José de Alencar

José de Alencar
Información pressonal
Nombre en portugués de Brasil	José Martiniano de Alencar
Nacencia	1 de mayu de 1829 Fortaleza (Provincia de Ceará, Imperio del Brasil)
Muerti	12 de diziembri de 1877 Rio de Janeiro (Provincia de Río de Janeiro, Imperio del Brasil)
Causa de muerti	Tuberculosis
Sepoltura	Cemitério de São João Batista
Nacionalidá	Brasileña
Lengua materna	Portugués
Familia
Padre	José Martiniano Pereira de Alencar
Cónyugi	Georgiana Augusta Cochrane
Educación
Educau en	Facultad de Derecho de la Universidad de São Paulo
Información prehessional/profissional
Oficiu	Pediorista, políticu, avogau, crítico literario, escrevienti, novelista y dramaturgo
Cargus acupaus	Ministro de Justicia de Brasil
Movimientu	Romanticismo
Seudónimu	Erasmo
Génerus	Dramaturgia, crónica y autobiografía
Partiu políticu	Partido Conservador
Hirma

José Martinianu d’Alencar (Fortaleza, 1 de mayu de 1829 - Ríu de Janeiru, 12 de diciembri de 1877) fue un escreviol, dramaturgu, ensayista, periodista, políticu i críticu literariu brasileñu. Es considerau comu el '«patriarca dela literatura brasileña» i una delas figuras más influyentis del sigru XIX en Brasil pola trascendencia i el caráter nacional dela su obra. Era germanu del Barón Leonel Martinianu d’Alencar, iju del Senaol i Gobernaol José Martinianu Pereira d’Alencar i nietu dela eroína Bárbara Pereira d’Alencar.

Biografía

Casa de José d’Alencar en Messejana, Fortaleza.

Tuvu nacencia nel atual bairriu de Messejana en Fortaleza, pol antoncis un municipiu cerquina de dicha ciá. Era iju del senaol José Martinianu Pereira d’Alencar i hermanu del diplomáticu Leonel Martinianu d’Alencar, barón d’Alencar. Los Alencar eran una familia de terratenientes, de gran influencia política i económica nel Nordesti brasileñu. Los pais de José se muarun ala capital del Empériu del Brasil, Ríu de Janeiru quandu el niñu tenía onci añus. En 1846 encetó los sus estúdius de Derechu ena Facultá de Derechu de Saun Paulu. N’essi períodu fundó la revista Ensaios Literáríos. Se graduó en 1850 i en 1854 debutó comu folletinista nel Correio Mercantil. Tamién colaboró col Diário do Río de Janeiro..

En 1859 fue nombrau xefi dela Secretaría del Menistériu de Justicia i luegu ejerció comu consultol del mesmu. En 1860 asumió comu diputau estatal en Ceará, pol partíu Conservador. A partil de 1868, i ata eneru de 1870, ejerció comu menistru de Justicia. En 1869, se postuló al senau del Empériu, inque l’Emperador Pedru II de Brasil nu lo eligió pol sel mu moçu entavía.

Se casó cola jovin Georgeanna Augusta Cochrane, ija del nobli inglés Thomas Cochrane (primu del almiranti omónimu) i dela brasileña Helena Nogueira. En 1872 tuvu nacencia el su iju Mário d’Alencar. Según una versión nu confirmá, en realidá sedríe iju de Machado de Assis, dandu assina respaldu ala novela Dom Casmurro.

Enfermu de tuberculosi, viajó a Uropa en 1877 pa recibir un tratamientu méicu, que fracasó. Essi mesmu añu falleció en Ríu de Janeiru.

