Mbabane
| Mbabane | ||
|---|---|---|
| Capital de Suazilandia | ||
 Un barrio de Babane
| ||
|
[[Archivu:|border|118px]] Bandera | ||
|
Prantilla:Mapa de localización Localización de Babane en Suazilandia | ||
 Ubicación de Babane | ||
| Coordenadas | 26°19′00″S 31°08′00″E / -26.316666666667, 31.133333333333 | |
| Entidad | Capital de Suazilandia | |
| • País | Prantilla:Geodatos Esuatini | |
| • Distrito | Hhohho | |
| Alcalde | Z. Nkambule[1] | |
| Superficii | ||
| • Total | 150 km² | |
| Altol | ||
| • Media | 1243 m s. n. m. | |
| Puebración (2025) | ||
| • Total | 94 874 hab. | |
| • Densidá | 508,12 hab/km² | |
| Huso horario | UTC +2 | |
| Código postal | H100 | |
| Prefijo telefónico | +268 (2) | |
| Hermanada con |
Prantilla:Geodatos USA Fort Worth Prantilla:Geodatos República de China Taipéi | |
| Sitio web oficial | ||
Babane[2] o Mbabane es la capital almenistrativa de Esuatini i del destritu de Hhohho. Está asitiá nel norti del país i es la segunda ciá más grandi de Esuatini cuna puebración de 61.794 habitantis (estimación pa 2010).[3]
Está asitiá a 23 km al sul dela raya de Oshoek con Sudáfrica, al noroesti del país. Está localizá enas Montañas Mdimba alas orillas del Ríu Babane a unos 1200 metrus d'artitú.
Etimología
[adital | adital cóigu]El su nombri deriva dun xefi, Mbabane Kunene, que bivíe ena çona quandu truxun los colonus británicus.[4]
Estoria
[adital | adital cóigu]
Creció nel sigru XIX alreol dela residencia del Rei Mbandzeni (bisagüelu del actual rei Mswati III de Suazilandia). Babane fue ata el momentu dela endependencia de Esuatini del Reinu Uniu en 1968 la capital del antiguu destritu homónimu.
Babane fue fundá en 1887 pun Mickey Wells, nel lugal ondi la ruta del Transvaal a Moçambiqui cruçaba el ríu Babane. Fue declará capital del nüevu Protectorau de Esuatini en 1902. Se desenvolvió como capital almenistrativa mientis la depidencia británica entri 1903 i 1968 endispués de que se tresladara la capital almenistrativa dendi Manzini. Mientis esta época, Babane constaba dunas pocas tiendas, ilesias i escuelas fundás por colonus brancus. Alas pressonas africanas negras no se les permitíe bivil ena ciá i teníun que residir enos destritus rurais cercanos.[5] Ena década de 1930, Babane disponíe de lú, augua corrienti, conisun telefónica i un hospital.
Dantis dela Segunda Guerra Mundial, la mayoría delos suazis bivíun en destritus rurais i trabajaban fueraparti de Esuatini, lo qu'atravancaba que la ciá creciera.
Endispués dela guerra, la creación d'escuelas de comerciu ena ciá, la llegá del ferrocarril de Goba que conectaba Maputo colas minas de Sudáfrica i los recursus d'enversión estrangera drentu de Esuatini (especialmenti el açuca) contribuyerun al crecimiento dela ciá.[6] Babane se convirtió nel exi central del desenvolvimiento del Destritu de Hhohho.
Enos añus posterioris ala endependencia, se construyerun en Babane eificius gubiernamentalis como el Consulau Británicu. El crecimiento dela endustria del turismu en Esuatini, dela que Babane se á convertíu nel centru, se á entensificau. Ogañu, Babane alberga abondus otelis i lugaris d'ociu, como clubis i campus de golf, qu'atiendin alos turistas.[7][8]
Sistema de capital dual
[adital | adital cóigu]Vali la pena señala que Esuatini tieni un sistema de capital dual únicu. Lobamba, asitiá a unos 16 quilómetrus al esti de Babane, funciona como capital legislativa i rial.[9] Esti sistema reefreja la combinación del país de gubiernu moernu i monarquía tradicional.
Babane moerna
[adital | adital cóigu]Enos últimos añus, Babane á acontinau desenvolviéndu-si como una ciá africana moerna. El cambiu de nombri de Suazilandia a Esuatini en abril de 2018 pola parti del rei Mswati III no afectó el estatus de Mbabane como capital almenistrativa.[10]
Geografia
[adital | adital cóigu]
Babane se topa nel destritu de Hhohho, del que tamién es la capital, i s'alcuentra nel ríu Babane i el su afluenti el ríu Polinjane enas montañas de Mdimba. La elevación promediu dela ciá es de 1.243 metrus. Los barrius i suburbius enclúin Mbangweni, Sidvwashini, Kent Rock, Sandla, Westridge Park, Malunge, New Checkers, Msunduza i Vukutentele. La ciá con unos 90.000 habitantis[11] se topa enas montañas de Mdzimba nel noroesti del país a 1243 metrus nel ríu Babane i el su afluenti el ríu Polinjane.
