Freetown
| Freetown | ||
|---|---|---|
| Capital | ||
 | ||
 Escudo | ||
|
Prantilla:Mapa de localización Localización de Freetown en Sierra Leona | ||
|
Prantilla:Mapa de localización Localización de Freetown en África | ||
 Ubicación de Freetown | ||
| Coordenadas | 8°29′14″N 13°14′08″O / 8.4872222222222, -13.235555555556 | |
| Entidad | Capital | |
| • País | Prantilla:Geodatos Sierra Leona | |
| • Provincia | Área Occidental | |
| • Distrito | Área urbana de Freetown | |
| Alcalde | Yvonne Aki-Sawyerr | |
| Superficii | ||
| • Total | 577[1] km² | |
| Altol | ||
| • Media | 26 m s. n. m. | |
| Clima | Monzónico | |
| Puebración (2014) | ||
| • Total | 1,055,964 hab. | |
| • Densidá | 1 854,77 hab/km² | |
| Huso horario | Tiempo medio de Greenwich | |
| Prefijo telefónico | 22 | |
| Sitio web oficial | ||
Freetown (literalmenti «ciá libri» nel español) es la capital i la ciá más grandi de Sierra Leona, amás de sel el su prencipal centru económicu, financieru, coltural, educativu i políticu. Es una emportanti ciá portuaria nel Océanu Alánticu, localizá ena çona ocidental del país. Teníe una puebración de 772.873 abitantis nel censu de 2004,[2][3] i a dendi 2015 la su puebración se estima en 1.055.964 según el censu nacional.[4]
Se alcuentra assitiá ena Península Freetown. Ocupa una parti dela desembocaura del Ríu Sierra Leona, unu delos mayoris puertus naturalis d'auas prufundas nel mundu. La economía dela ciá jira en tornu al puertu, qu'es pol dondi se muevin la mayoría delas mercancías d'esportación del país.
Es la sei del Fourah Bay College, hundá en 1827, la nuversidá más antigua nel oesti d'África. La nuversidá jugó un papel clavi ena estoria colonial de Sierra Leona i enas nacionis de prala inglesa del oesti d'África.
Como capital de Sierra Leona, es la sei del Parlamentu de Sierra Leona, la Corti Suprema de Sierra Leona i la casa de gobiernu, residencia oficial del Presidenti de Sierra Leona. Toas las embaxás estranjeras tienin la su sei diplomática ena ciá.
Freetown es una delos seis municipius del país qu'es gobernau localmenti pun ayuntamientu, encabezau pun alcaldi. L'alcaldi i los biembrus del conseju son elegíus cada quatru añus pol sufragiu directu. El municipiu está políticamenti dividíu en tres regionis: East End Freetown, Central Freetown i West End Freetown, qu'ala su vezi se subdividin en barrios.
La puebración es étnica, coltural i religiosamenti diversa entri musulmanis i cristianus. La ciá alberga una gran porcentaj dela puebración total del país. Al igual qu'en ábate toa Sierra Leona, el lenguaje Krio es el idioma prencipal i de largu el más palrau ena ciá.
La ciá fue hundá en 1792 como Nova Scotian pol abolicionista británico John Clarkson, como un asentamientu d'esclavu liberaus, que abríun luchau nel lau británicu duranti la Guerra d'Endependencia delos Estaus Uníus.[5][6] Los colonos llamarun al su nuevu hogar Freetown.[7]
Alreol de 500 esclavu liberaus en Jamaica hizun el viaji a Freetown en 1800 pola «Sierra Leone Company». Duranti las próssimas décadas milis d'afroamericanos, antillanos i africanos liberaus llegarun ala ciá como colonos, a través dela compañía de Sierra Leona.[8] Los sus descendientis son conocíus ogañu como criollos.
Estoria
[adital | adital cóigu]
La ciá fue hundá en 1787 pol 400 ex esclavu negros británicus enviáus dendi Londris, Inglaterra, embaju los auspicius del Committee for the Relief of the Black Poor, una organización creá pol abolicionista británico Granville Sharp, llamarun al su nuevu hogar «Provincia dela Libertá» o Granville Town ena tierra comprá ala tribu local delos Koya Temne.[9]
L'asentamientu fue quemau polas tribus en 1790. Alexander Falconbridge fue enviau a Sierra Leona en 1791 pa recoguel el restu delos colonos sobrevivientis i restableciu Granville Town (más tardi renombrau Cline Town), cerca de Fourah Bay.
