Mercedes Guardado Olivenza

Mercedes Guardado
Información pressonal
Nacencia	22 de jullu de 1933 ; Ceclavín (España)
Muerti	15 d'otubri de 2023 (90 años); Cáceres (España)
Nacionalidá	Española
Familia
Cónyugi	Wolf Vostell
Información prehessional/profissional
Oficiu	Escrevienti
Cargus acupaus	Director de museo
	[editar datos en Wikidata]

Mercedes Guardado Olivenza (Ceclavín, Caçris, 22 de jullu del 1933 - Caçris, 15 d'otubri del 2023), tamién anombrá comu Mercedes Vostell, hue una maestra, escreviora de quatru obras i diretora artística estremeña, que dendi'l 1998 hata'l 2023 derigió el Museu Vostell de Malpartía de Caçris.

Biografía

La su nacencia hue el ventidós de jullu del 1933 en Ceclavín, Caçris i quandu tenía quatru añus se muó cona su familia pala ciá de Caçris. Endispués d'acabijal los sus estuyus d'enseñaeru meyu, cussó la carrera de Magisteriu que l'acabijó nel 1956. El su primel destinu comu maestra d'educación primaria hue en Guadalupi nel 1957 i n'abril del 1958 conoció pallí nel mesmu Guadalupi al artista Wolf Vostell, col que s'aconyugó el dezisseis d'aneru del 1959 ena ilesia de Santiagu en Caçris.^[1]^[2]

Dispués del casoriu se muó pa Colonia, Alemaña, aondi anduvu dendi'l 1959 hata'l 1970 i aluspués se muarun sotra vés i huerun pa Berlín Ocidental. Dendi'l 1960 participó enos Happenings del su ombri i artista Wolf Vostell. El matrimoñu hundó nel 1976 el Museu Vostell Malpartía, nun antigu lavanderu de lanas nel paragi natural de Los Barruecus en Malpartía de Caçris, Estremaúra, cona calavoración del'ayuntamientu i del'alcaldi Juan José Lancho Moreno i alogu dendi'l 1994 hata ugañu á síu almenistrau pola Junta d'Estremaúra.^[1]^[3]^[4]

Nel 1982 pubricó el su primel libru El enigma Vostell, nel que convidava a tolos amegus i conocíus a escrevil sobri Wolf Vostell comu omenagi al artista pol su cinqüenta aniversariu. Escrevió quatru obras nel onol a su ombri i artista alemán Wolf Vostell i al tentu del museu i amás tamién participó comu diretora artística junta José Iges, que hue'l diretol musical ena puesta n'ecena dela Ópera Fluxus El jardín de las delicias de Wolf Vostell,^[4] entrepetá nel Museu Vostell Malpartía duranti'l Forosur del 2012. Ala final, enos seis añus caberus dela su vida, vivió ena residencia de vejetis La Hacienda de Caçris, aondi espenó'l quinzi d'otubri del 2023 alos noventa añus d'edá.^[1]^[5]^[6]

Obras

El enigma Vostell. Adición Siberia Estremeña, Malpartía de Caçris, nel 1982, ISBN 84-86147-01-X.
Mi vida con Vostell. Un artista de vanguardia. Aditorial La Fábrica, Mairil, nel 2011, ISBN 978-84-92841-91-2.
Vostell - ein Leben lang. Siebenhaar Verlag, Berlín, nel 2012, ISBN 978-3-936962-88-8.
La historia del Museo Vostell Malpartida. LB Pubricación, Aditol David Vostell, Caçris, nel 2018, ISBN 978-84-949836-2-7.

Premius i reconocencias

Nel 2000: La Asociación de Mujeres Carolina Coronado, Socia d'Onol, Malpartía de Caçris.
Nel 2009: Premios Avuelapluma, Promoción Coltural Museu Vostell Malpartía, Malpartía de Caçris.
Nel 2011: Cigüeña de Plata. Ayuntamientu de Malpartía de Caçris.
Nel 2023: Mural ena fachá del IES Al-Kázeres, Caçris.

Referencias

1 2 3 Murillo, Ángela (16 d'otubri del 2023). «Mueri Mercedes Guardado, escrevienti i viúda de Vostell.». Hoy. Consultado el 17 d'abostu del 2026.
↑ PPLL (15 de hebreru del 2009). «Mercedes Guardado: «Lo primeru que deprendí con él hue a desenreal-mi delos mis prejuízius».». Hoy. Consultado el 17 d'abostu del 2026.
↑ CMVM. «Museu Vostell Marpartía. Inhormación.». museovostell.gobex.es. Consultado el 17 d'abostu del 2026.
1 2 CMVM (27 d'otubri del 2012). «Museo Vostell Marpartida. EL Jardín delas Delicias de Vostell.». museovostell.gobex.es. Consultado el 17 d'abostu del 2026.
↑ Digital, Redacción (16 d'otubri del 2023). «Espena Mercedes Guardado, escrevienti i viúda del'artista Wolf Vostell.». COPE. Consultado el 17 d'abostu del 2026.
↑ Redación (07 de marçu del 2024). «La familia Vostell rindi mañá tributu a Mercedes Guardado, escrevienti i diretora artística del museu.». Diario de Plasencia. Consultado el 17 d'abostu del 2026.

Atijus p'ahuera

En Commons ai conteníu multimedia sobre Mercedes Guardado Olivenza.
Museu Vostell Malpartía Página web.
Vidiu con Mercedes Vostell Malpartia de Caçris nel 2007.
Entrevista a Mercedes Guardado RTVE Play nel cincu de mayu del 2013.

Datos: Q17364344

[:0-1] 1 2 3 Murillo, Ángela (16 d'otubri del 2023). «Mueri Mercedes Guardado, escrevienti i viúda de Vostell.». Hoy. Consultado el 17 d'abostu del 2026.

[2] PPLL (15 de hebreru del 2009). «Mercedes Guardado: «Lo primeru que deprendí con él hue a desenreal-mi delos mis prejuízius».». Hoy. Consultado el 17 d'abostu del 2026.

[3] CMVM. «Museu Vostell Marpartía. Inhormación.». museovostell.gobex.es. Consultado el 17 d'abostu del 2026.

[:1-4] 1 2 CMVM (27 d'otubri del 2012). «Museo Vostell Marpartida. EL Jardín delas Delicias de Vostell.». museovostell.gobex.es. Consultado el 17 d'abostu del 2026.

[5] Digital, Redacción (16 d'otubri del 2023). «Espena Mercedes Guardado, escrevienti i viúda del'artista Wolf Vostell.». COPE. Consultado el 17 d'abostu del 2026.

[6] Redación (07 de marçu del 2024). «La familia Vostell rindi mañá tributu a Mercedes Guardado, escrevienti i diretora artística del museu.». Diario de Plasencia. Consultado el 17 d'abostu del 2026.

[1]

[2]

[3]

[4]

[5]

[6]