José Antonio Pavón y Jiménez

José Antonio Pavón y Jiménez
Información pressonal
Nacencia	22 d'abril de 1754 ; Casatejada (España)
Muerti	13 de marçu de 1840 (85 años); Madrid (España)
Nacionalidá	Española
Lengua materna	Castellanu
Información prehessional/profissional
Ária	botánicu, esplolal
Abreviatura en botánica	Pav.
	[editar datos en Wikidata]

José Antonio Pavón y Jiménez (u José Antonio Pavón) (Casatejada, Cáçris, 22 d’abril de 1754-Madrid, 1840^[1]) fue un botánicu español, mu conocíu polus sus estudius dela flora de Perú i de Chili duranti la espedición Botánica al Virreinatu de Perú baxu Carlos III de 1777 a 1788.

Via i obra

Biografía

José Antonio Pavón y Jiménez-Villanueva, con 11 añus, se marchó a Mairil, ondi cursó estudius de química, farmacia i botánica. Unu delos sus primerus trebajus, ena capital, fue el d’ayudanti del su tiu José Pavón, qu’era boticariu del rei Carlos III. De 1771 a 1778, Pavón cursó estudius superioris en geografía, física, química, mineralogía, farmacia i botánica. Asimiló con aplicación tolus los cursus qu’se impartían nel Jardín Botánicu de Madril, dirigíu pol Casimiro Gómez Ortega. Allí conoció a Hipólito Ruiz López, qu’iba a sel el su maeçu i colaboral. Con él participó ena espedición científica qu’se hizu a Perú. El proyeutu se mantuvu duranti ábate una década. Quandu murió Ruiz, Pavón acontinó los trebajus qu’abían encetau juntus. Pa costeal los sus gastus d’espedición ubu de vendel librus dela su propiedá.

Duranti el reinau de Carlos III, quatru grandis espedicionis botánicas s’enviarun al Nuevu Mundu; a Nueva España, Nueva Granada, Filipinas i Perú. Pavón i Hipólito Ruiz huerun los fitólogus de la primera de essas espedicionis dirijía a Perú, Chili i Equador.

Publicacionis

Juntamenti con Hipólito Ruiz López:

Florae peruvianae et chilensis prodromus, 1794

Systema vegetabilium florae peruvianae chilensis: characteres prodromi genéricos differentias, 1798

Flora peruviana, et chilensis, sive descriptiones, et icones plantarum Peruvianarum, et Chilensium, secundum systema Linnaeanum digestae, 1798-1802

Galería

Flora Peruviana, et Chilensis
Grabau de Embothrium en Florae peruvianae
Buddleja incana

Legau

Honoris

El pairi Antonio José de Cavanilles (1745-1804), tal vegá el botánicu español más emportanti, izu d’él qu’era un «ombri aplicau, de luis, modestu, i de escelenti conducta».

Pavón duranti la su via fue un científicu reconocíu qu’logró sel biembru de las siguiientis sociedais científicas:

Academia de Meicina (Sección de Naturalis)
Real Academia de Meicina Práctica de Barcelona
Amigus de la Investigación de la Naturaleza de Berlín
Institutu Nacional de París
Société Philomatique de Paris
Société des Sciences et Beaux-Arts de Montpellier
Société Linnéene d´Émulation de Bordeaux
Academia Real das Sciencias de Lisboa
Real Academia de Cienciis de Madril
Sociedá Física Megapolitana de Rostoch
Société Linnéenne de Paris
Linnean Society of London.

Epónimus

Dessistin rehistrus de tres epónimus qu’huerun dedicaus ena su onra:

Pavonia hue dedicau a él, confirmandu la su admiración polus árbolis de Chile.
Antonio Cavanilles lu onró dedicándoli una Malvácea: Pavonia paniculata Cav.
Prantilla:Botánicu

Vési amás

Notas

Prantilla:IPNI autol

Referencias

↑ José Antonio Pavón y Jiménez-Villanueva // Real Academia de la Estoria.

Enlacis esternus

[1] José Antonio Pavón y Jiménez-Villanueva // Real Academia de la Estoria.

[1]