Luis de Góngora

Luis de Góngora
Retrat de Góngora pintat per Diego Velázquez.,
Información pressonal
Nacencia	11 de jullu de 1561 Córduba (Reino de Córdoba, Corona de Castilla)
Muerti	23 de mayu de 1627, 23 de marçu de 1627 o 25 de mayu de 1627 Córduba (Reino de Córdoba, Corona de Castilla)
Causa de muerti	Enfermedad cerebrovascular
Sepoltura	Mezquita-catedral de Córdoba
Nacionalidá	Española
Lengua materna	Castellanu
Educación
Educau en	Nuversidá de Salamanca Colegio de Santa Catalina
Información prehessional/profissional
Oficiu	Poeta, dramaturgo, escrevienti y sacerdote (desde 1618)
Cargus acupaus	Capellán
Movimientu	Culteranismo
Hirma

Luis de Góngora y Argote (Córdoba, 11 de huliu de 1561-Córdoba, 23 de mayu de 1627)Enciclopedia universal ilustrada europeo-americana. J. Espasa. 1907. fue un poeta i dramaturgu español del sigru XVI i sigru XVII, mássimu billingorru dela corrienti literaria conocía más tardi cumu culteranismo o gongorismo.

Es considerau cumu el poeta más original i enfluyenti del Barroco español i unu delos más notabris dela luenga española, rinchandu-si polos sus contemporáneus purnombriis cumu «el Homeru español» Desenvolvió una luenga que pola su comprexidá i visión imaginativa sirvió de huenti d'espiración pola tradición lírica posteriol, destacandu-si la Generación del 27. Entri las sus obras mayoris sobressalin la Fábula de Píramo y Tisbe, la Fábula de Polifemo y Galatea i las Soledades.

Biografía

Tuvu nacencia ena casa llamá delas Pavas, propiedá del su tíu Francisco Góngora, racionero dela catedral, asitiá nel lugal qu'ogañu acupa el númiru 10 dela calli, i nel qu'actualmenti está el Hotel Casa de La Judería, inque acontinan dessistindu udas sobri essu. Era iju del juez de bienis confiscaus pol el Santu Oficiu de Córdoba, don Francisco de Argote i la dama dela nobleça Leonor de Góngora. Estudió ena Nuversidá de Salamanca, ondi llamó l'atención cumu poeta. Tomó órdenis menoris en 1575 i fue canónigu beneficiau dela catedral cordobesa, ondi fue amonestau polas acorrencias pocas vecis al coru i pol palral nel, assin cumu pol acorrel a diversionis profanas i componel velsus satíricus. Dendi 1589, viajó en divelsas comisionis del su cabirdu pol Navarra, Andaluzía (Granada i Jaén), pol León (Salamanca, León) i pol Castilla (Madrid, Cuenca o Toledo). Compuso abondus sonetus, romancis i letrillas satíricas i líricas, i músicus cumu Diego Gómez, Gabriel Díaz i Claudio de la Sablonara se d'interessarun en musicaliçar estus poemas.

Duranti una estandía ena Corti de Valladolid en 1603 se d'enemistó con Quevedo, ala d'acusó d'imital la su poesía satírica baxu farsiandu'l nombri, sía estu ciertu o no. Sí pareci que Quevedo escribió contra el mal gustu delas sátiras qu'el herbeñu cordobés muestraba estonci contra la suciá del río Esgueva qu'atravessaba la ciá, aballá cumu Corti i, pol tantu, mu mu-superpoblá. En 1609 regresó a Córdoba i prencipió a intensifical la huerça estética i el barroquismu delos sus velsus. Entri 1610 i 1611 escribió la Oda a la toma de Larache i en 1613 el Polifemo, un poema en atavas rialis que parafrassea un passu mitológicu de Las metamorfosis de Ovidio, tema que ya abríe síu tratau pol su coterrániu Luis Carrillo y Sotomayor nel su Fábula de Acis y Galatea; el mesmu añu divulgó ena Corti el su poema más ambiciosu, las incumpletas Soledades. Esti poema d'esparrió una gran polémica a causa dela su escuriá i afetación, i le crió una gran lexón de siguioris, los llamaus poetas culteranus (Salvador Jacinto Polo de Medina, flaire Hortensio Félix Paravicino, Francisco de Trillo y Figueroa, Gabriel Bocángel, el conde de Villamediana, sor Juana Inés de la Cruz, Pedro Soto de Rojas, Miguel Colodrero de Villalobos, Anastasio Pantaleón de Ribera...), assin cumu enemigos entri conceptistas cumu Francisco de Quevedo i clasicistas cumu Lope de Vega, Lupercio Leonardo de Argensola i Bartolomé Leonardo de Argensola.

