Harare
| Harare | ||||
|---|---|---|---|---|
| Capital de Zimbabue | ||||
 | ||||
| ||||
| Lema: Pamberi Nekushandira Vanhu (Adelante con el servicio al pueblo) | ||||
| Entidad | Capital de Zimbabue | |||
| • País |
{{Geodatos Prantilla:Geodatos Zimbabue | bandera icono-país | nombre = | variante = | tamaño = }} | |||
| • Provincia | Harare | |||
| • Distrito | Harare | |||
| Alcalde | Muchadeyi Masunda | |||
| Superficii | ||||
| • Total | 960.6 km² | |||
| Altol | ||||
| • Media | 1490 m s. n. m. | |||
| Puebración () | ||||
| • Total | 2 800 111 hab. | |||
| • Densidá | 2914,9 hab/km² | |||
| Huso horario | UTC +2 | |||
| Sitio web oficial | ||||
Harare (denominá Salisbury ata 1982) es la ciá más puebrá i capital de Zimbabue. Tini una puebración estimá de 1.600.000 abitantis, con unas 2.800.111 pressonas ena su área metropolitana (2006). Es el centru Almenistrativu, comercial, i de comunicacionis de Zimbabue. Es centru de comercio pal tabacu, maíz, algodón i cítricos. La su activiá endustrial enclui la testil, aceru i química. Ena çona ai minas de oru.
Harare es la sedi dela Nuversidá de Zimbabue, la mayor estitución d'estuyus superiolis de Zimbabue, que s'atopa nel suburbiu de Mount Pleasant a cincu quilómetrus al norti del centru dela ciá. Nostanti el renombramientu dela ciá, la mayoría delos suburbius dela ciá mantienen los sus nombris colonialis uropeus que se remontan al sigru XIX, talis como, Warren Park 'D', Borrowdale, Mount Pleasant, Tynwald, Rotten Row i Rietfontein.
Harare es famosa polas sus hermosas ruas, las qualis están adornás con jacarandas, i quandu frorecin, enllenan la ciá col su ermosu colol azul violáceu.
Estoria
[adital | adital cóigu]
La ciá fue fundá en 1890 como un huerti pola "Columna Pionera", un grupu mercenariu organizau pol Cecil Rhodes. La ciá fue originalmenti llamá Salisbury en honol al Tercer Marqués de Salisbury, quien n'aquessi antoncis era el primel menistru del Reinu Uniu. Otuvu el estatutu de ciá en 1935. Salisbury fue n'aquel antoncis la capital dela Federación de Rodesia y Nyasalandia dendi 1953 ata 1963.
El nombri dela ciá se cambió a Harare el 18 d'abril de 1982, nel segundu aniversariu dela endependencia de Zimbabue, el nombri se deriva del nombri del Jefe dela tribu shona, Neharawa.
Enos primerus añus del sigru XXI, Harare fue gravementi afectá pola crisis pulítica i económica que dominaba a Zimbabue, endispués dela difícil eleción presidencial del 2002 i las elecionis parramentarias del 2005. La junta parramentaria eleta fue remplazá por una comisión gubernamental debíu ala su supuesta ineficiencia, i servicios esencialis como limpieza púbrica i el mantenimiento delas calis empeorarun rápidamenti. En mayu de 2006 el periódicu zimbabueñu Financial Gazette, describió la ciá nuna editorial como una "ciá hermosa convertía nun basureru".[1]
En mayu de 2005 el Gobiernu de Zimbabue demolió varius asentamientus informalis en Harare i otras ciais del país, nel que se denominó Operación Murambatsvina (Operación "Sacal la Basura"). Esto causó una huerça reacción ena comuniá enternacional porque dichu pran se llevó a cau sin dengún avisu previu, i sin tenel previstu albergues alternativus pa toos aquellos desplazáus.[2] Se sospechaba que el pran fue parti duna campaña de represalia alos sectoris más pobris dela puebración urbana, mayoritariamenti favorabris al partíu de oposición, Movimiento por el Cambio Democrático, achicandu desta horma las possibilidáis de protestas i acionis en contra del gobiernu por meyu dela expulsión delos opositores delas ciais. El gobiernu justificó la operación indicandu qu'intentaba achical el crimen, las epidemias i la prostitución.[3]
Infraestruturas
[adital | adital cóigu]Tresporti
[adital | adital cóigu]Tresporti urbanu
[adital | adital cóigu]El sistema de tresporti púbricu drentu dela ciá enclui operacionis del selton púbricu i privau. Los primerus consistin en autobuses i trenis de cercanías operáus pola Zimbabwe United Passenger Company i la National Railways of Zimbabwe, respectivamenti. Antañu huncionaban camionetas denominás, ata 1993, Taxis d'Emergencia. N'essi añu, el gobiernu encetó a reemplazalus con autobuses i minibuses con licencia, conocíus oficialmenti como ómnibus de cercanías.[4]
Tresporti ferroviariu
[adital | adital cóigu]Dendi Harare parti un serviciu diariu de trenis de passajerus acia Mutare, i otru a Bulawayo, gastandu el ferrocarril Beira-Bulawayo.
