Machado de Assis

Machado de Assis
	; Machado de Assis en 1896
Información pressonal
Nombri de nacencia	Joaquim Maria Machado de Assis
Nacencia	21 de juñu de 1839 ; Rio de Janeiro (Imperio del Brasil)
Muerti	29 de setiembri de 1908 ; Río de Janeiro (Brasil)
Nacionalidá	Brasileña
Familia
Cónyugi	Carolina Augusta Xavier de Novais
Información prehessional/profissional
Oficiu	Escrevienti, lingüista, poeta, pediorista, novelista, trauziol, dramaturgo, crítico literario, tipógrafo, escritor de ciencia ficción, escritor de no ficción, crítico y redactor
Cargus acupaus	Seat 23 of the Academia Brasileira de Letras
Empreaol	sin etiquetar; A Marmota ;
Movimientu	Romanticismo y realismo
Género	Style of Machado de Assis
Destincionis	Livro dos Heróis e Heroínas da Pátria; Knight of the Imperial Order of the Rose (1867); Officer of the Imperial Order of the Rose (1888) ;
Hirma
	[editar datos en Wikidata]

Joaquim Maria Machado de Assis (pronunciación AFI: [ʒua'kĩ ma'riɐ ma'ʃadu dʒi a'sis]; Riu de Janeiru, 21 de juñu de 1839 - Riu de Janeiru, 29 de setiembri de 1908) fue un escritor brasilanu, ampliamenti considerau comu el mayor nombri dela literatura brasileña^[1]^[2]^[3]^[4]^[5] Escribió en práticamente tolos génerus literarius, comu puesía, novela, crónica, teatru, cuentu, folletín, periódicu i crítica literaria.^[6]^[7] Fue testigu del cambiu políticu en Brasil, aquandu la República sustituyó al Imperio, i fue un gran comentaol i relatol delos acontecimientus políticu-socialis dela su época.^[8]

Tuvu nacencia en Morro do Livramento, Riu de Janeiru, nuna familia pobri, estudió n’escuelas púbricas i nunca acudió ala Nuversidá.^[9] Los biógrafus señalan que, enteresau pol bohemiu i pola corti, luchó pa ascendel socialmenti pol meyu dela su superioridá intelectual.^[10] ^[11]Pa essu, asumió diversus cargus púbricus, passandu pol Menisteriu dela Agricultura, del Comerciu i delas Obras Púbricas, i consiguiendu precoz notoriedá en periódicus ondi primeru publicó las sus poesías i crónicas. Ena su madureç, uníu a colegas próximus, fundó i fue el primel presidenti unánimi dela Academia Brasileña de Letras.^[12]

La su estensa obra la constituyin nuevi novelas i pieças teatralis, doscentus cuentus, cinco coleccionis de poemas i sonetus i más de seiscientas crónicas.^[13]^[14] Machado de Assis es considerau el introductor del realismu en Brasil, cola publicación de Memórias Póstumas de Brás Cubas (1881).Su primera fase literaria está constituida por obras como Ressurreição, A Mão e a Luva, Helena e Iaiá Garcia, donde se notan características heredadas del Romanticismo, o "convencionalismo", como prefiere la crítica moderna.^[15] Dicha novela es puesta ena costanera de todas las sus produccionis posterioris, Quincas Borba, Dom Casmurro, Esaú e Jacó i Memorial de Aires, ortodoxamenti conocías comu pertenecientis ala su segunda fasi, enas qualis se notan rasgus de pesimismu i ironía, inque no rompa colos residuus románticus. Dessa fasi, los críticus destacan que las sus mejoris obras son las dela Trilogía Realista. La su primera fasi literaria está constituía por obras comu Ressurreição, A Mão e a Luva, Helena i Iaiá Garcia, ondi se notan características heredás del romanticismu, o "convencionalismu", comu prefieri la crítica moerna.^[16]

La su obra es de fundamental importancia pa las escuelas literarias brasileñas delos sigrus XIX i XX i tien ogañu gran interés académicu i púbricu,^[17] Influyó en grandis nombris delas letras, comu Olavo Bilac, Lima Barreto, Drummond de Andrade, John Barth, Donald Barthelme i otrus.