Algunus destus, nostanti, llegarun col tiempu a melital entri los sus defensoris, cumu Juan de Jáuregui. El casu es que la su fegura se vistió d'entavía mayol prestixu, ata el puntu de que Felipe III le numbró capellán rial en 1617. Pa hazel tal cargu, se tresladó a Madrid i vivió ena Corti ata 1626, a-ruinandu-si pa consiguil cargus i prebendas a quasi tous los sus familiaris. Al añu siguienti, en 1627, pirdiú la memoria pun descalientu grabi, marchó a Córdoba, ondi murió d'una apoplexía nel meyu d'una estrima probraza. Velázquez lo retrató en 1622 con frenti ancha i rasiá, i polos pleitus, los decumentus i las sátiras del su gran enemigu, Francisco de Quevedo, se sabi qu'era carondu, mu-sociabli, palraol i amanti del luju i de diversiones cumu los naipis i la tauromaquia, ata el puntu de que se le llegó a afechal a-menudu lo pocu que guardaba el respetu polos ábitus eclesiásticos. Ena época fue teníu pol maestru dela sátira, inque no llegó alos fites expresionistas de Quevedo ni alas negríssimas tintas de Juan de Tassis y Peralta, segundu conde de Villamediana, que fue amigu su i unu delos sus mejoris decípulus poéticus; siendu esti tan difícil de contental, le dedicó un gran alabazu llamandu-lu rara avis in terra.

Enas sus poesías se solían deferenciá dambos dos períodos. Nel tradicional hazi usu delos metros cortus i temas ligerus. Pa ellu gastaba décimas, romancis, letrillas, etc. Esti período duró ata 1610, nel que muó pa volvel-si culteranu, haziendu usu de metáforas difíciles, abondas alusionis mitológicas, cultismus, hipérbatus, etc., inque Dámaso Alonso ustrucó qu'estas dificultais estaban ya presentis ena su primera época i que la segunda es una intensificación destus recursus realizá pol motivus estéticus.

Los sus restus se topan ena Mezquita-catedral de Córdoba.

Obras

Portada del Manuscrito Chacón, que tresmitió la obra poética de Luis de Góngora.

Inque Góngora no publicó las sus obras (un ensayu su en 1623 no runchó), estas passarun de manu en manu en copias manuscritas que se coleccionarun i recopilarun en cancionerus, romancerus i antologías, publicás col su permissu o sin el. El manuscritu más autorizau es el llamau Manuscrito Chacón (copiau pol Antonio Chacón, señol de Polvoranca, pol el conde-duque de Olivares), ya que contien aclaracionis del propiu Góngora i la cronología de cada poema; inque esti manuscritu, tiniendu en cuenta del altu personaxi al que va destinau, quita las obras satíricas i vulgaras. El mesmu añu dela su muerti Juan López Vicuña publicó ya unas Obras en verso del Homero español que se considera tamién mu de fiaza i importanti ena fijación del corpus gongorinu; las sus atribucionis suelin sel fitaízas; asina i tou, fue arrecojía pola Inquisición i endispués superá pola de Gonzalo de Hoces en 1633.Juan López de Vicuña: TODAS LAS OBRAS DE D. LUIS DE GÓNGORA EN VARIOS POEMAS. RECOGIDOS POR DON GONZALO de Hozes… Corregido y enmendado en esta vltima impressior. Madrid, en la Imprenta del Reino, Año 1634. Wissenschaftliche Stadtbibliothek Mainz, Sign. VI l:4.º/423 Pol otra parti, las obras de Góngora, cumu dantis las de Juan de Mena i Garcilaso de la Vega, gozarun del onol de sel abondamenti glosás i comentás pol personaxi del altu rangu de Pedro Díaz de Rivas, Pellicer, Salcedo Coronel, Salazar Mardones, Pedro de Valencia i otrus.

