Isla de Santiagu
 Santiagu | |
|---|---|
 | |
| Assitiamientu geográficu | |
| Reñón | Cabu Verdi |
| Archipiélagu | Sotaventu |
| Océanu | Atlánticu |
| Coordenás | 15°04′40″N 23°37′29″O |
| Assitiamientu alministrativu | |
| País | Cabu Verdi |
| Caraiterísticas generalis | |
| Geología | Volcánica |
| Superfícii | 991 km² |
| Longitú | 55 km |
| Anchura máxima | 29 km |
| Puntu más altu | Picu da Antónia 1392 m |
| Puebración | |
| Capital | Praia |
| Puebración | 274 044 abitantis (2010)[1] |
| Densidá | 296,81 abitantis/km² |
| Xentilíciu | santiaguensi |
| Mapa d'assitiamientu | |
 | |
Santiagu (en criollu cabuverdianu, Santiagu) es la isla más grandi i pueblá del archipiélagu de Cabu Verdi, assín comu la quarta más estensa dela región biogeográfica dela Macaronesia. Forma parti del grupu delas islas de Sotaventu. Tieni una longitú de 75 km en sentíu norti-sul i cerca de 35 km d'anchura en sentíu esti-oesti. Está a cerca de 50 km en línia reta dela isla de Fogu, al oesti, i a 25 km dela isla de Maiu, al esti.
Tieni una puebración de más de 260 000 abitantis i alministrativamenti está dividía en nuevi monicípius. La ciá de Praia es al mesmu tiempu la capital del país i la ciá más poblá. La isla de Santiagu i la mesma Praia tuvierun un estraordináriu desenvolvimientu dendi la endependéncia nel 1975, i la su puebración s'á duplicau dendi aquel añu. Una delas localidadis más antiguas es São Domingos, nel valli del mesmu nombri, assitiá nel interiol dela isla.
Tieni tamién una emportanti endústria manufatureira i pesqueira, amás d'agricoltura.
Estoria
[adital | adital cóigu]Los navegantis Diogo Gomes i António Noli aportun ala isla de Santiagu nel 1460 i estabreçun la primera colónia portuguesa en Ribeira Grande, la ogañoti Cidade Velha. La ciá prosperó comu lugal de compra i venta d'escravus. La vulnerabiliá dela su costanera, espuesta alos continuus ataquis de piratas i corsárius, hizu que la capital se tresladara ala ciá de Praia nel 1770. Los piratas más nombráus qu'atacun Ribeira Grande fuerun Francis Drake, nel 1585, i Jacques Cassard, nel 1712.
Geografía física
[adital | adital cóigu]Idrografía
[adital | adital cóigu]
La isla de Santiagu cuenta con cincu balsis: el de Poilão, Salinero, Faveta, Saquinho i Figueira Gorda.
Naturaleza
[adital | adital cóigu]Çonas protegías
[adital | adital cóigu]
Nel norti dela isla s'atopa el parqui natural dela Serra da Malagueta,[2] que tien una estensión de 74 hectárias. Es una çona montañosa con abondus prantas endémicas.
Devisión alministrativa
[adital | adital cóigu]
La isla de Santiagu está dividía en nuevi monicípius:
- Praia
- Ribeira Grande de Santiagu
- Santa Catarina
- Santa Cruz
- São Domingos
- São Lourenço dos Órgãos
- São Miguel
- São Salvador do Mundo
- Tarrafal
Localidais
[adital | adital cóigu]Las prencipalis localidais dela isla son la capital del país, Praia (130 271 abitantis), siguía d'Assomada (12 332 abitantis), Pedra Badejo (9859 abitantis), Tarrafal (6656 abitantis), Chão Bom (5166 abitantis), Calheta de São Miguel (3175 abitantis), São Domingos (2818 abitantis), Achada Fazenda (2592 abitantis), Ribeira da Barca (2317 abitantis), Achada Lém (2088 abitantis), Cancelo (2042 abitantis) i Santa Cruz (2019 abitantis).
Demografía
[adital | adital cóigu]La puebración á evolucionau sigún la tabla siguienti:[3]
| Gráfica de evolución demográfica de Isla de Santiagu entre 1940 y 2010 |
 |
|
Evolución dela puebración (1940-2000) sigún los census de puebración del Enstitutu Nacional d'Estaística de Cabu Verdi (INE). Puebración sigún el censu del 2010 del Enstitutu Nacional d'Estaística de Cabu Verdi (INE). |
Transportis
[adital | adital cóigu]Carreteras
[adital | adital cóigu]Al sel la isla más grandi i pueblá del país, es la que tien más carreteras pa vertebral los movimientus dentru dela isla. Tien pavimentus de várius tipus: carreteras asfaltás, calçetadas portuguesas (empedrás) i carreteras de tierra. La longitú dela red insular de carreteras es de 679,63 km: 363,23 km de carreteras nacionalis i 313,40 km de carreteras monicipalis.[4]
Prencipalis carreteras dela isla de Santiagu
| Identificaol | Etineráriu | Longitú |
|---|---|---|
| EN1-ST-01 | Praia-Tarrafal | 64,28 km |
| EN1-ST-02 | Milho Branco-Tarrafal | 52,70 km |
| EN1-ST-03 | São Lourenço dos Órgãos-Pedra Badejo | 10,00 km |
| EN1-ST-04 | Bõa Entrada-Calheta de São Miguel | 13,00 km |
| EN1-ST-05 | Praia-Cidade Velha | 9,50 km |
| EN1-ST-06 | Circular de Praia | 14,00 km |
Transporti aériu
[adital | adital cóigu]
La isla tien el Aeropuertu Enternacional Nelson Mandela, ampliau nel mes de noviembri del 2005, cuna pista de 2100 metrus de longitú i 45 d'anchol, a una altitú de 70 metrus sobri el nivel del mari. Assitiau a apenas tres quilómetrus del centru dela ciá, l'aeropuertu recibi vuelus enternacionalis regularis procedentis d'África (Dakar, Bissau, Luanda, Banjul, São Tomé i Gran Canária), d'Uropa (Lisboa, París, Ámsterdam i Bérgamo), d'América del Sul (Fortaleza, nel Brasil) i d'América del Norti (Boston), amás delos vuelus de cabotaji entri las islas.
Transporti marítimu
[adital | adital cóigu]El puertu de Praia fue ampliau nel 2013 p'acogel un tráficu mayol de barcus, tantu de passajerus comu de carga. Dessisti tamién un puertu chicu de pescaoris en Tarrafal.
Patrimóniu
[adital | adital cóigu]Nel 2009, la UNESCO decraró Cidade Velha, tol su cascu estóricu i el Fuerti Real de San Felipe, que domina la ciá dendi lo altu, Patrimóniu dela Umaniá.
Pressonalidais célebris
[adital | adital cóigu]- António Mascarenhas Monteiro – expresidenti
- Arménio Vieira – escreviol
- Carlos Alberto Martins (Katchás) – músicu
- Gregório Vaz (Codé di Dona) – músicu i compositor
- Jorge Barbosa – escreviol
- José Maria Neves – actual primer ministru
- Mário Lúcio – músicu i escreviol
- Orlando Monteiro Barreto (Orlando Pantera) – músicu
- Osvaldo Furtado (Vadú) – cantanti
- Arlindo Gomes Furtado – cardenal i obispu de Santiagu
- Vozinha