si fuerun frutu duna o dos relacionis. Nunca los referenció enas sus obras directamenti, teniéndu-si constancia de que el varón, que murió jovin, le dio descalientus, a diferencia dela su ija, quien le proporcionó l’alegría de vários nietus.

El 26 d’abril de 1336 Petrarca, juntu al su rumanu i otrus dos compañerus, escaló el montei Ventosu delos Alpis, de 1909 metrus, i más tardi escribió una memoria del viaji en forma de carta al su amigu Francesco Dionigi. Como n’essi tiempu no era usual escalal montañas sin fin prácticu nengunu, se considera essi día la fecha de nacencia del alpinismu como deporti i a Petrarca como unu delos sus precursoris.

La su vida transcurrió al serviciu dela Ilesia i dela poderosa familia Colonna. Posseyíu por una pasión de bibliófilu, dela que da cuenta el capítulu consagrau ala bibliomanía del su De remediis, viajó constantimenti por Uropa (Francia, Italia, Paísi Bahus, España, Inglaterra) buscandu códicis d’autoris clásicus, i se convirtió en poeta laureau pol Senau de Roma pol su poema latinu n’hexámetrus Africa.

L’encuentru con Giovanni Boccaccio en Frorencia fue decisivu pa los sus ideas humanistas i juntu a esti se constituyó en figura prencipal del movimientu que intentó rescatal la coltura clásica delos sigrus oscurus nel primer Renacimientu italianu, tratandu d’armonizal el legau grecolatinu colas ideas del cristianismu. Pol otru lau, Petrarca predicó la unión de toa Italia pa recuperal la grandeza que había teníu ena época del Imperiu romanu. Vittore Branca escribió sobri él:

Como filólogu, nel cursu delos sus viajis puu rescatal del olvidu a algunus autoris clásicus. En Lieja destapó el discursu Pro Archia poeta, de Cicerón, i en Verona Ad Atticum, Ad Quintum i Ad Brutum, del mesmu autol. Una estancia en París le permitió topar las elegías de Propercio i nel 1350 la revelación de Quintiliano marcó, a dezi del poeta, la su renuncia definitiva alos placeris delos sentíus. Petrarca fue el gran redestapaol de Vitruvio i tras la difusión pol florentinu dela obra deste autol clásicu, se puei afirmal que dezi Vitruvio es dezi toas las basis dela arquitetura Renacentista. Petrarca terminó los sus días en Arquà; según afirma la tradición, lo toparun muertu sobri un lribu qu’estuyaba.

Obras

Letras orihinalis de Petrarca, topás nel 1985 n'Erfurt.

Virgilio de Petrarca (páhina del títulu) (Prantilla:Circa)
Manuscritu eluminaun por Simone Martini, 29 x 20 cm Biblioteca Ambrosiana, Milán.

Laura i Petrarca, miniatura del Cancioneru.

La su obra prencipal en lengua vulgar es el Cancioneru, espubricau originariamenti col nombri de Rime in vita e Rime in morte de Madonna Laura i que fue ampliandu col transcursu delos años. Es aquí dondi Laura se constituye nel objetu idealizau del su amol, representanti delas virtuis cristianas i dela belleza dela antigüedad. Posteriormenti se denominaríe Cancioneru petrarquista alas colecionis de poemas líricus creadas por diferentis autoris a manera del Canzoniere del Petrarca.

Pocu dantis dela su muerti espubricó I trionfi («Los triunfus»), dedicaus a exaltal la elevación del'alma humana hacia Dios.

Petrarca fue autol tamién duna ingenti obra en latín, muchu más voluminosa i no menus enfruyenti que la su obra en toscanu. Dentru dela obra latina revistin especial importancia, por diversus conceptos, el poema épicu Africa (que canta n’hexámetrus latinus las hazañas del conquistador romanu Escipión el Africano) i una coleción de biografías de pessonajis ilustris titulá De viris illustribus. Otras obras latinas son: Bucolicum carmen, un conjuntu de doci églogas d’estilu virgiliano; una coleción d’epístolas en velsu titulá Epystole; un elogiu dela vida retirá, De vita solitaria; i Secretum, un diálogu imaginariu entre un pessonaji llamau Franciscus (evidenti réplica de sí mesmu) i San Agustín, entre várias más.

