María Luisa Calero Vaquera

María Luisa Calero Vaquera
	; María Luisa Calero Vaquera en 2021
Información pressonal
Nacencia	1956 ; Azuaga (España)
Nacionalidá	Española
Educación
Educación	licenciatura en Filología Hispánica y doctorado en filología hispánica
Educau en	Universidad de Córdoba
Información prehessional/profissional
Oficiu	Lingüista, profissol nuversitariu, escrevienti y vestigaol
Ária	Lingüistica, semiología, sociolingüística, terminología y psicolingüística
Empreaol	Universidad de Córdoba (1994-2017)
	[editar datos en Wikidata]

María Luisa Calero Vaquera (Azuaga, Badajós, 1956) es una lengüista i vestigaora estremeña que s'á especializau enos temas relacionaus cona costrución de luengas universais, col sessismu lengüísticu, cona comunicación vertual, cona ideología i col lenguagi.

Biografía

Tuvu la su nacencia en Azuaga ena provincia de Badajós i s'agenció la su licenciatura nel 1978 i el su dotorau nel 1983 en Filosofía i Letras, ena seción de Filología Hispánica ena Nuversidá de Córduba cona tessi: La gramática española dendi A. Bello nel 1847 hata R. Lenz nel 1920, siendu Premiu Estrordinariu de licenciatura i de dotorau. Dendi'l 1994 anduvu comu Catreática de Lengüística general dela Nuversidá de Córduba. Dendi'l 2017 es professora jubileá i la huerça delos sus librus i artícalus centíficus tratan custionis dela estoria dela lengüística i la gramática española.^[1]^[2]^[3]

Correúra vestigaora i académica

La su atividá docenti esmençó nel 1979 i se centró ena Lengüística general, la Semiología, l'Estoria dela Lengüística, la Sociolengüística, la Terminulogía i la Sicolengüística. Á cordinau pogramas de dotorau, á síu professora i á calavorau con espacius académicus comu la Nuversidá de Córduba, la Nuversidá de Málaga, la Nuversidá de Montevideu, la Nuversidá Johann Wolfgang Goethe i la Nuversidá del Zulia, possimenti enos temas relacionaus cona Lengüística general, la Semiología, l'Estoria dela Lengüística, la Sociolengüística, la Terminulogía i la Sicolengüística.^[1]^[3]^[4]

Ena su trayetoria comu vestigaora á síu utora i/o coutora de ventiquatru librus, cientu diés capítalus de librus o artícalus enas revistas de difusión nacional i entrenacional. Assina, tamién á derigíu noventa i cincu ponencias en congressus nacionais i entrenacionais. Amás tieni méritus centíficus que s'ayuntan ala su trayetoria i que sonin la su participación comu hundaora i codiretora dela revista Glosa del Departamentu de Filología Española i las sus Didáticas dela Nuversidá de Córduba i la su codireción ena revista Estudios de Lingüística del Español. Tamién hue socia hundaora dela Sociedá Española d'Estoriografía i dela Associación Andaluza de Lengüística General. Amás á síu valuaora i á participau ena assambrea aditorial i centífica de revistas de dezinuevi nuversidais n'Almérica Latina i n'Uropa. Dela su trayetoria comu vestigaora, escrevió lo siguienti ena su biografía pubricá pola aditorial UOC:^[2]^[3]

La mas larga trancajilá del mi recorríu comu vestigaora está conseñá polos estuyus del ambienti dela estoriografía lengüística, apercochandu temas de morfosintassi, lessiculogía i semántica, ortugrafía, enseñaeru de luengas, luengas artificiais.

— '

Tamién á síu responsabli de proyeutus comu I+D, «Los esmiençus dela moerna sintassi: analís craru i analís gramatical pal enseñaeru del español», qu'án valíu pal aburrieru delos viejus moelus de sintassi ena luenga española i pal surgimientu dela sintassi moerna.^[1]

Lenguagi i géneru

El origi del su afeutu pol estuyu de géneru, vien dendi'l 1994, quandu polas demandanças nuversitarias, se cria en Córduba la Crassi Entrediciplinal d'Estuyus sobri'l Géneru, qu'en 2003 passó a sel la Cátrea d'Estuyus sobri las Mugeris mentá comu Leonor de Guzmán. Eno tocanti a tó estu, la lengüista ena su biografía aponta:^[3]

