Nuversidá Nebrija
| Nuversidá Antoniu de Nebrixa | |
|---|---|
| |
| |
| Lema | «Pasión por sabéi y pasión por emprendéi» |
| Tipu | Nuversidá privá |
| Fundaciôn | 1985 |
| Localizaciôn | |
| Direición | Santa Cruz de Marcenado, 27. Madrid 28015 |
Madrid, Comunidá de Madrid, España 
| |
| Coordenadas | 40°25′46″N 3°42′47″O |
| Alministraciôn | |
| Rector | José Muñiz Fernández |
| Presidenti | Manuel Villa Cellino |
| Academia | |
| Estudiantis | 12 015 • Pregradu: 5 308 • Posgradu: 6 707 • Doctoráu: 87 |
| Coloris | Carmesí Pantone 200C Negro |
| Sitiu web | |
| [[1](http://www.nebrija.com) [www.nebrija.com](http://www.nebrija.com)] | |
| Mapa de localizaciôn de la Universidá Nebrixa. | |
La Nuversidá Antonio de Nebrija, tamién denominá Universitas Nebrissensis o sencillamenti Nuversidá Nebrija, es una nuversidá privá española con sei en Mairil i campus en Mairil i Hoyo de Manzanares. El su nombri rindi omenagi a Elio Antonio de Nebrija, pairi dela primel gramática castellana, escrivía en 1492.
Estoria
[adital | adital cóigu]La Nuversidá Nebrija ten el su origi nel Centru d'Estuyus Ispánicus Antonio de Nebrija, creau el 31 de júliu de 1985, cuyu primel pesqui fue la enseñança dela luenga i coltura española a estudiantis estranherus. En 1989 fue reconocía oficialmenti comu enstitución d'enseñança superiol cola encorporación ala su oferta académica delas dos primelis carreras nuversitarias ena estoria de Nebrija: el Graduau Superiol en Direción d'Empresas i el Graduau Superiol en Direción Enternacional d'Empresas, alas que dos cursus más tardi se sumaríin las titulacionis de Ciencias dela Comunicación i Luengas Aplicás. Cola aparición dela Lei de Nuversidais[1] qu'autorizaba la creación de nuversidais privás en España, los dirigentis del proyeutu diseñarun la creación dela Nuversidá Nebrija, presentandu la memoria pal su reconocimientu en júliu de 1992. El 17 de júliu de 1995, la Nuversidá Antonio de Nebrija quedaríe reconocía de manera oficial comu nuversidá privá polas Cortis Generalis.[2]
A partil de 1995 comença una etapa de desenvolvimientu pala Nuversidá Nebrija. Dendi la omologación ata l'añu 2000, la Nuversidá Nebrija desenvolvió 14 titulacionis oficialis con 31 itinerarius curricularis enas áreas de Filologia i Luengas Moernas Aplicás; Ciencias Jurídicas, Económicas i Empresarialis; Ciencias dela Comunicación, Periodismu i Publiciá; i Ingenierías Enformáticas. Tamién 8 programas de postgrau i los sus 2 primelis doctoraus: doctorau en Lingüística Aplicá ala Enseñança del Español comu Luenga Estranhera i el doctorau en Turismu.
Nel cursu 2003-2004, la Nuversidá Nebrija adatró el su moelu académicu alas emposicionis i requisitus del Espaciu Uropeu d'Educación Superiol[3] qu'establecía, pa toas las nuversidais, la formación del alumnu en competencias, el apoyu ala moviliá enternacional, l'adatración al mercau laboral i la equivalencia enos estándaris de conocimientu. La Nuversidá Nebrija enició el Plan Bolonia nel cursu 2008-2009 i contó dendi 2009 con 9 titulacionis de grau adatrás al Espaciu Uropeu d'Educación Superiol. A partil del 2010, con tolos programas adatraus al Espaciu Uropeu d'Educación Superiol, començó una etapa de crecimientu que se consolidó cola avertura delas Seis i Enstitutus Nebrija nel estranheru, Colombia, Perú, Equadol, China i Indonesia.
Campus
[adital | adital cóigu]
- Campus dela Politécnica i Ciencias Socialis en Mairil-Princesa. Sei dela Facultá d'Economía i Empresa, la Facultá de Derechu i de Relacionis Enternacionalis, i la Escuela Politécnica Superiol.
- Campus de Ciencias dela Vida en La Berzosa. Sei dela Facultá de Ciencias dela Vida i dela Naturaleça.
- Campus de Luengas i Educación en Mairil-Arturo Soria. Sei dela Facultá de Luengas i Educación i una resiencia nuversitaria.
