Metabolismu

Dendi Güiquipeya
Ir a la navegación Ir a la búsqueda
Esquema las prencipalis rutas metabólicas.

El metabolismu (del griegu μεταβολή, metabole, que significa cambiu, más el sufijo -ισμός (-ismu), que significa cualidá, es izil, la cualidá que tién los seris vivus de puel cambial químicamenti la naturaleza de ciertas sustancias)[1] es el conjuntu de reacionis bioquímicas y procesos fisicoquímicus qu'ocurrin en una célula y en el organismu.[2] Estus complejus procesus interrelacionaus son la base la vía, a escala molecular y permitin las diversas actividáis las células: crecel, reproducilsi, mantenellas sus estructuras y respondel a estímulus, entri otras actividáis.

El metabolismu se dividi en dos procesus conjugaus, el catabolismu y el anabolismu. Las reacionis catabólicas liberan nirgía; un ejemplu d'ellu es la glucólisis, un procesu de degradación de compuestus comu la glucosa, cuya reación resulta en la liberación la nirgía retenía en los sus enlacis químicus. Las reacionis anabólicas, en cambiu, utilizan esa nirgía liberá pa recomponel enlacis químicus y construil componentis las células comu las proteínas y los ácidus nucleicus. El catabolismu y el anabolismu son procesus acoplaus puestu qu'unu dependi del otru.

Este procesu está a cargu d'enzimas localizás en el hígadu. En el casu las drogas psicoactivas a menú se trata simplementi d'eliminal la su capacidá d'atravesal las membranas de lípidus pa que no puean pasal la barrera hematoencefálica y alcanzal el sistema nerviosu central, lo qu'explica la importancia del hígadu y el hechu de qu'ese órganu sea afectau con frecuencia en los casus de consumu masivu o continu de drogas.

Modelu d'espaciu llenu del adenosín trifosfatu (ATP), una coenzima intermeyaria prencipal en el metabolismu energéticu, tamién conocía comu la “moneda d'intercambiu energéticu”.

L'economía que la actividá celular imponi sobre los sus recursus obliga a organizal estrictamenti las reaciones químicas del metabolismu en vías o rutas metabólicas en las qu'un compuestu químicu (sustratu) es transformau en otru (productu) y esti a la su vezi hunciona comu sustratu pa general otru productu, en una secuencia de reacionis en las qu'intervienin diferentis enzimas (polo general una para cá sustratu-reación). Las enzimas son crucialis en el metabolismu porque agilizan las reacionis fisicoquímicas al convertil posiblis reacionis termodinámicas deseás pero "no favorablis", meyanti un acoplamientu, en reacionis favorablis. Las enzimas tamién se comportan comu factoris regulaoris las vías metabólicas —de las que modifican la huncionalidá, y por endi la actividá completa— en respuesta al ambienti y a las necesidáis la célula o según señalis d'otras células.

El metabolismu d'un organismu determina las sustancias que encontrará nutritivas y las que encontrará tóxicas. Por ejemplu, argunas células procariotas utilizan sulfuru d'idrógenu comu nutrienti pero ese gas es venenosu palos animalis.[3] La velocidá del metabolismu, el rangu metabólicu, tamién influyi en cuántu alimentu va a requeril un organismu.

Una característica del metabolismu es la similitud las rutas metabólicas básicas inclusu entri especis mu diferentis. Por ejemplu, la secuencia de pasos químicus en una vía metabólica comu'l ciclu de Krebs es universal entri células vivientis tan diversas comu la bateria unicelular Escherichia coli y organismus pluricelularis comu'l elefanti.[4]

Es probabli qu'esta estructura metabólica compartía sea el resultau la alta eficiencia d'estas rutas y de la su temprana aparición en la historia evolutiva.[5][6]

Guípesi tamién[eital | eital coigu]

Huentis[eital | eital coigu]

Referéncias[eital | eital coigu]

  1. Origin las palabras, en Izionariu etimológicu, consultau en [1] el 9 d'otubri de 2015.
  2. url=http://www.nlm.nih.gov/medlineplus/spanish/ency/article/002257.htm "Metabolismu" Enciclopeya Méica MedlinePlus
  3. Friedrich C.G., “Physiology and genetics of sulfur-oxidizing bacteria”, Adv Microb Physiol 1998, 39: 235-289. PMID 9328649.
  4. Smith E. y Morowitz H., "Universality in intermediary metabolism", Proc Natl Acad Sci USA 2004, 101(36): 13168-13173. DOI: 10. 1073/pnas. 0404922101. PMCID: PMC516543.
  5. Ebenhöh O. y Heinrich R., “Evolutionary optimization of metabolic pathways. Theoretical reconstruction of the stoichiometry of ATP and NADH producing systems”, Bull Math Biol 2001, 63 (1): 21-55. PMID 11146883.
  6. Meléndez-Hevia E., Waddell T. y Cascante M., “The puzzle of the Krebs citric acid cycle: assembling the pieces of chemically feasible reactions, and opportunism in the design of metabolic pathways during evolution”, J Mol Evol 1996, 43 (3): 293-303. PMID 8703096. Disponible en formato PDF en [2].

Bibliografía[eital | eital coigu]

Introductoria

  • Rose S. y Mileusnic R., The Chemistry of Life, Penguin Press Science, 1999. ISBN 0-14-027273-9.
  • Schneider E.D. y Sagan D., Into the Cool: Energy Flow, Thermodynamics, and Life, University of Chicago Press, 2005. ISBN: 0-226-73936-8.

Avanzá

  • Berg J., Tymoczko J. y Stryer L., Biochemistry, W.H. Freeman and Company, 2002. ISBN: 0-7167-4955-6.
  • Brock T.D., Madigan M.T., Martinko J. y Parker J., Brock's Biology of Microorganisms, Benjamin Cummings, 2002. ISBN: 0-13-066271-2.

Atijus[eital | eital coigu]

En español[eital | eital coigu]

Información general

Glosarios

En inglés[eital | eital coigu]

Human metabolism (Metabolismu umanu).