Henry Benedict Medlicott
| Henry Benedict Medlicott | ||
|---|---|---|
 | ||
| Información pressonal | ||
| Nacencia |
3 d'abostu de 1829 Loughrea (Irlanda) | |
| Muerti |
6 d'abril de 1905 (75 años) Bristol (Reinu Uñíu de Gran Bretaña e Irlanda) | |
| Nacionalidá | Irlandesa | |
| Educación | ||
| Educau en | Trinity College Dublin | |
| Información prehessional/profissional | ||
| Oficiu | Geólogo, arquiólogu, zoólogo y botánico | |
| Abreviatura en botánica | Medlicott | |
| Destincionis |
| |
Henry Benedict Medlicott (Loughrea, Condau de Galway, 3 d'abostu de 1829 - Bristol, 6 d'abril de 1905) hue un botánicu, geólogu, arquiólogu, i escreviol científicu irlandés, que trebajó en La Índia.[1] Fue coautol dun testu dela geología d'India i s'acretita l'acugnau del télminu "Gondwana" que más tardi fue gastau pa crial el concetu de Gondwanalándia.
Biografía
[adital | adital cóigu]Aborigin de Loughrea, Galway, segundu iju, de tres, del Retol de Loughrea Ilesia d'Irlanda, Samuel Medlicott (1796–1858) i de Charlotte (c. 1814-1884), germana de Henry Benedict Dolphin, C. B.[2] S'educó nel Trinity College, Dublin bahu Thomas Oldham (1816–1875) (assin cumu en Fráncia, Guernsey, i Dublin. En 1850, tuvu un BA con diplomu n'honoris ena Escuela d'Engeniería Cevil, i un MA en 1870. Fue un esperu en francés i estava familiariau colas obras delos geólogus francesis. S'unió al Serviciu Geológicu d'Irlanda cumu assistenti general en otubri de 1851, trebajandu bahu Joseph Beete Jukes (1811/69) i más tardi col British Geological Survey en Wiltshire dantis de dimitil pa unil-si al estudiu geológicu d'Endia en marçu de 1854 . Pol encarecimientu de Sir Henry Dela Beche (1796-1855) se li dio el cargu de professol de geología ena Facultá Thomason d'Engeniería Cevil en Roorkee.[3]
Los sus germanus Joseph G. Medlicott (f. 1866) i Samuel (c.1831-1889) trebajarun nel Serviciu geológicu d'Irlanda, mentris que Joseph más tardi trebajó ena Endia.[4]
Juntu col su gelmanu Joseph G. fue cabas de destinal la desseparación dela región Cámbrica Vindhyan del Gondwana. Más tardi trebajó en várias partis del país cumu South Rewa, Bihar, Assam, Khasi Hills, Rajputana, Cachemira, las cordilleras de Satpura i las colinas de Garo. L’1 d'abril de 1876 socedió al Dr. Oldham en dirigil el Departamentu de Geología, endispués en Calcuta. La posición fue cambiau de Superintententi a Diretór en 1885. Medlicott encetó a aïslal-si dela via social i encetó a vivil una via ascética, caminandu descalçu, i editandu dumentus. Escrevió Manual de Geología d'Endia con William Thomas Blanford en 1879 i editó obras en Paleontologica Indica . El su estilu d'escriviera era considerau inmoerau polus sus contemporáneus inque encetó una política pa premitil que los sus subordinaus la libertá d'espressión ena prensa, una decisión que cussó resentimientu entri el pressonal. Era ostil ala promoción delos geólogus indius nativus. Se retiró n'abril de 1887 i vivió en Clifton Bristol ondi acontinó la envestigación delos sus enteressis en filosofía i teología. Murió el 6 d'abril de 1905, degandu la su muhel, dos ijus i dos ijas.[4] Se li atribuyi tenel sugeríu el nombri de Gondwana. I gastó el télminu pa descrebil la estratigrafía duna formación dela mayol parti del Pérmicu ena Endia. El geólogu Edward Suess asseñaló la ancha aprición de flol fósil de Glossopteris' i llamó a toas las regionis "Tierra de Gondwana" i encruyó Endia, Madagascar i África, inque no Austrália.[5]
El su obituarista i colega Blanford (qu'espenó nel mesmu añu) notó que nunca gastó el "FRS" endispués del su apellíu en nenguna pubricación.[3]
Carrera ena India
[adital | adital cóigu]Del 15 d'abostu de 1854 trebajó en Roorkee, haziendu viajis a Oldham. Se casó con Louisa, ija del reverendu Daniel Henry Maunsell, en Landour cerquina de Mussoorie el 27 d'otubri de 1857. En 1857 se desempeñó cumu voluntáriu cola guarnición de Roorkee contra los amotinaus, i fue galardonau cola Medalla dela Endia Mutiny de Serviciu Special. Mentris que en Roorkee, estudió partis del valli de Narmada i Bundelkhand (en 1854-55, 1856-57). Trebajó ena geología delos Himalayas más bahas i las mesetas Siwalik.[4]
Angunas pubricacionis
[adital | adital cóigu]Observacionis on the Geology and Zoology of Abyssinia
Geology of Kumaun and Garhwāl. Ed. N.-W.P. & Oudh Gov. Press, 50 páh.