Tresporti aéreu
[adital | adital cóigu]El Aeropuerto Enternacional Robert Gabriel Mugabe es la prencipal terminal aéreo del país. Es operau pola Civil Aviation Authority of Zimbabwe, i tini vuelos enternacionalis entri África i Asia.[5]
Climi
[adital | adital cóigu]Harare tini un prestosu climi subtropical de tierras altas (Clasificación climática de Köppen: Cwb). La temperatura meya anual es de 17,95 °C (64,3 °F), lo qu'es baju palas zonas tropicalis, i esto se debi ala su elevá ubicación i la prevalencia dun hrescu flujo d'airi sul-oriental.[6]
Ai tres estaciones: una estación cálida i húmeda de noviembri a marçu/abril; una estación fría i seca de mayu a abostu (que correspundi al invierno nel hemisferio sul); i una estación cálida i seca en septiembri/outubri. Los rangus de temperaturas diarias son ábate de 7-22 °C (45-72 °F) en juliu (el mes más frío), alreol de 15-29 °C (59-84 °F) en outubri (el mes más calurosu) i alreol de 16 a 26 °C (61-79 °F) en eneru (pleno vranu). L'añu más calurosu registrau fue 1914 con una temperatura meya anual de 19,73 °C (67,5 °F) i l'añu más frío fue 1965 con 17,13 °C (62,8 °F).
La precipitación meya anual es d'un 825 mm (32,5 pulgadas) nel sudoesti, llegandu a 855 mm (33,7 pulgadas) ena región alta del nordesti (de Borrowdale a Glen Lorne). Normalmenti cai muy poca lluvia duranti el período de mayu a septiembri, inque las precipitaciones esporádicas ocurren la mayoría delos añus. Las precipitaciones varían muncho dun añu a otru i siguin ciclos de períodos húmedus i secos del 7 a 10 añus de duración.[7]
El climi favoreci la vegetación natural de bosques abiertus. L'árbol más común dela región local es el Msasa Brachystegia spiciformis que colorea de vinu tintu el paisaji colas sus nuevas ojas a finalis d'abostu. Dos especies sudamericanas d'árboles, el Jacaranda i el Flamboyan, que fuerun introducíus duranti la época colonial, colorean las callis dela ciá conas delas flores lila dela Jacaranda o las flores rojas dela Flamboyán. Ellas frorecin en outubri/noviembri i se prantan enas calis dela capital. Tamién es frecuenti la buganvilla.