En 1792, una nueva espedición d'esclavu llega a Freetown, esta vezi veníun dendi Nueva Escocia. El poel inglés sobrevivió a un asalto francés en 1794.[10]
Los abitantis se rebelarun en 1800 peru los británicus retomarun el control dela ciá, començandu amás col expansionismo propiu dela época, que condujo ala creación dela atual Sierra Leona. En 1808, la comuniá fue declará colonia británica.
Entri 1808 i 1874, la ciá sirvió como basi d'operacionis i como capital dela colonia británica del ocidenti d'África. La ciá creció fuertementi gracias ala llegá de milis d'esclavu liberaus que llegaban de toas las colonias británicas. La liberación en masa se debió ala colaboración delos esclavu enas Guerras napoleónicas embaju órdinis británicas.
Duranti la Segunda Guerra Mundial, el Reinu Uníu mantuvu una basi naval en Freetown. Los descendientis delos esclavu liberaus son denominaus creoles (criollos) i desempeñan un papel emportanti ena capital inque son una minoría nacional.
Se convirtió el 27 d'abril de 1961 ena capital de Sierra Leona, tras obtenel la su endependencia.
Guerra cevil de Sierra Leona
[adital | adital cóigu]Duranti los añus 1990 la ciá se viu envuelta en cruentus enfrentamientos. En 1998, las tropas de ECOWAS tomarun la ciá pa restaurar al presidenti Ahmad Tejan Kabbah. Luengu la ciá fue atacadá pol Frenti Revolucionariu Uníu inque sin ésitu.
Desastri pol inundacionis de 2017
[adital | adital cóigu]Ena madrugá del 14 d'abostu de 2017, endispués de fuertis lluvias, parti del Monti Sugar Loaf nun bordi de Freetown se derrumbó nun gran deslizamiento de tierra que ahogó a más de 300 pressonas ena ciá de Regent. Se á culpau ala deforestación pol deslizamiento de tierra.[11][12][13]
Esplosión dun camión cisterna de combustibri en Sierra Leona de 2021
[adital | adital cóigu]El 5 de noviembri de 2021, un camión cisterna de combustibri chocó con otru camión en Freetown, lo que provocó una esplosión que mató al menus a 99 i hirió a alreol de 100.
Geografía
[adital | adital cóigu]
Freetown se alcuentra localizá nel estremu noroesti dela Penínsul’e Freetown, una península que se estiende nel Océanu Alánticu. El paisaji se caracteriza polas colinas cubiertas con bosquis tropicalis i las sus numirosas prayas. Gran parti del bosqui primariu á síu destruíu pola tala i los incendios forestalis. En 2010, el área total dela península fue declará reserva forestal, pa garantizar la protección delos bosquis restantis. Nostanti el su estatus de protección, la reserva á sufríu continua deforestación, prencipalmenti debíu ala espansión urbana i las activiais conexas, una tendencia que solo exasperó pola guerra civil.[14] La parti sul dela Península i la desembocaura delos ríus está cubiertá pol manglaris i umedalis disemináus.
La ciá se estiende a lo largu dela costa, al estremu esti se alcuentran los barrios d'obrerus: Wellington, Kissy, Cline Town, Fourah Bay, Kossa Town i Foulah Town. Del lau oesti se alcuentran los barrios burguesis: Congo Town, Murray Town, Wilberforce i Aberdeen.