Agralecía al empeñu d'angunas professoras, por añus s'á apuchau esti espaciu d'encontrança i mos án envinculau a munchas docentis ena conocencia dela vestigación fiminista: una rompilona epistemología que venía a ponel delantri dela muestra mirá un nuevu coigu éticu, unus nuevus metous de vestigación (qualitativa), la consideración del géneru comu prencipiu moelaol delas vidas pessonais. (...) Cambius d'enquadri que, no poía de sel de sotru móu, arremovierun el mi vistal — i no solamenti — sobri'l lenguagi i las luengas, polo que alampámenti me çamargullí ena letura delo qu'otras utoras avían dexau escrevíu acerca delas avenecias de sessu/ géneru i discussu.

— '

Col proponimientu de dal vistal al sessismu ena luenga española, participó en calavoracionis con varias utoras ena adición de librus monográficus a mó de guías d'estilu que precuran luzil las marcas d'esterotipus de géneru. Ante las peltreras que salin nel gastu dela luenga española, apondera lo siguienti sobri la su lavol comu vestigaora:^[3]

La mi postura nestas , angunas vezis, tan acendías peltreras —polo que encierran d'ideología— á síu la d'afial: -a) la legitimidá i el valol centíficu d'esta crassi de vestigacionis que, comu qualisquiel debati encruíu nesta categoría, mereci un discussu ojetivu, rigorosu i serenu. -b) la naturalidá i el respetu col que los especialistas devemus consideral las dessigencias lengüísticas d'aquellas comunidais que, comu la hispanupalranti, ena su ligera volución social demandan cambius lengüísticus acordis con essa espigaera.

— '

Premius i destincionis

Premiu Estrordinariu de Licenciatura en Filología Hispánica, Nuversidá de Córduba, nel cussu 79/80.
Premiu Estrordinariu de Dotorau en Filosofía i Letras de Filología Hispánica, Nuversidá de Córduba, nel cussu 83/84).
Finalista del XI Premiu de Narracionis Brevis Antonio Machado, Mairil, en mayu del 1987.
Premiu Córduba n'Igualdá, ena movición fiminista, Deputación de Córduba, Delegación d'Igualdá, nel 2018.
Premiu Córduba n'Igualdá, ena movición fiminista. Deputación de Córduba, Delegación d'Igualdá, nel 2019.
Premiu Menina Andaluzía, ena contra dela violencia de géneru. Acebíu comu Diretora dela Cátrea d'Estuyus delas Mugeris Leonor de Guzmán, nel pedioru 2003-2007, ena sétima adición del 2019.

Pubricacionis

Sigún Google Académicu tié cientu trenta i quatru pubricacionis i á síu mentá novecientas ochenta vezis.^[4]^[5]

Alonso Pascua, Borja; Escudero Paniagua, Francisco; Villanueva García, Carlos; Quijada van den Berghe, Carmen i Gómez Asencio, José J. adicionis: Lazus dentri ideología i lengüística, dendi un vistal estoriográficu delos siegrus XVI-XX, páginas.37-52. Adicionis Nuversidá de Salamanca.
Antonio Briz, Mª José Martínez Alcalde, Nieves Mendizábal, Mara Fuertes Gutiérrez, José Luis Blas i Margarita Porcar: cordinaoris, Estuyus lengüísticus en omenagi a Emilio Ridruejo páginas 163-176.^[6]
Estoria dela gramática española, 1847-1920 de A. Bello a R. Lenz, col Prólogu de José A. de Molina Redondo.^[7]
Calero Vaquera, M. L. Nel 2018. Sobri'l conceutu ideología i la su infrugencia ena epistemología lengüística. Circula,(8), 7–29.^[8]
Calero Vaquera, M. L. Nel 2019. Las ideas de Eduardo Benot sobri la costrución dela luenga universal: brevis apontamientus. Boletín dela Sociedá Española d'Estoriografía Lengüística, 1695-2030, N.º 13, páginas 107-122.^[9]
Marrades, A., Sevilla, J., Calero, M. L., & Salazar Benítez, O. Nel 2019. El lenguagi jurícu col vistal del géneru. Angunas refressionis pala retificación costitucional. Revista De Derechu Políticu, 1(105), 127–160.^[10]
Calero Vaquera, M. L. Nel 2020. Comunicación dela Conocencia centífica ena era dela posverdá. Arretus i oportuniais. Revista de Cencias Sociais Prisma Social. ISSN: 1989.3469.^[11]
Añerus de Lengüística. Segundera epoca n.4 – abril-setiembri del 2020. Mendoza, Argentina ISSN 0325-3597 emprimíu - ISSN 2684-0669 digital - páginas 35-56.
Enos linderus del lenguagi: inseñus artificiais i ficionis comunicativas. Velumi monográficu d'Estuyus de Lengüística del'Español, 41 nel 2020. Nuversidá Utónoma de Barcelona, Aditol: Cordinaoras i aditoras: Carmen Galán Rodríguez i María Luisa Calero Vaquera. ISBN: 1139-8736.^[12]
Calero Vaquera, M. L. Nel 2021. Los antecedentis delos dizionarius de lengüística: el Vocabulariu gramatical dela luenga castillana nel 1870, de P. F. Monlau RILEX. Revista de vestigacionis léssicas, 4/I, páginas 7-45.^[5]

