Güiquipedia:Avisu d'arriegu
Arrayu de responsabiliá – Avisu d'arriegu – Avisu d'arrenunciu meicu – Avisu leal – Avisu de conteníu
Ai de tenel ena cuenta que qualisquiel enteración que s'atopi ena Güiquipedia puei no sel essatu, engañosu, peligrosu o non leal.
Angunas enteracionis ena Güiquipedia puein crial un altu arriegu palos letoris que descojan por aprical o gastal l'enteración enas sus propias atividais o que promuevan el gastu d'essas enteracionis pola parti de tercerus.
Nengunu delos utoris, calavoraoris, almenistraoris, pogramaoris, patrocinaoris, ni qualisquiel sotra pessona relacioná cona Güiquipedia, es responsabli pol gastu que se dé a l'enteración contenía paquí o qu'esté ensartá dendi o hazia otrus sitius web.
Polo mesmu, es nesseciá tomal tolas meías precisas p'acercioral-si de que l'enteración que s'aceba de Güiquipedia seya correta i aiga síu demostrá, comu arrepassal las referencias qu'estan ala final delos artícalus. Tamién es possibli d'arrepassal la página de carava de l'artícalu i el su estorial, pa guipal si essesti un conflitu pendienti del conteníu de l'artícalu. De sel possibli, se devi de comproval duplimenti l'enteración con huentis endependientis.
Si un artícalu retieni ispirencias sobri atividais peligrosas, non lealis o non puras, se devi d'arrecordal que qualisquiel pessona puei congregal esta enteración ena Güiquipedia. Los utoris puein no estal qualificaus pa brindal una enteración compreta o pa inhormal a tentu delas precaucionis de segurança aparentis o passus que se puein tomal p'aprevenil lisionis, dañás corporais o angunas otras dañás alas pessonas, ala propiedá o ala consideración. Si se precisa d'assessoramientu específicu, comu pol exempru, meicu, leal, o d'almenistración d'arriegu, se devi de solicital a un profissional cona licencia o conas conocencias n'essa materia.
Güiquipedia no es igualmenti arrepasá por paris, enque los letoris puein corregil marrus o aborral las ispirencias con marrus, no tienin la obrigación leal de hazel-lu i assina, tola enteración que se concruya se hazi sin nengúna galantía encruía de disposición pa qualisquiel fin o gastu dengunu.
No se puei solicital ena contra de Güiquipedia apiolamientu polas dañás consicuenciais, pos es una associación voluntariosa de desenroaoris endividuais que librimenti án criau varias pratahormas de cóigu abiertu educativas, colturais i enterativas. L'enteración es aproporcioná de baldi i en resultas, no dessesti nengún contratu, acordança o entendimientu dentri l'usuariu i Güiquipedia, ena avenencia col gastu o morificación dela enteración mas pallá delos términus de l'esquema de licenciamientu dela Güiquipedia.
No se devi de confial totalmenti en nenguna enteración disponibli ena Güiquipedia sin hazel una demostración endependienti.