| Datus climáticus de Harare | |||||||||||||
|---|---|---|---|---|---|---|---|---|---|---|---|---|---|
| Mes | ene. | feb. | mar. | abr. | may. | jun. | jul. | ago. | set. | oct. | nov. | dic. | Añu |
| Récor de máximas (°C) | 32 | 31 | 30 | 32 | 28 | 26 | 28 | 31 | 33 | 34 | 35 | 33 | 35 |
| Mediá de máximas (°C) | 26.2 | 26 | 26.2 | 25.6 | 23.8 | 21.8 | 21.6 | 24.1 | 28.4 | 28.8 | 27.6 | 26.3 | 25.5 |
| Temperatura mediá (°C) | 21 | 20.9 | 20.4 | 19.1 | 16.6 | 14.3 | 14.1 | 16.3 | 20.1 | 21.7 | 21.6 | 21.1 | 18.9 |
| Mediá de mínimas (°C) | 15.8 | 15.7 | 14.5 | 12.5 | 9.3 | 6.8 | 6.5 | 8.5 | 11.7 | 14.5 | 15.5 | 15.8 | 12.3 |
| Récor de mínimas (°C) | 8 | 9 | 8 | 6 | 2 | 0 | 0 | 1 | 3 | 7 | 8 | 9 | 0 |
| Precipitación (mm) | 190.8 | 176.3 | 99.1 | 37.2 | 7.4 | 1.8 | 2.3 | 2.9 | 6.5 | 40.4 | 93.2 | 182.7 | 840.6 |
| Días de precipitación (≥ 1,0 mm) | 17 | 14 | 10 | 5 | 2 | 1 | 0 | 1 | 1 | 5 | 10 | 16 | 82 |
| Sol (h) | 217 | 192.1 | 232.5 | 249 | 269.7 | 264 | 279 | 300.7 | 294 | 285.2 | 231 | 198.4 | 3012.6 |
| Fontis: Organización Meteorolóxica Mundial[8]; Observatoriu de Hong Kong (1961–1990)[9]; BBC Weather[10]. Datus compiláus n'agostu de 2010. | |||||||||||||
Educación
[adital | adital cóigu]La Nuversidá de Zimbabue s'atopa en Harare. Fundá en 1952, la nuversidá es la más antigua i grandi del país, brindandu una gran variedá de programas de pregradu i postgradu. La puebración d'estudiantis es de 20.399, con 17.718 estudiantis de pregradu i 2.681 estudiantis de postgradu.
Economía
[adital | adital cóigu]Harare es el prencipal centru financieru, comercial i de comunicacionis de Zimbabue, assín como un centru de comercio enternacional de tabacu, maíz, algodón i cítricos. La endustria manufaturera, qu’enclui el testil, el aceru i las sustancias químicas, tamién es emportanti dendi el puntu de vista económicu, al egual qu’el comercio de minerales preciosos como el oru, los diamantes, el cromo i el platino. Tamién á esperimentau un bum inmobiliariu ogañu, sobritodo enos ricos suburbius del norti, con una crecencia mu grandi delos precios ena última década, inque con problemas en otros seltores dela economía.[11] Esti auge á siu alimentau en gran media por biembrus dela diáspora zimbabueña i la especulación, con inversores que se cubrin contra la moneda local.[12][13] Nostanti, el mercau, dantis en auge, á encetau a enfriassi debíu ala xubía delos tipos d'interés en 2019 i alas consecuencias económicas dela pandemia del COVID-19, dejandu varius proyeutus sin Terminal.[14]
Harare á siu la sedi de varias cumbres enternacionales, como la 8.ª Cumbre del Movimiento delos No Alineáus (6 de septiembri de 1986) i la Reunión de Jefes de Gobierno dela Commonwealth de 1991.[15] Esta última produxu la Declaración de Harare, que estableci los criterios de pertencia dela Commonwealth de Naciones. En 1998, Harare fue la ciá anfitriona dela 8.ª Asamblea del Consejo Mundial de Iglesias.[16]
Inque pudiesi paecel qu'ogañu la economía se recuperaba pol fin, el otimismu inicial delos inversoris endispués dela toma de possesión del gobiernu de Mnangagwa se á desvanecíu en gran media debíu ala lentitú delas reformas pa mehoral el entornu d'oficius.[17] La economía sufrió una elevada inflación i hrecuentis cortis de lú en 2019, lo que dificultó entavía más la inversión. La farta d'aplicación de reformas monetarias apropiás pa completal los esfuerçus del gobiernu por achical el déficit presupuestariu tamién socavó la confiança delos inversores nel seltol financieru. Inque el gobiernu á ensistíu repetidamenti nel su interés por mehoral la trasparencia, la albeliá pa hazel negocios i la briega contra la corrupción, los avancis acontinan siendu limitaus bajo la almenistración de Mnangagwa.[17]
