Montelmosu

Dendi Güiquipeya
(Rederihiu dendi Montilmosu)
Sartal a: Güiquipeandu, Landeal
Avissu
Esti endilgui ebi sel revissau por un corretol.

Montilmosu

Ayuntamiento de Montehermoso.jpg
Nombri oficial {{{nombri_oficial}}}
País Flag of Spain.svg España
Comuniá Autónoma Estremaura
Província Caçris
Província Caçris
Comarca {{{Comarca}}}
Ciá {{{monicípiu}}}
Coigu postal 10810
Supifícii 96 km²
Artitú 394 msnm.
Longol 24 km a Praséncia
Puebración 5.710 ab. (2007)
Gentilíciu Montilmoseñu
Rius Alagón
Página web www.montehermoso.org
Municipio Montehermoso Provincia Cáceres.png

Montilmosu u Montelmosu es un monicípiu la província e Caçris en Estremaura, que comprendi el puebru el mesmu nombri i un ampriu términu monicipal nel que s'alcuentran casas aislás, secaerus i fincas.

El puebru hue hundau cumu aldea el siñoriu e Galisteu nel sigru XIII, i con el tiempo chegó a tenel mas puebración que la capital del siñoriu. En 1837 s'endependiçó huntu con el restu los monicípius que hormaban el siñoriu.

Ogañu, Montilmosu cuenta con 5.710 abitantis (INE 2007) i es el segunderu monicípiu mas puebrau las Vegas del Alagón.

Montilmosu es famosu pola su artesania, cumu las gorras de Montilmosu i las campanas de Rivera; asín cumu pol su folklori, del que destacan el hatu típicu, los sus peculiaris bailis cumu los sonis brincaus i no bricaus u los pindongus, las danzas la vaca-moza en San Bartolomé i los Negritus de San Blas colas sus danzas de paleus, d'ofícius i tal i más.

Asiahamientu el puebru[eital | edit source]

Montilmosu s'alcuentra enas cordenás: latitú 40º05’23” (N) i lonhitú 6º20’53” (W). La su artitú respeutu al nivel del mari es de 394 metrus. El longol pol carretera es de 24 qm a Praséncia, 90 qm a Caçris i 150 qm a Salamanca.

Términu monicipal[eital | edit source]

El términu monicipal de Montelmosu tien 96 qm² de supifícii i las siguientis caraiterísticas:

Arrayus[eital | edit source]

Relievi[eital | edit source]

El términu monicipal de Montelmosu está assitiau nuna zona chana unta el riu Alagón. La su artitú varia entri 200 i 500 metrus i va descendiendu a miia que mos acelcamos al riu. La cimera el télminu monicipal es el Tesu Artu (504 m, nel arrayu monicipal con Azetuna). El puebru s'alcuentra a 394 m d'artitú.

Vegetación[eital | edit source]

Las tierras del términu monicipal de Montilmosu están compuestas ena su mayol parti pol curtivus de regadiu i monti baju (el arrayu norti i várius repentinus repartius pol términu). Tamién áin olivus enos güertus próssimus al puebru i una hesa boyal arbulá al suroesti el puebru.

Geologia[eital | edit source]

En Montilmosu se puein destinguil tres crassis de hormacionis geológicas [1]:

  • Hormacionis graníticas: assitiás al norti el términu hormandu los "Granitus de Praséncia-Montilmosu.
  • Hormacionis piçarrosas: que horman parti el compreju esquistugrauwácquicu (nombri que alcibin las hormacionis piçarrosas del centru-oesti la Península Ibérica)
  • Hormacionis recientis: terrenus los perious terciáriu i cuaternáriu qu'abundan ena vega el riu.

Idrugrafia[eital | edit source]

Rius i regachus[eital | edit source]

Tolos regachus de Montilmosu son afluentis de riu Alagón, qu'es el arrayu esti el términu monicipal i el único riu emportanti e Montilmosu.

