Geometria
La geometria, del griegu geo (tierra) i metrón (media), es una rama de las matemáticas que s'ocupa de las propieais de las figuras geométricas nel planu o el espaciu, comu son: puntus, retas, planus, polígonus, poliedrus, paralelas, perpendicularis, curvas, superficiis, etc. Los sus orígenis se remontan a la solucion de problemas concretus sobri medias i es la justificacion teórica d'albondu enstrumentus, por ejemplu el compás, el teodolito i el pantógrafu. Tien la su apricacion prática en física, mecánica, cartografia, astronomia, náutica, topografia, balística, etc. Tamien da hundamentu teóricu a enventus comu el sistema de posicionamientu global (en especial quandu se la considera en combinacion con el análisis matemáticu i sobri tó con las ecuacionis diferencialis. Es útil ena preparacioón de diseñus (justificacion teórica de la geometria descritiva, del dibuju ténicu i enclusu ena fabricación d'artesanias).