Ena su via, alcançó relativa fama i prestigiu en Brasil,^[18]. nostanti, no disfrutó de popularidá. Ogañu, pola su innovación i audacia en temas precocis, es frecuentementi vistu comu el escritor brasileñu de producción sin precedentis,^[19] de forma que, recientementi, el su nombri i la su obra tienin alcançau diversus críticus, estudiosus i admiraoris del mundu enteru. Machado de Assis es considerau unu delos grandis genius dela estoria dela literatura, ena costanera de autoris comu Dante, Shakespeare i Camões.^[20]

Biografía

Primerus pasus

Iju del mulatu Francisco José de Assis, pintor de brocha gorda i descendienti de esclavus libertus, i de Maria Leopoldina Machado, una lavandera portuguesa delas islas Açoris, Machado de Assis pasó la su infancia ena casa de campu dela viuda dun senador del Imperiu, ena Ladeira Nova do Livramento, ondi la su familia vivía a jornal. De salú frágil, epilépticu i tartamudo, se sabi pocu dela su infancia i dela su primera juventú. Quedó mu prontu uérfanu de madri i tamién perdió ala su hermana menol. No frecuentó la escuela regulal, inque, en 1851, quandu murió el su pai, la su madrastra Maria Inés, que por estoncis vivía en San Cristóbal, encetó a trabalal comu dulcera nun colegio del barriu, i Machadinho, comu le llamaban, se hizu vendedol de dulcis. Nel colegiu tuvu contactu con profesoris i alumnus, i es probabli qu’asistiesi alas clasis quandu no estava trabajandu.

Inque sin tenel acesu alas clasis regularis, se empeñó n’aprendel i, entavía mu jovi, se convirtió nunu delos mayoris intelectualis del país. Ai pruebas de que en San Cristóbal conoció a una señora francesa, dueña duna panadería, cuyu orneru le dio las primeras leccionis de francés, que palraba con fluideç, llegandu a traducil ena su juventú la novela Los trabajadores del mar, de Victor Hugo. Tamién aprendió inglés, i traduxu poemas comu El cuervo, de Edgar Allan Poe. Posteriormenti estudió alemán i español, siempri de manera autodidacta. Devíu alos sus trabajus comu traductor de famosus novelistas, incorporó a muchas delas sus obras textus i estilus que imitaban alos grandis autoris alos que admiraba.

D’origi umildi, Machado de Assis encetó la su carrera trabajandu en periódicus i ena emprenta oficial de Riu de Janeiru, ondi entabló contactu col conocíu escritor Joaquim Manuel de Macedo. En 1855, alos quinzi añus, se estrenó ena literatura, cola publicación del poema Ela ena revista Marmota Fluminense. Acontinó colaborandu intensamenti en periódicus, comu cronista, cuentista i crítica literariu, alcançandu respetu comu intelectual enclusu dantis de convertilsi nun gran novelista. Machado conquistó l’almiración i amistá del novelista José de Alencar, principal escritor dela época.

Labol literaria

En 1864 publicó el su primel libru, la colección de poemas Crisálidas. En 1869 contraxo matrimoniu cola portuguesa Carolina Xavier de Novaes, hermana del poeta Faustino Xavier de Novaes, quatru añus mayor qu’él. En 1873 ingresó nel Menisteriu de Agricultura, Comerciu i Obras Púbricas, comu primel oficial. Posteriormenti ascenderíe ena carrera funcionarial i se jubilaríe nel cargu de director del Menisteriu de Transportis i Obras Púbricas.

Pudiendu dedicalsi con mayor comodidá ala carrera literaria, escribió una seri de librus de carácter románticu. Es la llamá primera fasi dela su carrera, ena que destacan las siguientis obras: Ressurreição (1872), A Mão e a Luva (1874), Helena (1876), i Iaiá Garcia (1878), assín comu las recopilacionis de cuentus Contos Fluminenses (1870), Histórias da Meia Noite (1873), las coleccionis de poemas Crisálidas (1864), Falenas (1870), Americanas (1875), i las obras teatralis Os Deuses de Casaca (1866), O Protocolo (1863), Queda que as Mulheres têm para os Tolos (1861) i Quase Ministro (1864).

