Ir al contenido

José María Gabriel y Galán

Dendi Güiquipedia
(Rederigíu dendi Grabiel y Galán)
José María Gabriel y Galán
Información pressonal
Nacencia 28 de juñu de 1870 Ver y modificar los datos en Wikidata
Frades de la Sierra (España) Ver y modificar los datos en Wikidata
Muerti 6 de heneru de 1905 Ver y modificar los datos en Wikidata (34 años)
Guijo de Granadilla (España) Ver y modificar los datos en Wikidata
Causa de muerti Apendicitis Ver y modificar los datos en Wikidata
Nacionalidá Española
Información prehessional/profissional
Oficiu Escrevienti y poeta Ver y modificar los datos en Wikidata
Partiu políticu Comunión Tradicionalista Ver y modificar los datos en Wikidata
Hirma

José María Gabriel y Galán (Frades de la Sierra, Salamanca, el 28 juñu de 1870 - † Guiju de Granailla, Caçris, el 6 jeneru de 1905) hue pueta qu'escrebió en castellanu i estremeñu.

Biografía

[adital | adital cóigu]
Casa Museu de Gabriel y Galán en Guiju de Granaílla

Iju de campusinus propietarius las sus tierras. Passa la su enfáncia en el puebru natal asistiendu a la su escuela, i a los 15 añus se treslada a Salamanca pa acontinal los sus estuyus (nesta epoca hazi los sus primerus versus). Al mesmu tiempu labuta en un pósitu tejíus.[1]

En 1888 consigui el títulu maestru d'escuela i es destinau a Guijuelu, a unus 20 quilómetrus el su puebru natal. Al pocu tiempu va a Mairil pa acontinal estuyandu ena "Escuela Normal Central". No premaneci muchu allí, ya que la metrópoli le prouci rechazu (la huchea en angunas cartas de Modernópolis). Es destinau a Piedraíta (Ávila). El su estau ánimu es baju, firmandu las cartas a los sus collácius cumu El Solitario.[1]

El jovin maestru se prefila ya comu un zagal tristi, melancólicu, mu sensibri i de prohundas convicionis religiosas (alcibias de la su mairi, Bernarda), que ya se notan enos sus puemas. En 1893 conoci a la su mujel Desideria (a la que huchea cariñosamenti mi vaquerilla), i dendi altoncis sufri un cámbeu raical. Abaldona el su puestu maestru i se treslada a Guihu de Granailla, ondi almenistra la hesa El Tehal, propieá el tíu la su esposa. Allí alcuentra el tiempu i sosiegu pa madural la su puesía. Al tenel nacéncia su primel iju (Jesús, 1898) componi El Cristu benditu, primera las sus famosas Estremeñas.[1]

Espena el 6 jeneru de 1905, a consecuencia duna pulmunía mal curá. El ayuntamientu Guihu de Granailla mantiini la casa qu'abitó, cumu museu, ondi s'enseñan ojetus pressonalis el pueta, donación de los sus ereerus.[2]

La su obra puética se aparta el modernismu, huendu conservaora en estrutura i temática: defiendi la traición, la família, la estirpi, el dogma católicu u la descansá via campestri.

Puemarius:

  • Castellanas (1902).[3]
  • Estremeñas (1902).[4]
  • Campusinas (1904).[5]
  • Nuevas Castellanas (1905)
  • Relihiosas (1906)

Referencias

[adital | adital cóigu]
  1. 1 2 3 B.f.o. «Gabriel y Galán, el poeta salmantino que sigue entusiasmando a las gentes del campo». www.lagacetadesalamanca.es. Consultado el 21 de enero de 2023.
  2. ↑ «Guijo de Granadilla mantiene viva la memoria de Gabriel y Galán». El Periódico Extremadura. 22 de marzo de 2004. Consultado el 21 de enero de 2023.
  3. ↑ Cervantes, Biblioteca Virtual Miguel de. «Castellanas». Biblioteca Virtual Miguel de Cervantes. Consultado el 21 de enero de 2023.
  4. ↑ Cervantes, Biblioteca Virtual Miguel de. «Extremeñas». Biblioteca Virtual Miguel de Cervantes. Consultado el 21 de enero de 2023.
  5. ↑ Cervantes, Biblioteca Virtual Miguel de. «Campesinas». Biblioteca Virtual Miguel de Cervantes. Consultado el 21 de enero de 2023.

Atijus p'ahuera

[adital | adital cóigu]