Clima
[adital | adital cóigu]Al igual qu'el restu de Sierra Leona, Freetown tieni un clima tropical con un periodo de lluvias de mayo a otubri i una estación seca el restu del añu. El prencepiu i el final dela estación lluviosa se caracteriza pol fuertis tormentas. Ena clasificación del clima de Köppen, Freetown tieni un clima tropical monzónicu, debíu prencipalmenti ala fuerti cantidá de precipitación que recibi duranti la temporada de lluvias. Entri noviembri i febreru, l'alta umedá dela ciá cai a causa delos vientos Harmattan, un vientu suavi que fluyi hacia el sul dendi el disiertu del Sahara, i ofreci ala ciá el período más frío del añu. Las temperaturas estremas en Freetown son de 21 grados Celsius a 31 grados Celsius duranti tol añu. Las temperaturas alreol de 28 grados centígrados son normales, con mu poca variación dendi el día ala nochi.
| Mes | Enn. | Feb. | Mar. | Abr. | May. | Jun. | Jul. | Ago. | Set. | Otu. | Nov. | Dec. | Añual |
|---|---|---|---|---|---|---|---|---|---|---|---|---|---|
| Temp. máss. abs. (°C) | 36.0 | 38.0 | 38.0 | 38.5 | 35.0 | 35.0 | 33.0 | 32.0 | 31.0 | 35.0 | 36.5 | 33.5 | 38.5 |
| Temp. máss. miedia (°C) | 29.9 | 30.3 | 30.9 | 31.2 | 30.9 | 30.1 | 28.7 | 28.4 | 29.0 | 29.9 | 30.1 | 29.7 | 29.9 |
| Temp. miedia (°C) | 27.3 | 27.6 | 28.1 | 28.5 | 28.3 | 27.4 | 26.3 | 25.9 | 26.4 | 27.1 | 27.7 | 27.5 | 27.3 |
| Temp. mín. miedia (°C) | 23.8 | 24.0 | 24.4 | 24.8 | 24.4 | 23.6 | 23.1 | 23.0 | 23.1 | 23.4 | 24.0 | 24.1 | 23.8 |
| Temp. mín. abs. (°C) | 15.0 | 17.8 | 19.4 | 20.0 | 20.6 | 20.0 | 19.4 | 19.4 | 20.0 | 19.4 | 20.0 | 15.6 | 15.0 |
| Lluvias (mm) | 3.4 | 3.6 | 12.5 | 46.9 | 177.2 | 323.0 | 734.3 | 791.1 | 484.1 | 265.8 | 87.5 | 15.9 | 2945.3 |
| Díais de lluvias (≥ 1.0 mm) | 0 | 0 | 1 | 4 | 15 | 22 | 27 | 27 | 24 | 21 | 9 | 2 | 152 |
| Oras de sol | 226.3 | 217.5 | 232.5 | 207.0 | 189.1 | 153.0 | 102.3 | 86.8 | 126.0 | 186.0 | 204.6 | 161.2 | 2092.3 |
Fonte n.º 1: HKO[15] Fonte n.º 2: BBC Weather (récords)[16]
Economía
[adital | adital cóigu].jpg)
Freetown es el centru económicu i financieru de Sierra Leona. La estación nacional de televisión i radio del país, la Sierra Leone Broadcasting Corporation está localizá prencipalmenti en Freetown, inque tamién posee sedis regionalis en otras ciaais del país como Bo, Kenema, Koidu i Makeni. En Freetown está localizá una delas dos prencipalis nuversidais del país, la Fourah Bay College, la nuversidá más antigua dela África Ocidental, hundá en 1827.[17]
La mayoría delas grandes empresas del país tienin la su sei ena ciá, assina como la mayoría delas empresas enternacionalis. La economía dela ciá jira en tornu del su gran puertu natural, el mayor puertu natural del continenti africanu. El peal Queen Elizabeth II es capaz de recibal grandis navíus i es responsabri polas prencipalis esportacionis de Sierra Leona. Las endustrias incluyin el procesamientu d'alimentos i bebíes, l'embalaji de pessi, la moenda d'arroz, la refinería de petroleu, la talla de diamantis, i la produción de cigarros, tinta, çapatus i cerveça. La endustria agrícola destaca el café, cacau, dátilis i gengibris.
La ciá es servía pol Aeropuertu Enternacional de Lungi, localizau ena ciá de Lungi, próssimu a Freetown.
