Güiquipedia:Avisu d'arrenunciu meicu
Arrayu de responsabiliá – Avisu d'arriegu – Avisu d'arrenunciu meicu – Avisu leal – Avisu de conteníu
Güiquipedia tieni artícalus de custionis meicas. Sin bargu, no es possibli d'assegural la ralidá nel conteníu delos artícalus, pos puein tenel marrus, falsus o dessatualizacionis. Enque l'enteración puea sel correta o herriça i el su conteníu estal bien decumentau, es possibli que lo descrevíu no casi con una sitación de salú específica.
L'enteración meica i terapéutica que brinda la Güiquipedia, possimenti sobri la farmacuterapia, es nel mejol delos assuntus de horma general i no puei restituil el conseju dun meicu o sotru profissional dela salú.
Nengún calavoraol, biblotecariu, pogramaol, patrocinaol ni qualisquiel sotra pessona relacioná con Güiquipedia, es responsabli dela resultancia ni delas consicuencias que puean cassional qualisquiel ententu de gastal l'enteración, conos sus possiblis marrus o falencias, que se brinda nesta ciclopedia. Polo mesmu, qualisquiel gastu que se haga de l'enteración contenía en qualisquiel artícalu d'assuntus de melecina (possimenti al tentu del tratamientu d'enfermedais) sedrá solu i escrusivamenti responsabiliá del letol.
Ná ena Wikipedia.org o en nengún sotru proyeutu de la Hundación Wikimedia devi de sel entendíu comu un ententu de brindal o aproporcional parecelis meicus o sobri l'exerciciu dela melecina. Devi de tenel-si ena cuenta que la Güiquipedia es una ciclopedia libri, ena que qualisquiel pessona puei produzil o morifical artícalus, i que essa pessona puei no tenel conocencias essatas de l'assuntu del que trata dichu artícalu. Assina, ai de tenel la nesseciá de sel consicuenti conas enteracionis que s'atopin ena Güiquipedia i demostrá-las de horma endependienti.
En qualisquiel casu, asperamus que los datus i las enteracionis contenías ena Güiquipedia seyan de servimientu, i en efetu, s'envita ala calavoración ena edición d'artícalus de melecina o salú, i a gastal o compartil qualisquiel material atopau paquí, embaxu los términus de l'esquema de licenciamientu dela Güiquipedia.