Los regachus mas emportantis que desembocan en riu Alagón en Montilmosu son la Ribera el Broncu, cuya nacéncia s'alcuentra ena Sierra Santa Bárbara, al sul de Las Hurdis, i desemboca en riu Alagón cerca las Potras; el Regachu d'Azetuna, que desemboca argu mas al sul; i el Regachu la Nava, que naci en Montilmosu i desemboca cerca la ermita e Valdehuentis.

El único regachu emportanti que pasa pol Montilmosu i nu desemboca allí es el Regachu el Peci, que se horma cola uñión de várius regachus nel embalsi e Montilmosu i desemboca cerca e Morcillu.

Desistin amás gran cantiá e regachuss menus emportantis en Montilmosu.

Embalsis[eital | edit source]

Nel términu monicipal de Montilmosu ai dos embalsis: el embalsi u presa e Montilmosu (que comparti con Azetuna, nel Regachu el Peci) i el Embalsi e Valdeobispu (que comparti con Azetuna, Ahigal, Santibáñez el Bahu i Valdeobispu; está assitiau en riu Alagón)

Lagunas[eital | edit source]

Entri las lagunas mas emportantis de Montilmosu destacan las lagunas del Tremedal, del Herrau i Nueva, ena hesa boyal.

Piscina natural[eital | edit source]

Montilmosu tiini una piscina natural cercana al cruci las carreteras de Carcabosu i Alagón, bastanti vesitá en vranu, inque nu es aconsehabri bañalsi aina.

Poçus[eital | edit source]

Poçu Caprichu

Enas callis de Montilmosu entovia se conservan una tupa poçus, la mayoria d'ellos en desusu. Destacan los siguientis:

  • Poçu Morón, nel hardín qu'ocupa el centru la Praça Morón.
  • Poçu Mirón, antiguamenti enas aldehueras del puebru, uguañoti s'alcuentra nun pátiu endrentu el centru e salús que se costruyó ondi s'alcuentra el poçu. Ebi el su nombri a los mironis que veian las obras pa hazel el poçu.
  • Poçu Fernandu, ena calli qu'uñi la Praça la Costitución i el Auditóriu.
  • Poçu Encima, ena Praça Cassio i Sanz, cerca el parqui.
  • Huenti Corti, enas aldehueras, ena calli el mesmu nombri. El poçu tiini un buracu pol que sali un pequeñu regachu cuandu el áugua chega al nivel del suelu, a mó e huenti.
  • Huenti el Roncu, ena Cañá los Rebollaris, huera el puebru. Es un poçu romanu.
  • Poçu Caprichu, costruiu en 1945, nel caminu qu'uñi el puebru cola Huenti el Roncu.

En albondus huertus privaus i casas entovia se conservan poçus.

Vias de comunicación[eital | edit source]

Carreteras[eital | edit source]

La carretera EX-370 uñi Montilmosu con Plaséncia (24 quilómetrus al esti), Carcabosu (11 quilómetrus al esti) i Poçuelu e Çarçón (9 quilómetrus al oesti).

En Montilmosu se cruza cola carretera e Cória (CC-13.7), pola que se va a Morcillu i Cória (dambus los dos al sul de Montilmosu). Untal polígonu endustrial ai una carretera (CC-114) qu'uñi Montilmosu con Guihu e Galisteu i Guihu e Cória. A Azetuna se puei aceel pol una carretera (CC-13.6) que pasa al lau el embalsi e Montilmosu, pola que se chega a la Praça d'España u al polieportivu e Montilmosu. La carretera la ermita e Valdehuentis uñi un tramu la EX-370 con Alagón (monicípiu e Galisteu). El Caminu el Cordel u Cañá los Rebollaris, al noresti el puebru, es un senderu turísticu emportanti pol que se puei aceel en cochi a Santibáñez el Bahu.