Referencias

1 2 3 Calero Vaquera, Maria Luisa. «María Luisa Calero Vaquera – lenguagis.». Consultado el 17 d'abostu del 2026.
1 2 Calero Vaquera, María Luisa (1984). «La gramática española dendi A. Bello nel 1847 hata R. Lenz nel 1920).». Lenguagis (Universidad de Córdoba (ESP)). Consultado el 17 d'abostu del 2026.
1 2 3 4 5 Drive (ed.). «Recussus palas biografías.». Google Drive (en inglés). Consultado el 17 d'abostu del 2026.
1 2 Google Académicu. «María Luisa Calero Vaquera. Google Académicu.». scholar.google.es. Consultado el 17 d'abostu del 2026.
1 2 Calero Vaquera, María Luisa (30 de juñu del 2021). «Los antecedentis delos dizionarius de lengüística: el Vocabulariu gramatical dela luenga castillana nel 1870 de P. F. Monlau.». RILEX. Revista sobri vestigacionis léssicas. 4 (1): 7-45. ISSN 2605-3136. doi:10.17561/rilex.4.1.6157. Consultado el 17 d'abostu del 2026.
↑ Calero Vaquera, María Luisa (2019). «De retórica, pramática i estoriografía lengüística: l'Arti del bien palral ena Ilustración española.». Estudios lingüísticos en homenaje a Emilio Ridruejo [2 vol.], 2019, ISBN 978-84-9133-239-8, págs. 163-176 (Universidad de Valencia = Universitat de València): 163-176. ISBN 978-84-9133-239-8. Consultado el 17 d'abostu del 2026.
↑ Calero Vaquera, María Luisa (1986). Estoria dela gramática española (1847-1920): de A. Bello a R. Lenz.. Gredos. ISBN 978-84-249-1041-9. Consultado el 17 d'abostu del 2026.
↑ Calero Vaquera, María Luisa (30 de Setiembri del 2019). «Sobri'l conceutu ideología i la su infrugencia ena epistemología lengüística.». Circula: Revue d'idéologies linguistiques. Circula: Revista d'ideologías lengüísticas. (Érudit) (8): 7-29. ISSN 2369-6761. doi:10.17118/11143/15549. Consultado el 17 d'abostu del 2026.
↑ Calero Vaquera, María Luisa (2019). «Las ideas d'Eduardu Benot sobri la costrución dela luenga universal: brevis apontis.». Boletín dela Sociedá Española d'Estoriografía Lengüística. (13): 107-122. ISSN 1695-2030. Consultado el 17 d'abostu del 2026.
↑ Ana Marrades, Nuversidá de Valencia; Julia Sevilla, Nuversidá de Valencia; María Luisa Calero, Nuversidá de Córduba; Octavio Salazar Benítez, Nuversidá de Córduba. (16 de jullu del 2019). «El lenguagi jurícu col vistal del géneru. Angunas refressionis pala retificación costitucional.». Revista de Derechu Políticu. Consultado el 17 d'abostu del 2026.
↑ Rivas Carmona, María del Mar; Calero Vaquera, María Luisa (30 d'otubri del 2020). «Pandemia i posverdá: el golpi del Covid-19 ena comunicación pol WhatsApp.». Revista Prisma Social (31): 110-154. ISSN 1989-3469. Consultado el 17 d'abostu del 2026.
↑ Galán Rodríguez, Carmen; Calero Vaquera, María Luisa (2020). «Velumi 41 Estuyus de lengüística del español.». Estuyus de lengüística del español. (en ca-ES). Consultado el 17 d'abostu del 2026.

