Museu Nacional del Prado

Logo oficial del Muséu.

Antevista general del Museu de El Prado.

La condesa de Chinchón, de Francisco de Goya, adquiríu pol muséu nel añu 2000.

El Museu del Pradu, oficialmenti Museo Nacional del Prado, es unu delus museus d’arti más sobresalientis del mundu, assina como unu delus Museus d'arti más visitaus (el nuvenu en 2023). Con sedi en Madrid, España, está assimesmu considerau como la institució coltural más emportanti del país, según el Observatoriu dela Coltura de 2023, istudiu realizau entre varis centenaeris de pressonalis del sectol.

Singularmenti ricu en quadrus de maestrus españolis i de varias esquelas pictóricas del restu d’Uropa entre lus sigrus XV i XVIII, i españolis del XIX, según manifestó el estoriador del arti i ispanista Jonathan Brown «pucus s’ atreveríen a ponel ena duda qu’es el museu más emportanti del mundu ena pintura uropea». El su principal atractivu radica ena ancha presincia de Velázquez, el Grecu, Goya (el artista más estensamenti representau nel museu), Tiziano, Rubens i el Bosco, delus qu’ poséi las mejol i más estensas colleccionis qu’ dessistin nel mundu, a lo qu’ ai qu’ sumar destacaus grupus d’ obras d’ autoris tan impurtantis como lus españolis Murillo, Ribera, Zurbarán i Paret, i estranjerus como Fra Angelico, Rafael, Veronese, Tintoretto, Durero, Patinir, Moro, Van Dyck u Poussin, por citar solo algunus delus más relevantis.

Alfonso E. Pérez Sánchez, antiguu directol dela institución, afirmaba que «representa alos ohus del mundu lo más signifícativu dela muestra coltura i lo más brilhanti i perdurabli dela muestra estoria».

Fondus

El inventariu de bienis artísticus compriendía, a hebreru de 2017, más de 35 000 obgetus, desglosaus en 8045 pinturas, 9561 dibujus, 5973 estampus i 34 matrices d’ estampaura, 971 esculturas (amás de 154 fragmentus), 1189 piezas d’ artis decorativis, 38 armas i armaduras, 2155 medallas i moneas, porcima de 15 000 fotografías, 4 libros i 155 mapás.

Por endémicas limitacionis d’espaziu, el museu exibía una seleción d’obras de máxima qualidá (unas 900), pol qu’era definíu como «la mayor concentración d’obras mestras por metru cuadráu». Cola ampliación de Rafael Moneo, inaugurá en 2007, se prevéi que la seleición espuesta crecieríe en un 50 %, con unas 450 obras más. Amás, en 2018 se reabrierun las salas del áticu norte. A juniu de 2025 s’ expueni un total superior a 1865 piezas, en 95 salas. I quando se reabiliti el edificiu del Salón de Reinos se prevéi qu’ colgarán en él entre 250 i 300 pinturas más.

Istoria

Igual qu’otros grandis museus uropeus, como lus Uffizi de Florencia i el Hermitage de San Petersburgu, el Pradu debe el su origin a la afición colecionista delas dinastías gobernantis a lo lárgu de varius sigrus. Reflecha lus gustos pressonalis delus reis españolis assina como la su red d’ aliancias i d’ enemistais políticas, pol qu’ es una collección asimétrica; algúnus artistas i estilos tenin un repertoriu insuperabli, i pol contrariu others s’allian representaus nula u escasamenti. Solo dendi el XX se procura, con resultaus desparejus, solvintal algunas ausencias. El Pradu no es un museu enciclopédicu al estilu del Museu del Louvre, el Metropolitan, la National Gallery de Londres, u inclusivi (a una escala muncho más reduída) el vecinu Museu Thyssen-Bornemisza, que tenin obras de práticamenti tolas esquelas i épocas. Pol contrariu, es una coleción intensa i distinguía, jormá esencialmenti por unos pocos reis aficionaus al arti, ondi abondas obras juerun creás por encargu. El fondi procedenti dela Coleción Real s’a íu complementandu con aportaciones posteriores, que quasi nu an modificau el su perfil inicial, pues que, a diferiencia de lo abitual en las pinacotecas nacionális d’otros paísis, los esfueços, más qu’a completal las faltas, an íu dirigius a rejuerçal el núcliu escencial.

