Napoleón I de Francia

Dendi Güiquipeya
(Rederihiu dendi Napoleón I de Fráncia)
Sartal a: Güiquipeandu, Landeal
Napoleon Bonaparte nel su estuyu.

Napoleón Bonaparte (15 d'Agostu, 1769; 5 de Mayu, 1821) hue un general i emperaol de Francia.

Vía aína[eital | edit source]

Napoleon tuvu nacéncia col nombri Napoleone di Buonaparte en Ajaccio, Córcega. Ihu e Carlo Buonaparte, un abogau i políticu i la su muhel, Marie-Letizia Buonaparte. Los Buonapartes huerun una família c'ahorraba e la nobleza corsa. Napoleon cambeó el su nombri pa gorvelu más francés.

Carrera milital aína[eital | edit source]

Napoleon hue escapás d'entral ena académia milital de Brienne en 1779. Hue a la Parisian École Royale Militaire en 1784 i se graduó al sotru añu cumu segunderu tenienti d'artillería.

Napoleon pasó muchu de los sotrus ochu añus en Corcega. Allí huegó una papel ativu en temas políticus i militaris.

La Revolución Francesa causó abondas runchas i destrasteus en Fráncia. Nun inti, Napoleon aconllegaba bien cona aquellus qu'estaban nel puel. Algotras vedis estuvu carci. Ayuó a la Repúbrica a la escontra daquellus c'apuchaban al rei de Fráncia. Gorviósi heneral del ehércitu francés. Enhiló las sus tropas pa Itália i encetó a ganal fama i puel.

Napoleon emboa con Josephine de Beauharnais el 9 e Marzu e 1796.

En Mayu e 1798, Napoleon viahó pa Egitu i Síria. Pal francés era mestel enfrontilasi al Empériu Británicu en Índia i al mieu del Diretóriu Francés de que Napoleon catara el puel en Fráncia. La campaña ejícia hue un marru melital. Napoleón gorvió a Fráncia pol mé dun cámbeu nel gobielnu francés. Angunus barruntaban que Napoleon nu eberíe bel ejau a los sus ombris en Egitu. Napoleon ayuó a enhilal el Gorpi d'Estau de Brumáriu en Noviembri e 1799.

Cónsul i Emperaol de Fráncia[eital | edit source]

Cuairu e Napoleon cumu Primel Cónsul en 1802

En Febreru e 1800, Napoleon hue el Primel Cónsul de Fráncia. Fráncia acontinaba en guerra cola mayoría d'Uropa. Consiguiósi la pas duranti una mihina aluspués la Batalla e Marengu.

Bonaparte cambeó muchas hormas de vía en Fráncia i hidu abondas cosinas güenas. Los sus cámbeus nel sistema legal, el Códigu Napoleónicu, son arreparaus cumu un güen cámbeu. Napoleon hue nombrau Cónsul Vitalíciu en 1802 i Emperaol de Fráncia en 1804. Estu senificó que se gorviera esencialmenti un ditaol.

Uropa nu estuvu en pas duranti muchu tiempu. Napoleon i Fráncia ganó albondas batallas a la escontra un hadi e aliáncias entri Áustria, Gran Bretaña, Rússia i Prúsia. Aína, Napoleon ganó albondas batallas cumu la Batalla e Austerlitz.

Napoleon hidu marrus i perdas. L'armá francesa dio haqui a l'armá británica. La vitória británica ena Batalla e Trafalgar enhiló el control del océanu i del mari.

Napoleon hidu al su helmanu rei d'España. Estu causó el esmienzu duna guerra e guerrillas a la escontra los francesis.

El 11 e Marzu e 1810, Napoleon emboa cola su segundera muhel, Marie-Louise. Abonda henti se pusu rabiñosa col divórciu con Josephine.

Caía i esíliu[eital | edit source]

En 1812, Napoleon hue a la guerra con Rúsia. Los rusus reculun i las huerzas de Napoleon llegun pa Moscú. A pesal destu, el ehércitu e Napoleon nu hue escapás de derrotal a los rusus. Nu tenían papáncia i encetó el ibielnu en Rúsia. Los rusus esmienzun a atacal. Napoleon i las sus huerzas tuvun que gorvel pa Fráncia. Namás 10.000 soldaus puyerun runchal nel acaberu la retirá.

Nel 30 e Marzu e 1814 París se rindió. Napoleon ehó el puel en Fráncia el 11 e Abril de 1814. Huesi en esíliu pala isla e Elba nel Mari Mediterráneu.

Los 100 días[eital | edit source]

Napoleon hidu una güerta pol sorpresa a Fráncia el 1 e Marzu e 1815. La su trupi se le uñió i gorvió a sel denuevu a gobelnal Fráncia duranti un periou de 100 días. Napoleon hue derrotau ena Batalla e Waterloo.

Segunderu esíliu i muerti[eital | edit source]

Napoleon hue indirgau pala isla e Santa Helena ena costa e África. Espenó el 5 e Mayu e 1821, e cancru e buchi.