Caminus prencipalis[eital | edit source]

En Montilmosu desistin caminus pa uñil las fincas qu'ai nel términu municipal. Destacan los caminus del Carril i e la Crus del Rueu (consieraus callis pola su cercania al puebru i la su entermiténcia entri casas i huertus); de la Mahá los Porquerus i el Herrau (ena hesa boyal); i los de Riulobus-Valdeobispu, d'Azetuna-Carcabosu i e Montilmosu-Holguera (al suresti, norti i sul del términu, respetivamenti, uñin los puebrus que les dan nombri).

Servícius púbricus[eital | edit source]

Eucáncia[eital | edit source]

IES Grabiel i Galán

Montilmosu cuenta con un coléhiu (Coléhiu Púbricu Sebastián Martín), nel que se dan crasis a los chirivehis del puebru endi preescolal hata 6º e primária. El coléhiu está deviiu en dos eifícius deseparaus al suresti el puebru: el Ehiu el Prau i el Retamal.[2]

Tamién está nel puebru el Estitutu d'Eucáncia Secundária Grabiel i Galán, con crasis d'ESO i Bachilleratu i ciclus hormativus d'alministrativu i hardineria. A este estitutu asistin alunus de Montilmosu, Azetuna, El Broncu, Guihu e Cória, Guihu e Galisteu, Hernán-Péres, Morcillu, Poçuelu e Çarçón, Santa Crus de Paniáugua, Santibáñez el Bahu, Torrecilla los Ánhelis, Valriu, Villa el Campu i Villanueva la Sierra [3]. Está assitiau al oesti el puebru, untal parqui, el centru e salús i l'ermita e San Sebastián.

El ayuntamientu olganiça amás escuelas monicipalis [4] curturalis i eportivas pa estuyantis de primária i secundária.

Nel eifíciu el estitutu ai amás una escuela d'adultus.

Enas aldehueras del puebru, unta la carretera, ai un Tallel d'Empreu.

Dendi 2007 desisti amás en Montilmosu la Escuela Tallel Los Negritus, ena que se horma a zagalis menoris de 25 añus en temas relacionaus colos meyus audiuvisualis[5]. Unu los ohetivus la escuela tallel es ponel en huncionamientu una TDT local. [6]

Saniá[eital | edit source]

Montilmosu cuenta con un centru e salús (Centru e Salús San Bartolomé), ogañu en obras d'ampriación [7].

Tamién ai nel puebru dos boticas, una parabotica, dos óticas, dos clínicas dentalis i una clínica veterinária.

Tercel eá[eital | edit source]

Montilmosu disponi d'un hogal del pensionista, assitiau entri el parqui i el centru e salús.

S'está costruyendu una resiéncia e mayoris cerca la praça e torus.

Trasporti púbricu[eital | edit source]

Montilmosu cuenta endi 2003 con una estación d'autubusis assitiá ena EX-370, gastá polos autubusis que van regulalmenti d'unus puebrus a otrus.

Nel Parqui los Donantis la Praça la Costitución ai una pará d'autubusis, qu'ogañu solu se sueli usal pa escursionis.

Demografia[eital | edit source]

Montilmosu ha teniu los siguientes datos de puebración entri 1530 y 2007:[8][9][10]

Puebración de Montilmosu nel periu 1530 - 2007
1530 1591 1754 1827 1845 1857 1860 1877 1887 1897 1900 1910 1920 1930 1940
656 1328 2200 3757 3726 2895 2832 2686 2919 2848 2979 3493 3501 3730 4390
1950 1960 1970 1981 1991 1996 1999 2000 2001 2002 2003 2004 2005 2006 2007
4994 6006 6412 5408 5247 5368 5211 5356 5545 5493 5616 5654 5623 5668 5710

Cultura[eital | edit source]

Artesanía[eital | edit source]

Gorras e Montilmosu e casá i soltera, a gocha y derecha, respectivamente.
Centru e Iniciativas Turísticas, en cuyu primer pisu hay una exposición d'artesanía montilmoseña.