Otru retu pala economía de Harare es la persistenti emigración de residentes altamenti cualificaos i educáus al Reinu Uniu, Australia, Canadá, Irlanda i Nueva Zelanda, en gran parti debíu ala recesión económica i alos polvoreus pulíticos.[18] La fuga de cerebros dela ciá, ábate sin precedentes en comparança con otros mercáus emergentis, á provocau el escayimientu d'una crasi empresarial local i una escasez de opertuniáis de empleu fuera del seltol informal i púbrico.[18] Amás, los residentes dela crasi trabajadora dela ciá se desplazan cada vezi más alas cercanas Sudáfrica i Botsuana, inque son sustituíu fáci-mienti por emigrantes rurales con menus recursos.[19] Nostanti, a pesar de más duna década d'abandonu, las infraestruturas i el capital humano dela ciá acontinan siendu comparabris alos d'otras ciais d'África i América Latina. Queda pol vel si el gobiernu atual puei atrael ala su joven i bien educá diáspora zimbabueña, que cuenta con unos 4 a 7 millones de pressonas, pa qu'invierta ena economía.[20]
Tresporti
[adital | adital cóigu]Harare es una ciá relativamenti joven, que creció mayormenti duranti los auges de post-Federación i de post-endependencia del país. Tamién estuvo segregá por crasis i razas hata 1976. Como resultau, Harare ogañu es un área urbana mayormenti de baxa densidá enfocá palos motoristis priváus, fartandu d'un sistema de tresporti púbricu convenienti. Se á invertíu mu pocu pa desenvolvel un sistema de tresporti púbricu eficaç i integrau, dejandu a un gran númeru de residentes dela ciá dependientis delos taxis-minibús informalis. La xubía d'aplicacionis localis pa compartí-l transporti como GTaxi i Hwindi á achicau un pocu la presión nel sistema de tresporti dela ciá, peru dambus dos servicios son entavía mu carus pal ussu dela mayoría dela genti trabajadora. Amás, los servicios d'autobús tamién están disponibris, peru están más enfocáus pal viaji entreciáis i pal recréu que pa los trayetus drentu dela propia Harare.
El sistema de tresporti púbricu dela ciá enclui operacionis del seltol púbricu i privau. El primeru consisti en autobuses de ZUPCO. El tresporti púbricu de propieá privá encluía furgonetas con licencia (moteás 'taxis d'emergencia') hata 1993, quandu el gobiernu encetó a reemplazalus con autobuses i minibuses con licencia, llamaus oficialmenti 'ómnibus de cercanías'. Harare tini dos crasis de taxis: los taxis con taxímetru i los muncho más hrecuentis taxis coleutivus o 'kombis'. A diferencia d'otras ciais, los taxis con taxímetru normalmenti no andan pola ciá escuquiyandu passajerus, sinón que tinin que sel llamaus i pedíus pa un destinu. Los "taxis" minibús son la horma de tresporti diaria de facto ena que confía la mayoría dela puebración de Harare.
Dendi mayu de 2023, Harare no tini nengún serviciu de tren de passajerus. La National Railways of Zimbabwe operaba dantis servicios diarios de trenis nocturnus pa Mutare i Bulawayo gastandu el ferrocarril Beira–Bulawayo. El serviciu de ferrocarril de larga distancia fue suspendíu en 2020 debíu ala pandemia del COVID-19 i no s'á reabiertu. Entri 2001 i 2006, tres rutas de tren de cercanías operavan en Harare, dandu serviciu a Tynwald, Mufakose i Ruwa. Estas rutas, moteás 'Trenis dela Libertá', se volverun a ponel en 2021, peru fuerun suspendías otra vezi en noviembri de 2022 pol polvoreus de pagu con ZUPCO.