- Comunicación i Artis en Mairil-San Franciscu de Sales. Sei dela Facultá de Comunicación i Artis.
- Eficiu Joaquín María López. Sei delos Enstitutus Nebrija
Centrus docentis
[adital | adital cóigu]La Nuversidá Antonio de Nebrija ten las siguientis facultais i escuelas:
- Facultá de Luengas i Educación
- Facultá de Comunicación i Artis
- Facultá d'Economía i Empresa
- Facultá de Derechu i de Relacionis Enternacionalis
- Facultá de Ciencias dela Vida i dela Naturaleça
- Escuela Politécnica Superiol
- Nebrija Business & Technology School
- Global Campus Nebrija
- Escuela de doctorau
Centrus adscritus
[adital | adital cóigu]- Centru d'Educación Superiol Felipe Moreno-Nebrija, con campus en Palma, Manacol, Ibiza i Ciutadella.
- Escuela d'Enfermería dela Costa del Sol, Torremolinos.
- En 2025 encorporará otru centru adscritu pa estuyus d'enfermería en Avilés.[4]
Estitutus
[adital | adital cóigu]Estitutu Nebrija de Formación Profissional
Estitutu Nebrija d'Artis i Umaniais
Centru d'Estuyus Ispánicus Nebrija
Estitutu Nebrija de Competencias Profissionalis
Estitutu Nebrija de Luengas Moernas
Enstitucionis Nebrija
[adital | adital cóigu]Fundación Nebrija
[adital | adital cóigu]Fundación Coltural i docenti privá, de duración endefinía i naturaleça permanenti dedicá al fomentu dela enseñança nuversitaria de caliá. Entri los sus pesquis destacan: empulsal las relacionis nuversidá-empresa, desenvolvel la enseñança del español comu luenga estranhera i favorecel la generación d'ativiais nuversitarias, colturalis i socialis.
Las sus huncionis van dendi l'otorgamientu de becas d'estuyu, d'envestigación i premius; ala convocatoria de forus, atus académicus, conferencias i congressus.
Resiencias Nebrija
[adital | adital cóigu]La Nuversidá cuenta con más de 12 000 metrus quadraus d'estalacionis cun un total de 347 plaças repartías entri tres resiencias nel centru de Mairil: Augustinus - Nebrija, Nebrija - Chamberí i Nebrija - Corazonistas.
Doctoris honoris causa
[adital | adital cóigu]- José Manuel Lara Bosch (2009)
- José María Fernández Sousa-Faro (2009)
- Víctor García de la Concha (2009)
- Martín Chirino (2011)
- Paloma O’Shea (2011)
- Carlos López Otín (2022)
- José Antonio Segarra Alegre (2022)
- Araceli Mangas Martín (2023)
- Juan Ignacio Cirac Sasturain (2024)
- Pablo Hernández de Cos (2025)
Rankings
[adital | adital cóigu]- U-Ranking 2019 dela Hundación BBVA i el Enstitutu d'Envestigacionis Económicas (IVIE). La Nuversidá Nebrija se sitúa ala cabeça delas nuversidais españolas nel ámbitu dela docencia, sigún l'última edición desti ranking[5] nel que s'án analisau 61 nuversidais. *University Ratings QS Stars. La nuversidá ostenta tres estrellas (sobri una puntuación mássima de cincu) nel índiçi de "University Ratings QS Stars". Assin, ten la mássima puntuación (cincu estrellas) en Docencia, Enternacionaliçación, Empleabiliá i Enseñança Online nel University Ratings QS Stars.[6]
- Ranking Transparencia Nuversidá 2018 dela Hundación Compromisu i Transparencia. La Nuversidá Nebrija se posicionó en 2018 ena horquilla de 24-27.ª nuversidá más transparenti a nivel nacional, 3.ª entri las privás i la 1.ª dela Comuniá de Mairil, cumpliendu 39 delos 48 endicaoris del enhormi,[7] encluyendu los endicaoris d'estaus financierus i enhormi d'auditoría (24 a 27)
- Ranking Global CEO Magazine. Programa MBA de Nebrija Business School. Nel ranking[8] de 2020, el programa MBA de Nebrija Business School s'á posicionau entri los 3 mehoris MBA en línia del mundu i entri los 5 mehoris MBA d'España.
- Top 100 Másteris en Emprendimientu. El MBA + Espertu en Creación d'Empresas dela Nuversidá Nebrija s'á classificau nel Top 100 Mundial del Ranking Best Masters in the world,[9] realizau pol Eduniversal, ena categoría d'Emprendimientu.