En 1881 empendoló definitivamenti el romanticismu dela primera fasi dela su obra i publicó Memorias póstumas de Brás Cubas, que marca el prencepiu del realismu en Brasil. El libru, estremamenti atrevíu, está narrau pun difuntu i enceta con una dedicatoria inusitada: «Al gusanu que primeru royó las frías carnis del mi cadáver dedicu con sentíu recuerdu estas memorias póstumas». Tantu Memorias póstumas de Brás Cubas comu las demás obras dela su segunda fasi van abondu más allá delos límitis del realismu, a pesar de sel normalmenti clasificás en dichu movimientu. Machado, comu todos los autoris de geniu, escapa alos límitis de todas las escuelas, creandu una obra única.

N’esta segunda etapa, las características principalis delas sus obras son la introspección, el umor i el pesimismu en relación con la esencia del ombri i la su relación col mundu. Destacan los cuentus, recopilaus en Papéis Avulsos (1882), Várias Histórias (1896), Páginas Recolhidas (1906), Relíquias da Casa Velha (1906), i el libru de poemas Ocidentais. Inque, sobri tou, las sus cinco novelas capitalis, que son: Memorias póstumas de Brás Cubas (1881), Quincas Borba (1892), Don Casmurro (1900), i las dos últimas i enlaciás, Esaú e Jacó (1904), Memorial de Aires (1908).

En 1904 falleció Carolina Xavier de Novaes i Machado de Assis compusu unu delos sus mejoris poemas, Carolina, en omenaji ala su esposa. Solitariu i tristi endispués dela desaparición dela su mujé, Machado de Assis murió el 29 de setiembri de 1908, ena su vieja casa del barriu carioca de Cosme Velho.

Obra

Puesía

Crisálidas, 1864
Falenas, 1870
Americanas, 1875
Ocidentais, 1901
Poesías completas, 1901
Esaú y Jacob, 1904

Novela

Ressurreição, 1872
A mão e a luva, 1874
Helena, 1876
Iaiá Garcia, 1878
Memórias Póstumas de Blas Cubas, 1881
Quincas Borba, 1891
Dom Casmurro, 1899
Esaú e Jacó, 1904
Memorial de Aires, 1908

Cuentus

Contos fluminenses, 1870
Histórias da meia-noite, 1873
misa de gallo 1873
Papéis avulsos, 1882
O alienista, 1882
Histórias sem data, 1884
Várias histórias, 1896
Páginas recolhidas, 1899
Relíquias da casa velha, 1906

Teatru

Hoje avental, amanhã luva, 1860
Queda que as mulheres têm para os tolos, 1861
Desencantos, 1861
O caminho da porta, 1863
O protocolo, 1863
Quase ministro, 1864
Os deuses de casaca, 1866
Tu, só tu, puro amor, 1880
Não consultes médico, 1896
Lição de botânica, 1906

Traducionis al español

El alienista (Ilustrado). Lima, 2024. Tr. Pablo Alejos Flores (edición independiente). Disponible en Amazon.com ISBN 978-612-00-9326-9
Helena, Barcelona, Sirmio, 1992; tr. B. Losada ISBN 978-84-7769-051-1
Quincas Borba, Barcelona, Icaria, 1990; tr. M. Cohen.
Don Casmurro, Madrid, Cátedra, 1991; Barcelona, Círculo de Lectores, 2000; tr. P. del Barco.
El alienista, Menoscuarto Ediciones, 2009, ISBN 978-84-96675-25-4
La causa secreta y otros cuentos de almas enfermas, Madrid, Celeste, 2000; tr. J. Martín.
Memorial de Aires, Valladolid, Cuatro.ediciones, 2001; tr. J. Dias-Sousa, ISBN 978-84-931403-3-5
Memorias póstumas de Blas Cubas, Madrid, Alianza, 2003; tr. J. Á. Cilleruelo, ISBN 978-84-206-5510-9
Memorias póstumas de Blas Cubas, México. SEP/UNAM, 1982; tr. Antonio Alatorre, ISBN 968-80-0272-0
Memorias póstumas de Blas Cubas, Lima, Amotape Libros, 2015; tr. Óscar Limache y Alfredo Ruiz, ISBN 978-612-46965-6-5
La causa secreta y otras historias, edición bilingüe, Lima, Amotape Libros, 2015; sel. Charles dos Santos; tr. Óscar Limache y Alfredo Ruiz, ISBN 978-612-46965-5-8
Los papeles de Casa Velha, Madrid, Funambulista, 2005; tr. J. S. Cárdenas, ISBN 978-84-934532-4-4.
Crónicas escogidas, Madrid, Sexto piso, 2008; tr. A. Coelho, ISBN 978-84-96867-19-2
Quincas Borba, Buenos Aires, La Compañía, 2010; traducción y posfacio de Marcelo Cohen.
La mano y el guante, Madrid, Siete Mares, 2011, tr. M. Serrano Pascual, ISBN 978-84-934966-5-4
Cuentos de madurez, Valencia, Pre-Textos, 2011, tr. B. Guerra de Lemos, J. Bautista Rodríguez, ISBN 978-84-92913-90-9
El alienista y otros relatos, México, Biblioteca del universitario n.º 48, 2013; Universidad Veracruzana, tr. Santiago Kovladoff, prólogo de Rodolfo Mendoza Rosendo, ISBN 978-607-502-246-8

