Música tradicional estremeña
La música tradicional estremeña holma parti del foclori d'Estremaúra i costitui una manifestación coltural con raísis popularis unías ala vía rural, las celebracionis festivas i las laboris del campu. Conserva enfrugencias diversas, tantu castellanas comu andaluzas i portuguesas, devíu ala posición rayana dela región i alos entrecambius estóricus con territorius vezinus.
Estória
[adital | adital cóigu]La música estremeña estuvu estóricamenti unía ala coltura campuza, sirviendu comu holma d'unión social enas comunidá ruralis. Cá comarca desenroó variantis propias, con estilus particularis enas provincias de Caçris i Baajós. Munchas d'estas espressionis s'án manteníu gracias a grupus foclóricus que, dendi mediaus del siegru XX, án recuperau i recopilau cantus i danças qu'án difundíu en festividáis i certámenis.
Holmas musicalis i danças
[adital | adital cóigu]Entri las holmas más representativas s'alcuentran:[1]
- Jotas estremeñas: de gran variedá local, son pieças más difundías i emblemáticas. Bailan-si en pareja, con passus vivus i girus.
- Rondeñas i rondeus: cantus i bailis de caráiti más reposau, vinculaus a celebracionis específicas.
- Alborás: cantus d'amanecía, empregaus tradicionalmenti p'anuncial aconteceris festivus.
- Nanas i romancis: manifestacionis dela tradición oral, trasmitías de generación en generación.
Estrumentus
[adital | adital cóigu]Los estrumentus usaus pala música tradicional estremeña encruin:[2]
- Cordión i gaita estremeña
- Tamboril i pandereta, abitualis en acompañamientus rímicus.
- Çambomba i almirés, empregaus possimenti en contestus festivus.
- Castañuelas i palus (palillus), comu percusión populal.
Grupus
[adital | adital cóigu]Estudiosus
[adital | adital cóigu]Angunus estudiosus dela música tradicional estremeña son:
- Manuel García Matos
- Francisco Zambrano Vázquez
Referencias
[adital | adital cóigu]- ↑ Guerra Iglesias, Rosario; Díaz Iglesias, Sebastián (2013). La música en Extremadura. Teoría y didáctica. Universidad de Extremadura.
- ↑ Guerra Iglesias, & Caballero Carrasco, F. J. (2021) Instrumentos de la tradición musical en Extremadura. Universidad de Extremadura , Servicio de Publicaciones , 6º Edición
Bibliografía
[adital | adital cóigu]- García Díaz, I. (2023) Música de tradición oral en la provincia de Cáceres. Estudio de sus publicaciones, difusión y propuesta de intervención educativa (Tesis doctoral, Universidad de Extremadura). Repositorio institucional Dehesa. (Atiju)
- Gil, Bonifacio (1931) Cancionero Popular de Extremadura (Atiju)
- Gil García, Bonifacio (1938). Folklore extremeño: Extremadura y la posible "regionalización" de su música popular. Diputación Provincial de Badajoz.
- Guerra Iglesias, Rosario; Caballero Carrasco, Francisco Javier (2021). Instrumentos de la tradición musical en Extremadura. Universidad de Extremadura.
- Guerra Iglesias, Rosario; Díaz Iglesias, Sebastián (2014). La música en Extremadura. Sugerencias y recursos educativos. Universidad de Extremadura.
- Martín Camacho, José Carlos (2003). Las canciones populares como material de estudio para la etnolingüística: el ejemplo del folklore extremeño. Universidad de Extremadura.
- García Díaz, Isidoro (2023). Música de tradición oral en la provincia de Cáceres. Tesis doctoral, Universidad de Extremadura.
- Hidalgo Hidalgo, María Teresa (2014). El ciclo vital de la mujer en los textos de música tradicional de Don Benito y su comarca. Grupo de Estudios de las Vegas Altas, UEx.