Inque enas sus obras inicialis ya topamos el típicu conceptismo del barroco, Góngora, con un jenio que era el d'un esteta remilgosu («el mayol fiscal delas mis obras soi yo», solía decí), quedó encoraxau i decidió entental según las sus propias pallabras «hazel algo no pa abondus» e intensifical entavía más la retórica i la imitación dela poesía latina clásica metiendu abondus cultismus i una sintaxis rajá nel hipérbaton i ena simetría; del mesmu mou estuvo mu solliçu ala sonoridá del velsu, que cuidaba cumu un auténticu músicu dela pallabra; era un gran pintol delos oídos i rinchaba de goçu los sus velsus con abondus matices sensorialis de colol, soníu i d'atandu. Es más, pol meyu de lo que Dámaso Alonso, unu delos sus principalis estudiosus, llamó elusionis i alusionis, emmudó cada unu delos sus poemas últimos menoris i mayoris nun escuru exerciciu pa mientis despiertas i sabihondas, cumu una crasi d'ariñu intelectual que produzi gustu nel su desciframientu. Es la estética barroca que se llamó nel su onol gongorismo o, con pallabra que á fechú mejol suerti i que tuvu nel su eniciu un valol despectivu pola su analoxía col vocablu luteranismo, culteranismo, ya que los sus contrarius consideraban alos poetas culteranus unus auténticus erexis dela poesía.

La crítica, dendi Marcelino Menéndez Pelayo, á deferenciau tradicionalmenti dambas dos épocas o dambos dos muis ena obra de Góngora: el «Príncipe dela Lus», que corresponderíe ala su primera etapa cumu poeta, ondi compone sencillus romancis i letrillas alabaus ensin farta ata la época Neoclásica, i el «Príncipe delas Tinieblas», nel que dende 1610, nel que compone la oda A la toma de Larache, se güervi autol de poemas escurus i embolicáus. Ata la época romántica esta parti dela su obra fue duramenti criticá i encorporación censurá pol el mesmu neoclásicu Ignacio de Luzán. Esta teoría fue rebatía pol Dámaso Alonso, quien ustrucó que la embolicación i la escuriá ya están presentis ena su primera época i que cumu botu d'una natural evolución llegó alos osaus fites que tantu se le han afechau. En romancis cumu la Fábula de Píramo y Tisbe i en algunas letrillas asoman xuegos de pallabras, alusionis, conceptus i una sintaxis latinizanti, si bien estas dificultais asoman tapás pola breveá delos sus velsus, la su musicaliá i ritmu, i pol el gastu de maneras i temas tradicionalis.

Poemas

Monumento a Góngora, obra de Severiano Grande, en Salamanca, ciá en cuya Nuversidá estudió. Es un onraji al poeta, la cara del escritol asoma d'espiración nel quadru que del pintó Velázquez, xuntu a otrus elementus cumu un águila que representa a Góngora. Debaxu destas feguras asoman otras dela Fábula de Polifemo y Galatea, unu delos sus principalis poemas de Góngora.

Se sueli a-grupá la su poesía en dambos dos bloquis, poemas menoris i mayoris, correspondientis más o menus alas dambas dos etapas poéticas en fillera. Ena su joventú, Góngora compuso abondus romancis, d'espiración literaria, cumu el de Angélica y Medoro, de cativus, de tema picaru o de tonu más presonal i lírico, algunus dellos de caláctil autobiográficu nel que narra los sus alcuerdus d'arrapás o los sus viaxis:

Tamién abondas letrillas líricas, satíricas o religiosas i romancis de chanza.