Referencias

↑ Candido, 1970, p.18.
↑ Fernandez, 1971, pp.255-256.
↑ Damata, Fernandes, Luz, 2007, p.236.
↑ Achcar, 2005, p.9.
↑ Giron, 2008, p.136.
↑ Antunes e Motta, s/d, p.281.
↑ Romero, 1992, p.190.
↑ Gledson, 1996, p.13.
↑ Achcar, 1999, p.IX.
↑ Teixeira, 2008, p.61.
↑ filhoumumsete">Filho, p.117.
↑ Filho, p.117.
↑ Moisés, 2001, p.15 e 45.
↑ Gledson (ed), 1990, p.11.
↑ Andrade, 2001, p.79.
↑ "AndradeSetentaNove">Andrade, 2001, p.79.
↑ Faraco e Moura, 2009, p.230.
↑ Madeira, 2001, p.20; Bosi e Callado, 1982, p.70.
↑ Bloom, 2003, frontispício 83.
↑ Bloom, 2003, frontispício 83.

Bibliografía

L. Miguel Pereira, «Introducción», Memorias póstumas de Blas Cubas, México, FCE, 1976.
V. López Lemus, «Invitación a la lectura», Quincas Borba, La Habana, Arte y literatura, 1980.
Alfredo Bosi, «Situaciones machadianas», Cuentos, Venezuela, Ayacucho, 1978.
Susan Sontag, «Memoria póstuma», Quimera, 100, 1990.
Pablo del Barco, «Introducción», Don Casmurro, Cátedra, 1991.
Dossier, Cuadernos Hispanoamericanos, 598, 2000.
Edwards, Jorge, Machado de Assis, Omega, 2002 ISBN 978-84-282-1258-8.
Cronología y Bibliografía, Memorial de Aires, Cuatro.ediciones, 2001.

Enlaces externos

Prantilla:Portal

[1] Candido, 1970, p.18.

[2] Fernandez, 1971, pp.255-256.

[3] Damata, Fernandes, Luz, 2007, p.236.

[4] Achcar, 2005, p.9.

[5] Giron, 2008, p.136.

[6] Antunes e Motta, s/d, p.281.

[7] Romero, 1992, p.190.

[8] Gledson, 1996, p.13.

[9] Achcar, 1999, p.IX.

[10] Teixeira, 2008, p.61.

[11] umumsete">Filho, p.117.

[12] Filho, p.117.

[13] Moisés, 2001, p.15 e 45.

[14] Gledson (ed), 1990, p.11.

[15] Andrade, 2001, p.79.

[16] "AndradeSetentaNove">Andrade, 2001, p.79.

[17] Faraco e Moura, 2009, p.230.

[18] Madeira, 2001, p.20; Bosi e Callado, 1982, p.70.

[19] Bloom, 2003, frontispício 83.

[20] Bloom, 2003, frontispício 83.

[1]

[2]

[3]

[4]

[5]

[6]

[7]

[8]

[9]

[10]

[11]

[12]

[13]

[14]

[15]

[16]

[17]

[18]

[19]

[20]