Climi
[adital | adital cóigu]Debíu ala su artitú, Babane presenta un climi montañosu subtropical mouerau (Köppen: Cwb). La ciá tieni un climi templau i la nievi es un eventu raru, qu'á ocurríu solu tres vezis dendi 1900. La ciá tieni un promediu de solu quatru días de yelá al añu. La temperatura promediu es de 11 °C (52 °F) en juliu i de 22 °C (72 °F) en eneru. La amplitú térmica es baja, inque la nuechi d'inviernu es fría pa un climi subtropical en general. La mayor parti dela precipitación se concentra nel vranu. La diferencia entri el mes más secu (juniu) i el más lluviosu (eneru) es de 210 mm.
Babane se topa enas montañas de Mdimba. La elevación promediu dela ciá es d'aproximadamenti 1.243 metrus (3.800 pies) sobri el nivel del mari.[12] La gran artitú dela ciá contribuyi al su climi montañosu subtropical mouerau. Babane esperimenta temperaturas suavis mientis tol añu, con temperaturas promediu qu'oscilan entri 15 °C en juliu i 22 °C en eneru. [13] Las nevás son poco comunes, ocurren solu una o dos vezis por década.[14]
| Datus climáticus pa Mbabane, Suazilandia | |||||||||||||
|---|---|---|---|---|---|---|---|---|---|---|---|---|---|
| Mes | Ene. | Feb. | Mar. | Abr. | May. | Xun. | Xul. | Ago. | Set. | Oct. | Nov. | Dic. | Oañu |
| Media diaria máxima °C (°F) | 24.9 (76.8) |
24.5 (76.1) |
24.1 (75.4) |
22.6 (72.7) |
21.4 (70.5) |
19.3 (66.7) |
19.8 (67.6) |
21.3 (70.3) |
23.2 (73.8) |
22.8 (73.0) |
22.5 (72.5) |
23.7 (74.7) |
22.5 (72.5) |
| Media diaria mínima °C (°F) | 14.9 (58.8) |
14.5 (58.1) |
13.4 (56.1) |
11.0 (51.8) |
7.9 (46.2) |
4.7 (40.5) |
4.6 (40.3) |
6.6 (43.9) |
9.5 (49.1) |
11.3 (52.3) |
12.9 (55.2) |
14.2 (57.6) |
10.5 (50.9) |
| Media de lluvia mm (pulgáis) | 253.2 (9.97) |
224.6 (8.84) |
151.6 (5.97) |
87.9 (3.46) |
33.8 (1.33) |
19.4 (0.76) |
20.1 (0.79) |
35.1 (1.38) |
69.4 (2.73) |
141.9 (5.59) |
197.8 (7.79) |
206.9 (8.15) |
1441.7 (56.76) |
| Media de díis de lluvia | 16.9 | 14.3 | 13.8 | 9.8 | 5.1 | 2.8 | 3.1 | 6.5 | 9.2 | 14.9 | 17.0 | 16.5 | 129.9 |
| Fuenti: Organización Meteorológica Mundial[15] | |||||||||||||
Economía
[adital | adital cóigu]Es el centru almenistrativu i comercial de toa la región. El passu fronteriçu más cercanu de Babane con Sudáfrica es Ngwenya-Oshoek, i inque el idioma suazi es la luenga prencipal, el inglés está abondu extendíu. Babane, i la propia Esuatini, dependin del turismu i delas esportacionis d'açuca. Tamién es un centru comercial pola región circundanti, mientis qu'enas cercanías se estraíun estañu i hierru. La ciá cuenta con dambos dos emplazamientos pa endustrias ligeras.
El continu crecimiento del sector delos servicios financierus en Babane á posicionado ala ciá como un centru financieru clavi ena región, contribuyendu al progreso económicu general de Esuatini.[16][17]
En 1964 se inauguró una línia de ferrocarril con Moçambiqui col pesqui de poel esportal el mineral de hierru que se produzi. Esta producción á cessau práticamenti dendi finalis del sigru XX. Esti ferrocarril Esuatini-Maputo, es un ferrocarril que uni la ciá de Maputo, Moçambiqui, cola ciá de Matsapha, en Esuatini. Tieni una largu de 466,8 km, nun anchu de vía de 1067 mm.[18]
Nel tramu moçambiqueñu, entri Maputo i Goba, la empresa gestora es Mozambique Ports and Railways (CFM);[19] nel tramu suazi, entri las ciaish de Mlawula i Matsapha, la almenistración la realiza la empresa Eswatini Railways (ESR).[20] Matsapha está a 11 km de Manzini i a 35 km de Babane.