Los servicius d'autobús de larga distancia enlazan Harare cola mayoría delas partis de Zimbabue.
La ciá es cruçá pola Autopista Transafricana 9 (TAH 9), que la coneta conas ciais de Lusaka i Beira.
L'aeropuertu más grandi de Zimbabue, l'Aeropuerto Enternacional Robert Gabriel Mugabe, da serviciu a Harare.
Coltura
[adital | adital cóigu]
Las artis runchin en Harare a pesar dela crisis económica i pulítica, cuyos efeutos á ofrecíu opertuniáis pala sátira i la esperimentación. Inque autores i músicos como Doris Lessing, Petina Gappah i Thomas Mapfumo llevan muncho tiempu criticandu la corrupción delos gobiernos de Smith i Mugabe, la aparición de teatru de protesta dendi el añu 2000 á vigorizau la escena artística local.[21] Atores i artistas s'á uníu a músicos i escritores pa critical el mal gobernal i el púbrico s'á uníu a ellos, convirtiendu la escena artística local nuna delas más vibrantis del hemisferio sul.
Entri las estitucionis notabris dela ciá s'atopan:
Galería Nacional de Zimbabue - qu'alberga esposicionis d'arti shona i escultura en piedra.
Acre delos Héroes Nacionalis - Un cementeriu i monumento nacional palos luchadores dela endependencia.
Museo de Ciencias Humanas de Zimbabue (Zimbabwe Museum of Human Sciences) - cerca de Rotten Row, documenta la arqueología d'África meridional dendi la Edá de Piedra ata la Edá de Hierro.
Parque de Esculturas Chapungu - un parque d'esculturas en Msasa Park. Fue fundau en 1970 pol Roy Guthrie.
Archivus Nacionalis - La galería dela segunda pranta tini una muestra delos artefactos relacionáus con Zimbabue pa entendel la su estoria, detallandu los hitos i las primeras revueltas Chimurenga de 1896-97.[22]
Parquis i jardinis
[adital | adital cóigu]Jardines Botánicos Nacionalis - en Alexandra Park, un buen lugal pa dal un passeu o vel prantas d'África meridional i hábitats como los msasa (Brachystegia spiciformis) o el miombo.
Campo de golf Royal Harare: un campo de competición de 18 hoyos.
Santuario de animales Vaughn: alberga leones, monos i hienas.
Epworth Balancing Rocks - al sul dela ciá, alberga grandes i estraordinarias formacionis rocosas.
Parque recreativo dela presa de Cleveland - ena autopista Mutare (A3) con magníficos bosques de msasa.
Jardines botánicos de Ewanrigg.
Parque de Leones i Guepardos - cerca dela ciá, ena carretera de Bulawayo (A5).
Mukuvisi Woodlands - en Hillside, con 263 ectáreas de bosque autóctono de Msasa i miombo. Alberga cebras, jirafas i una gran variu de avis.[23]
Otrus espacius
[adital | adital cóigu]El Eastgate Centre, un centru comercial de diseño innovador.
El mercau Mbare Musika es el mayor dela ciá con una mestura de d'artesanía de madera i cestería. Es mehol vesital-lo con un grupu turísticu polas pressonas ajenas alos intereses delos demás.[23]
The Book Cafe: un centru de discusión literaria, social i musical sin censura.
El Teatro Reps, en Belgravia, alberga actuaciones dendi música clásica ata teatru esperimental.[22]
Deportis
[adital | adital cóigu]_2.jpg)
Harare á siu considerá dendi hazi muncho tiempu como la capital deportiva de Zimbabue debíu al su papel nel desenvolvimiento del deporti zimbabueñu, la variu i caliá delos sus eventus i recintus deportivus, i las sus artas tasas de precuru i participación.[24] La ciá tamién es el fogal de más equipus de deporti profesionales que compitin a nivel nacional i enternacional que nenguna otra ciá de Zimbabue. El fútbol es el deporti más populal en Harare, sobritodo entri los residentes dela crasi trabajadora, cola ciá criandu a munchus furbulistas que á llegau a jugal ena Premier League inglesa i en otros lugaris. El críquet i el rugbi tamién son deportis popularis entri los que tienin d'origin crasi Meya.