La gran mayoría son una s'acontiná amonestación de xuegos conceptistas, enquívocus, paronomasias, hipérbolis i xuegos de pallabras típicamenti barrocos. Entri ellos s'asitia el largu romanci Fábula de Píramo y Tisbe (1618), desatentau poema que fue el que costó más afán al su autol i tenía en más estimación, i ondi se preba a subí la parodia, mieu típicamenti barrocu, a categoría tan artística cumu las demás, inque ya pertenci ala su etapa última. La mayol parti delas letrillas están empentás, cumu en Quevedo, a riscal-si delas damas pedigüeñas i a runchir el fambri de riquezas. Merecen tamién el su lugal las sátiras contra destintus escritoris, especialmenti Quevedo o Lope de Vega, jéneru nel que de solas tuvu competidoris nel mesmu Francisco de Quevedo o el conde de Villamediana.

Xuntu a estus poemas, a lo largu dela su vía, Góngora no dexó d'escribí prefinitus sonetus sobri tou mieu de temas (amorosus, satíricus, moralis, filosóficus, religiosus, de lances, polémicus, d'allabación, de fuesa), auténticus oxetus verbalis d'autonomía pola su intrínseca calidá estética i ondi el poeta cordobés esculca destins possibilitais expresivas del estilu que está forxandu o llega a presaxiá obras venideras, cumu el famosu «Descaminado, enfermo, peregrino…», que mienta dantis las Soledades.

Entri los lances de costunbri (carpe diem, etc.) sobressalin, nostanti, cumu de más trágica grandor los consagraus a ustrucal los estragus dela vejez, la probraza i el passu del tiempu pol el poeta, que son los últimos: "Menos solicitó veloz saeta...", "En este occidental, en este, ¡Oh Licio!..." etc.

Los poemas mayoris fueron, nostanti, los que causarun la revolución culterana i el escandalaçu en fillera, criau pola gran escuriá delos velsus desta estética. Son la Fábula de Polifemo y Galatea (1612) i las incumpletas i no-atendías Soledades (la primera compuestá dantis de mayu de 1613). El primeru narra pol meyu dela estrofa atava rial un lance mitológicu delas Metamorfosis de Ovidio, el delos amoris del cíclope Polifemo pola ninfa Galatea, que le rehusa. Al final, Acis, el namorau de Galatea, queda mudau en río. Se d'ensaya ellí ya el embolicau i difícil estilu culteranu, rinchu de simetrías, transposiciones, metáforas de metáforas o metáforas puras, hipérbaton, perífrasis, xirus latinus, cultismus, alusionis i elusionis de términus, aprebando sugerí más que numbral i dilatiendu la forma de manera qu'el sentíu se muera a medida que va siendu descifrau.

Soledades

Página inicial delas Soledades (l. I, pág. 193) nel Manuscrito Chacón.

Monumento a Luis de Góngora ena Plaza dela Trinidad, Córdoba. Obra de Amadeo Ruiz Olmos.

Las Soledades iba a sel un poema en silvas, devidíu en quatru partis, correspondientis cada una alegóricamenti a una edá dela vía humana i a una estación del añu, i sedrían llamás Soledad de los campos, Soledad de los riberas, Soledad de los selvas i Soledad del yermo. Inque Góngora de solas compuso la dedicatoria al duque de Béjar i las dambas dos primeras, inque dexó ensin acabá esta última, dela qual los últimos 43 velsus fueron añedíus abondu tiempu endispués. La estrofa no era nueva, inque sí era la primera ves que s'aplicaba a un poema tan estensu. La su forma, de caláctil aestróficu, era la que daba más libertá al poeta, que desta manera se d'aserca-ba cada ves más al verso libre i hacía marchar palantre la luenga poética ata fites que de solas tocarían los poetas del Parnasianismo i el Simbolismo francés nel sigru XIX.