La su prencipal estalación logística marítima es el puertu de Maputo.
Educación
[adital | adital cóigu]Babane es la sei dela Nuversidá Waterford-KaMhlaba[21] integrá ena redi United World College de África del Sul, mentis que la Nuversidá de Esuatini fue fundá en 1964[22] i es la más grandi i de más prestígiu del país, amás de sel la sei dela Escuela Superiol de Tecnuloxía de Esuatini (ECOT), la Nuversidá Cristiana de Esuatini i la Escuela Superiol Mananga.[23]
Coltura
[adital | adital cóigu]La galería Indingilizi es una galería d'arti de Babane fundá en 1982 que exhibi una varianá d'arti suazi, qu'enclúi esculturas, pinturas, batiks, mohair, joyas étnicas i cerámica.[24]
Lugaris de cultu
[adital | adital cóigu]Entri los lugaris de cultu, s'alcuentran mayoritariamenti ilesias cristianas: diócesi católica romana de Manzini (Ilesia católica), Ilesia reformá de Esuatini (Comunión mundial delas ilesias reformás), Ilesia cristiana de Sión.[25] Tamién ai mezquitas musulmanas.
Idioma
[adital | adital cóigu]Inque la luenga prencipal es el suazi, el gastu del inglés es común palos negocios i los trámitis almenistrativus. La ciá i el país rúnchin gracias al turismu i ala esportación d'açuca.
Divisiones almenistrativas
[adital | adital cóigu]Babane está organizau en dos tinkhundlas:
Tinkhundla de Babane Esti: Fonteyn, Sidwashini, Maqobolwane, Mntulwini, Mcozini, Mncitsini, Corporation i Gobholo.
Tinkhundla de Babane Oesti: Dividíu en Bahai, Mangwaneni i seis çonas numerás del I al VI.
Tresporti
[adital | adital cóigu]El aeropuertu más próximu es el Aeropuertu Enternacional de Manzini (Aeropuertu Matsapha). South African Airways tieni vuelus con Johannesburgu i se puei viajar facilmenti a Esuatini dendi Sudáfrica i Moçambiqui.
El Aeropuertu Enternacional Rei Mswati III[26] (en inglés: King Mswati III International Airport) (IATA: SHO, ICAO: FDSK) que reemplaza el Aeropuertu Matsapha dendi 2014 palos vuelus enternacionalis, está asitiáu ena región de Distritu de Lubombo. Fue inaugurau en 2014.[27] Esti aeropuertu está a 83 km por carretera de Babane.
Babane está atravancá pola autopista MR3, qu'unila con Ngwenya (oesti) i Lobamba (esti). Otra carretera emportanti es la MR19, qu'unila con Mhlambanyatsi (al sul).[28]
Abondus minibuses conectan Maputo i Manzini con Babane i ai tamién serviciu regular d'autobuses entri Johannesburgu i Durban.
Es possibri tamién dlegar en cochi propiu a través de caminos de tierra i varias gasolineras i tiendas enas prencipalis carreteras.
Deportis
[adital | adital cóigu]Ena capital s'alcuentran los dos prencipalis equipus de fubu de Esuatini —los «Mbabane Highlanders» i los «Mbabane Swallows»—, que dambos dos juntus án ganau más de 20 vezis el campionatu nacional.
Retus i perspectivas futuras
[adital | adital cóigu]Como muchas ciais africanas de rápiu crecimiento, Babane enfrenta desafíos relacionaus col desenvolvimiento urbanu, la enfraestructura i la diversificación económica. La economía dela ciá, al igual que la del país, dependi en gran media del turismu i las esportacionis d'açucar.[29] Diversifical la basi económica i mejoral la enfraestructura urbana acontinan siendu prioridais clavi pal desenvolvimiento futuru dela ciá. Inque estus desafíos, la combinación única de comodidais moernas i coltura tradicional de Babane, juntu cola su emprésionanti redolada natural, acontina convirtiéndu-la nun destinu fascinanti tantu pa viajerus de negocios como de placer. A medida que Esuatini avanza nel su caminu hacia el sigru XXI, es possibri que Babane desempeñi un papel crucial ena configuración del futuru del país, equilibrandu el desenvolvimiento económicu cola preservación coltural i la sostenibilidad ambiental.
Referencias
[adital | adital cóigu]- ↑ Mbabane City Council (2011). «Welcome to the official City of Mbabane Website». Consultado el 13 de febrero de 2011.