Demografía
[adital | adital cóigu]| Composición étnica del Distritu Urbanu dela Área Occidental (2015) | ||
|---|---|---|
| Pueblu | % | |
| Temne | 37.3 | |
| Mende | 14.6 | |
| Limba | 14.1 | |
| Fulbe | 7.3 | |
| Kriu | 6.2 | |
| Loko | 5.0 | |
| Mandinka | 3.9 | |
| Susu | 3.1 | |
| Kono | 2.3 | |
| Kuranko | 1.6 | |
| Xerbrou | 1.5 | |
| Otus | 3.1 | |
Ena ciá vivi ábate el 16,1% dela puebración total de Sierra Leona, el que correspondi a 1.070.200 abitantis. L'islam es la religión predominanti, abarcandu una porción del 55% dela puebración, seguiu pol cristianismu col 40%.
Freetown alberga un número senificanti de grupus étnicus de diversos países, inque ya sea abitala primeramenti pol puebru criollu de Sierra Leona, tamién llamaus krio (descendientis d'americanos libris, afroamericanos i caribeñus) que constituyi el segundu mayor grupu étnicu dela ciá, detrás del puebru Temne.
Como en prácticamenti toa Sierra Leona, la luenga krio (una luenga nativa del puebru criollu, que correspondi a solamenti el 5% dela puebración del país) es de largu la más ampliamenti difundía i la más palrá ena ciá. L'idioma es utilizau como primera luenga pol 90% dela puebración i como Lingua franca pol toa la puebración dela ciá.
Gobiernu i política
[adital | adital cóigu]La ciá de Freetown es unu delos seis municipius de Sierra Leona i se rige pun ayuntamientu elegíu directamenti, encabezau pun alcaldi, a quien se confieri l'autoridá ejecutiva. L'alcaldi es responsabri dela gestión general dela ciá. L'alcaldi i los biembrus del conseju son elegíus en eleción directa pa periodos de quatru añus. L'alcaldesa atual es Yvonne Aki-Sawyerr.
El gobiernu del municipiu de Freetown á estau dominau pol Congresu de Todo el Puebru (APC, enas sus siglas en inglés) dendi 2004. Dendi essa fecha, los abitantis de Freetown án votau enas elecionis municipales pola una abrumadora mayoría polos biembrus de dichu partíu. El Congresu de Todo el Puebru ganó l'alcaldía dela ciá i la mayoría delos escaños nel conseju enas elecionis localis de 2004 i 2008, 2012 i 2018, pol más del 67% cada una.
En noviembri de 2011 l'alcaldi Herbert George-Williams fue destituíu del su cargu i sustituíu pol Alhaji Gibril Kanu como alcaldi enterinu, endispués qu'el alcaldi i otras ocho pressonas, entri ellus el jefi aministrativu del ayuntamientu i el tesoreru, fuerun arrestáus i acusáus pol veinticinco cargos de corrupción, que van de conspiración i malversación de fondos púbricus.[18] L'alcaldi Herbert George-Williams fue absolviu de diecisiete delos diecinueve cargos ena su contra i solo fue condenau pol dos cargos menoris.[19][20] L'alcaldi en funciones Alhaji Gibril Kanu, nostanti, perdió la nominación del APC pala alcaldía de Freetown enas elecionis de 2012, con 56 votos a favol, el concejal Sam Franklyn Bode Gibson, ganó con 106 votos, nuna vitoria aprastanti.[21][22][23]
Enas elecionis nacionalis, tanto enas presidencialis como enas parlamentarias, Freetown es similal alos estaus endecisos dela política estaunidensi, prencipalmenti debíu a que la ciá es étnicamenti diversa i ena ella vivin gentes procedentis de tol país. Tradicionalmenti, el Congresu de Todo el Puebru i el Partíu Populal de Sierra Leona, dos delos prencipalis partíus políticus del país, teníun apoyos similaris ena ciá. Nostanti, enas elecionis presidencialis de Sierra Leona en 2007, el candidatu del Congresu de Todo el Puebru, que era pol aquel entoncis el lídel dela oposición, Ernest Bai Koroma, obtuvo algo más del 60% delos votos nel distritu urbanu del Área Ocidental, incluía la ciá de Freetown, dondi residi ábate toa la puebración del distritu. Enas elecionis presidencialis de Sierra Leona de 2012, Koroma recibió el 69% delos votos en Freetown, en comparación col candidatu presidencial del SLPP, Julius Maada Bio, que recibió el 30% delos sufragios. Y enas elecionis presidencialis de Sierra Leona de 2018, el candidatu presidencial del Congresu de Todo el Puebru, Samura Kamara, recibió el 65%, en comparación col candidatu presidencial del SLPP, Julius Maada Bio, que recibió el 34%, inque Maada Bio ganó las elecionis presidencialis a nivel nacional.