El puebru tie artesanía de mu diversus tipus, que hadin que sea el centru e la artesanía la su zona. Entri ellus destacan:

  • Gorra e Montilmosu,[11] considerá un símbolu el puebru, más representativo que el escú u la bandera. Existen tres tipus e gorra: la de soltera, que antiguamente utilizaban las muheris solteras hasta que se le petaba una vez casá, con más aornus que las otras gorras y un espehu nel centru; la de casá, con menus aornus y sin espehu, es la que utilizaban las muheris dispués e la e soltera; y la de viua, en negru, que usaban las muheris pa guardal lutu. La gorra forma parti el trahe típicu femeninu.
  • Trahe típicu e Montilmosu,[12] es el trahe típicu más representativo e la província e Caçris. El trahe el varón consisti n'un trahe hechu con tela e linu, calzoncillos largos de fieltro huerti, meyas blancas y altas, calzón, chaleco y faha negra, capa, sombreru, zapatus e material y chías nel calzón. El trahe femeninu tie hubón, falda, camisón e lino, sieti sayas, pañuelu de penachu amarillo, faltriquera, esclavina, mandil y meyas azules. Antiguamente era el trahe d'ir pal campo.
  • Campanah e Rivera,[13] hechah prencipalmenti con bronce, ehtán repartias por elesias e toa España e inclusu e Portugal i antuvia se siguin fabricandu.
  • Instrumentuh e latón:[14] destacan loh campanillus o cencerrus, loh candiles, lah cantarillas y loh farolis.
  • Alfarería: en Montilmosu se hadin cántaros, barriles i tinahas pa bebel agua, así como macetas pa las plantas.
  • Cestería: s'elaboran cestos i canahtos e mimbre i esparto.
  • Albardería:[15] aún existen talleres pa hadel albardas, colleras y serones palos burruh.
  • Flautas, tamboriles y castañuelas: ya no existen talleres que loh fabriquen, inque antuvia hay personas que los hadin.
  • Herrería y cerrajería: antiguamente eran oficios artesanos, antuvia quean barandillas e balcón artesanalis y cerrojus y llavis antiguos. Hoy en día se fabrican endustrialmente.

Nel primer pisu el Centro de Iniciativas Turísticas hay un Museu Etnográfico, una esposición permanenti e los ohetos artesanalis que s'utilizaban antiguamenti en la localiá. Además, ca añu, desde 2000, se realiça un Mercau Rural Artesano el domingu anterior al día de San Bertolo, con asistencia e artesanuh e toa la zona.[16][17][18][19]

Gastronomía[eital | edit source]

En Montilmosu antuvia se cocinan platus tipicus e la zona, basaus en su agricultura i ganaeria. Algunus d'elluh son:[20]

Arradio[eital | edit source]

Nel pueblu emiti la emisora Radio Montehermoso, nel 107.6 FM. Ehta cadena es del ayuntamiento y emite las 24 horas del día desdi Cá la Cultura. Inque emiti polas mañanas y tardis algunuh programas, la mayoria el tiempu emiti música.

Hue hundá en diciembri e 1984 pola Asociación Cultural La Puente, una asociación qu'había altonci en Montilmosu. Por altonci l'arradio emitía solamenti 12 horas, algunas más en verano, en el 90.5 FM. La populariá e l'arradio nel puebro y alredeoris hiço que s'extendiesi l'horariu e emisión, cuyo horariu e madrugá hue rellenau con música controlá por un ordenaol.

Folclore[eital | edit source]

Montilmosu tie muchah cancionis i bailes populares. Desdi 1979 existi nel puebru la asociación Sabor Añejo, quienis, aemás e represental el folclore el puebro por tol mundu, organiçan desdi prencipiuh los añuh 80 un festival folklórico[21] en el que han participau grupuh e muchuh paisis. Esti festival se celebra a mediaus e agostu tolos añuh i suelen participal 5 grupuh, tanto nacionalis como entrinacionalis, uno de ellos Sabor Añejo.