- ↑ Diccionario panhispánico de dudas, Apéndice 5. Lista de países y capitales, con sus gentilicios, 2.ª, https://www.rae.es/dpd/ayuda/paises-y-capitales-con-sus-gentilicios, 24 de eneru de 2024
- ↑ Hhohho: Las ciudades más grandes con estadísticas de población, 13 de febreru de 2011, World Gazetteer
- ↑ 10 Surprising Facts About Mbabane, 07/01/2025, 20 de juliu de 2022, etichotels.com, inglés
- ↑ Scott, Peter, Land Policy and the Native Population of Swaziland, The Geographical Journal, 117, 4, 1951, 435–447, 0016-7398, 10.2307/1790685, 1790685
- ↑ Mbabane, Swaziland (1887- ), 2025-01-07, BlackPast, inglés
- ↑ Brooms, Derrick, Mbabane, Swaziland (1887- ), http://www.swazilandhappenings.co.za/mbabanehomepage.htm, BlackPast.org, 10 May 2018, https://web.archive.org/web/20150908004220/http://www.blackpast.org/gah/mbabane-swaziland-1887, 2015-09-08
- ↑ MBABANE INFORMATION AND HISTORY, http://www.swazilandhappenings.co.za/mbabanehomepage.htm, eSwatini Happenings, 10 May 2018, https://web.archive.org/web/20180510125529/http://www.swazilandhappenings.co.za/mbabanehomepage.htm, 10 May 2018
- ↑ Mbabane - Students - Britannica Kids - Homework Help (Babane - Estudiantes - Britannica Kids - Ayuda con la tarea, 2025-01-07, Britannica Kids, inglés
- ↑ Mbabane, Swaziland (1887- ), 2025-01-07, BlackPast, inglés
- ↑ Swaziland Capital City, About Mbabane Tourism and Travel, world-guides.com, 2016-06-08, 2018-09-06, en
- ↑ Mbabane history - eSwatini, Swaziland tourist attractions, 2025-01-07, Swaziland Happenings, en
- ↑ Mbabane history - eSwatini, Swaziland tourist attractions, 2025-01-07, Swaziland Happenings, en
- ↑ Climate and Average Weather Year Round in Mbabane Swaziland (Clima y tiempo promedio en Babane Suazilandia), 2025-01-07, 2018-07-01, Weather Spark, inglés
- ↑ World Weather Information Service – Mbabane, Organización Meteorológica Mundial (accesu: 21 dic. 2015).
- ↑ Rume, Allison, 2023-01-23, Mbabane: Discover Mbabane, Capital of Swaziland, https://www.lonelyafrica.com/discover-mbabane/, 2023-04-21, Lonely Africa, es-US
- ↑ El personal del FMI concluye la misión del Artículo IV de 2023 a Eswatini, https://www.imf.org/en/News/Articles/2023/03/09/pr2366-eswatini-imf-staff-completes-2023-article-iv-mission-to-eswatini, 2023-04-21, FMI, es
- ↑ Mozambique Logistics Infrastructure: Mozambique Railway Assessment, https://web.archive.org/web/20210802142842/https://dlca.logcluster.org/display/public/DLCA/2.4+Mozambique+Railway+Assessment, 2021-08-02, Atlassian Confluence, 10 de diziembri de 2018
- ↑ CFM, Linha de Goba, 2020-02-05
- ↑ Eswatini rail network, https://web.archive.org/web/20200203202221/http://www.eswatinirail.co.sz/about/network/index.php, 2020-02-03, Eswatini Railways, 2017
- ↑ Mbabane history - eSwatini, Swaziland tourist attractions, 2025-01-07, Swaziland Happenings, inglés
- ↑ Eswatini (University of Eswatini), https://africanuniversities.org/listing/university-of-eswatini-eswatini/, AFRICAN UNIVERSITIES, 2025-05-11, en-US
- ↑ Universities and Research Centers. Embassy of the State of Qatar in Mbabane, Eswatini. 2012.
- ↑ Indingilizi Gallery, Swaziplace.com, 21 de marçu de 2012, inglés, https://web.archive.org/web/20130707002313/http://www.swaziplace.com/indinglizi/index.html, 2013-07-07
- ↑ Britannica, Eswatini, britannica.com, USA, acediú el 7 de juliu de 2019
- ↑ Información sobre el sitio, 17 de noviembri de 2015, inglés, https://web.archive.org/web/20110806061311/http://www.worldaerodata.com/wad.cgi?airport=FDMS, 6 de agostu de 2011
- ↑ Swaziland king opens 'white elephant' airport, Nigeria, 17 de noviembri de 2015, 21 de marçu de 2014, https://archive.today/20140321111630/www.news24.com.ng/Africa/News/Swaziland-king-opens-white-elephant-airport-20140308-2
- ↑ Appraisal Report Mbabane Bypass Road Project, Banco Africano de Desarrollo, 22 de marçu de 2012, inglés
- ↑ Mbabane history - eSwatini, Swaziland tourist attractions, 2025-01-07, Swaziland Happenings, en