Emportancia

Abondus espertus la considerin una coleción «de pintoris admiráus por pintoris», enseñança inagotabli pa nuevas xeneracionis d’artistas, dendi Manet, Mary Cassatt, Renoir, Toulouse-Lautrec i Degas, que visitarin el museu nel sigru XIX, ata Picasso, Matisse, Dalí, Edward Hopper, Francis Bacon, David Hockney i Antonio Saura, qu’ decía: «Esti museu no es el más estensu, inque sí el más intensu».

Las esquelas pitóricas de España, Flandis i Italia (sobri tó Venecia) ostentan el protagonismu nel Pradu, deseguias pol fondu francés, más limitau inque con güenus ejemplus de Georges de La Tour, Nicolas Poussin i Claudio de Lorena. La pintura alemana quenta con un repertoriu discontínuu, con quatr u obras mestras de Durero i múltiplis retratus de Mengs como principals tesorus. Juntu al brevi conxuntu de pintura británica, circunscritu ábate al géneru del retratu, ai qu’ mencional la pintura neerlandesa, una seición no demasiau ancha pero qu’ incluyi a Rembrandt.

Inque sean aspéctus menos conocíus, el museu quenta tamién con una emportanti seición d’artis decorativis (qu’ incluyi el Tesoru del Delfín) i con una collección d’ esculturas, ena qu’ destac an las greco-romanas.

Juntu col Museu Thyssen-Bornemisza i col Museu Nacionál Centro de Arte Reina Sofía, el Museu Nacionál del Pradu forma el Triángulu del Arti, meca d’ abondus turistas de tol mundu. Desta ária s’ enriqueci colas outras institucionis cercanas: el Museu Arqueoló́gicu Nacionál, el Museu Nacionál de Artes Decorativas, la Real Academia de Bellas Artes de San Fernando i outros museus pequeñus.

Direción

El Pradu es gobiernau por un directol (ogañu Miguel Falomir, nel cargu desdi el añu 2017), asistíu pol Real Patronatu del Museu. El su funcionamientu se rixi pola Lei 46/2003, de 25 de noviembri, reguladora del Museu Nacionál del Pradu.

Galería

• 
  L'Anunciación, 1430-1432, de Fra Angélico.
• 
  Descendimientu dela cruz, c.1435, de Rogier van der Weyden.
• 
  El tránsito de la Virgin, c.1461, por Andrea Mantegna.
• 
  Santo Domingo de Silos, de Bartolomé Bermejo, c.1475.
• 
  Tercer episodiu de La historia de Nastagio degli Onesti, 1483, de Sandro Botticelli.
• 
  El jardín de las Delicias, 1503-1504, d'El Bosco.
• 
  Adán i Eva, 1507, d'Alberto Durero.
• 
  Santa Catalina, c. 1510, de Fernando Yáñez de la Almedina.
• 
  El cardenal, de Rafael, 1510.
• 
  El pasu de la laguna Estigia, 1520, Joachim Patinir.
• 
  Noli me tangere, c.1525, de Correggio.
• 
  Carlos V a caballu en Mühlberg, 1548, de Ticianu.
• 
  El lavatoriu, 1548-1549, de Tintoretto.
• 
  El trunfu dela Muerti, c.1562, Pieter Brueghel el Vieyu.
• 
  Jesús entri los doctoris, c.1560, El Veronés.
• 
  El caballeru dela manu nel pechu, c.1580, d'El Greco.
• 
  David venceol de Goliat, de Caravaggio, 1599.
• 
  Bodegón del cardu, de Juan Sánchez Cotán, 1602.
• 
  Hipómenes i Atalanta, 1618-1619, de Guido Reni.
• 
  El Parnasu, de Nicolas Poussin, 1630-1631.
• 
  Judit nel banqueti d'Holofernes, de Rembrandt, 1634.
• 
  La rendición de Breda, 1634-1635, de Diego Velázquez.
• 
  Autorretratu con sir Endymion Porter, d'Anton van Dyck, 1635.
• 
  Lss tres Graciss (Rubens), 1636-1638, de Peter Paul Rubens.
• 
  Agnus Dei, 1635-1640, de Zurbarán.
• 
  El sueñu de Jacob, 1639, de José de Ribera.
• 
  L'embarqui de santa Paula, de Claudio de Lorena, 1639-40.
• 
  La Inmaculada Concepción delos Venerablis, 1678, por Bartolomé Esteban Murillo.
• 
  Gabriel de Borbón i Sajonia, infanti d'España, 1767, por Anton Raphael Mengs.
• 
  El trés de mayu de 1808 en Mairil, 1814, de Francisco de Goya.
• 
  Ñeñus ena playa, obra de Joaquín Sorolla, 1910.

Atijus p'ahuera

• Página web oficial del Museu del Prado