Otra muestra e folclore eh la e Los Negritus de San Blas, que bailan el 3 de febrero en la Praça Mayol en honor a San Blas, y cuyuh bailes traicionalis han convertiu la fiehta e San Blas n'una Fiesta de Enterés Turísticu Rehional.[22]

Lugaris d'enterés[eital | edit source]

Monumentus religiosus[eital | edit source]

Ermita e San Sebastián.

Endilgui prencipal: Monumentus religiosus e Montilmosu.

Montilmosu tien una elésia i sieti ermitas:[23][24]

  • Elésia Parroquial Nuestra Señora de la Asunción
  • Ermita e San Bertolo y San Blas
  • Ermita e San Sebastián
  • Ermita e San Antonio
  • Ermita el Cristu
  • Ermita e San Cristóbal
  • Ermita e Valdefuentes
  • Ermita e Santiago Apóstol u e La Atalaya

La elésia hue eificá nel sigru XV i está assitiá nel centru el puebru. Las ermitas fueron eificás nos sigrus XVII i XVIII, escetu la e San Cristóbal, qu'es de finalis e sigru XX. Las cinco primeras s'assitian enos alredeoris o afueras del puebru, las otras dos están ena carretera a Alagón.

Parque temático e Estremaura[eital | edit source]

Arcu e la Estrella y Torri e Buhacu el parque temático e Estremaura.

El parque temático e Estremaura[25] es un proyeutu el Ayuntamiento e Montilmosu y el Taller e Empleu el año 2001. Se trata d'un ehquema e los monumentuh más emportantis e Estremaura, colocaus n'un cachu tierra e la mihma forma e la rehion, peru con dos hectareah.

La su construcción estuvu pará duranti un tiempu, inque en 2008 se reanudarun lah obras, hubiéndose terminau ya la construcción e la ehcultura e Pizarro y queando pendienti la construcción el restu e las maquetas.[26] El parque, con algunuh e los monumentuh ya hechuh, está assitiau frenti al Polígunu Endustrial.

Los monumentuh que ehtán representauh son:

Parques y hardinis[eital | edit source]

Enterior el Parque Monicipal.

En la Praça e la Constitución s'assitia el Parque Monicipal Príncipi Helipi, unu e los parques mas grandis e la zona, qu'en 1974 sustituyó a una laguna que había allí.

Nel pueblu ai tamién angunus otros hardinis, comu unu que ai frenti al parque monicipal, qu'ocupa el centru e la Praça e la Constitución y que está dedicau a los donantis de sangri,[27] y otro nel barrio el Albadil.

Se prevé además en un futuro prósimu la realización de un parque periurbano[28] cerca e la ermita e San Cristóbal.

Desa boyal[eital | edit source]

Zahurda ena hesa Boyal.

La desa boyal[29] e Montehilmosu eh una desa arbolá estremeña e aproximámenti 1125 hectáreah con gran cantidad de encinas, además e alcornoquih i robleh, assitiau al suroesti el puebru.

El Arroyu el Pez la atraviesa i sobre ésti hay construius puentih de piedra, comu el Puenti e Simón Ruano; assína comu pasaeras, que son piedras alineás pa cruzal el arroyu.

En la desa se conservan dolmenih el IV milenio adC colocaus en círculu y con un pasillu, que se descubrieron a finales de sigru XX. Los dólmenih eran enterramientos, pero los cadáveres no se conservan debido a la acidez e la tierra. Hay tres dólmenes descubiertuh qu'han siu investigaus por la Universidad Complutensi e Madrid: el Gran Dolmen, el Dolmen e la Gran Encina y el Dolmen el Tremal.

Cerca el pueblo s'assitia la Majá e los Porqueros, un conhuntu e chozas llamás zaurdas, ande se refugiaban loh puercuh, y la choza el porquero, el ganaero que los cuiaba. Existen doh tipuh de zahurdas, lah d'adultus, y lah de parieras.