Los poemas del Cancioneru fuerun escritus n’italiano: se trata duna coleción de más de trecientos sonetus i otrus poemas (cancionis, sextinas, baladas i madrigales), la mayoría delos qualis revelan la estoria dela su pasión por Laura i los avatares i estaus espiritualis i emocionalis polos que atravesó, inclusu endispués dela muerti dela su amá, quandu el su recuerdu la trasforma nun ángel (donna angelicata) qu’intercede a Dios por él pa trasformal el su pecaminosu amol profanu n’amol divinu ala sabiuría i la moral. Se puei devidil en dos partis, coincidiendu cola muerti dela su amá ena peste negra de 1348, quandu l’autol da un giru ala su vida tras las vanidais juvenilmenti pa profundizar en valoris espiritualis. La su creación final se convierte en palinodia dela inicial. Ena obra se intercalan algunus velsus dedicaus a amigus i a otrus temas, pa marcal como miarius la cronología dessa estoria, assina como otras composicionis que tienen la función de romper la monotonía métrica del conjuntu.

La utilización del velsu d’onzi sílabas (endecasílabu) i los sus perfectus sonetus encandilarun a poetas delos dos sigrus siguientis i tuvun influencia nel Sigru d'Oru español, inque algunus autoris los rechazaran i los juzgaran extranjerizantis.

Obras latinas

• Opera Latina, edición de Sebastian Brant. Basilea. Johann Amerbach, 1496.
• Edizione Nazionale delle Opere di Francesco Petrarca. Frorencia, Sansoni, 1926 ss.
• Petrarca del Centenario. Frorencia, Le Lettere, 2005 ss.

En versu

• Africa, escritu entre 1338 i 1339, i endispués corregíu i retocau. Poema heroicu incomplet u sobri la Segunda guerra púnica i en particular sobri las gestas de Publio Cornelio Escipión.
• Bucolicum carmen, compuestu entre 1346 i 1357 i constituíu por doci églogas sobri temas amorosus, políticus i moralis.
• Epistole metricae, escritas entre 1333 i 1361. 66 cartas n’hexámetrus, delas que algunas tratan sobri amol, inque la mayoría trata sobri política, moral o materias literarias. Algunas son autobiográficas.
• Carmina varia, que recoge poemas dispersos en vários lugaris.

En prosa

Retratu de Francesco Petrarca. Altichiero, 1370-1380.