Geología ecnómica. Un Manual dela Geología d'Endia, v. 2, con William Thomas Blanford, Valentine Ball, Frederick Richard Mallett. Ed. Geological Survey Office, con William Thomas Blanford, Un Manual de Geología d'Endia[6] v. 2[7]
Un bocetu dela Geología del Punjab. 58 páh.
1889-1898 con Eugene William Oates (1845-1911) Fauna of British India (pájarus)[8] (4 v. Taylor & Francis, Landris).
La Evolución dela Menti nel Hombri. Ed. Kegan Paul, Trench, Trüber & Co. 48 páh.
Enciclopédia de Geología Endia: Geología Estratigráfica i Estrutural : Prencipalmenti Compliau [sic] delas Observacionis del Geological Survey. Con William Thomas Blanford. 2.ª ed. reimpressa de Cosmo Publications, 543 páh.
Premius i conocimientus
[adital | adital cóigu]Biembrías
[adital | adital cóigu]1877: biembru dela Royal Society
biembru dela Nuversidá de Calcuta
1879 a 1881: fue Presienti dela Sociedá Asiática de Bangladés
Galardonis
[adital | adital cóigu]1888: medalla Wollaston dela Sociedá Geológica de Landris
1901: medalla Real dela Royal Society
Bibliografía gastá
[adital | adital cóigu]Ray Desmond. 1994. Dictionary of British and Irish Botanists and Horticulturists. CRC Press Inc. 320 páh. ISBN 0850668433
Umberto Quattrocchi. 2000. CRC World Dictionary of Plant Names: Common Names, Scientific Names, Eponyms, Synonyms, and Etymology. CRC Press Inc. 1165 páh. ISBN 0849326761
Referencias
[adital | adital cóigu]- ↑ cite journal title=Medlicott, Henry Benedict|journal=Who's Who,|year=1905|volume= 57|pages=p. 1102|url=http://books.google.com/books?id=iEVLAAAAMAAJ&pg=PA1102
- ↑ https://en.wikisource.org/wiki/Medlicott,Henry_Benedict(DNB12
- ↑ 3,0 3,1 cite journal authorlink =William Thomas Blanford|author=Blanford, W. T|year=1907| title=Obituary Notices of Fellows Deceased.|journal= Proc. of the Royal Soc. of London. Series B, Containing Papers of a Biological Character|volume=79|issue=535|pages=i-xxxvii+xxxviii-lxiii
- ↑ 4,0 4,1 4,2 cite book author=Grout, A| chapter=Medlicott, Henry Benedict (1829–1905)| title=Oxford Dictionary of National Biography | publisher=Oxford University Press| year=2004 |doi = 10.1093/ref:odnb/34972
- ↑ cite journal|journal=Geologische Rundschau| volume=70| number= 2 |year=1981| pages=497–498| doi= 10.1007/BF01822129| title=Gondwana and "Gondwanaland"|author=Scharzbach, Martin
- ↑ https://archive.org/details/manualofgeologyo01geol A Manual of Geology of India v. 1
- ↑ https://archive.org/details/manualofgeologyo02geoliala v. 2
- ↑ Exemplaire numérique sur Internet Archive : http://www.archive.org/details/birdsindia01oaterich v. 1, http://www.archive.org/details/birdsindia02oaterich v. 2, http://www.archive.org/details/birdsindia03oaterich v. 3 i http://www.archive.org/details/birdsindia04oaterich v. 4.