Ir al contenido

Matilde Cherner

Dendi Güiquipeya
Matilde Cherner
Información pressonal
Nacencia 1833 Ver y modificar los datos en Wikidata
Salamanca (España) Ver y modificar los datos en Wikidata
Muerti 15 d'abostu de 1880 Ver y modificar los datos en Wikidata
Madrid (España) o calle de la Palma (España) Ver y modificar los datos en Wikidata
Nacionalidá Española
Información prehessional/profissional
Oficiu Escrevienti y novelista Ver y modificar los datos en Wikidata
Seudónimu Rafael Luna Ver y modificar los datos en Wikidata
[editar datos en Wikidata]

Matilde Rafaela Cherner[1] (Salamanca, 1833-Mairil, 15 d'abostu de 1880) hue una escreviora i pediorista española. Á síu descrita comu una mugel «d'ideas pogresistas i de claras i convicionis políticas»[2] i una «republicana federal convencía».[3][lower-alpha 1]

Biografía

[adital | adital cóigu]

Tuvu nacencia en Salamanca en 1833. La su mairi era Antonia Hernández Luna, natural de Aldeadávila de la Ribera, Salamanca, i el su pairi Juan Cherner, natural de San Fernando, Cai. Sabía latín i francés. Escrevió en La Revista Salmantina, ondi apareció pubricau el su primel poema en 1852, i El Federal Salmantino. Duranti 1872-1873, nesti últimu aparecierun varius poemas suyus peru ya vivía en Mairil.[3]

Correúra literaria

[adital | adital cóigu]

Con el seudónimu de Rafael Luna, pubricó las novelas Novelas que parecen dramas (1877), Las tres leyes (1878) Ocaso y aurora (1878) y María Magdalena: estudio social (1880), assín comu gran númiru de trebajus críticus.[4]

Pal teatru escrevió tamién angunas obras, motivandu las titulás Don Carlos de Austria i La Cruz comunicaus i polémicas, por asegural la utora que vían síu rechaçaus pa ponel n'escena El haz de leña (1872) de Núñez de Arce i Don Rodrigo (1873) d'Agustín Fernando de la Serna, delos mesmus assuntus alos trataus por ella enas sus obras. Tamién hue utora dun notabli Juicio crítico sobri las Novelas ejemplares de Cervantes.

Calavoró ena revista mairileña La Ilustración de la Mujer, ondi se conservan tres poemas, un relatu literariu, un estudiu sobri la música religiosa, i una serii d'artícalus sobri la situación femenina, recogius baxu'l epígraie de Las mujeres pintadas por sí mismas, estus firmaus col su nombri.[5] Tamién calavoró en La Ilustración Republicana Federal.[6]

María Magdalena

[adital | adital cóigu]

Quiciá la su obra más polémica hue María Magdalena, ena que criticó la prostitución legaliçá comu ya acía enos sus artícalos dela Ilustración.[5] El tema es la prostitución vista a través dela vida duna jovin nessi mundu i narrá en horma de memorias.[7] La prostituta narra cómu á llegau a essi oficiu. Quiciá esta novela seya la primera novela española ena que una prostituta es la protagonista. Posteriormenti, en 1884, el méicu Eduardo López Bago pubricó La prostituta, que hue mu criticá i ojetu d'angunas polémicas. Galdós pubricó en 1881 La desheredada, obra que Clarín considerava la estoria duna prostituta. Esta obra, que hue definía pola utora nel su prólogu como naturalista, enque con matiçacionis, es más reflesiva que descritiva. Nella con un tonu moraliçanti hazi una crítica ala sociedá que al tiempu que las necesita las rechaza.[3]

Espenó nel su domicilio mairileñu dela calli dela Palma númiru 21, debíu a un aneurisma, sigún el parti oficial,[3] el 15 d'abostu de 1880.[4] No ostanti, la su muerti inesperá motivó angunus rumoris sobri un posibie suicidiu comu consecuencia dela presión púbrica recebía pola su denuncia dela prostitución.[8]

Obra

[adital | adital cóigu]

La su obra narrativa consta dun total de 14 títulus, que suman alas seis novelas pubricás en horma de folletín diversus cuentus, comu El miserere de Doyagüe (1875), d'estilu romántico. Respetu al su pocu conocía produción teatral, hue polémica la su acusación de plagiu a Núñez de Arce, quien vría copiau la su obra Don Carlos de Austria, enque la su denuncia no tuvu ninguna repercusión.[9] En 2022 la editorial Espinas reeditó la su obra María Magdalena.[10]

Notas

[adital | adital cóigu]
  1. ↑ Según la historiadora María del Carmen Simón Palmer en Escritoras españolas del S. XIX. Manual bio-bibliográfico, Castalia. Madrid. 1991.

Referencias

[adital | adital cóigu]
  1. ↑ «La salmantina que escribía con nombre de hombre». La Crónica de Salamanca. 28 de junio de 2020. Consultado el 20 de julio de 2022. 
  2. ↑ Sociedad de Literatura Española del Siglo XIX. Coloquio (2nd : 1999 : Barcelona, Spain) (2002). La elaboración del canon en la literatura española del siglo XIX : (Barcelona, 20-22 de octubre de 1999) (1. ed edición). Universitat de Barcelona. p. 363-376. ISBN 84-477-0816-0. OCLC 53021566. Consultado el 4 de junio de 2020. 
  3. ↑ 3,0 3,1 3,2 3,3 Rodríguez Sánchez, María de los Ángeles (1998). «Matilde Cherner: una voz femenina y crítica ante la prostitución en la España de 1880». Actas XIII Congreso Asociación Internacional de Hispanistas. ISBN 84-7039-847-4. Consultado el 4 de junio de 2020. 
  4. ↑ 4,0 4,1 «'La España moderna' - Año I Número IX (01/09/1889)». prensahistorica.mcu.es. pp. 193-194. Consultado el 4 de junio de 2020. 
  5. ↑ 5,0 5,1 Rodríguez Sánchez, M.ª de los Ángeles. «Matilde Cherner y «La Ilustración de la Mujer»». Biblioteca Virtual Miguel de Cervantes. Consultado el 16 de marzo de 2020. 
  6. ↑ Ramos, María Dolores. Andaluzas en la historia : reflexiones sobre política, trabajo y acción colectiva (Primera edición edición). p. 25-26. ISBN 978-84-940635-1-0. OCLC 840405243. Consultado el 4 de junio de 2020. 
  7. ↑ «Matilde Cherner, la escritora que se adelantó a Galdós». Zenda. 17 de julio de 2022. Consultado el 18 de julio de 2022. 
  8. ↑ «Matilde Cherner, la escreviora que denunció la prostitución n'España (enantis enclusu que Galdós)». El Español. 30 de julio de 2022. Consultado el 20 de junio de 2023. 
  9. ↑ Biblioteca Nacional de España. «Cherner, Matilde». 
  10. ↑ «La editorial Espinas rescata una obra de la salmantina Matilde Cherner, invisibilizada hasta hoy». El Español. 28 de junio de 2022. Consultado el 31 de agosto de 2022. 

Bibliografía

[adital | adital cóigu]

Atijus p'ahuera

[adital | adital cóigu]
Arrecuperau dendi "https://ext.wikipedia.org/w/index.php?title=Matilde_Cherner&oldid=134956"