Montis Uralis

Dendi Güiquipeya
Imahin 'el riu Sananpaoel en Yanti-Mansi, colos montis Uralis al fondu
Mapa qu'enseñala la posición delos Uralis.

Los montis Uralis (russu: Ура́льские го́ры, Uràlskie gori, o solamenti Ура́л, Ural; en basquil: Урал тауҙары, Ural tauźarı) son una sierra desparramá de norti a sul ena Russia ocidental. Esmiença en Cazastán i acaba nel Oceanu Árticu. Es considerá polo regulal la raya natural entri Uropa i Ásia. La isla de Nueva Tierra (en russu, Но́вая Земля́, Nóvaia Zemlià) es una continación dela sierra dispués d'avel-si metíu ena mari.

El longol delos Uralis es dunus 2000 km i la su altol mayol s'ancuentra nel monti Narodnayá (1895 m). El desgastamientu'l suelu delos Uralis hazi qu'esti sea abondanti en mineralis valorosus, en aviendu muchu hierru, carbón, petróliu, pieras preciosas... Estas condicionis naturalis ain favorecíu'l desenroamientu duna carrehila de cidais endustrialis alo longu dela sierra. Es más, duranti la Segunda Guerra Mundial, los Uralis enhuncionarun comu la única huenti d'abastimientu de produtus nessecarius i d'armas pa tola Russia.