Güiquipedia:Arrayu de responsabiliá
Arrayu de responsabiliá – Avisu d'arriegu – Avisu d'arrenunciu meicu – Avisu leal – Avisu de conteníu
Güiquipedia es una ciclopedia calavorativa online de conteníu abiertu, es izil, una associación voluntariosa de pessonas i corrupelas que desenroan juntamenti una huenti dela conocencia umana. Los sus términus de gastu premitin a qualisquiel pessona que disponi de l'enganchi a Entrenet i dun navegaol web, morifical el conteníu delos sus artícalus o páginas. Por tou estu, hazel el favol de tenel presenti que l'enteración que s'atopi nesta ciclopedia non á síu arrepassá precisamenti polos alvertíus profissionais que conozan los temas delas destintas materias qu'apercocha, dela horma precisa pa deparal una enteración compreta, precisa i herriça.
Estu no senifica que no aiga d'avel enteracionis essatas i valerosas ena Güiquipedia i qu'assina sedrá la mayol parti delas vezis. Sin bargu, Güiquipedia non puei galantizal la valía dela enteración que s'atopi paquí. El conteníu de qualisquiel artícalu, puei avel síu muau rezien, farrungau o altereau por anguna pessona que tieni una entrepetación que puei no casal col estau dela conocencia enas arias tocantis.
No dessesti un arrepassu hormal por paris
[adital cóigu]Estamus a trebajal sobri la horma de descogel i asseñalal entrepetacionis herriças delos artícalus. La nuestra ativa comuniá d'aditoris gasta varias herramientas, comu las páginas de muacionis rezientis i páginas nuevas, pa vegilal las morificacionis i criacionis de conteníu. Sin bargu, Güiquipedia no es igualmenti arrepassá por paris, pos los letoris puein corregil marrus o aborral las ispirencias con marrus, nun arrepassu por paris no hormal, enque ellus no tien la obrigación leal de hazé-lu i assina, tola enteración que s'encruya se hazi sin nengún tipu de galantía imprícita de disposición pa qualisquiel fin o gastu. Mesmu los artícalus qu'án síu aprovaus por mé d'arrepassus por paris no hormais o endispués dun processu de votación d'artícalu destacau puein sel aluspués morificaus importunamenti, justu anantis d'angunu leyel-lu.
Nengunu delos utoris, editoris, calavoraoris, patrocinaoris, almenistraoris, operaoris de sistema, ni nenguna sotra pessona relacioná de qualisquiel horma cona Güiquipedia, en casu dengunu, puei sel considerá lealmenti responsabli dela parición d'enteración no essata, errónia o difamaora o pol gastu que se haga dela enteración contenía enas sus páginas o qu'esté ensartá dendi o hazia ellas.
No dessesti contratu o licencia lindá
[adital cóigu]L'enteración contenía ena Güiquipedia se sumenistra librimenti, sin crial nengún tipu d'acordança o contratu dentri vusté i los propetarius o usuarius d'esti sitiu, los propetarius delos servioris enos qu'esti sitiu web está albergau, los aportaoris endividuais ala Güiquipedia, los almenistraoris de qualisquiel proyeutu, los operaoris del sistema, ni pessona nenguna relacioná con esti proyeutu o angunus otrus proyeutus ermanus. Se l'entriega a vusté una licencia lindá p'acopial qualisquiel material d'esti sitiu, assina essa licencia no cria en horma nenguna, responsabiliá contratual o estracontratual dela parti dela Güiquipedia ni nengunu delos sus agentis, biembrus, organizaoris o angún sotru usuariu. Puei gastal librimenti l'enteración, sempri que cumpra conas condicionis de l'esquema de licenciamientu dela Güiquipedia.
Esti no es un contratu, acordança o entendimientu dentri vusté i Güiquipedia que cubra el gastu o las morificacionis que vusté haga tocanti ala enteración, mas pallá delos términus de l'esquema de licenciamientu mentau nel paragrafu anteriol, assina naidi ena Güiquipedia amás de vusté puei sel considerau responsabli delas muacionis, altereacionis, morificacionis o el aborrau de qualisquiel enteración que vusté mesmu haga ena Güiquipedia o qualisquiera delos sus proyeutus associaus.
Marcas registrás i otrus derechus
[adital cóigu]Qualisquiel marca registrá, marca de serviçu, marcas coletivas, derechus d'inseñu o angunus otrus derechus de propiedá endustrial que se mientan, gastan o nombran enos artícalus o páginas dela Güiquipedia, sonin propiedá delos sus titularis. El su gastu paquí no emprica que vusté puea gastá-lus pa sotru proponimientu destintu del gastu inhormativu dénticu o acomparanti al contemplau polos utoris originais delos artícalus ena Güiquipedia embaxu los términus de l'esquema de licenciamientu dela Güiquipedia. Salvu endicación en contrariu, los sitius web dela Güiquipedia i la Hundación Wikimedia, no están relacionaus conos titularis delos mentaus derechus i assina, la Güiquipedia no puei atorgal derechu dengunu pal gastu de materiais protegíus. El gastu que vusté haga d'essa propiedá non material o acomparantis es escrusivamenti embaxu'l su propiu arriegu.
Jurición i lealidá de conteníus
[adital cóigu]La pubricación de l'enteración contenía ena Güiquipedia podría contravenil las leis del país o jurición dendi aondi s'acedi ala enteración. La basi de datus de Güiquipedia está albergá nun serviol assitiau nel estau de Florida, enos Estaus Unius d'Almérica i es mantenía ena referencia alas protecionis galantiçás polas leis locais i federais d'essi país. Las leis pal su país o jurición podrían no protegel o premitil las mesmas crassis d'espressión o destribución. Güiquipedia non apucha l'enviolación de nenguna lei i non puei sel responsabilizá por nenguna enviolación d'essas leis, nel casu qu'ensarti a esti sitiu o gasti, reproduza o repubriqui l'enteración paquí contenía.
Entrepetacionis
[adital cóigu]Salvu endicación delo contrariu, las concrussionis, las entrepetacionis i las opinionis espressás enos artícalus dela Güiquipedia, correspondin alos sus utoris i non entrepetan precisamenti el vistal dela Güiquipedia. La enteración sumenistrá non devi d'entrepetal-si de nenguna horma nel sentíu de que la Güiquipedia respaldi, sustenga o suscreva las posicionis, entidais, pogramas particulais, recramacionis o revindicacionis de pessonas, corrupelas o estaus.
Non brinda assessoría profissional
[adital cóigu]Si nessecita assessoramientu específicu, comu pol exempru, meicu, leal, financiero, o de gestión d'arriegus, hazel el favol de solicital a un profissional que tenga licencia o que tenga conocencias dela materia.
Guipal tamién:
Conteníus ofensivus o rálidus
[adital cóigu]Pol caraiti general, Güiquipedia retieni materiais que puein sel consideraus rálidus, ofensivus, no aparentis pa menoris d'edá o mesmu non lealis pal su país. Si estu puei soponel un poblema, hazel el favol de descadecel-si del su gastu. Si es menol d'edá, consegi conos sus pairis o tutoris lealis anantis de hazel gastu dela Güiquipedia.