Atijus p'ahuera

En Commons ai conteníu multimedia sobre María Luisa Calero Vaquera.
Hundación Academia Iberualmericana i Uropea de Yuste Ponencia de María Luisa Calero Vaquera.
Lengüística Fiminista Chalra magistral de María Luisa Calero Vaquera.

Datos: Q106517276
Multimedia: María Luisa Calero Vaquera / Q106517276

[:0-1] 1 2 3 Calero Vaquera, Maria Luisa. «María Luisa Calero Vaquera – lenguagis.». Consultado el 17 d'abostu del 2026.

[:1-2] 1 2 Calero Vaquera, María Luisa (1984). «La gramática española dendi A. Bello nel 1847 hata R. Lenz nel 1920).». Lenguagis (Universidad de Córdoba (ESP)). Consultado el 17 d'abostu del 2026.

[:2-3] 1 2 3 4 5 Drive (ed.). «Recussus palas biografías.». Google Drive (en inglés). Consultado el 17 d'abostu del 2026.

[:3-4] 1 2 Google Académicu. «María Luisa Calero Vaquera. Google Académicu.». scholar.google.es. Consultado el 17 d'abostu del 2026.

[:4-5] 1 2 Calero Vaquera, María Luisa (30 de juñu del 2021). «Los antecedentis delos dizionarius de lengüística: el Vocabulariu gramatical dela luenga castillana nel 1870 de P. F. Monlau.». RILEX. Revista sobri vestigacionis léssicas. 4 (1): 7-45. ISSN 2605-3136. doi:10.17561/rilex.4.1.6157. Consultado el 17 d'abostu del 2026.

[6] Calero Vaquera, María Luisa (2019). «De retórica, pramática i estoriografía lengüística: l'Arti del bien palral ena Ilustración española.». Estudios lingüísticos en homenaje a Emilio Ridruejo [2 vol.], 2019, ISBN 978-84-9133-239-8, págs. 163-176 (Universidad de Valencia = Universitat de València): 163-176. ISBN 978-84-9133-239-8. Consultado el 17 d'abostu del 2026.

[7] Calero Vaquera, María Luisa (1986). Estoria dela gramática española (1847-1920): de A. Bello a R. Lenz.. Gredos. ISBN 978-84-249-1041-9. Consultado el 17 d'abostu del 2026.

[8] Calero Vaquera, María Luisa (30 de Setiembri del 2019). «Sobri'l conceutu ideología i la su infrugencia ena epistemología lengüística.». Circula: Revue d'idéologies linguistiques. Circula: Revista d'ideologías lengüísticas. (Érudit) (8): 7-29. ISSN 2369-6761. doi:10.17118/11143/15549. Consultado el 17 d'abostu del 2026.

[9] Calero Vaquera, María Luisa (2019). «Las ideas d'Eduardu Benot sobri la costrución dela luenga universal: brevis apontis.». Boletín dela Sociedá Española d'Estoriografía Lengüística. (13): 107-122. ISSN 1695-2030. Consultado el 17 d'abostu del 2026.

[10] Ana Marrades, Nuversidá de Valencia; Julia Sevilla, Nuversidá de Valencia; María Luisa Calero, Nuversidá de Córduba; Octavio Salazar Benítez, Nuversidá de Córduba. (16 de jullu del 2019). «El lenguagi jurícu col vistal del géneru. Angunas refressionis pala retificación costitucional.». Revista de Derechu Políticu. Consultado el 17 d'abostu del 2026.

[11] Rivas Carmona, María del Mar; Calero Vaquera, María Luisa (30 d'otubri del 2020). «Pandemia i posverdá: el golpi del Covid-19 ena comunicación pol WhatsApp.». Revista Prisma Social (31): 110-154. ISSN 1989-3469. Consultado el 17 d'abostu del 2026.

[12] Galán Rodríguez, Carmen; Calero Vaquera, María Luisa (2020). «Velumi 41 Estuyus de lengüística del español.». Estuyus de lengüística del español. (en ca-ES). Consultado el 17 d'abostu del 2026.

[1]

[2]

[3]

[4]

[5]

[6]

[7]

[8]

[9]

[10]

[11]

[12]