Crimen
[adital | adital cóigu]Dendi qu'acabara la Guerra Civil nel añu 2002, Freetown á esperimentau un aumentu nel índici de criminalidá, especialmenti robos, asesinatos, allanamientus i asaltos. Esti efectu es más pronunciau nel barrio East End dela ciá. Nostanti, los nivelis de criminalidá (especialmenti aquellos enos que entervieni la violencia) son bajos en comparación colos estándares d'otras regionis o países africanus.
Coltura
[adital | adital cóigu]
Museu Nacional de Sierra Leona: con una gran coleción de máscaris.
Sierra Leone National Railway Museum
Palaciu delas Cortis
El árbol d'algodón (Cotton tree): tieni más de 500 añus de dessistencia.
Lugares de cultu
[adital | adital cóigu]La ciá tieni varios lugares de cultu, como la catedral del Sagrau Coraçón (católica), la catedral de San Jorge (anglicana), la ilesia de San Juan Granati (metodista) i la mezquita de Foulah Town (musulmana).
Tresportis
[adital | adital cóigu]Tresporti aéreu
[adital | adital cóigu]
El Aeropuertu Enternacional de Lungi es un aeropuertu enternacional que da serviciu a Freetown assina como al restu del país. Está situau ena localidá de Lungi, acedibri cruzandu el ríu Sierra Leona dendi Freetown. Opera como aeropuertu prencipal de viajis nacionalis i enternacionalis con destinu o salía de Sierra Leona. L'operadol dela infraestrutura es l'Autoridá Aeroportuaria de Sierra Leona (Sierra Leone Airports Authority). Los pasajerus puein optal pol hovercraft, el ferry o el helicópteru pa cruzal el ríu ata Freetown, inque tamién ai líneas regularis d'autobús que unin l'aeropuertu con varios puntos del país.
Tresporti fluvial
[adital | adital cóigu]Pa atravesal el ríu Sierra Leona dessistin varias opcionis; en hovercraft, en ferry, pol carretera (el trayetu puéi dural cincu oras), en lancha motora, en taxi acuáticu, enos bote banana localis o en helicópteru. El ferry es la opción más práctica i económica. Nostanti, tanto los servicios de hovercraft como los de ferry son suspendíus frecuentementi debíu a un overbooking de pasajerus o ala falta de mediais de seguridá.
Tresporti marítimu
[adital | adital cóigu]Freetown posee el puertu natural más largu d'África.[24] Buquis procedentis de tol globu terráqueu atracan nel Peal Reina Isabel II (Queen Elizabeth II Quay) de Freetown. Pasajerus, mercancías i las embarcacionis privás puein utilizal amás un embarcaderu localizau a pocos kilómetros del centru dela ciá. La envirducción reciente á permitíu la introdución d'alta tecnología de carga enas instalacionis portuarias.
Tresporti terrestri
[adital | adital cóigu]Carreteras
[adital | adital cóigu]La infraestrutura de Sierra Leona es limitá, i ellu se vei reflejau ena su redi de carreteras i autopistas. L'alministración delas vías de comunicación nacionalis es competencia dela Autoridá de Carreteras de Sierra Leona (SLRA polas sus siglas en inglés), insititución qu'á síu denunciá en diversas ocasionis pol corrupción. L'Autopista 1 uni Freetown cola localidá de Waterloo, situá varios kilómetros al sul. A pesar dela escasa eficacia dela SLRA, los prencipalis ejes de comunicación del área metropolitana dela capital án síu remodeláus con una calidá medianamenti acetabri.