- Ranking 250 Máster El Mundo. Dentru desti ranking[10] s'encluyin las siguientis titulacionis dela Nuversidá Nebrija: máster en Direción de Publiciá Entegrá i máster en Mercau del Arti i Hestión d'Empresas Relacionás.
Empleabiliá
[adital | adital cóigu]Sigún el Enhormi sobri Encuestas d'enserción laboral i valoración dela formación recebía[11] de 2019, la tassa d'empleu es dun 85,41% enos estudiantis de grau dela Nuversidá Nebrija i dun 91,3% enos estudiantis de máster.
Por otra parti, la Nuversidá Nebrija cuenta con 6.674 empresas i enstitucionis colaboraoras en materia de práticas práticas profissionalis, al firmal-si duranti el cursu 2018-2019, 1.167 nuevus convenius de cooperación educativa.[12]
Referencias
[adital | adital cóigu]- ↑ Cita publicación|url=https://www.boe.es/boe/dias/1983/09/01/pdfs/A24034-24042.pdf%7Ctítulo=LEY ORGANICA 11/1983, de 25 de agosto, de Reforma Universitaria|apellidos=|nombre=|fecha=|publicación=BOE|fechaacceso=|doi=|pmid=
- ↑ Cita web|url=https://www.boe.es/buscar/pdf/1995/BOE-A-1995-17360-consolidado.pdf%7Ctítulo=Ley 23/1995, de 17 de julio, por la que se reconoce a la Universidad privada «Antonio de Nebrija», de Madrid|fecha= 18 de julio de 1995|sitioweb=Boletín Oficial del Estau
- ↑ Cita web|url=https://www.boe.es/eli/es/rd/2003/09/05/1125%7Ctítulo=BOE.es - Documento BOE-A-2003-17643|fechaacceso=21 de mayo de 2020|sitioweb=www.boe.es
- ↑ Cita web|url=https://www.lne.es/aviles/2024/05/30/grado-universidad-privada-desembarcara-asturias-103091104.html%7Ctítulo=El grado con el que la universidad privada desembarcará en Asturias y hará que Avilés tenga su primera facultad|fecha=30 de mayo 2024|sitioweb=La Nueva España
- ↑ Cita publicación|url=https://www.fbbva.es/wp-content/uploads/2019/04/Informe-U-Ranking-FBBVA-Ivie-2019.pdf%7Ctítulo=Indicadores Sintéticos de las Universidades Españolas|apellidos=|nombre=|fecha=|publicación=Fundación BBVA|fechaacceso=|doi=|pmid=
- ↑ Cita web|url=https://www.topuniversities.com/qs-stars%7Ctítulo=QS Stars University Ratings|fechaacceso=21 de mayo de 2020|fecha=8 de mayo de 2014|sitioweb=Top Universities|idioma=en
- ↑ Cita web|url=https://www.compromisoytransparencia.com/%7Ctítulo=Fundación Compromiso y Transparencia|fechaacceso=21 de mayo de 2020|sitioweb=Fundación Compromiso y Transparencia|idioma=es
- ↑ Cita publicación|url=https://ceo-mag.com/wp-content/uploads/2020/03/2020-MBA-RANKINGS-COMPLETE.pdf%7Ctítulo=2020 GLOBAL MBA RANKINGS|apellidos=|nombre=|fecha=|publicación=CEO MAGAZINE|fechaacceso=|doi=|pmid=
- ↑ Cita web|url=https://www.nebrija.com/pdf/global-100-best-masters-MBA.pdf%7Ctítulo=Global TOP 100 Best Masters in the field of\n\nEntrepreneurship
- ↑ Cita web|url=https://www.elmundo.es/especiales/mejores-masters/%7Ctítulo=Mejores masters y posgrados | EL MUNDO|fechaacceso=21 de mayo de 2020|fecha=21 de junio de 2019|sitioweb=ELMUNDO|idioma=es
- ↑ Cita publicación|url=https://www.nebrija.com/la_universidad/transparencia/pdf/Informe-Encuestas-Insercion-Laboral-1516-1617.pdf%7Ctítulo=Encuestas de inserción laboral y valoración de la\n\nformación recibida. Promociones 2015/2016 y 2016/2017|apellidos=|nombre=|fecha=|publicación=Universidad Nebrija|fechaacceso=|doi=|pmid=
- ↑ Cita publicación|url=https://www.nebrija.com/la_universidad/presentacion/memorias/memoria-nebrija-18-19.pdf%7Ctítulo=Memoria Nebrija 2018-2019|apellidos=|nombre=|apellidos2=|fecha=|publicación=Universidad Nebrija|fechaacceso=|issn=2386-611X|doi=|pmid=