Al encetu fegura una dedicatoria al duque de Béjar:

El ergumentu dela Soledad primera es abondu pocu tradicional, inque s'atiza nun lance dela Odisea, el de Nausícaa: un náufragu jovi llega a una raya i es arrecojíu por cunos cabrerus. Inque esti ergumentu es de solas una tupa pa un auténticu regorbeju descriptivu: el valol del poema es líricu más que de contal, cumu mentó Dámaso Alonso, inque estudios más recientis ustrucan la su emportancia de contal. Góngora brinda una naturaleça arcádica, ondi tou es maravillosu i ondi el ombri puei sel feli, depurando estéticamenti la su visión, que nostanti es de fita horra materialista i epicúrea (ensaya tocá los sentíus del cuerpu, no de solas el spíritu), pa hazel desagual tou lo feu i desabríu. D'esa manera, pol meyu dela elusión, una perífrasis hazi desagual una pallabra fea i desabríu (la cecina se güervi en «purpúreos hilos de grana fina» i los mantelus en «nieve hilada», pun sabulal).

Las Soledades causarun un gran escandalaçu pol el su atrevimiento estéticu i la su escuriá hiperculta, i a vecis tras de esti descutiniu está el descalientu anti la temática homosexual.Frederick A. de Armas: «Embracing Hercules / Enjoying Ganymede: The Homoerotics of Humanism in Góngora's 'Soledad primera'.», Caliope, Journal of the Society for Renaissance and Baroque Hispanic Poetry, vol. 8, no. 1, 2002, pp. 125-140, consultado 10 de julio de 2015. Las atacarun Francisco de Quevedo, Lope de Vega, el conde de Salinas i Juan de Jáuregui (quien compuso un asitiau Antídoto contra las Soledades i un Ejemplar poético contra ellas, inque nostanti acabó ejercitando la mesma o mu mugaña dotrina), entri otrus abondus poetas, inque tamién contó con grandis defensoris i siguioris, cumu Francisco Fernández de Córdoba, abad de Rute, el conde de Villamediana, Gabriel Bocángel, Miguel Colodrero de Villalobos, Agustín de Salazar i, más allá del Atlánticu, Juan de Espinosa Medrano, Hernando Domínguez Camargo i sor Juana Inés de la Cruz. El enfluxu de Góngora s'esparrió entavía más nel tiempu, ata el punto de que el su paisanu José de León y Mansilla compuso i imprentó una Soledad tercera en 1718 i Rafael Alberti ("Soledad tercera", nel Cal y canto, 1927) i Federico García Lorca (Soledad insegura) escribierun dambas dos más ya nel sigru XX.Javier Pérez Bazo:«Las «Soledades» gongorinas de Rafael Alberti y Federico García Lorca, o la imitación ejemplar.» Criticón núm. 74 (1998). Colas Soledades, la lírica castellana se d'arriqueció con nuevos vocablos i nuevos i huertis estruméntus expresivus, forxandu una sintaxis más suelta i libri que ata estonci.

Los poemas de Góngora merecierun los onoris de sel comentaus pocu endispués dela su muerti cumu clásicus contemporáneus cumu lo abrían síu tiempu dantis los de Juan de Mena i Garcilaso de la Vega nel sigru XVI. Los comentadoris más importantis fueron José García de Salcedo Coronel, autol d'una edición comentá en tres volúminis (1629-1648), José Pellicer de Ossau, quien compuso unas Lecciones solemnes a las obras de don Luis de Gongora y Argote (1630) o Cristóbal de Salazar Mardones, autol d'una Ilustración y defensa de la fábula de Piramo y Tisbe (Madrid, 1636). Nel sigru XVIII i sigru XIX, nostanti, se d'arriaccionó contra esti barroquismu estrimu, nun primel momentu gastandu el estilu pa temas baxus i de chanza, cumu hizu Agustín de Salazar, i pocu endispués, nel sigru XVIII, unviandu la segunda fassi dela lírica gongorina i los sus poemas mayoris al olvíu. Nostanti, pol obra dela Generación del 27 i en especial pol su estudiosu Dámaso Alonso, el poeta cordobés passó a constituil-si nun moelu almirau tamién polos sus embolicáus poemas mayoris. A tal fitis llegó la almiración que encorporación se prebó la s'acontinación del poema, con suerti nel casu d'Alberti (Soledad tercera).