• De viris illustribus (1337), coleción de biografías de hombris ilustris redactá a partil de 1337 i dedicá a Francesco da Carrara, señol de Padua nel 1358. El su pesqui original era reunir las vidas de pessonajis dela estoria de Roma dendi Rómulo ata l’emperadol Tito, peru solu llegó ata Nerón. Endispués añadió pessonajis de tolos tiempos, encetandu por Adán i terminandu n’Hércules. Como quedó incompleta, el su amigu Lombardo della Seta la continuó ata la vida de Trajano.
• Rerum memorandarum libri (1350), coleción de ejemplus estóricus i anécdotas reunidas cun propósito d’educación moral.
• Itinerarium ad sepulcrum Domini, descripción delos lugaris que se va topandu nel viaji dendi Génova a Jerusalén.
• Secretum o De secreto conflictu curarum mearum, compuestu entre 1347 i 1353, i en seguida revisá. Diálogo imaginariu en prosa latina en tres lribus entre el poeta mesmu i San Agustín, en presencia dela Verdad, que permanece muda. Como examen de conciencia pessonal, afronta temas íntimus del poeta i por esto no fue concebíu pa divulgal-si, pol qual lleva essi títulu. Nel primer lribu San Agustín enuncia qué debi hazel Petrarca pa conseguir la tranquilidá del'alma: meditar sobri la muerti i desear elevar-si. Petrarca mesmu no puei guarecer-si dela acidia. Nel segundu lribu, s’analizan las pasiones negativas de Petrarca mesmu: soberbia, avaricia, lujuria i acidia. Nel terceru examina otras dos pasiones del poeta, en particular l’amol por Laura i pola gloria, considerás las dos las más gravis culpas de Petrarca i las que le impedían acceder al equilibriu espiritual pol que suspiraba. Entiende los argumentos lógicus de San Agustín, peru no puei frenal el su deseo.
• De vita solitaria (1346-c. 1356), trau riligiosu i moral elaborau en 1346 i sucesivamenti ampliau en 1353 i en 1366. Exalta la soleá, tema queríu pal ascetismo medieval, dendi un afán riligiosu de salvación del'alma, inque nel contexto dun intelectual laicu: al rigor dela vida monástica contrapone l’aislamientu laboriosu del intelectual, dedicau alas leturas i alas várias escrituras en lugaris apartaus i serenus, en compañía d’amigus i d’otrus intelectualis. De aquí deriva la expresión d’Humanismu cristianu de Petrarca.
• De otio religioso (1346-1356) es un trau que exalta la vida monástica i l’otium o tranquilidá d’espíritu definía como la mejor condición de vida possibri.
• De remediis utriusque fortunae (1360-1366) es una coleción de brevis diálogos escritus en prosa latina, compuesta de 254 escenas de diálogos entre entidais alegóricas: prima l’«Alegría» i la «Razón», endispués el «Dolol». Son diálogos educativus i moralis pa reforzal al individuu contra los golpis dela fortuna, tantu la güena como l’adversa.
• Invectivarum contra medicum quendam libri IV (1355)
• De sui ipsius et multorum ignorantia (1368)
• Invectiva contra cuiusdam anonimi Galli calumnia o Contra eum qui maledixit Italiam
• Epistole (Familiares, Seniles, Sine nomine, Variae)
• De gestis Cesaris
• Psalmi penitentiales
• Posteritati, epístola excluyía pola su propia voluntá dela coleción Seniles, ena que se describe ala posteridá colos atributos que puein sel propius del humanista (la recuperación dela ciadanía clásica i l’amol pol latín)
• Contra quendam magni status hominem
• Collatio laureationis
• Collatio coram Johanne rege
• Collatio inter Scipionem, Alexandrum, Hannibalem
• Arringhe
• Orationes
• Testamentum.
• Vita Terrentii

Colecionis epistolaris

Estatua de Petrarca, Galería Uffizi, Frorencia.

De extrema importancia son las cartas latinas, que, recogidas n’ordin cronológicu, ofrecen la imagen autobiográfica del poeta; Petrarca tendía a ofrecer de sí mesmu una figura ideal. Algunas fuerun revisás e inclusu vueltas a escrebi de nuevu. Van agrupás por títulus como Familiares, Seniles i Sine nomine liber, que contienen algunas sobri política i polémicas, i por fin, las Variae.

Obras n’italiano o «lengua vulgar»

En tiempos de Petrarca, al italiano se le conocía como «lengua vulgar», pues la lengua considerá culta era el latín.

• El Canzoniere (títulu original: Francisci Petrarchae laureati poetae Rerum vulgarium fragmenta). Comprende 366 piezas: 317 sonetus, 29 cancionis, nuevi sextinas, siete baladas i quatru madrigales. Otras piezas poéticas se perdiun o fuerun incluyías n’otrus manuscritus.