Aporti ala literatura

Las sus primeras novelas aparecierun al enceti comu folletines ena prensa. En 1856 publicó la su primera novela, Cinco Minutos, seguía de A Viuvinha en 1857. N’essi mesmu añu alcanzó notoriedá cola publicación de O Guarani, cola que dio prencepiu a una trilogía indigenista que completó con Iracema (1865) i Ubirajara (1874). La primera, epopeya sobri l’origen del Ceará, tien comu protagonista prencipal ala nativa Iracema, la «virgin delos lábius de miel» i «cabellus tan oscurus comu un ala de graúna». Ena segunda el personahi es Ubirajara, valienti guerreru indígena, quien nel transcursu dela narración alcanza la madurés.

Escribió tamién novelas urbanas comu Senhora (1875) i Encarnação (1877, publicá en 1893); regionalistas comu O Gaúcho, (1870) i O Sertanejo (1875) i estóricas Guerra dos Mascates (1873), amás de obras teatrales. Una particularidá fundamental ena su obra es el nacionalismu, tantu enos temas comu enas innovaciones nel gastu dela luenga portuguesa. Nun momentu de consolidación dela Endependencia de Brasil, Alencar representaba unu delos mayoris i más sincerus esfuerçus patrióticos por dotal a Brasil de conocimientu i coltura propius, i por construil nuevus caminos pa la literatura brasileña.

Las obras de José d’Alencar puein sel clasificás d’alcuerdu alas regiones geográficas delos sus escenarios. O Sertanejo se correspondi col Sertón dela región Nordesti de Brasil, Iracema col litoral cearensi, O Gaúcho cola Pampa gaúcha. Las novelas Til i O Tronco do Ipê tienin comu escenario la çona rural, la primera dellas nel enteriol paulista i la segunda ena çona de mata fluminensi.

La ciá i la sociedá burguesa del Segundu Reinau están presentis en Diva, Luciola, Senhora i en otras novelas urbanas. Las sus obras tamién se puein clasifical pola etapa estórica enas que están ambientás. Ubirajara se correspondi col períodu precabralinu, Iracema i O Guarani cola etapa de formación dela nacionalidá brasileña. L’espansión territorial, la colonización i el sentimientu nativista están presentis en As Minas de Prata, sobri los bandeirantes, i en Guerra dos Mascates, sobri la rebelión colonial. Las novelas Diva, Luciola, Senhora, entri otras, reflejan la vía urbana contemporánea a José d’Alencar i la burguesía fluminensi del sigru XIX.

Obras

Primerita edición de O guarani (1857).

Novelas

• Cinco minutos (1856)
• A viuvinha (1857)
• O guarani (1857)
• Lucíola (1862)
• Diva (1864)
• Iracema (1865)
• As minas de prata - 1º vol. (1865)
• As minas de prata - 2.º vol. (1866)
• O gaúcho (1870)
• A pata da gazela (1870)
• O tronco do ipê (1871)
• Guerra dos mascates - 1º vol. (1871)
• Til (1871)
• Sonhos d'ouro (1872)
• Alfarrábios (1873)
• Guerra dos mascates - 2º vol. (1873)
• Ubirajara (1874)
• O sertanejo (1875)
• Senhora (1875)
• Encarnação (1877)

Teatru

• O crédito (1857)
• Verso e reverso (1857)
• O Demônio Familiar (1857)
• As asas de um anjo (1858)
• Mãe (1860)
• A expiação (1867)
• O garatuja (1873)
• O jesuíta (1875)

Crónica

• Ao correr da pena (1874)

Autobiografía

• Como e por que sou romancista (1873)

Crítica y polémica

• Cartas sobre a confederação dos tamoios (1856)
• Ao imperador: cartas políticas de Erasmo (1865)
• Novas cartas políticas de Erasmo (1865)
• Ao povo: cartas políticas de Erasmo (1866)
• O sistema representativo (1866)

Bibliografía

• ALENCAR, José Martiniano de, Perfis Parlamentares 01, Câmara dos Deputados, 1977.

Atijus esternus

• Perfil en el sitio de la Academia Brasileña de Letras (en purtugués)