Teatro

Luis de Góngora compuso tamién tres pieças teatralis, Las firmezas de Isabela (1613), la Comedia venatoria i El doctor Carlino, esta última ensin acabá i rehundía posteriormenti pol Antonio de Solís.

Edicionis antiguas

• Obras en verso del Homero español, que recogio Juan López de Vicuña. Al Ilustrísimo y reverendísimo Señor don Antonio Zapata, Cardenal de la santa Iglesia de Roma, Inquisidor general en todos los Reynos de España, y del Consejo de Estado el Rey nuestro señor. Madrid: Viuda de Luis Sánchez, 1627. Dámaso Alonso hizo una edición de esta obra: Madrid: CSIC, 1963.
• Todas las obras de don Luis de Góngora en varios poemas recogidos por don Gonzalo de Hozes y Córdova, natural de la ciudad de Córdova, diigidas a don Francisco Antonio Fernández de Córdova, marqués de Guadalcázar, etc. Madrid: Imprenta del Reino, 1633.
• Obras. Primera parte y Segunda parte, Lisboa, Oficina de Paulo Craesbeck, 1646-1647.
• Obras, Bruselas: Francisco Foppens, 1659.
• Delicias del Parnaso, en que se cifran todos los Romances Liricos, Amorosos, Burlescos, glosas, y decimas satiricas del regosijo [sic] de las musas el prodigioso don Luis de Gongora. Recogido todo de sus originales, y corregido de los errores con que estauan corruptos, Barcelona: 1634.
• El Polifemo, comentado por García de Salcedo Coronel, Madrid: 1629.
• Lecciones solemnes..., de José Pellicer de Salas, Madrid: 1630.
• Soledades y Polifemo, comentados por Salcedo Coronel, Madrid: 1636.
• Ilustración y defensa de la Fábula de Píramo y Tisbe, de Cristóbal Salazar Mardones, Madrid: 1636.
• Primera parte del segundo tomo de las obras de don Luis de Góngora, comentadas por Salcedo Coronel, Madrid: 1644.
• Segunda parte del segundo tomo de las obras de don Luis de Góngora, comentadas por Salcedo Coronel, Madrid: 1648.
• Apologético en favor de don Luis de Góngora, por Juan de Espinosa Medrano, Lima: 1662.
• Apologético en favor de don Luis de Góngora, por Espinosa Medrano, Lima: 1694.

Edicionis modernas

Existen varias ediciones modernas de la obra de Luis de Góngora; la primera fue, sin duda, la del hispanista francés Raymond Foulché Delbosc, de Obras poéticas de Góngora (1921); después siguieron las de Juan Millé Giménez y su hermana Isabel Millé Giménez, (1943) y las ediciones y estudios de Dámaso Alonso, (edición crítica de las Soledades, 1927; La lengua poética de Góngora, 1935; Estudios y ensayos gongorinos; Góngora y el Polifemo, 1960, tres vols.); Sonetos completos ed. de Biruté Ciplijauskaité (Madrid, Castalia, 1969); Romances ed. de Antonio Carreño (Madrid, Cátedra, 1982); Soledades ediciones de John R. Beverley (Madrid, Cátedra, 1980) y de Robert Jammes (Madrid, Castalia); Fábula de Polifemo y Galatea ed. de Alexander A. Parker (Madrid, Cátedra, 1983); Letrillas ed. de Robert Jammes (Madrid, Castalia, 1980); Canciones y otros poemas de arte mayor, ed. de José M.ª Micó (Madrid, Espasa Calpe, 1990), Romances, ed. de Antonio Carreira (Barcelona: Quaderns Crema, 1998) y Sonetos ed. de Juan Matas Caballero (Madrid, Cátedra, 2019).