Güiquipedia:Avisu de conteníu
Arrayu de responsabiliá – Avisu d'arriegu – Avisu d'arrenunciu meicu – Avisu leal – Avisu de conteníu
Güiquipedia, ena su ambiciosa missión de decumental tola conocencia umana, retieni una milenta d'artícalus sobri los mas variaus temas. Una parti relativamenti chiquenina d'essus temas es tupía polos educaoris, goviernus, impresas, pairis o angunus otrus régimis de citrau d'enteración.
- Güiquipedia tié angunus artícalus que gastan espressionis que puein sel considerás verdihondas, ofensivas o bujaronas por angunus letoris.
- Güiquipedia gasta munchas imagis, angunas dellas puein sel considerás custionablis, rálidas, ofensivas o no corretas p'angunas pessonas. Pol exempru, angunas imagis puein retenel escenas violentas o partis dela anatomía umana.
- Güiquipedia tié munchus artícalus que retienin un discutimientu original sobri temas controvertíus. Angunus temas discutíus puein sel consideraus comu delitus n'angunas juricionis. Otrus retienin interación sobri atividais peligrosas o arriegás, comu puei guipal-si ena Güiquipedia:Arrayu de responsabiliá i ena Güiquipedia:Avisu d'arriegu.
- Güiquipedia puei desvelal tramas.
- Güiquipedia puei tenel material que desati n'angunas pessonas trastornijus d'aginu endispués dun trauma.
- Güiquipedia puei retenel imagis i vídius que podrían desatal crisis epiléticas pola afotuassensibliá o angunas otras enfermedais.
- Güiquipedia está abierta alas aportacionis del púbricu i en qualisquiel prontitú puei sel ojetu de destruición enas sus páginas.
- Güiquipedia puei retenel enteracionis meicas, lealis o d'otras materias, acivarrás normalmenti a parecelis profissionais i assina, la Güiquipedia non restitui l'assessoría dun profissional de l'aria, comu puei guipal-si ena Güiquipedia:Avisu leal i ena Güiquipedia:Avisu d'arrenunciu meicu.
La política d'ugañu ena Güiquipedia, consienti encruíl estus conteníus, sempri i quandu estén n'acordança conas políticas essestentis i possimenti ena avenencia col vistal neutral. Angunus d'essus artícalus retienin alvertencias o avisus específicus, peru munchus no los tienin.
En qualisquiel assuntu, Güiquipedia está en costantI creceeru i munchus artícalus retienin marrus, parcialidais, plagius, repeticionis o precisan namás dun poquinu d'atendimientu o trebaju. Assina, conviamus alos letoris a ayual-mus a reballal estus poblemas. La gran parti delos artícalus sonin escrevíus primariamenti i angunas vezis, namás que por endividus que no sonin especialistas ena materia i que puein no tenel conocencia académica o profissional de l'aria.
Güiquipedia retieni enteracionis escuras que no sonin cobiertas nuna ciclopedia corrienti. La cubritura de temas ena Güiquipedia es inregulal, basau ena voluntá delos sus aportaoris i assina en particulal, los temas d'interés pa pessonas jóvinis con angúna conocencia ténica possimenti, enque no de juru, acebin mas atendimientu qu'otrus. Los letoris no devin de julgal l'emportancia dun assuntu en basi ala su cubritura ena Güiquipedia, ni se devi de soponel qu'un tema es emportanti, namás porque tié un artícalu ena Güiquipedia.