La mayor parti destas rimas son de tema amorosu; una treintena son de tema moral, riligiosu o políticu. Son célebres las cancionis «Italia mia» i «Spirto gentil», enas qualis el concepto de patria se identifica cola belleza dela tierra natal, soñá libri delas luchas fratricidas i delas milicias mercenarias. Entre las cancionis más recordás se encuentra «Chiare, fresche e dolci acque» i entre los sonetus «Solo e pensoso».

Los editoris moernus devidin la coleción en dos partis: rimas in vita i rimas in morte di Madonna Laura, es dezi, las rimas en vida i las rimas tras la muerti de Laura. En realiá, Petrarca cuidó bien l’estrutura sucesiva del Cancioneru incluyendu rimas ya compuestas ena su juventú pa Laura i otras mugeris, peru atribuyéndolas nesta ocasión a Laura. En muerti, dedica poemas a Laura ya fallecía como l’únicu puru amol que conduce a Dios, según una concepción teleológica i mística del amol que se encuentra ya nel Dante dela Vita nuova i la Divina Comedia. Seríe impropiu hazel coincidir la colocación de vários testus ena obra col efetivu ordin cronológicu dela composición. L’amol a Laura es el centru anímicu dela rica i original poesía de Petrarca, ena qual tou en función dessu deviene literatura i deseo de gloria literaria.

Petrarca perfeccionó las formas dela tradición lírica medieval i dela lírica provenzal, cambió la forma dela sextina i reelaboró los moos poéticus. L’amá de Petrarca es un sel superiol espiritualmenti al poeta al qual esti rinde homenaje, peru no tiene entavía nada de sobreumanu; ella es moelu de virtú i de belleza. Asocia el nombri de Laura al lauru, al laurel poéticu dela gloria literaria, i juega col su nombri cambiándolu con l'aura (el vientu) como nel sonetu «Erano i capei d'oro a l'aura sparsi».

La segunda parti del Canzoniere se concluye cola canción Alla Vergine («Ala Virgen»), ena qual el poeta se dirige a María e implora perdón i protección.

• I trionfi. Obra encetá nel 1351 i concluía el 12 de febreru de 1374, pocus mesis dantis dela muerti del autol. Se trata de seis series de tercetos encadenados, a cada una delas qualis llama "triunfu", aniquilaus cada unu pol siguienti, ata el final, el "Triunfu dela eternidá", qu’es l’únicu que debi contal. Cada unu se percibe como un somnium o sueño alegóricu i trata duna fuerça anímica abstracta que se impone sobri l’anterior nel'alma del poeta. Son de dos tipos: negativas (Amor, Muerti, Tiempu) i positivas (Castidá, Fama, Eternidá). Enfrentás fuerças naturalis i fuerças trascendentis, al final rrucha l’aniquilamientu de tou lo terrenal en favol de tou lo divinu.

• Frammenti e rime extravaganti. Se llama assí a una seri de vessus atribuius a Petrarca en diversus manuscritus sobri distintus temas, algunus de los cualis son sin duda apócrifus.

• Testi del Vaticano latino 3196, tamién conociu como Codice degli abbozzi o «Códici de los bocetus» de la manu de Petrarca, compriendi venti pliegus mayoritariamenti en lengua vulgar i unus poquinhus en latín, encuadernaus siglus después de la muerti del su autor nun solu volumen. Son borraoris de prosas i poemas, o testus escluius de las obras ya conocias, obras inacabás o inclusu poemas terminaus. Tamién poemas dirigius a Petrarca. Al sel de propiedá privá, no huerun heredaus con el restu de la su biblioteca i archivu pol Francesco I da Carrara i quearun en poel del yelnu de Petrarca, Francescuolo da Brossano

Filosofía

Arretrataura de Petrarca de Giorgio Vasari.