En 1995, Harare acoherdun la mayoría delos sestus Juegus To-África, compartiendu el eventu con otras ciais zimbabueñas como Bulawayo i Chitungwiza. Acoherdun dalgunus delos partíus dela Copa del Mundu de Críquet de 2003, que fue organizá dambos dos por Quenia, Sudáfrica i Zimbabue. Harare tamién acoherdun los partíus dela Clasificación pala Copa del Mundu de Críquet de 2018 en marçu de 2018.[25]
Harare es la sedi del campo del Harare Sports Club, qu'acoherdi munchus partíus de críquet Test, One Day International i T20I. Los clubis dela Lliga Prencipal de Fútbol de Zimbabue como el Dynamos F.C., Black Rhinos F.C. i CAPS United F.C. tamién tinin la su casa ena ciá. Los prencipalis estadius de Harare son el Estadiu Nacional de Deportis i el Estadiu Rufaro.
Galería
[adital | adital cóigu]-
Cali de Sam Nujoma, mirandu pal sul -
-
Centru de Harare, frenti al Bancu de Reserva
-
Primera Cali -
Vista de lau delos Eificius del Parramentu -
-
Cenotafiu dela Primera Guerra Mundial enos Jardines de Harare -
.jpg)
Vea-si tamién
[adital | adital cóigu]Referencias
[adital | adital cóigu]- ↑ Financial Gazette editorial del 17 de mayu de 2006 "Zimbabwe: It's Chombo's Fault"
- ↑ Zimbabwe's Operation Murambatsvina: The Tipping Point?
- ↑ Operation Murambatsvina: A Crime Against Humanity
- ↑ The initial effects of introducing commuter omnibus services in Harare, Zimbabwe, TRL, 13 de juñu de 2008
- ↑ Zimbabwe’s biggest airport renamed after President Mugabe
- ↑ Goddard Institute of Space Studies World Climate database
- ↑ Global Historic Climate Network database NGDC
- ↑ World Weather Information Service – Harare (WMO). Accesu: 11 dic. de 2012. [1]
- ↑ Climatological Information for Harare, Zimbabwe (HKO). Accesu: 11 dic. de 2012. [2] (cópia: [3])
- ↑ Average Conditions Harare, Zimbabwe (BBC Weather). Mayu de 2011. Accesu: 11 dic. de 2012. [4]
- ↑ Dzirutwe, MacDonald, Los zimbabuenses se preguntan, ¿quién puede permitirse una casa?, NYTimes.com, 15 de mayu de 2006
- ↑ Error en la cita: Etiqueta
<ref>no válida; no se ha definido el contenido de las referencias llamadasauto16 - ↑ McGregor, JoAnn, Sentimentality or speculation? Diaspora investment, crisis economies and urban transformation, Geoforum, septiembri de 2014
- ↑ Policy flip-flopping crippling real estate, The Independent, 5 de juñu de 2020
- ↑ List of previous CHOGMS, thecommonwealth.org
- ↑ 8th assembly & 50th anniversary, wcc-coe.org
- ↑ 17,0 17,1 Zimbabwe, Departamento de Estado de Estados Unidos, 2021-01-21
- ↑ 18,0 18,1 El compromiso de la diáspora médica zimbabuense, samponline.org, 2021-01-21
- ↑ Unfriendly Neighbours, samponline.org
- ↑ Zimbabwe: Migration and Brain Drain, ResearchGate
- ↑ Rest in Power: Oliver Mtukudzi, leyenda de la música y pionero panafricano, 2019
- ↑ 22,0 22,1 Zimbabwe: Education, History, & Culture, Columbia University Libraries
- ↑ 23,0 23,1 Descubra la rica cultura zimbabuense en su capital, Lonely Planet
- ↑ Sport in Zimbabwe, topendsports.com
- ↑ ICC World Cup Qualifiers 2018, Cricket World