En la dehesa ain angunus molinus que s'usaban antiguamenti pala molienda e la aceituna o el cereal, comu el Molinu el Jerrao y el Molinu e Respinga.

Otrus puntus emportantis son el Chozo e Daniel el de las Bestias i la Fuente el Jerrao, una fuenti con pilas i una laguna cuyu nombri se debe a la alta concentración de yerru que hay allí.

Puebrus omónimus[eital | edit source]

  • Flag of Argentina.svg Monte Hermoso, Arhentina.
  • Flag of France.svg Beaumont, Fráncia: 7 monicípius.
  • Flag of Wallonia.svg Beaumont, Bélhica.
  • Flag of New Zealand.svg Beaumont, Nueva Çelanda.
  • Flag of Quebec.svg Beaumont, Quebec, Canadá.
  • Flag of Alberta.svg Beaumont, Alberta, Canadá.
  • Flag of Texas.svg Beaumont, Tehas, Estaus Uñíus
  • Flag of California.svg Beaumont, Califórnia, Estaus Uñíus

Huentis[eital | edit source]

  1. Asiahamientu e Montilmosu Ayuntamientu Montilmosu
  2. Rincón del Vago: Centru i entornu escolal del CP Sebastián Martín
  3. "El estitutu d'Eucáncia Secundária 'Gabriel y Galán' es premiau pol Caja Extremadura" hoy.es
  4. Escuelas Monicipalis Eportivas i Curturalis
  5. Montilmosu Pogresa:Presentaeru la Escuela Tallel Los Negritus
  6. Montilmosu Pogresa:Escuela Tallel Los Negritus II
  7. Montilmosu Pogresa:Centru e Salús de Montilmosu
  8. Cifras de Población y Censos Demográficos Instituto Nacional de Estadística
  9. Demografía Ayuntamiento de Montehermoso
  10. «Diez municipios concentran la mitad de los 412.899 habitantes de la provincia», hoy.es, 08/01/07.
  11. La Gorra de Montehermoso Ayuntamiento de Montehermoso
  12. El traje de Montehermoso Ayuntamiento de Montehermoso
  13. Las campanas Ayuntamiento de Montehermoso
  14. Los cencerros y campanillos Ayuntamiento de Montehermoso
  15. Las Albardas Ayuntamiento de Montehermoso
  16. Rey, Jesús. «Montehermoso celebra sus fiestas con un mercado rural», El Periódico Extremadura, 16-08-03. Leiu el 31-10-08.
  17. Errol: hadi falta rellenal el campu title.
  18. Errol: hadi falta rellenal el campu title.
  19. Errol: hadi falta rellenal el campu title.
  20. Nuestra Gastronomía Ayuntamiento de Montehermoso
  21. Montehermoso Progresa:Festival Internacional de los Pueblos del Mundo
  22. «Los 'Negritos' de Montehermoso se estrenan con Interés Turístico» hoy.es
  23. Montehermoso Senderos de Extremadura
  24. Páhina e la Parroquia e Montilmosu
  25. MontehermosoProgresa:Parque Temático de Extremadura
  26. Montehermoso Progresa:Parque Temático
  27. Errol: hadi falta rellenal el campu title.
  28. Montehermoso Progresa:Parque Periurbano en San Cristóbal
  29. Dehesa Boyal de Montehermoso Ayuntamiento de Montehermoso

Atihus[eital | edit source]


 
Monicípius la comarca Vegas del Alagón
Azetuna | Аcehúchi | Aldigüela e Herti | Caçorrilla | Carçailla | Carcabosu | Casas de Don Gómes | Casillas de Cória | Ceclavín | Cória | Galisteu | Guihu e Cória | Guihu e Galisteu | Holguera | Huélaga | Montilmosu | Morcillu | Pehcueça | Portahi | Porteçuelu | Poçuelu Çarçón | Riulobus | Torrehoncillu | Valdeobispu | Villa el Campu | Çarça la Mayol