A Petrarca se le mienta a menú como al pai del humanismu i es considerau por muchus el «pai del Renacimientu». En Secretum meum, apunta que los logrus seculari no tienen por qué estolbal una relación auténtica con Dios, razonandu nel su lugal que Dios á dau alos hombris el su gran potencial enteletual i criativu pa sel usau al máximu. Él enfusa la filosofía umanista, que llevó al frorrecer enteletual del Renacimientu. Creía nel valol moral i prácticu tan grandi del estuyu dela estoria i la literatura antigua —esto es, l'estuyu del pensamientu i l'ación humana—. Petrarca era un católicu devotu i no vía nengún runchi entre realizal el potencial del'umanidá i tenel fe riligiosa, inque muchus filósofus i sabius lo án calificau como un proto-protestanti que desafió el dogma del Papa.

Siendu un hombre mui para adrentu, Petrarca ayudó a dal forma al movimientu umanista nacienti, ya que muchus delos sus runchis interioris i cavilaciones espressás enos sus escritos fuerun acogíus polos filósofus umanistas del Renacimientu i se muerun batiendu duranti los siguientis 200 años. Por ejemplu, runchó pola relación correuta entre la vida activa i la contemplativa, i tendía a destacal la importancia dela soleá i l'estuyu. Nun claru desacuerdu con Dante, nel 1346 Petrarca razona en De vita solitaria que l'arrenunciu del Papa Celestinu V al papau nel 1294 fue un ejemplu virtuosu de vida solitaria. Más tardi, el políticu i pensaol Leonardo Bruni (1370–1444) defendió la vida activa, o «humanismu cívicu». Como resultau, a una tupa de líderes políticus, militaris i riligiosus dela viorna del Renacimientu se les deprendió la noción de que l'alcanci dela su realización pessonal debía encontral el su fundamentu nel ejemplu clásicu i la contemplación filosófica.

Legau

Tumba de Petrarca en Arquà Petrarca

La enfruencia de Petrarca es de bultu enos trabajus de Serafino Ciminelli de Aquila (1466–1500) i enas obras de Marin Držić (1508–1567) de Dubrovnik.

El músico románticu Franz Liszt le punu música a tres sonetus de Petrarca (47, 104 i 123) pa vos, Tre sonetti del Petrarca, que dimpués trescribiría pa pianu solu pa meté-lus ena suiti Années de Pèlerinage. Liszt tamién punu música a una puemilla de Victor Hugo, «Oh! quand je dors», dondi se mientan a Petrarca i a Laura como l'elinu del amol eróticu.

Estandu en Aviñón nel 1991, el musicanti modernista Elliott Carter remató la su pieza pa frauta sola Scrivo in Vento, que s'enfusa en parti nel Sonetu 212 de Petrarca, Beato in sogno. Se presentó pol primera ves nel 687 cumpleañus del autor. Nel 2004, la compositora finlandesa Kaija Saariaho crió una miniatura pa frauta piccolu llamá Dolce tormento, ena cual el flautista sushurra cachinus del Sonetu 132 de Petrarca drentu del estrumentu.

En Noviembri de 2003, s'anunció que patólogus i anatumistas desenterrarían el cuerpu de Petrarca del su ataú en Arquà Petrarca, pa preval los enhormis del sigru XIX que dizían que medía 1,83 metrus, lo que sería abondu altu pa esi tiempu. El equipu dela Univessidá de Padua tamién esperaba reconstruil el su craniu pa jadel una imahin pol ordenaol dela su cara pol el su 700 cumpleañus. La tumba ya s'avía abiertu antis, nel 1873, pol el professol Giovanni Canestrini. Al abril la tumba, topó-si el cascu en cachus i una preba de ADN desveló qu'el cascu no era el de Petrarca, lo que llevó a pedil que se devolviera el cascu de Petrarca.

Los envistigaoris están cuasi segurus de qu'el cuerpu dela tumba es el de Petrarca polque el esqueletu tieni marcas de ferías mentás pol Petrarca enos sus escritos, cumu la patá d'un burru quandu tenía 42 años.

Atijus esternus

• Oregon Petrarch Open Book (ingrés)
• De viris illustribus de Petrarca, códice francés del siglo XV digitalizado, en Somni