Luenga elfdaliana
 Nesta página se gasta una ortografía destinta ala que normalmenti se gasta ena Güiquipedia. |
| |
| Otras denominacionis: | Dalsk, dalecalrianu |
| Palrau en: | Suécia |
| Territórius: | Monicípiu d'Älvdalen (Dalecálria) |
Palrantis:
|
unus 3.000
|
| Crassificación: | |
| Filiación: | Induropea Luenga germánica |
| Estatu oficial | |
| Luenga oficial en: | |
| Regulau pol: | Råðdjärum, älvdalska språkrådet [1] |
| Coigus la luenga | |
| ISO 639-1 | |
| ISO 639-2 | dlc |
| SIL | dlc |
 Vai a la [[:{{{Cóigu wiki}}}:|Güiquipeya en luenga elfdaliana]].
| |
El elfdalianu (övdalsk u övdalską en elfdalianu, älvdalska u älvdalsmål en suecu) es una modaliá lingüística el grupu nórdicu oriental las luengas germánicas palrá nel sul del monicípiu d'Älvdalen, nel norti Dalecalria.
Considerá traicionalmenti un dialectu suecu, l'elfdalianu es uguañoti consideráu pol varius lingüistas una luenga aparti. Cumu algotras palras dalecalrianas que se gastan al norti el lagu Siljan, l'elfdalianu conselva abondus aspectus gramaticalis y fonológicus que nu han variáu considerabrienti ende el nórdicu antigu y es considerá la palra mejol preservá y más conservaora endrentu el dalecalrianu.
L'elfdalianu tíni unus 3.000 palrantis y la su dexistencia está mu amenazá. Sin embalgu, es possibri qu'aciba un estatus oficial cumu luenga minoritaria en Suecia, que l'atorgaría bastanti protección y fomentaría el su usíu en escuelas y pol escritoris y artistas. Nel 2007 el palramentu suecu se suponi qu'ebía tratal esta custión, pero paji que nu lo jiðu.
Gramática[Edital | Editá'l códigu]
L'elfdalianu tíni una estructura morfológica mu enrevesiná, parcialmenti hereá del antigu nórdicu. Assina conselva la conjugación presonal del verbu (especialmenti enas tres presonas del prural), tíni tres génirus y conselva los cuatru casus la decrinación nórdica antiga. Cumu en tolas luengas nórdicas, los nombris tínin jolmas definías y endefinías.
La sintaxis elfdaliana posséi abondu peculiariáis, angunas d'ellas arcaísmus y otras inovacionis. Paji qu'el elfdalianu en esti aspectu es una las luengas germánicas más estremas.
L'Alfabetu Älvdalianu[Edital | Editá'l códigu]
Consisti en estas letras:
Aa Ąą Bb Cc Dd Đð Ee Ęę Ff Gg Hh Ii Įį Jj Kk Ll Mm Nn Oo Pp Qq Rr Ss Tt Uu Ųų Vv Ww Xx Yy Y̨y̨ Zz Åå Ą̊ą̊ Ää Öö
Amás de las letras qu'apaecin nel alfabetu suecu, l'elfdalianu tíni letras con ogonek, que denotan vocalis nasalis: Ąą, Ęę, Įį, Ųų, Y̨y̨ and Ą̊ą̊. Amás, contíni la letra Ðð (cumu la utiliðá pal estremeñu en esta ortografía) pa la fricativa dental sonora, que se conselva cumu en islandés.
Referencias[Edital | Editá'l códigu]
- Älvdalsmålet i Dalarna, Lars Levander. (Tesis doctoral pubricá en Svenska landsmål, 1909, (105).)
- Dahl, Östen and Maria Koptjevskaja-Tamm. 2005. The resilient dative and other remarkable cases in Scandinavian vernaculars. Ms. University of Stockholm.
- Nationalencyklopedin, entry älvdalsmål, subentry Dalarna
- Sapir, Yair. 2006. Elfdalian, the Vernacular of Övdaln (PDF)
- Garbacz, Piotr. 2006. Verb movement and negation in Övdalian. Working Papers in Scandinavian Syntax 78:173-190.
- Rosenkvist, Henrik. 2006. Null Subjects in Övdalian. Working Papers in Scandinavian Syntax 78:141-171.
- Rosenkvist, Henrik. 2007. Subject Doubling in Oevdalian. Working Papers in Scandinavian Syntax 80:77-102.
Atijus estelnus[Edital | Editá'l códigu]
En ingrés[Edital | Editá'l códigu]
- Language Tree - En Ethnologue
- Yair Sapir: Elfdalian, the Vernacular of Övdaln
- The NORMS fieldwork in Älvdalen 2007 Una página escrebía con entrás de bitácura puestas duranti y alú d'un trebaju 'e campu lingüísticu en Älvdalen.
En suecu u en dalecarlianu[Edital | Editá'l códigu]
- [2] - Cantal en dalecarlianu
- Dalarnas tidningar - Atículu al tentu l'estabrecimientu la primel norma d'ortografía pol Ulum Dalska (en Suecu).
- Förslag till en enhetlig stavning för älvdalska (Proyectu pa una ortografía unificá pal elfdalianu).
- Älvdalskan är ett språk – inte en svensk dialekt (L'elfdalianu es una luenga, no un dialectu suecu), artículu debati el 9 Hebreru 2007 en suecu nel perioicu Aftonbladet
- Svenska språket – ett hot mot älvdalskan (La luenga sueca, una amenaza pal elfdalianu), en Dalarnas Tidningar 2 October 2007 by Lars-Olof Delsing, Janne Margrethe Bondi Johannessen, Christer Platzack, Henrik Rosenkvist, Peter Svenonius, Øystein A. Vangsnes, y Jan-Ola Östman.
- Att sätta älvdalskan på kartan (Pusiendu l'elfdalianu nel mapa), by Östen Dahl. (Tíni un resumin en ingrés abaju)
- Oðer råðstemną um övdalskų - La segunda conferencia al tentu l'elfdalianu
- Monicípiu d'Älvdalen: Älvdalskan