Ferrocarril
[adital | adital cóigu]Siguiendu las recomendacionis del Bancu Enternacional de Reconstrución i Fomentu (BIRD), la redi ferroviaria del estau, que uníe Freetown col restu de ciaais del país, fue clausurá de manera definitiva nel añu 1974. Los raílis fuerun desmanteláus de manera progresiva enos añus siguientis.
Educación
[adital | adital cóigu]
Freetown es la sei del Fourah Bay College. El su campus está situau en Mount Aureol, enas afueras dela ciá. Se trata duna delas dos nuversidais del país, tras la reforma dela educación superiol realizá en 2005.[25]
Filmografía
[adital | adital cóigu]La ciá á síu objetivu d'interés pola coltura estaunidensi, ena que destaca la película Diamanti de sangri de Edward Zwick nel añu 2006, nominá a cincu Oscars nel añu siguienti. Cuya ambientación ena guerra civil nacional dela década 1990 i los abusos sufríus ena citá puebración posteriormenti se án ganau un sitiu ena coltura ocidental.
Deportis
[adital | adital cóigu]Al igual qu'en restu del país, el fútbol es el deporti más populal en Freetown. La seleción nacional de Sierra Leona, conocía popularmenti como Leone Stars, juega tos los sus partidos localis nel estadiu nacional de Freetown, l'estadiu más grandi de Sierra Leona. Ocho delos quinci cluvis ena Liga Premier de Sierra Leona son de Freetown, incluíus dos delos cluvis de fútbol más grandis i de mayor ésitu nel país, el East End Lions i el Mighty Blackpool. L'enfrentamientu entri estos dos equipos es considerau el clásicu del país.
Cluvis de Freetown ena Liga Premier de Sierra Leona
[adital | adital cóigu]Referencias
[adital | adital cóigu]- ↑ «Sierra Leone». citypopulation.de. Consultado el 18 de diciembre de 2012.
- ↑ 2004 POPULATION AND HOUSING CENSUS
- ↑ Sierra Leone
- ↑ 2015 Population and Housing Census Key Figures Fact Sheet
- ↑ Sierra leonean americans
- ↑ Avfal Freetown
- ↑ Sierra Leone Background
- ↑ Freed U.S. slaves depart on journey to Africa
- ↑ Roman Adrian Cybriwsky, Capital Cities around the World: An Encyclopedia of Geography, History, and Culture, ABC-CLIO, USA, 2013, p. 109
- ↑ Britannica, Freetown, britannica.com, USA, acedíu el 24 de junio de 2019
- ↑ Sierra Leone landslide: More than 300 killed as roads turn into 'churning rivers of mud'
- ↑ Hundreds killed in Sierra Leone mudslide
- ↑ Sierra Leone mudslide: What, where and why?
- ↑ Munro, P.G., Deforestation: constructing problems and solutions on Sierra Leone's Freetown Peninsula
- ↑ Climatological Information for Freetown, Sierra Leone, Hong Kong Observatory. (Archivu: https://web.archive.org/web/20021124020507/http://www.weather.gov.hk/wxinfo/climat/world/eng/africa/w_afr/freetown_e.htm; consultáu 18 de decembri de 2012).
- ↑ Average Conditions Freetown, Sierra Leone, BBC Weather. (Archivu: https://web.archive.org/web/20070211071916/http://www.bbc.co.uk/weather/world/city_guides/results.shtml?tt=TT000540; consultáu 18 de decembri de 2012).
- ↑ The University of Sierra Leone
- ↑ Sierra Leone indicts Freetown mayor for graft
- ↑ Freetown: Mayor, Five Others Sentenced
- ↑ Sierra Leone: Mayor, Others to Pay Le455 Million or Risk Three-Year Jail
- ↑ Councillor Bode Gibson Wins The Freetown APC Mayoral Candidate Contest
- ↑ Bode Gibson wins APC Freetown Mayoral Contest
- ↑ FCC Acting Mayor Commends Theo Nicol’s Politics
- ↑ Freetown, Sierra Leone
- ↑ The University of Sierra Leone - Historical background
Atijus externus
[adital | adital cóigu]
En Commons ai conteníu multimedia sobre Freetown.
